,,
روايــة ممتلكات عاشق شكلها نحس ع صفحة ههههه وكُل مابنقول بسم الله وبنزل كُل يوم تصير كارثة ومانقدرش زي توا الاب توب ولا قال ينفتح ولا يقبل رمز الله لا تربحه قريب ودرني هههه.. ع العموم هذي ليكم وادعولي انزلكم كل يوم ههه ..
..................
الحلقــــة _(15)_
من روايـــــة ...
#ممتلكَـــآآآآت_عاـشق ..
...........................
( ف صالـــة الحُوش )
أصيـل :: ( ف نص تهدريز لاحظ عدم وجود غصون , نـــاض وخلاه العيـــله يهدرزو )
............
( ف دار مهــا )
سيف :: ( بي عصبيـــة ) انا الي مافهمتاش إنتي وين عقلك ماتكلمينيش وقتي وتحكيلي ؟؟؟
مها :: سيف قلتلك إنـــه وليد (قص)
سيف :: وقاااااعده تقولي ف إإإسمممه ...
مها :: معاش تصيح ....
سيف :: تي انا بنجي نقلب دنيا فوق راسك وراااااس وليد الهم متعك اهوااا .... تي انا نقولك علاش ماكلمتينيش وانتي تقوليلي وليد ؟؟ ...
مها :: سيف اهدأ ,,, افهم بعدين عيط زي ماتبي ...
سيف :: ماااافيش حاجةةة اسمهااا اهدأ ي بنت نااس ... الكلب هذا مايتعدلش انا نعرفه ... اقسم بالله ابصر شن كان بيدير الحقيرر ... تي افهمي ي بنت الحلال افهممي ..
مها :: ماافهمتش انا خيرك عليه ... علاش ماتقولش انه حس بي غلطه وبي يتأسف ... علاش ؟؟؟
سيف :: اااه مصكره رأسك انتي معناها ؟؟
مها :: مش مصكره رأسي انت ماتبيش تفهم ... ماتبيش تسمعني ..
سيف :: مهااا من الأخير ... بتمشي تشوفي ولا لا ؟
مها :: سيف ماتحطنيش ف موقف زي هذا ... اسمع مني قبل بعد(قص)
سيف :: ( بي عصبية ) بيييي تمممشي تشوووفي ولااا لاا ادووي ...
مها :: ( بي عصبية وبي دون وعي كان رد ناتج عن وقت محرج ) اااي بنمشي ...
سيف :: تمااام ... امتى مابتمشي تكلميني نمشي انا ويااك ...
مها :: كيف ؟
سيف :: بتمشي .. بتسمعي .. بتسامحي .. مُشكلتك ... لكن انا نخليك تمشي بروحك هذاااا انسيييه ... فاهمه ؟
مها :: ( إبتسامه لا إراديه ) توقعتكـ تقُولـــي معاش تكلمينــي هذا علاش تفاجأت ...
سيف :: هذا بُعدك،، ...
مها :: نحبكـ ,,,
,,,
( كلمة .. ام مصطلح .. ام مُغازلــــه .. إنــها نوع من أنواع الدواء الي يُهدأ أعصاب مرضى الحُب ... لا تُحسب هذه الكلِمه .. لا المكان ولا الزمن ولا الموقف ولا حتى المحادثات يُمكن أن تُحدد لها وقتاً ... هذه الكلمة تُقال متى أراد العاشـــق .. تُقال ف الفرح لي تزدد فرحاً .. تُقال ف الحُزن لي يتلاشئ تعبُكـ ,, تُقال متى أراد قلبُك البوح بيها .. ف بغير مهم من كان البادئ .. هل هيا حوااء أم أدم .. ف المُهم الصدق عند قولها ... هكـــذا كانت مها )
...
سيف :: ( بي حنيـــه أكبر ) فقدتكـ ,,,
مها :: أنا جنبكـ ,,
سيف :: مها لازم تعرفي إنـــه مانتحملش فيك حاجة .. يعني لو تنوشكـ شوكة مجرد نوشــه بس تشيط فيا ناار ... نخاف عليك أكتر من روحي .. هذا مش كلام قصاائد ... هذا كلاام نبيك تفهمي وتحطي ف بالك ... شن صار مااصار تكلميني وتقوليلي .. ماتخليش بالي مشغول عليك وراس بنتي ... باهي ؟
مها :: من عيوني ... أأسفة !
سيف :: على شني ؟؟
مها :: اسفة وخلاص ههـ
سيف :: هههه باه ...
................................
( فِ نفـــس الوقت الي كانت فيـــه مُكالمة مها وسيف ماتمتش ... ف هذا الوقت أصيــل لقاني طايحة ف الحمام من تعب بعد ماستفرغت ونزفت دم من أنفي وصابتني دوخـــه وماقدرتش ناادي حد فيهم .. ف هذا الوقت كــان أصيل مقعمز جنبي وحاضني بي كُـــل قوة عنده لي أولـ مره نشوف أصيـل خايف عليا ويبكي بي حرقـــه لما لقاني ضعيفة .. بنت ذبلانـــه ومعاش انا نفسها غصون الأولــــه .. شاف فيه الخوف وتعب والارق والالم ... شافني نتوجع بي كُل مافيه من آآآه ... وساكتـــه ,,, مش قادرة نقوللهم خودو روحي وريحوني ولا قادره ننقض روحي ونرتاح ... حضني ومابعــدش عليا .. ف هذا الوقت انا كُنت نتكلم بي شوي بي شوي )
,,,
( عـــند أصيل و غصـــون )
,,,
غصــون :: أسفة ... َ!
أصيـل :: ( بي صوت مخنوق وعبره مش قادرة تتلاشئ صوت حبيبي ) .. ع شنو ؟
غصـون :: وعدتكـ نرجع زي قبل بس ماقدرتش ..
أصيـل :: اششش خلاص ... ماتعبيش روحك ..
غصون :: نبي ... واللهِ نبي نرجع زي قبل لانه تعبت منه المرض والالم والعجز الي عيشااته ... وهذا الي خلاني نبعد عليك ..
أصيـل :: ( يسمع وسااكت ... يبكي بي دون صوت ... ضعيف ومتحمل ... )
غصون :: حبيبي !
أصيـل :: روح حبيبك ...
غصون :: تعبانــــه ..
أصيـل :: ( زاادت قوت الحُضن أضعاف الخوف الي حاسه بيه ) .. معاااك .. واللهِ معااك ... وو .. ( يقـــول كلمة ويتلكلكــ بي خوف وعبرة الدموع ) ووعد مني مانخليك تتعبي تاني ... باللهِ عليك معاش تقوليها بنموت ...
غصون :: ( غمضت عيوني ... أنفي ينزف بي قوة غريبة .. إيديــــه بدون ينسحبو بي بُطء وينزلو وكأنــهم إنسان فاقد للوعي ... صوت تعب بدي يتلاشئ .. )
أصيـل :: غصون أُطلبي مني اي حاجة ... اي حاجة تبيها ... صحتي ورحي ونفسي وعافيتي كُلهم ليك .. المهم أرجعيلي .. المهم وقفي ومعاش تقوليلي تعبانه .. المُ( وهنـــا وقف صوته وكلماته خوفها ونفســــه .. وماكانش موجود الا شعور بي صدمة المُبتدئه .. وهوا يلاحظ وحده وحده إنــه مَلاكـــه .. روحه وأميرته معاش تتكلم . معاش فيــه صوت نفس ليها .. إيديها بعدُ على إيديه فجأأة .... بي خُووف قاتل .. ينادي . وبي حروف مُبتعده ع بعض .. ينادي ع إسمها ) .. غصو .... غصو.. غصون ؟
غصون :: ( بعيدة .... هذا الي كُنت أنا فيه ... بعيــده عليه وعلى نفسي وعيلتي وروحي .. )
,,,,
( وبدت درجـــات صوت أصيـل تعلُو درجة وراء درجة . وبدي خوفه يعلو خطوه خطوه ... لين أجتمعو كُل العيلة .. ورفعوني إسعـــاف )
...............................
( ف المُستشفى )
( الكُـــل كان مُنتظر الخبر الي انا كنت خايفة يسمعووه ... خايفة تطلع دكتورة وتقول .. ( ان لله وان اليه راجعون ) .. كُل شخص من عيلتي كان خايف .. كان متوتر ومش جاهز لي اي خبر مُخيف ... كانو مبعدين فكرة غيابي عليهم ...
اُختي بدت تتفكر كُل لحظة عشناها مع بعض ... لحظة فرح ولحظة حزن .. لعبنا مع بعض وبرادتنا وخوفنا وحبنا لي بعض
عمتي بدت تتفكر وجودي جنبها كُل صبح .. وجودي معاها وهيا تجهز ف غداها وانا نتسهوك ونبصر ..
مها تفكرت ايام تركب ونفتحلها ف الباب ونسهرو مع بعض ع تلفزيون .. تفكرت كل لحظة قعمزنا فيها وحكينا وتكلمنا وفكرنا وخططنا مع بعض ...
عمران عاااش معاي وكأنه أب مش زوج أخت ... كان جنبي ف كل لحظة خوف وحزن وجع .. كان هوا سندي ف الحياة ..
.. أصيـل ..
آآآه وما أدراكـ ما أصيـل ...
حبيبي و روحي ونفسي وحياتي .. كان مقعمز جنب باب العنايـــه وراافض يسمع الا خبر انه انا نوضت ونبيه ... كان متمني لحظة وحده معاي تاني ... كان يخبط ف رأسه بي داافع ندم ع كل لحظة عاشها بعيد عليا وح يعيشها .. صوت بكااه وصلني .. صوت رعشة قلبه وصلني ... صوت خوفه وحبه وصلني وصلني ... كان يتفكر ف كُل لحظة ... تفكر مره قرب مني وباسني ع خدي وقالي ( إنتي آآحلا غزل بنات ) ف وقتها قربت وقلتله ( و أأنت آآحلا اوكسجيني ممكن نعيش بيه وبلاه ولا حاجة ) ف وقتها قالي ( نبيك ديمه معااي ) قلتله وانا نضحك ( اصلاً مش ح تخليني نمشي .. ) حضني بي قوة وقال ( مستحيل .. )
,,,,
( جت ساجدة وقعمزت جنبه ف الارض وهيا تبكي بي حرقـــه وكأنه فعلاً بنتها .. )
ساجدة :: أصيـل !
أصيـل :: ( نزل رأسه ويتكلم بي خنقه قوية لي درجة صعب يطلع حروفه ) .. مستحيل نقدر ... مستحيل نقدر من غيرها نعيش ... ي اُمي غصون تعبتني واللهِ .. ياريتني انا الي الداخل وهيا توا برا .... ياريت نشوف ضحكة وحده منها بس ... نبيها ترجعلي .. نبي نشوف ضحكتها ونسمع صوتها وترجع ملاكي تاني .... معاش نبي نشوفها هكي ... نموت بي البطئ واللهِ ... نبيهااا .. هيا بس ..
ساجدة :: ( حضناته ) ي حبيبي .... ماتخافش غصون ان شاء الله بترجعلنا ماتخافش ..
....
( بعد دقائــــق معدودة )
..
( طُلعت دكتورة )
...
بتول :: ( مشتلها تجري ) .. شن صااار .. كيف حالها اختي دكتورة طمنيني ؟؟
دكتورة :: ( تشبحـــلهم بي خوف تاام .... يتنقلو عيونها لي كُل واحد فيهم ... بي حزن وعصبيه على حالتي قالتلهم ) .. للاسف صار الي كُنه خايفين منه .. غصون خشت ف غيبوبه .. وفقدنها .... لو استمرت الغيبوبه اكتر من 24 ساعه احتمال معاش تفيق منها وهكي تكون الاعمار بي يدي الله ... اما لو فاقت منها وهذي معجزة من الله .. ممكن ف وقتها نستعجلو ب العمليه ونحاولو قدر الامكان استرجاع المريض تاني ... اسفه للاخبار الي قلتها .. بس لو سمعت غصون كلامي ف هذااك اليوم ودارت العمليه .. راهو ماوصلتش روحها للحاله هاذي توا ... ( سُكتت شوية وبعدين ) اسفه ... عن أذنكم ....
.....
( كلمـــات وحروف وعبارات وجُمل قالتهم دكتورة .. و ماحد سمع حاجة الا الجُمله هاذي ... { لو استمرت الغيبوبه اكتر من 24 ساعه احتمال معاش تفيق منها وهكي تكون الاعمار بي يدي الله } ,, و بدء صوت نوااح النساء ... وفقداان أمل الرجال .. أما أصيــل ... سَندي ... رجع خطواته وخلاه المكان بي لي فيه وطلع .. )
....................................................
( بَعد ساعـــه ,, ف #حوشي )
...
أصيل :: كيف يعني ؟ ... إنتي تعرفي انه مستحيل نتحمل دقيقه من غيرك ... ف كيف تبيني نُقد 24 ساعه مقعمز واناااا خايف نفقدك ... مش قلتيلي انه مش ح تخليني .. غصون ... ارجعيلي هيا ... كُلهم يحسابوك بتمشي وبتخليني .. لكن انتي قلتيلي ... إنتي كيف تبيني ... كيف تبيني نكون يعني ... غصون .. مستحيل نتخايل الحوش هذا من غير صوتك ... ولا نتخايل انه ممكن نوض من غير مانشوف عيونك ... ولا تكلميني وتتبردي عليا .. لاااا باللهِ عليك لا ... ( نـــزل صورتي من إيده وشبح لي سمااء وبيي رعشه ) يااارب ... خُدني انا .. خليها هيا .. والله حسها ف دنيا احلا من اي حاجة تانيه .... باه يارب خودني معاها .. مستحيل نتخايل حياتي من غيرها ... يارب اشفيهالي ياارب ... والله بنموت والله .... ( حط إيديه ع رأسه وبي حرقة رجااال عند البكاء ) ... يااااربي شن دارت فيا هذي شن داارت ..
...
( بعض من كَلمات اُغنيـــه هنديه .. رافقتني عِند الكِتــابه ..
{ قلبي لا يُحبْ سِواكْ
{ وأنتي الوحيدة مُرادي
{ غيابكـ أشبــه بي لعنــه
{ إن رحلتي .. ستُفنى حياتي .
{ في كُل مره أراكي .. تغرُق عيناي بي دموع ...
.........
’’’
{ واستمرت ساعــات ف العبور لم تتوقف تلك ساعة عن تك أبداً ولم تتوقف دمـوع العائلة عن نزول .. كُل شخص منهم بدء يشعر بي أحتيااجه الكبير لي غصون .. الخوف والام والحزن أسرع وأقوة من تلك أعداد الساعه الذي بدء لها قيمــة لديهم }
...........
( بعد ساعات من ال24 ساعةة )
..
( ف مكتب الدكتورة )
الدكتورة :: معاش مزال هلبه ع المُدة الي يحتاجها طب ونحاولو نرجعو غصون بيها... أصيل انا اسفة بس غصون كانت قدامها فرصة كبيرة باش تتعالج نبي نفهم كيف هذاكه اليوم قدرت نسمع كلامها ونخليها تطلع .. عنيدة ومستحيل تسمع لي حد ..
أصيـل :: نقدر نشوفها ؟
الدكتورة :: اسفه ممنوع ...
أصيـل :: شوية مش هلبه .. بسرعه يعني
الدكتورة :: ( شبحتله بي أسف ) استنى شوية ...
............................................
( بعد دقائق معدودة قدام العناية )
,
دكتورة :: أصيـل .. لو سمحت ماتعطلش ..
أصيـل :: نحاول ...
,,
( خش لي غرفة حبيبته الي تمنااه تكون بعيدة عليها ف يوم من الايام .. قعمــز جنبها ولي أولـ مره أصيـل يكون متردد يمسك أيدها .. متردد خايف تكون إيديها باردة .. وهذا أحدى علامات البُعــد .. خايف يحُط أيده ع رأسها ويسمع صوت الي متمني يموت ومايسمعه من جهاز دق القلب ... )
...
أصيـل :: حبيبتي ؟! .. هيا نوضي . ياسرك نوم .. وحق ربي امالا مانقدر ... هيا نوضي
غصون :: ( ف سُبات عميق .. )
أصيل :: أستحشتك .. ( شد ايدها وحط رأسه عليها ) نوضي الله يخليك .. ياسرني تعبت ..
غصون :: ( ف لحظتها تمنيت نوض نحضنه ونقوله انا جنبك ومعاك . تمنيت ناخد الحزن والخوف و الوجع الي ف قلبه ونحطه ف قلبي ونخليه فرحان .. بس ف لحضتها مافيش الا صوت واحد سمعه أصيل بعد أخر كلمة قالها )
أصيـل :: ياريتني انا ف مكانك ولا تشوفي الوجع ..
,,
جهاز القلب :: توووووووووو.......(توقف )
......
..................................................................
#يتبع
#سلمى
