الحلقة(4)
من روايـــة ..
#ممتلكــات_عاـشق ✊💜
..........................
#الرسالة
( أستأذني من العيلــة وألحقينـــي )
..
(وقبــل مانقــول أو نتصرف اي تصرف .. ناض أصيل )
..
أصيل :: يالله أمالا نستأذن .. تصبحو ع خير
العيلـة :: وانت من الاهل الخير ..
..
غصــون :: ( الأنسحاب بين كومـــة بشر مستعديــن يركزو ع ملامح وجهكـ كيف تتغير ف ثانية ألف مره أكيــــد ح يكون صعب ) حتى انا بنمشي .. يالله تصبحو ع خير
مها :: والمبااارة .. ولا خلاص يأستي هههههه
( ف الحقيقـــة أنا ف المباريــات نكون إنســـانه تانية )
غصــون :: هيهيهيهيه بلا خفة دم .. لا يأست ولا شئ .. بس فيه نت ي قلبي واكيد نقدر نشوفــها ع نت ..
ساجدة :: هههههههـ اي اي .. بري سلم بنتي أرقدي بري ..
...
( وأخيراً قدرت ننسحب وبسهولــة ... ف البداية كان كلام أصيل هوا الي محيرني ومخليني نستغرب من تعاملــه الي تغير معاي فجأة بس توا بدت تصرفاته توحي حقاً بي تغير .. من ناحيتي ح نكون سعيدة لو تغير وبدي يلاحظ وجودي .. بس لو كان سبب هاتغير مجرد أحاسيس تراود البشر عادةً .. ف مش ح نكون مرتاحــة وبالعكــس هذا شئ ح يخليني انا نبعد عن أصيل .. صح بنت ضيعة .. وغريبة ف لبسي وف شكلي و ف طريقة كلامي مقارنة بي العيلة والاتكيت متعهم .. بس كرمتي وكبريائي كــان بالنســبة ليا هما الأولويــه .. )
,,
( فتحــت الباب وخشيت وعيوني يدورو ف أصيــل .. صكرت الباب وكانو علامات الاستغراب أولـ الحضور ع وجهي )
غصون :: أصيل ؟! (ناديتـــه وانا واقفة ف صالة حوشنا )
..
( من داخل غرفة الصالــون )
أصيل :: أأنااا هنا تعالي ..
,,
( مشيت لي غرفـــة صالون وخشيت ... وهنا كانت صدمــة )
( مانعرفــش بس حسيــت إنــه الاجواء الي كانــت موجودة ف الغرفــة كان لازمهـــا شوية دندنه موسيقةة .. أصيــل كان مجهز شاشة عرض كبيرة بي كبر الحيط وكـــان حاط مخاد قدامها باش نقعمزو عليهم وكان وااقف يدير ف كرت المبارة الي انا نبي نتفــرج عليــها .. أسلوبي ف تعبير على إنــه مايعرفش انه نحب اولا شكلــه طلع غلــط ههه ,, كانــت أجواء أكثر من رائعة .. صدمتي خلتني نوقف قدام الباب ونتفرج عليه وهوا مشغول ف كرت المبارة ونتفرج ع الغرفــة .. مع دندنة الغريبة للموسيقة الي تحضر ف أجواء الي تجمع فيا بي أصيل )
( أغنية #التركية أنتي لم تري أبداً )
غصون :: ( إبتسامتي و فرحي وسعاادة الي كانت غامرتني كلهم كانو أول حضور ف هذا اليوم ... فعلاً كــان إنجاز من شاب المغرور المتكبــر و حاد الطباع .. أحببت فعلاً هه )
.
أصيل :: ( بعد ماكملـ ,, شبحلي بي إبتسامه وضحت غمازاته الي تقدرو تقولو هما سبب إغمائي ههه ) خوشي !
غصون :: ( هزيت بي رأسي بي معنى باه ... وخشيت وقعمزت قدام شاشة بي ضبط ... جي قعمز جنبـــي )
..
( ف حوشنا )
مها :: هيا تصبحو ع خير ..
تهاني :: قدامك الخير .. بتمشي غدوا للجامعـــة ؟!
مها :: لا ماعنديش علاش ؟
تهاني :: لا سألتكـ بس ...
مها :: تبي حاجة ؟!
تهاني :: لاا .. غير نحسابكـ بتمشي .. ماهو عمتي ماشية لي حناكـ
مها :: مرضت تاني ؟
تهاني :: اي .. بتمشي تقعد عندها غدوا ..
مها :: بتبات قصدكـ ’’ ؟
تهاني :: اي ..
مها :: لالا مانبيش نمشي انا .. معناها تو نقعد معاك .. هيا امالا تصبحو ع خير
عيماد :: وانت من اهله ..
تهاني :: قدامك الخير ..
................................................
( بعد دقائــق )
( ف غرفــة مها )
مها :: إتصلت بيه توا ولقيته إنتظار ,,
ريهام :: تي باهي مرات يكلم ف صحااابه .. ي بنت ساعة 9 وربع راااه ...
مها :: اي وشن يعني ؟ ... المفــروض لما نكلــمه يرد .
ريهام :: باه استني بالك يعاود ...
مها :: ريهام الموضوع بدي يخنق فيا ... غيرته وتصرفاته وعصبيته نحس فيهم كلهم باش يخلق مشكله ويسيبني ...
ريهام :: تي غير علاش تفكري هكي مبردك ... سيف كويس والله مايدير هكي الا كان يحبك ..
مها :: يتتتتصل ... صكري شوية ونكلمك
ريهام :: ههههههه مش قلتلك .. ماشي سلام ..
......................
( ف حوشي )
( ف الوقت الي كنت انا منسجمةة ف المبارة وعايشة اللحظة بي كل مافيه من حماس .. هووب أنقطعت الكهرباء .. ههه )
أصيل :: أيواااه .. فعلاً توقيت مميز ههههههـ
غصون :: ( عصبيته كان ممكن تطلع وتفجر الحوش بي لي فيه )
أصيل :: غصون !؟ ..
( أصيل ناض وجاب الشموع الي كاانت ع طاوله جنبنا ومشي ولعهم وجي وانا من مكـــاني ماتحركتــش )
...
أصيل :: ( جي قعمز وحطهم جنبنا )
غصون :: ( وهنا بدت العصبية الي تتااكلـ فيا ماكلــه تطــلع ع برا ) تو وقتــــه هذااا .... مش معقوله هكي ... ضيعووو عليا نص المباااره ... يااااربي كيف بندير تواا انا
أصيل :: ( حس بي توتر الوضع فعلاً ) اامم .. عادي .. قصدي هما مش من العادة يهربو ضي .. ف اكيد شوية وجي بالك صايره مشكله بس ... وبعدين فيه نت تقدري تشوفي نتيجة غادي
غصون :: ( شبحـتلــــه ) ووووالله !!!! ... كيف يعني نشوف النتيجة ... لو ماتتفرجش ع المبارة وتحرق دمك ف كل غلط وكل قول مستحيل تكون أرتحت ..
أصيل :: ( كانت الابتسامة الي بعدها ضحكـــة قوية مرسومة ع وجهه )
غصون :: وانا حضي هكي ... هم أغبر وخلاص ... ياربي خودني وريحني مدااام الهم الي ف دنيا كلها جاااي ومش لاقي غيري ..
أصيل :: ههههههههههــ ,, خلاص اهدي .. ماكنتش نحسااابك مشجعةة خطيرة لي درجة الموت هههههـ ,,
غصون :: ( فقت ع روحـــي وع طريقة كلامي .. لما كنت نتكلم كنت غصون .. غصون الي نسيتــها من سنين .. غصون الي حق بنت ضيعة .. بس كيف رجعت فجـأة وتكلمت بي اللقطة المجنونة هاذي ماحسيتش بي روحي .. ) ههههـ اسفة ماكانش قصدي .
,,
( ف لحضتها أنقلـــب كل شئ .. وشبحـــلي أصيل شبحــة مستحيل ننســـاه مهما عشت .. كان مقعمز وحااط أيده ع رجله والايد التانية متكي عليها ... نظرته ف وقتــــها كان فيها عمـــق كبير .. وكأنـــه كان يبي يفتـــش ف داخــلي ويعرفني فعلاً . حسيت بي شعور تملكني وخلاني مانحيش عيوني من عيونه .. الاجواء من أجواء رياضية الي رومانسية هههه .. ..
واخيراً أصيــل نطق وتكلم .. وقــال حاجة خلتني نبرد من نار الي كانت راكبتني من جلوسة جنبي وقربــه )
أصيل :: معاش تتأسفي ... أنا نبيك هكي .. نبيك تكوني عفوية ع طبيعتك .. نبيك غصون الي قبل مانتجوزو .. غصون الي انتي بس تعرفيها .. حتى انا نبي نعرفها .. حبيت طريقة كلامك توا .. كنتي انساانه عادية مش متصنعه الهدوء ورقة .. لو ماكانش الهدوء ورقة تمثل شخصيتك ف مافيش داعي ليها لانه انا اساساً مانحبهاش هههههـ . غصون !؟
,,
( بالنسبـــة ليكم كانت مجرد حروف .. بس بالنسبة ليـــا الحروف هذي تركبت و كونت جمل وكلمات مستحيل تنساهم ذاكرتي .. نبيك و نبي نعرفك كل هالكلام انا كنت مستنياااته طــول ال5 سنين .. وكأنـــه كنت مسجونــه بين قضباان شخصية من شخصيتي .. وجي أصيل اليوم وحررني باش نرجع لي شخصيتي الي اناا نسيتها من سنين )
..
غصون :: نعم ! ( نتكلـــم بي هدوء تام .. مش لانه انا هادية لا .. لانه الخوف و رعشة جسمي ودقات قلبي زايده جبرتني نتكلم بي طريقة هاذي )
أصيل :: خليك معاي عادي ... خليك غصون وبس .. وماتسمعيش كلام ناس قال وقال .. ( قص)
,,
( إختفى صوت أصيل ... ومعاش نسمع ف شئ .. أحياناً ف أحاسيس حقيــرة تجبرني انه نذكر حاجة وتحط غشاش كبير ع صوت الي قدامنا ... زي أحساس الشفقـــة الي فجأة تفكــرته .. وفوخت من انـــه أصيل يكون حاســه إتجاهي )
,,
أصيل :: غصووون ! .. ههههـ ,, وين مشيتي نتكلم !
غصون :: ( نزلت رأسي .. وانا نلعب بي صوابعي من شدة التوتر ) عادي نقولك حاجة !
أصيل :: أكيد !
غصون :: ( رفعت عيوني وشبحتله وهما معبين دموع ) أنت شن الي غيرك هكي ؟!
أصيل :: كيف يعني !
غصون :: شن الي خلاكـ تعاملني بي طريقة هاذي ... أنت صح ماكنتش تعامل فيا مش كويس .. بس ف حياتك كلها ما أهتميت ولا ب يأي تفصيل فيا .. ولا بي حزني وفرحي وطريقة كلامي .. بي اي شئ ... بس اليومين هاذم .. زاايد متقرب مني اكثر
أصيل :: ( كاان ساكت ويشبحلي وبس ... وكأنـــه حس انه في داخلي ف مليون حاجة نبي نقولهم .. ف خلالي الساحـــة فاضيــة )
غصون :: ( طبست رأسي تاني ) أصيل لو انت حاسس بي شفقة إتجاهي ف ( قص)
أصيل :: اششششش ( قالها وهوا يرفع في راسي بي ايده )
( ورجعــت حضرت نفس النغمات المربكـــة والمخيفة والرومانسية أغنية #yanadim )
غصون :: ( رفعلي رأسي بي أيــده وشبحتلـــه وبي نفس النظرة العميقة الي مافهمتش وين حاابــه توصل )
أصيل :: عمــره ماكان أحساس شفقة حاضر ف اي لحظة كنت فيها معاك من اليومين الي فاتو ... ولا عمره ح يكون .. غصون انتي اكبر من انه نحس بي حاجة حقيرة زي هاذي اتجاهك ..
غصون :: ( مبتسمة رغم الدموع الي تنزل وماوقفتش لحظة . )
أصيل :: شن الي خلاكـ تفكري هكي ... !
( كـــان يتكــلم بي كل إحساس وحنيــه مفعمة )
غصون :: مانعرفش ... يعني .. ( نشبح يمين ويساار ونرجع نشبحله تاني ) انا مش .. مش البنت الي .. ( نتكلم بي حروف متقاطعــة )
أصيل :: أنا نشوف فيك حلوة ...
غصون :: ( و حروفة سكتتني )
أصيل :: حلوة بي روحك وانسانيتك وطيبة قلبك ... هذا كله يكفي باش يخليني نقرب منك ونتعرف عليك اكثر واكثر ... ي غصون انا غلطت لما كنت بعيد عليك المده هاذي كلـــها .. ضلمتك معاااي . ونبي نصــلح الي صار .. ونبيك تكوني جنبي وهذا يكفي
غصون :: ( الله ع الاحساس الي ماكنتش حاسبتلـــه حساااب )
أصيل :: تمام !؟ .... أنسي الافكار سوده هذي كلها لانه مافيش منها ..تمام ؟
غصون :: ( بي ابتسامة ) تمام ؟!
أصيل :: ( قرب ايديه ونحاالي نظارتي ومسحلي عيوني )
غصون :: ( نشبحله ... وبعدين بديت نضحك ) هههههه
أصيل :: ههه خيرك ؟!
غصون :: مش فكرة حلوة انك تنحي نظارتي ...
أصيل :: علاش ؟َ! هههههـ
غصون :: لانه ماكنتش متحملاتك وااحد بديت زوز توا .. ربي يصبرني ههههههههـ
أصيل :: ههههههههههههههههـ ,, ( لبسهملي ) وتوا ؟!
غصون :: اي هكي افضل .. وعد مني اول مانتحملك كاشخص ح نحيهم باش نتحملكم زوز هههههههـ
أصيل :: لا انتي لساانك طويل راه هههـ ,,
غصون :: اي تحمل مايجيك .. لانه هاذي طلبيتك .. غصون بنت ضيعة هكي هههههههـ
أصيل :: وهكي احلا هههـ ,,
( قطـــع حديثتنا بي حديث أهم )
أصيل :: غصون ! .. أنتي شن الحلم الي خاطرك تحققي .. ههه يعني كل واحد فينا يهدف لي حاجة .. انتي شن هدفك ؟
غصون :: هوا حلم واحد . من وانا وصغيرة نحلم انه نحققه بس بصراحه مستحيل ..
أصيل :: الي هوا ؟!
غصون :: طبعاً أنا رسامه .. يعني نحب رسم ورسماتي مختلفة عن البشر ... نرسم ف رسماات غريبة نوعاً ما ههه ،، وحلمي انه نأسس مرسم ونكون الرسامه فيه ونجيب فريق ونوصل لي اكبر رساامين واسمي يكون معروف ههههه ,, وبس
أصيل :: وعلاش ماحققتيشي ؟
غصون :: لانه بابا كان ديما يساافر وماما من كثر الفلوس الي كانو عندنا معاش عرفت شن دير بيهم ف تبرعت بيهم لي دار الايتام ههههههههـهههههههـ ي بابا منين ليا باش نأسس مرسم
أصيل :: ههههههههههههـ ,,
( وفجأة رجع ضي )
غصون :: حتى ضي من كلامك حب يحضرلك هههههههـ
أصيل :: نوضي نوضي مكثر دوتكـ خلي نخشو نرقدو
غصون :: ههههـ حاضر ..
( ونوضنـــا خشيت لي داري وهوا خش لي دااره ورقدنا )
,,,,,,,,,,,,,,,,,,,,,,,,,,,,,,,,,,,,
( تاااني يوم الصبــح )
( نزلـــت نجري أقووى من ســــرعة البرق .. )
طققطقطقطقطقط
مها :: ( فتحت باب دارها وهيا تحك ف عيونها ) خيرككك العفو ؟؟!
غصون :: ( بي وجه خاايف ومصدوم ) مصيـــبة ...
مها :: شن فيييه ؟!
#يتبع
#سلمى
