........الجميع يستطيع البكاء ..ولكنني أبكي كلاما هل تستمع !!
"لقد كانت تمتلك مقداراً هائلا من الطيش !! هي تعتقد بأنها واعيه كثيراً على عكس أقرانها ..و أنا اعتقدت و حرفيا بأنها مليئه بطيش ..تجلسُ بأراحيه على تلك الكنبه و تشاهد التلفاز ..كيف تستقر أمامي بهذه الثقه !! كيف لم تخف !!...كنت أفتح لها بابا عميق جداً في قلبي ، عميق بمعنى الكلمه و بنسبه لشخص مثلي يحبس الكثير من المشاعر لدرجه الاختناق و تراكم المستمر ، في صغري !! في صغري لم تكن تهتم ..كنت أعلم بذلك و لكنني افضّل كتمانه على ذلك الهراء الذي يتجادلونه كل يوم ...كأن أي احمق سيعرف من مجرد النظر بعينيها ..
جلوسها امامي حتى هذه اللحظه كأنها ..كأنها تقول لا يمكن هزيمتي !!
لم يكن ذلك حكما على مشاعرها..فأنا ولدت بقدره خارقه على الاستماع ..هي ليست خارقه لكنني احب قول ذلك ..
أنا فقط أستطيع معرفه ذلك الألم المقابل عندما يحكي سطر واحداً فحسب .. نعم واحد ...
أضحك عندما افكر هل انا أشتعل ..أحترق ..أنطفئ و تخترق بقاياي بصمت قاسي كجلده صوت على جسم عارٍ..ثم أنفجر فيتدمر كل م في داخل ..أثور فتعم الفوضي و أتمالك الخراب ..فأصبر القليل من الفوضى كي أستطيع التنفس ..و أعود لأحرقه مره ثانيه غير قادره على علي تحمل ثانيه اخرى...حرفيا ثانيه أخرى !!
هل أنا و بجديه . أجلس هنا لأضم كذباتها المزيفه ،بينما لا يوجد شخصاً واحداً التربيت على صدقي ..
....تستطيع البكاااء ...
_____
كانت بتصرخ قائله أماني ماشه وين !؟ م تمشي ليها وعدتيني انتي لكن !! ...قبلتا عليها و انا بعاين ليها بإستنكار ، قلت ليها ايمان انتي عارفه و م كلمتيني ف كفايه جدا انو بيعتبروك اختي !! .. نزلتا تحت بفتش فيها و انا على لساني م نطقت حرف واحد... كانت مستكينه و قاعده في الكنبه و بتحضر .. م قدرتا اعاين ليها زاتو !! شلت تلفونها و بفتش في سجل المكالمات لمن لقيت اسمو و رقمو سوداني معناتو هو هنا .. ممكن تكون المكالمه بتاعت قبيل كانت منو هو !! ... عاينت لي و قالت لي دايره شنو من التلفون ..م رديت عليها و ضربتا لأبوي ..الجرس الأول ..الجرس التاني قال الو...م قدرتا انتظر زاتو كوركتا قلت ليهو تعال سرييع .. و قفلت الخط بين لحظه و ثانيه امي لاحظت لإيمان الواقفه فوق و بتبكي ..جرت عليها و لزتتي شويه كدا و في ثانيه وصلتها قالت ليها ايمان مالك حبيبتي !! ..ضحكتا قلت ليها ايمان مافيها شي .. قبلت علي قالت لي ضربتي لمنوو و ايمان مالا ي اماني!!! شويه كدا جدو طلع قال لينا بصوتو المبحوح مالكم !! ..
تقريبا جدو دا الانسان الوحيد الوقف معاي هو و رائد ...و انا ممتنه ليهم جدا ..عمتو ربتت على ضهري كتير و اكتشفت انها أم رائعه .. حبوبه بتزرع بسمه في وشي كل م شفتها .. ليث و هيثم ديل قطعه م ممكن وصفها اصلا .. تاني قال لينا جدو في شنو بسم الله ؟! هزيت راسي يمين و شمال قلت ليهو ماف حاجه انا و ايمان كنا بنحضر فيلم في لاب توب و هي اتأثرت العويره ...و رفعتا عيني ليها ..البشوفها بتحنن الكافر بس انا ابدا م حننتي ولا شي ..بحس بيها هي و امي واحد...البتعملو بتعملها ،..امي بقت تقول عبيطات خوفتوني ولله العظيم قلت حاصل شي ... اثناء جملتها دي انا طلعتا فوق ..شلت شنطه صغيره في هدومي و شنطه المدرسه فيها كتبي و حاجاتي ...طلعتا لاقتني جوليا بقت تعاين لي .. .. و انا نازله لاقتني امي قالت ضربتي لابوووك لييه !! ي بت ماشه وين انتي جنيتي !! .. و الجرس دقاا... هي زاتها لمن نططت عيونها .. قلت ليها جااااا و انتهاا 💜..يمه السبع سنين العشتها براي كدا من دونكم..كانت بين احسن و اصعب و اسهل و اقبح مرحله في حياتي ولله..م كنت متخيله ولله حقيقه انو في انسان ح يمر بنفس التجربه دي .. حتي لو قلتها لو زول كدا سااي م ح يصدق ...ولله انا زاتي م مصدقه .. انتي و بابا كان في بيناتكم مشاكل و اتحلت في انكم اتفصلتو ..انا و انتي حرفيا كدا عندنا مشاكل و الحل انو ننفصل من بعض فتره و اكون مع ابوي طيله العمر !! احسن برضو و انا مشتاق ليه شديد.بس عشان طول مني الفرحتي ناقصه بين مشتاقه ليه و م مشتاق ليه ..بس ربنا ح يعوض الايام الما قضيتها معاهو و انا حاليا ربنا عوضني بالايام الما قعدتها معاك و كانت حاره صراحه ...
قعدت تبكي بحرقه صراحه .. جوليا فتحت الباب ووفعلا طلع بابا❤.. دخلتو جوا و هي زاتها اتخلعت لمن شافتو..سمع حبوبه بتكبر طلع لينا فوق ..حبوبه لمن بكت مع امي .. امي قعدت في الارض قالت لي اعفي ليه...نزلتا على مستواها قلت ليها ابدا م زعلانه منك بس ولله لو قعدتا هنا ح اكره نفسي و تاني شي ح اكرهك مش ولا م غلط 💜و انا م دايره النقطه دي تتعولق بيناتنا ... حبوبه لمن شافت ابوي قالت ليهو لا اله الا جاي تسوووقها من امها..داير تسوق بنيه من امها كيفن ❤.. عاينت ليها هو زاتو لمن شافني دمع 💜.. بالله فكره عندك ابو براها بتخلي الواحد يبكي لانو بجد نعمه 💚..كانت في لحظه صمت بين اي زول ، ايمان تبكي و حبوبه شغاله لا اله الا الله و عمتو برضو بتبكي ❤ .عشان ديل بيبكو ليث و هيثم برضو كانو بيبكو ....الناس دي في ثانيه فتحو بيت بكا ... مشيت على ابوي قلت ليها بابا 💜.. حضنتو مسااافه طويله جدن...لاني بجد مشتاق ليهو مهما عمل لي مشتاقه ليهو ...
بابا مسك حبوبه مسافه و نزلها و قعدها تحت... كلنا بقينا تحتت و ساكتين ..جوليا جابت لبابا عصير و انا قاعده جمبو بتبسم في حين ديل كلهم زعلانين 💚 .. أمي كانت ماسكه ايمان قوي و بتعاين لي .. حبوبه قالت لينا ح تفوتينا يعني .. سكتا مسافه و بابا ردا لي نيابه عني قال ليها ابدا ولله انتو اهلها اول لو دايرينها عارفنها وين و لو دايراكم بتعرفكم وين ❤.. ..حبوبه قالت ليهو لوو !! قال ليها م قصدي بتجيكم لكن💜...رائد كان قاعد في يد الكرسي جمب عمتو و بعاين لي .. كان مبتسم ..شبه الابتسامه ظاهره في وشو ..بابا عاين لي قال لي ح تشيلي ديل بس م عندك.هدوم .. قلت ليهو لا..ضحكت قلت ليهو ح تشتري لي انتا 😂😂💜.. ضحك هو زاتو❤.. بعد شويه قال استأذنكم ي جماعه وراي شغل معليش ولله 💜...قام و قمتا معاهو ...حبوبه ماسكاني من يدي و كل مره تضغط عليها ..و شغاله لي تعالي لي تعالي لينا و بتقش في عيونها...قلت ليها م تبكي ببكي معاك 😂😭😂❤ ..مسحتا دمعتي بكفي .. حضنتي قرابه الخمس دقايق 😂😂😭..بعدين مشيت لعمتو قالت لي كل يوم بعد شغلي بجيك❤❤❤ ... ضحكتا قلت ليها م عرفتا شغلك حدي الان 😂❤ قالت لي اداره اعمال 💜💜 و برضو حضنتها..لانو صراحه هي الصبرتني في عُمر زي دا 💕..بعدها جيت لجدو قال لي بتجيني كل جمعه ❤.قلت ليهو عُلم و يحضّر 💜.. و حضنتا ايمان و قلت ليها خلي بالك من امي .. قالت لي ولله انتي متخلفه خلاص اقسم بالله تاني م اتكلم معاك كرهتك عمى 😭😭💔 .. بستها قلت ليها انا اكتر 💕❤❤..بعدها جيت على هيثم و ليث سلمو علي سلام عادي ..زي القايلني ماشه هنا و جايه بس برضو م اكتفيت منهم 💗💗💗....رائد قال لي بس مع سلامه ❤ قلت ليهو الله يسلمك ... امي ودعتها عادي و حاسه بيها شاعره بزنب ..طيب لو شاعره بزنب ..العملتيهو لي كلو دا م زنب ...
بعدها البيت اختفينا منو تدارجياا ..بتدارج نعم ..
اتلكت على ضهر الشباك ، بابا ابتسم قال لي كل سنه و انتي طيبه بالمناسبه 💜💜 ....قلت ليهو اخهه ❤تميت 15 سنه 💓..قال لي كبرتي و عقلتي .. قال ولله معليش لمن خليتك زمان في يومي داك قطعتا تذاكر و سافرت في نفس اليوم ..اتصلتا علي عبير و قالت لي عايشه معاها و كويسه الحمد.لله ....
........
قلت ليهو خالتو عبير كانت عارفه !! ...قال لي نقفل الموضوع احسن ... قلت ليهو يب بدايه جديده ..بعد شويه قلت ليهو ساكن وين !! قال لي هنا في المعموره جيت اجازه لكن.. قلت ليهو يعني براا !! قال لي اي شغال في منظمه فييي LA.. قعدتا اكووورك قلت ليهو لوووس انجلوووس .. قال لي اي 😂💓...
بقولو لمن زول يفارقك و تشتاق ليهو و سنين بتمر في حاله من الحالتين ديل ح تحدث ..ي اما اشتياقك ليهو ح يزيد و لمن تلاقيهو م ح تزح من جمبو ..ي إما في ثغره ح تحصل بس بتتجاوزهاا..و اعتقد المثال التاني دا الحصل لي مع ابوي لكن ح اتجاوزو ..من اللحظه الطلعتا فيها من البيت داك ..حسيت بحاجه مختلفه .. زي الكنت عايشه في كهف .. كنت شبه معقده في البيت داك ..بس اعتقد ح ابدا بدايه جديده و احسن من اول ..بس برضو فقدتا حاجه ، فقدتا امي و اخواتي كلهم .. زي بيقولو ليك ي إما دا او دا ..فالاختيار كان صعب ..شويه كدا و نزلنا من العربيه ❤...في بيت هادي كدا لونو زرعي 💕 دخلتا و بقا بنادي لمياء ي لمياء... في لحظه فكرتا لمياء دي تكون مرتو بس كسر الحاجز لمن لقيتو قال لي دي اختي .. الي هي عمه أخرى لكن شكلها طيبه سلمت علي بإستغراب تاني ابوي قال ليها دي دي اماني ياا ..اتخلعت و قالت ليهو اماني ... قال ليها اي ..سلمت علي تاني بالاحضان و حنان كدا و دخلتني جووا في اوضه ارضيه و بقت تتونس معاي قالت لي باقي البيت نايم بكره يتفاجؤ يفرحو ..قلت ليها ان شالله 💓 ....
يخوانا دي البارتات الاخيره حدي 35 ح.يكون البارت الاخير ..و معليش على شحتفه 😿💔 و انا افسسه جددن على شحتفه ..و البارت القبلو اماني م كان في زول عارف عيد ميلادها عشان كدا ... ف انا اقول ليها كل سنه و انتي طيبه 😂😂💓..المهم.شكرا ولله لكل الدعم و الباقي أقرب 💓
