#ممتلكـــات_عاشق
الروايــــة القادمة ..
..
روايـــة تحكي عن دراما كلاسيكيــة من التخمين الغربي .. (روايــة ) تصف الرومانسيــة و الكوميدية و المشاعر المبعثرة دون أي حدود ...
رواية خارجة عن أي معتقد ديني ... و اي تقليد ليبي ...
رواية خيالية لا تحمل الا اللهجة (الليبية )
تجمـــع بين الخيال و الروعة ... ف وصف جمال الروح .. و وصف الحب بي طريقة طاهرة ..
الرواية مختلفة عن أي رواية كتبتها مسبقاً ...
،،، ...
الحلـــقة (1)
روايـــة ..
#ممتلكَات_عاـــشق ✊💜
...........
( ف ليــلة من ليــالي ديسمبر الباردة )...( كنت مقعمــزة ف جنان كالعــادة وماسكة ف أيدي مذكرتـــي و قلــمي ونكتب ف أحداث اليوم .. (غريبة !) .. هذا الـــي انا قلته لي نفسي ف وقتها ..
" غريبة علاش انا نكتب كــل يوم ف الاحداث نفسها ومانملش"
وفعلاً أحداث حياتي ماتغيرتش من 5 سنين ... من زواجي .. أي نعم زواجي ...
( أنا إسمي #غصون ... بنت عمرها 23سنة .. تزوجت وانا عمري 19 .. بنت بسيطة كنت عايشـــة مع عيلتي ف زاوية من زوايا تركيا .. ضيعة صغيرة حلـــوة وهادية وبسيطة .. تعلمت فيها إنه مهمـــا كونت علاقات ف هذه الحياة مستحيــل تكون زي أولـ العلاقات الي تكونت ف حياتكـ دون علمكـ ,, ولي هيا ( الأهل . جيران . الاصحاب ) .. استمرت حياتي ف هدوء حتى هجمت عليا عاصفة من النوع الغريب .. المسمى بي ( الزواج ) .. زواج من غير مانشوف الشخص الي بنكمل معاه باقي أيام حياتي ... ولما تزوجت كان لازم انه ننتقل لي العاصــمة ( إسطنبول ) .. و ف بداية رحلتي تملكني الخوف .. و رعب .. بــس بعدين خوفت أكثر هههـ ,, الشخص الي انا تزوجته كان حلو . عضلات . شخصية .. وجاه ومال .. عكس ما كنت انا .. انا بنت مش حلوة نلبس ف نظارات طبية عاشقة التقويم ههه.. وماعنديش سلطه ومال .. وكملت تعليمي بي صعوبة كبيرة من لما كنت ف العمر الثانية عشر كنت رســامه ماهرة .. ولما كبرت كُبرتْ معاي موهبتي بس ماقدرتش نأجر مرسم أو ننشر جزء منها ..
حياتي الزوجية صعبة ... ممله .. روتينيه .. يعني نفس شئ كل يوم ... الشخص الي انا تزوجته .. ماكانتش رغبته انه يتزوجني او بي الأحره كان رافضني و زوجوني ليه بي الغصــب .. #أصيــل هذا اسم الشخص الي انا تزوجته ... ولي مع الأيــام حبيته .. ههههـ اي حبيته .. بس هوا ما بادلنيش نفس شعور .. لانه كان يحب غيري وهي كانت رغبته ف زواج بس ماصارش نصيب ..
( هذا انا ... ومع الوقـــت ح تعيشــو أجواء حياتي بي تفصيل )
................
( الصـــبح )
( نوضـــت بكري بدلت حوايجي وجهــزت الفطور زي عــادتي .. شــوية ورن منبــه أصيل وناض .... مابين ماجهز أصيل نفســه وطلع جي لقاني ف حجرة الأكل نحط ف الفطور )
..
أصيـل :: صباح الخير .. ( بي إبتسامة مشرقة )
غصون :: صباح النور ... درتلكـ فطوركـ لكن مافيش حليب نحطلكـ عصير ؟
أصيـل :: اي مش مشكله ..
غصون :: ( وانا نحط ف الخبزة .. جيت بنقعمز تكلــم أصيل )
أصيـل :: خيركـ مش لابسة .. ماتبيش تطلعي اليوم ؟
غصون :: لا .. عمتي تبي تجي تشوفني ..
أصيـل :: اوكـ , تبي حاجة من برا ؟
غصون :: لا .. عادي يعني في كل شئ ..
أصيـل :: أوكـ ,,
( المحادثات الي بيني وبين أصيل كلـــها رسميــات .. بس أصيل حنون ويعاملـ فيا بي طريقة حلوة .. بس زي أختــه .. من لما تزوجنا و انا ف دار وهوا ف دار ... انا راضيــه المهم نكون جنبــه .. أما بالنسبة لي عيلتي ف بابا جاه شغل وسافر لي ميلانو هوا وأمي ولانها فرصة العمر ف ماضيعوهاش .. وانا ماعنديش غير عمتي وأُختي وراجلها و عيلة أصيل ... و أصيل )
...
( كمـــل أصيــل فطوره ونزل و انا نزلت وراه كالعادة نوصــله لي عند الباب ... و أحنى قــدام الباب شرفت أخته ههه )
أصيل :: لو تبي حاجة كلمي عيماد يجيبلك شن تبي ..
غصون :: أوكـ ,,,
( عيماد يكون خوه أصيل المتزوج )
مها :: حبيبييي .. صباحكم عسل .. ( بي إبتسامتها المتفائلة )
غصون :: صباح الورد ( بي نفــس الابتسامه )
أصيـل :: صباح الورد ... خييير ان شاء الله ؟
مها :: انا اليوم عيد ميلادي .. تعرف صح ؟
أصيـل :: صح ( بي أبتسامه مستفزة )
مها :: اي شن صح ؟؟؟ ...
أصيـل :: حااضر ي ستي اولـ مانروح من شركة نجيبلك شن تبي هههههـ ,, ان شاء الله غير راضيه ؟
مها :: جداااً هههه ... بس نبي حاجة تانية ..
أصيل :: شن هيا ؟
مها :: ( شبحتلي ) انا مدايرة حفلة مع صحباتي ف الكافي ونبي غصون تجي معاي .. ممكن ؟
أصيـل :: ( بي دون أي تفكيــر . شبحلي ) اي عادي لكن غصون جايتها عمتها يعني لو روحت بكري او ماجتش بري معاها .. ولا شنو ؟
غصون :: ( بي تردد ف الابتسامه و بي الخوف داخلي ) اي .. اوكـ
مها :: ( بي ضحكـ ) تماااام
أصيل :: يالله ماشي انا ...
...........
( وأأحني خاشــين من الباب )
ساجدة :: حبي غصــون انا طالعــة في كيكة ف الفرن ديري بالكـ عليها بااهي ... ( عطتني بوسة كالعاده ) امممممموه يالله سلامات ..
غصون :: حاضر عمتي ههه،
مها :: إدبستي هههههههههـ ,, تبي نسعدكـ ؟
غصون :: لا مش مشكله عادي ..
مها :: اوكـ انا ف صالة لو تبي حاجة ناديني ...
غصون :: حاضر ...
..
( من طبعي الهدوء .. وجنون أوقات و أوقات لا .. ساجدة هيا أم أصيل و مها أخته الي عمرها 22 سنة .. عيلة أصيل بدت عيلتي وكل شئ عندي ف دنيا لانهم أحلا شئ ... كتلة من طيبة والانسانية ... من لما جيت عندهم وهما يعلمو فيا كل شئ وكيف أسلوب و أتيكيت عيشتهم .. انا تعلمت .. بس طريقة شكلي شعري لبسي كلها قاعده زي ماهيا ... )
...
( ف شــركة )
أصيـل :: صباح الخير ..
الموظفين :: صباح النور إستاذ !
...
( خــش أصيلـ للمكتب الفخم متعه .. وقعمز وطلب علي فوراً .. علي يكون صديق أصيل الحميم )
علي :: سلااام ..
أصيل :: اهلا خووش تفضل ..
علي :: ( خش وقعمــز ) كيف الحـــال ؟
أصيل :: تمام .. وانت ؟
علي :: ممتاز ... اااي شن فيه ؟
أصيل :: ( صكــر الاب توب الي قدامــه وشبح لي علي ) لازم نشاركــو ف المسابقــة
علي :: تبصر ؟!
أصيل :: ههه لا ..
علي :: هههههههههـ واخيراااً ... شن خطر عليكـ ,, لينا شهور نقنعو فيك
أصيل :: مانعرفش امــس فكرت مالياً ف المــوضوع وعجبني ..
علي :: ههههههههههه لالا بجديااات مش مصــدق انا .. لك الله يخليل يااااك ي قلبي انت ههههههههههه
أصيــل :: أن شاء الله تهبل ..
علي :: اااي خليك انت هنا بي غرورك وشخصيتك الي مايهزهاش ريح وانا بنمشي نقول للموضفين خلي يفرحو حرااام عليك كبست ع نفسهم هههههههههه
أصيــل :: اووكـ ههـ
( علي كان المجنون ف قروب أصيل .. الي ديما يخترع الطلعات ورحلات والحفلات .. أما بالنسبة لي أصيل ف كان يضحكـ ضحكة بسيطة تعبر عن أعجابه بي الموضوع وبس .. وهذي كلها تفاصيل إكتشفتها بروحي لانه أصيل مايحكي ف شئ )
...........
( ف حوشـــنا )
غصون :: ( مقعمزة ف المطبــخ وماسكــة ف إيدي روايــة كالعادة .. تَرويِهَا آحلام مستغانمي )
مها :: ي ممله انتي ! ( قالتها بي داعي المسخرة وضحك )
غصون :: ههههههـ خيير ؟! ( صكرت لكتاب وقعمزت باهي وشبحتلها )
مها :: بتمشي معاي ولا ؟ ( قالتها وهيا تعبر عن فرحها بي وجودي بي ابتسامة )
غصون :: نحاولـ ,, لو ماجتش عمتي .. وعد نمشي معاك
مها :: اوووووكـ ,, بجديات فرحتيني لانــه مانبيش نمشي بروحي بين هاااذم الذئاب ههههه .. تعرفيني نحب ريهام بس ... وحتى هيا تبيك تجي ع فكرة ..
غصون :: ههههههههههـ ,, اي تمام ان شاء الله نحاول
...
( وبعــد دقائق طاب الي ف الفرن طلعته وحطيته ف مكانــه و ركبـــت انا و مها فوق ف حوشي باش تحكيلي ع قصــة عشقها المعتادة مع سيف ... حبيبها ف الجامعه )
..
غصون :: اي عادي يغار عليك ...
مها :: اوووف هذاا موت ي غصون مش غيرة ..
غصون :: شوفي نار الغيرة ي أما تحرق صاحبها ي أما تكون غيرة مسالمة وحلوة ..
مها :: وكيف جت هذي ي شاعرة هههههههـ
غصون :: هههـ ,, اسمعيني .. غيرة شاب عن شاب تفرق .. يعني مثلاً عندنا شابين و لأثنين يغارو ع حبيباتهم .. شاب الاول غيرته ع حبيبته نارها مسالمة .. يعني خاليــة من أي شك وحقد .. يغار عليها وقت تكون تحكي مع حد حتى لو صاحباتها ويغار لما تسلم ع حد او يشبـــحلها حد .. اما شاب تاني ف غيرته مش حلوة نارها مسمومه تحرقه وتحرقها ودمر العلاقة لانه فيها شكـ ..
( مها كانت تشبحلي وتتأمل ف طريقة كلامي وتعابير وجهي البائسة وحزني )
غصون :: وغيرة سيف عليكـ غيرة مسالمة وحلوة .. وصدقيني أحياناً الغيرة أحلا من اي شئ ف العلاقة الي تجمع بين الحبيبين
مها :: ( تفاجأت ف دمعاتي الخفيفة الي طاحـــو مني وانا نعبر عن موضوع ماعمري حسيت بيه ولا عمره حس بيه اتجاهي )
غصون :: ( أبتمستْ ابتسامه تخفي الام والحزن )
مها :: غصون !... ( بي تردد ) شن صاير بينك وبين أصيل؟
غصون :: ( بي أستهــزاء ) ولا حاجة
مها :: ماتغيــرش ولا ؟
( مها كانــت أولـ وحده نشكيلها عن حالتــي انا و أصيل وعن حـــالة زواجنا وحكيتلها من ثلاثة سنين لانه نحطيت ف موقف قدامها وشافتني نبكي )
غصون :: لا ههـ .. وصدقيني انا هنا سعيدة .. المهم جنبه .. ومعاش نبي شئ تاني
مها :: كذاابه .. وتبيني نصدقك .. ( مع نزول دمعات الحزن ع حالتي )
غصون :: تعااالي ي هبله تعالي ( وحضنتها ) ماتخافيش عليا .. صدقيني مرتاحة
..
( تكـــلمت مع مها ساعات لين جت ساعة 6 العشية وتغدينا .. وبعدين مشت تجهز ف روحها وانا وصلني مسج من عمتي انها مش ح تجي ونضت لبست لبسي طبيعي العادي الغريب ههه هذا الي يقولو فيه ناس عليا .. بنطلون جينز و سورية او فالينية من طراز القديم وشعري اي طريقة ومانحطش ف اي نوع من انواع المكياج .. )
..
( ف شــركة )
( أصيــل و علي ف المكتب )
علي :: لازم نبدو تحظيراات من توا ..
أصيل :: حتى انا مالقيت ماندير الا ه العمله
علي :: باااللهِ عليك ريحيني من الفرحة بنطير انا ههههههه .. اي حقاا مروة قلتلها وجاية ..
أصيل :: ( قام عينه من ع الاب وشبح لي علي .. و عيــونه كانت ملياانه شوق ) مروة ؟ ..
( مروة .. البنت الي خلتني نعيش 5 سنين مع شخص من غير مايحبني ولا يميل ليا ولا بي اي شكل من الاشكاال .. هيا حب أصيل الاول .. وعمتي ساجدة رفضتها تماماً .. تقول عليها انها متعجرفة وشريرة بس مانعرفش اذا ح تكون شر ف قصتي ام لا )
علي :: ( حس بي صديق العمر وشبحله وبي اقل ابتسامة واقل حماس ) اي
أصيل :: كويس ( ورجع شبح لي لاب توب )
....
( الكـــــافي )
( خشيت انا و مها وستقبلتنا ريهام )
ريهام :: ي هلا ومرحب ... واللهِ فرحت بي جيتك حبيبتي ..
غصون :: ( إبتمست .. ولانه إبتسامتي كانت أقل إشراقة من ابتسامتهم لانه كنت حاطه تقويم ف ماحد ح يركز هه )
مها :: ( شبحت للمدعوين كيف كانو يفصلو فيا من فوق لي تحت ونظراتهم المتوحشة الي تعودت عليها بي سبب سوء منظري الخارجي )
ريهام :: ماتركزيش عليهم خليك معانا .. بقر ماعندك ماديري بيهم
غصون :: ههههههـ ,,
مها :: اوك نمشي نسلم ونجي .. ( شبحت لي ريهام ) خليها معاك
غصون :: ( كانو يعاملو فيه وكأنه طفلة ومحتاجة رعاية .. وبصراحة عجبني دور المظلومة و الحرس هههه )
ريهام :: ولا يهمك ...
...
( ف نــص سهرة تعبت من نظراتهم وتوشويش الكلام ف وذانهم على شكلي ولبسي ومكان إِقامتي قبل زواج وعن حالتي المادية وعن عيلتي .. ولاني بنت كبريائها عالي ومستحيل تبكي قدامهم كنت لازم نهرب ونبكي ف غير مكان هههـ )
...
( بعد دقائق معدودة مشت ريهام تشوف البنات وانا هربت بي دون أي لفت إنتباه )
..
مها :: ( جت وقفت ع ريهام ) ريمو تعالي شوي ...
ريهام :: ( جتـــها ) خير حبي ؟
مها :: وين غصون ؟
( وهذا السؤال الي انا كنت متوقعاته ... وتوقعت أكبر وفعلاً صار )
..
( طلعو صبايا يدورو عليا ... قدام الكافي أو خلف الكافي و الحمامات ف كل مكان ... )
ريهام :: أهدي تو نلقوها ... اكيد وحده من هالكلبات الي داخل ضايقوها .
مها :: اي ... وهذا الي انا خايفة منه .. خايفة يكون صارلها حاجة كيف بتروح اصلاً بروحها ؟
ريهام :: مها زودتيها .. غصون ذكية مش لي درجة هاذي عاد كلها كلها تاخد تاكسي وتروح ...
( وصــل مسج مني لي مها )
مها :: أستني وصل مسج ...
#الرســـالة
( حبيبتي مها .. انا روحت ل حوش أُختي وبعتت مسج لي أصيل قلتله انه انتي بتحطيني غادي .. كملي سهرتك ع هالاساس اوك )
مها :: اوووف منها ..
ريهام :: خيرها ؟
مها :: رغم انها مضايقة من الهم الي الداخل المسكينة تفكر فيا .. مشت لي حوش اختها وبعتت مسج لي أصيل وقالتله بتبات غادي وع اساس انا بنحطها ..
ريهام :: ي روحي ... معليش حبي غدوا بريلها وتهدرزلك .. تعالي نخشو شوية وبعديـــن نروحو
.........................................
( وقبل مانبــعت لي مها رسالة بعتت لي أصيل )
...
( ف شــركة )
( ف المكتب علي و أصيل و مروة )
مروة :: فرحت من وسط قلبي بجديات .. قراركم حلو و يشهر شركة أكثر ..
علي :: ااي والله ( بي أبتسامة حماسية )
أصيل :: ( مع أنه كان يتأمل ف مروة ب عيونه .. وصله مسج مني )
#الرسالة ..
( ممكن نمشي لي حوش أختي نبات غادي ... هيا تبيني ؟ )
أصيل :: ( عقلــه ماكانش معاه ... قري رســالتي وصكر تلــفونه وكمل رحـــلة تأمله بي حبيبته السابقة )
...................
( وضاع الوقت ف تهدريزي انا و أختي .. و رغم انه ماردش عليا بي موافقة الا انه مشيت لانه كنت محتاجة حد نبكي قدامه ويفهمني .. وحكيت لي بتول كل شئ.. )
( بتول و عمران اختي و راجلها هم أحن خلق الله عليا ف مرتبة حنية عيلة أصيل )
بتول :: باه ي عمري خلاص معاش تبكي ..
عمران :: انا نبي نفهم علاش ديري هكي .. علاش ماترديش عليهم وتريحي روحك ... شن يحساابوك ضعيفة .. اكيد لا انتي قدها وتقدري تردي عليهم
( عمران كان يقوي فيا و بتول كانت تهز ف راسها بي اي هوا عنده الحق .. وانا من البكي ماستوعبت شئ )
غصون :: مانقدرش .. وف كل مره نبكي زي الهبلة ومانركز ع شئ ... انتم شن تحسابو تحسابو حياتي زوجية كويسة ؟
( وهنا زاد انتباه بتول وعمران )
غصون :: انا حياتي زوجية اكبر حياة ممله ممكن حد يعيشها نفس روتين ونفس تفاصيل ... زواجي انا واصيل ع ورق وبس ومافيش شئ تاني
عمران :: ( بي صــدمة ) كيف ؟
بتول :: غصون حياتي انتي شن تقولي ... ومن امتى هذا .. معقوله من 5 سنين
غصون :: 5 سنين ههه .. 5 سنين وانا متزوجة بي الاسم وبس ... هوا يحب غيري ومايبينيش
( وبديت ف الكلام وحكيت كل همومي و تعبي لي بتول و عمران .. وكان تاني أنفجار قدامهم من بعد مها .. والله أعلم الانفجار الثالث قدام منو بيجي .. )
...
عمران :: ( بعد ماسكتت .. ناض عمران وقعد يغيرلي ف جوي .. ) خلااص حبي نوضي انتي توا وأغسلي وجهك وانا نمشي نجيبلكم افضل انواع الحلويات ... شن رايك هههـ
( لما نضايق ونبكي أأأولـ شئ يريح بالي هوا الاأكل ههه )
...
( بتول وعمران دارو كل جهدهم وغيرولي جوي .. وبعدين ناضو يديرو ف العشاء وانا ركبت لي داري الي أسسها عمران ليا باش لما نجيهم نبات فيها . و هذا كله ف حوالي ساعه 11 ف ليل ... حتى عمران شاب غني بس حب اختي من قلبه ف أول زيارة لينا ف اسطنبول . )
....
( ف حوشـــنا )
( وصـــل أصيل وخش للحــوش ... حس أنه ف حركــة ف المطبخ ف مشي يشوف )
أصيــل :: شن اديري هنا ؟؟ .. وانتي ماتعيش من االماكله
مها :: ههههههه مبردك .. جيعانه ..
أصيــل :: ( شبح لي باب المطبخ الي يطُل ع جنان وكان ضوء جاي من برا ) شنوو من فيه برا ؟
مها :: ماما و تهاني .. ( كان في ايدها صحن وفيه كيكه ) تبي ؟
أصيــل :: ( بي استغراب ) لا ... و ... ( تردد ف نطق الاسم ) و غصون ؟ .. رقدت ؟
مها :: ( بي أستغراب أكثر ) غصون مش هنا ... بايته عند اختها ..
أصيـل :: ( قرن حواجبه ) كيف هيا ؟ .. وخيرني انا مانعرفش
مها :: لا هيا بعتتلك مسج وانا وصلتها ..
أصيـل :: ( وهوا يطلع ف تلــفونه بي يتأكد ) مافيش منه الكلام هذا .... ( شاف أخر مسج ... ولي كان مني انا )
مها :: شنو ؟؟ ( كانت خايفة عليا .. وخايفة انه نكون غلطت ومابعتش المسج )
أصيل :: ( إذكر انه شافه وماردش ) اووووف ( حط ايده ع راسه ) صح اي بعتتلي لكن كنت مشغول مارديتش عليها .. لكن هيا كيف تمشي من غير مانقوللها اي ولا لا
مها :: ( مها تفكرست ومعاش عرفت كيف ترد ... انا من صعب حد يفهمني .. ع قد ماكانو ناس متوحشين معاي ع قد ماكنت رحيمة معاهم ههه .. نسكت ونبكي ف زاوية من زوايا داري وبس ... لهذا خافت تحكيله وانا نكون رافضه )
أصيل :: لو فييه حاجة قولي ... ( قالها بي عصبية )
مها :: بصراحة اي .. ( وفعلاً ... حكت لي أصيل كل شئ صار )
.........................................
( ف حوش أختــــي )
( ومع ساعة 12 ونص تقريباً ) ( ف داري كان في شبااكـ كبير يطل ع احلا مناظر أسطنبول .. (البحر ) كنت مقعمزة ونتفرج عليه . و سمعت جرس الحوش بس تركيزي كــله كان ع المنظر وتفاصيل جماالــه )
..
( لحظـــة و نفتح باب الدار وخش شخص طول و عرض وعضلات وحلوو ولفتلي انتباهي الي كااان مسيطر عليه منظر البحر .. وركـــزت انه أصيــل )
غصون :: ( شبحــتله .. طبعاً نظرتي مختلفة عن نظرته انا نشبــحله بي نوع من انواع الرومانسية اما هوا ف شبحــته مش مفهومة ع شن متكونه ) أصيـل !
(وهذا الي قلتــه أثناء صدمتي )
أصيل :: ( إبتسم ) حاجة زي هكي هه..
........
( نزلــت معاه وقعمــزنا ف جنان )
غصون :: اسفة ..
أصيل :: ( شبحلي بي استغراب )
غصون :: يعني جيت من غير ماترد عليا ... بس قلت يعني اكيد بتقول باهي ..
أصيل :: أكيد ؟ ( وقام حاجب ونزل تاني وهوا مبتسم )
غصون :: أي ؟
أصيل :: لا ع فكرة ... يعني كنت بنقول لا ..
غصون :: هههه تأكيدي غلط ... معناها جاي بتروح بيا ؟؟ ( نشبحــله ومستغربة فيه )
أصيل :: نبصر عليك ... لا جيت ع خاطر حاجة تانية ...
غصون :: الي هيا ؟
أصيل :: ( طلع مذكرتي من كيسة راقية وحلوة ) هيا ..
غصون :: ههههههههههههـ مذكراتي هههههه ..
أصيل :: ( كانت واضحة ع أصيل انه حب ضحكتي الي ضحكتها لي أول مره من فرحتي ب شوفت يومياتي بين ايديه زي طفله )
غصون :: اي ... شكراً ...
أصيل :: عارفك ماترقديش لين تكتبي ف جبتهالك ...
غصون :: شكراً ..
أصيل :: العفو ..
( تملكني شعور الحب مره تانية ... شعور انه لو فيه حاجة بيني وبينه كنت حضنته ومافكرت ف شئ .. )
أصيل :: ( وقف ) يالله .. انا ماشي ..
غصون :: تمام ..
( طلع أصيل وانا جيت وراه )
...
#يتبع ..
#سلمى .
