( أأسفـــة والله الود ودي أنزلــكم ديــما بس إيدي والله مانقدر نحركها ,,, وأن شاء الله تكون طويلــة )
( الي يسأل ع سبب وجع ايدي .. الموضوع من شتاء بس بدي روتيني اول مانحصل عليها نسمة هواء تتشنج ومعاش نقدر نحركها بكل .. هيا برد وزادها المكيف ,,, )
( تمتعووو >> )
الحلقــة(9)
من روايـــة ..
#ممتلكــات_عاـشق
.............................
’’
( الصحـــافه ماوقفتــش ع طرح الاسئلـــة وكُل ســؤال يبي جواب مفصل بي طريقة راقيـــه بعيده كُل البعد عن شخصيـــتي ,, أي خوفــت ف البدايه من إنــه نجاوب غلط ونضحكـ الناس ع أصيــل .. بس بعدين خديت شهيق كبير وشبحتلهم بي أبتسامه تحدي .. )
غصـون :: ( بي أبتسامـــه راقية وم مشـــرقة ) ,, بصراحــه أنــا بعيده ع حياة أصيـل العمليــه .. ممكن تعتبروني الجيهــة الاجابية فقط ... لهــذا نقــدر نجاوب ع كُل أسئلتكم بي إجابــه وحده ,, ثقتي ف أصيــل أكبر من أي شئ ف العالم عمره ماشكيــت و لو لي لحظه إنــه أصيـل ممكن يفضل ف استرجاع زمن أبوه وشركته .. أصيـل الشاب الطموح والرجل الواثق بي شخصيتـــه القويــة هاذي تخلي اي بني أدم يوثق فيه بدون وعي ,,, حبي لي أصيـل كان هوا دعم .. ولو ما كانـــش أصيـل ف حياتي ماكنتش ح نتوقع حياتي من دونه ..
,,,
( إجابتي عاديـــه بسيطــه ,, بس نظرات العالـــم وأصيــل بي أبتسامـــته الحنونـــه خلونـــي نحس وكأنــه أجابتي اكثر شئ حلو ف الحفلـــة ههه)
...
( ضكروني الصحافه ومشو ... وقدم أصيل وجي وقف قدامي )
,,
أصيل :: ( نظراتـــه أصيل مختلفة عن أي نظرات حبيب لي حبيبته .... عيونــه يكوني نص مفتوحين بي سبب أبتسامته القاتله وعيونه يكونو يلمعــــو بي طريقة تخليك تسرحي فيهم وتنسي دنيا وناس .. )
غصـون :: امم ! ,,, ( امم عبارة عن شن .. هذا رد لي نظراته الاستغرابيه )
أصيل :: انحبك ,,
غصـون :: ههـ ’’ نموت فيك ...
أصيل :: ( قرب مع ضحكـــه وباسني ع خدي ) ..
غصـون :: ( حطيت أيديه ع وجهي ) أنفضحنه هههههههـ
أصيل :: ههههههههـ ’’ مرتي من بي يتكلم ؟!
غصـون :: ( نزلت أيديه بينت عيوني بس )
أصيل :: عيونك يهبلو ... ي حليلي انا كيف عندي غزاله زي هاذي ونعزمها ع الحفله وحق ربي حمار ..
غصـون :: هههههههههههههههههـ ’’ امشي امشي .. ( وجيت بنمشي )
أصيل :: ( شدني من ايدي وبي نفس ضحكات ) وين وين ؟
غصـون :: الحمام ... !
أصيل :: باه ,,, ماتغيبيش هلبه مانتحملش ..
غصـون :: حاضر ههههـ
,,,,,,,,,,,,,,,,,,,,,,,,,,,,
( رن تلفون أصيــل وطلع بيرد )
.,,,,,,,,,,,,,,,..
( قـــدام شركه ,, )
( جي سيف ونزل يجري من سيــــارة حتى الباب مصكراش .. ولقي مها مقعمزة ع درجة قدام الشركة بي قفطانها الاسود وبي دموعها الي ماوقفوش لحظة وبي همومها المتجددة .. مشالها يجري وقعمز تحت رجليها ومسك ايديها )
,,
سيف :: مها !
مها :: ( قامت رأســـها ... وحضنـــاته ) سيف ... حبيبي
سيف :: ي عمري انتي ,, خيرك شن في ؟؟ ... مها احكي ماتخوفينيش
مها :: ( شبحتــله ) ف رساله وصلتني من رقم مجهول ومكتوب فيها اتصلي بيا ...
سيف :: من هذا ؟
مها :: كنت نحسابكـ انت ... لانه مكتــوبه انا سيف ..
سيف :: منو ؟! ,, ( وبدت مرحلـــة جنون العشق والعصبيــه )
مها :: ( سُكتت وقعدت تشبحله .. )
سيف :: ( غمض عيونـــه ونزل رأســه وبي زيادة ف جرعة العصبية ) مهاااا من الي كلمك ....
مها :: وليد ,,, ( قالتها بعد مانخلعت من صياح سيف )
سيف :: (شبحلها .. ) اي ؟!
مها :: تكلم وصكر ..
سيف :: الي قاله ؟! ,,,, مها تكلمي شن قااال ... تكلمي الحيوااان هذا شنن قال ؟
مها :: ( صكرت عيونه وتفجرت بكاااء وصراخ ) قااااال كلام انا مانقدرش نقوووله ... قال حاجات انا مستحيل نقدر نعاودهااا ... انا نبيك جنبي نبيك تنسيني ... الحقيررر قال الي كاااان يبي يديره فيااا ... رتحت توا ...
سيف :: ( بي خوف وحنيه وبي صوت مملوء بي لكنة العشق ..حــط رأســه ع رأسها وهوا مصكر عيونه وحاط أيده ع رأسها من الخلف ) اششش خلاص ... خلاص حبيبتي خلاص اسف .. اسف .. اسف ...
مها :: ( بي كُل هدوء وبي كلخوف طلعت منها الكلمات ) خوفت ...
سيف :: ماتخافيش لا ... انا جنبك ... خلاص اهدي
...............................................................
( داخل ف صالة الشركة )
أصيل :: أهلا دكتورة
الدكتورة :: أهلين اصيل ...
أصيل :: اسف ماكنتش نسمع فيك لين طلعت برا ... اليوم افتتاح الشركة
الدكتورة :: اي سمعت الف مبروك
أصيل :: من وين سمعتي ؟ .... ( ولما ذكر ) اااه اي اي نسيت انه غصون ومها كانو عندك ههه ... طمنيني دكتورة شن اخبارهم .. وشن تحاليل غصـون ؟
الدكتورة :: ( بينها وبين نفسها ,,,,,,, ااخ منك ي غصون درتي مافي راسك وماقلتيش ) ,, عرفت انها مش ح تقولك شئ ... اصيل تحاليل غصون ماطمنش ولازم نتكلمو ف الموضوع هذا ...
أصيل :: ( ب خوف ) زي ؟!.... تكلمي نسمع فيك
الدكتورة :: مانقدرش نتكلم ف تلفون .. لكن لازم تعرف انه تحاليل أثبتت انه غصون معاها ورم ف دماغ ... وحالته خطيرة لانه جاي ف موضع حساس
أصيل :: ( ساكت ... لا تعليق .. لا تحريك اي جزء من ملامحه ... مافيش جفن تحرك ... صدمة وخوف وفقدان وفراق كل شئ كاان صديق افكاار أصيل ف وقتها )
...........................................................
( ف الحمـــام )
( واقفـــه نغســل ف إيدي ... وفي بنت واقفة جنبي )
البنت :: عفواً مدام ؟!
غصـون :: ( شبحتلها ,,,,, أبتسامه ) نعم ؟!
البنت :: خشمكـ ينزف ؟,,,
غصـون :: ( شبحت للمرايا طول ) ااه ,,,, هذا ... لانه يعني مجروح ... شكراً
البنت :: هه ااه الف سلامه عليك ,,( وطلعت )
..
( شبحت لي روحي ف المرايا وانا نمســح بي المنديل و أذكـــرت كلام الدكتورة ) ’’’
................
( ف المستشفى أثناء المحادثــة الي بيني وبين الدكتــــورة )
.......
الدكتورة :: ي غصون الاعراض الجانبيه ح توضحلهم الامر ... انتي مش مريضة وبس .. الاعراض هيا الي مرض ف حد ذاتها ... الدوخة الي شبه يوميه .. فقدان سيطر ف حمل الاغراض .. فقدان البصر تدريجياً .. فقدان تنفس تدريجياً ,, و نزف الانف ... هذا كله وتقوليلي عااادي ...
............................
( ف الحمــام ... )
( مسحت وكملت وطلعت لقيت أصيل وااقف قدام الباب )
.....................
غصــون :: من بكري هنا ؟؟! ,,
أصيل :: ( شبحتــه كانت تعني الخوف وهذا واضح ... الخوف ف علامات وجهه برضو ... ومافيـــش اي أبتسامه )
......
( أصيل أذكر كلام دكتورة الباقي )
..
الدكتورة :: أصيل ... غصون كان لازم أدير العمليه اليوم .. لكن صكرت راسها ع خاطر الافتتاح ولانك تستنى فيها ومش فاضي لي مواضيع زي هاذي هيا رفضت العمليه ... وماكنتش ناويه تقوللكم ولانه نعرفها ونعرفكم من قبل ماقدرتش نتحمل ونسكت ,,,,,
.............
( قـــدام الحمام )
غصــون :: ( سكتت ونشبحله بي أستغراب )
أصيل :: ( شبح لي جيهة خشمي الي كان ينزف تاني ,, توسعت عيوني من الخوف ومد ايده بيمسح وبي هوس ) غصـــون ,, خشمك ينزف ...
غصـون :: ( وخـــرت وحطيت أيدي ع خشمي ومسحت بي خوف وتستر ع المرض ) عادي عادي ... مجروح بس ..
أصيل :: تي شن مجروح .... مافيش جرح يدير هكككي ....
غصـون :: اصيل .. أهداااء شوي(وفجأأأة فقدت سيطرة ع كُل شئ ومعاش نشووف في شئ وكُل شئ بدي ضبااب ف الاول صوته هرب ومعاش نسمع فيه وبعدين صااار الي خايفه منه ومعاش شفت حبيبي أصيل ... ودوخت )
أصيـل :: ( بِ خوف أنـــزل طول وقعـــد يقيم فيا وينادي ف نااس ) ....
..............................................
( بعد ساعـــة ف المستشفى )
( الممـــر كان مليـــان ف جيهة عمتي و بتول مقعمزين وبتول حاكنت حاضنـــه عمتي وتبكي ,,, و جنب باب العناية كان عمران يشبح للباب ونزلت دمعاااتــه مجرد أسترجااع ذكريااتي معاه .. وجيهة تانية كان فيها ريهـــام و مها ومها كانت تبكي ,,, و علي و مروة كانو مقعمزين ف أخر الممر ... أما ,, _____ أصيل ؟! ,, ف لحضتها ماكانــش موجود ,, )
...............
( ف ساحــة المستشفى )
..
( ساااحة كانت كبيـــرة وكان فيها كراااســـي هلبــه بس الغريب أنه أصيـــل ختاار يقعمز ف زااوية بروحه ع الارض ويبكي ,,,, يبكي بي طريقة زي وكأنه طفــل فاقد أمه ,,, طفل محتااج حد وخاايف يفقده ,,, )
...
( ف الممــر )
( وقفت بتــول وبي صوت عالي وهيا تبكي )
بتول :: لالالالالا اانا معاااش نقدر نتحمـــل ... عطلوو هلبه انا معاش نقدر نتحمل ضروري حد يطلع ...
عمران :: ( جي حضنها ) خلاااص اااش .. خلاص حبيبتي ..
بتول :: ي عمران معاااش قادره .... معاش قادره الافكاار سوده مش راضيه تخليني ف حالي ...
( والكــــل حســو بي وجــع القلب وضعف ف وقتها وحتى مروة زعلت ع بتول وحالتـــها )
..........................
( بعـــد مده من الوقت نزلت عمتي أدور ف أصيـــل ,,, ولقاتـــه ,,, )
,,
ساجدة :: ( وقفت بعدين وشافاته وبعدين قربت خطوات ونــزلت وقعمزت جنبـــه بس أيديـــها من البكي وأحساس الفقدان الي يراود فيهم بي سبب مرضي خلاهم تتوقف عندهم كُل الحاسات وتنشــل حركتهم ,, )
أصيــل :: ( وهوا يشبح قداام موجه عيوون للكم الهائل من الفراغ ويبكي بي دون وعي ,, ) كيف وكان صار شئ ف غصــون ؟ ... كيف نقدر نعيش من غيــرها ؟
ساجدة :: ( تسمـــع فيـــه وماقدرتـــش تعطي أي ردة فعـــل )
أصيل :: ( شبحلـــها بي عيونه الملياانات دموع زي البحر وأنفه الاحمر ... وبي رجفه في كلامـــه ) ’’’’’’’ ,, نحبـــها ,, نبيــها ي امي نبيها ... وااالله مانقدر نعيــش من غيــرها ..
ساجدة :: ( حضناااتــه بي كُل قوتـــها ) لا ي قلبي لا.... غصـون ان شاء الله بخير ,, وترجعلنا سالمـــه ي عمري ,,,
,, ( شوي ورن تلفون أصيل , )
،،،
أصيــل :: ( رد بي سرعـــة البرق لانه المتصل علي ) ايوااه ؟!
علي :: غصــون فاقت وينك انت ؟؟
أصيـل :: ( وقف من الفزعـــة ) جاااي ,,,
............................................................
( طــول الممر وهوا فرحاان .. يجري يمشي بي كل مافيه الفرح من معنى ,,,, وهنا كانت الانغـــام الهاديــة تمشي عكــس مجرى تياار .,, تمشي بي بطء وعكس عقارب ساعه لي تفاجئ أصيــل بما لا يتوقعه ,,, ونغماات #أغنية #korkuyorum .. هيا الفاضحـــه للحــزن المقابل لي سعــادة أصيل .... )
,,
أصيـل :: ( أولـ ماوصل وقريب من دار الي قاله عليها علي ,,, بدي يسمع في صوت خلاه يوقف وتختفي علامات سعادة من ع وجهه ... ويركــز ع كل كلمــة كانت تقول فيها غصــون .. بي صراخ وبي صوت عالي وبي بكاااء )
...
( فـــ دار ,, الكــل متجمع فوقي وانا كنت نبكي بي صوت عالي ونعيط بي جملة وحـــده وهما كلهم مصدومين )
...
( ف دار )
غصـون :: ( بي صوت عالي وبكي ) ,,, بتوول مانشوف في شئ انااااا ... انا مانشوف ف شئ .... علااش دنيا ضلااام هكي .... بتووول .. مهاا وينكم ..
الكُل :: ( مصدومين وماسمعت صوت حد ... نحس بي ايديهم الي كانت تحـــاول تهديني وبعض دمعات الي طااحو ع ايدي من شخص قريب مني اعتقد بتول ... )
........
( خش أصيــل بي كل هدوء وهوا مصدوم ويشبح لي غصـون الي كانت أدف فيهم وتتكلم ف نفس جملة وبي دمووع أصيـل بدت كلمــــات الاغنية تعلو وتعلو وأحساسها يووصل بي طريقة مفاجأ )
............
( وقف جنبها بي زبط ... مسكـ أيدها وهوا ساكت )
,,
غصـون :: ( قعدت نلوح بي رأسي أول ماحسيت بي أيد أصيل ونحاول نحط عيوني المظلمات عليه بي ضبط ) ,, أصيــل .,, أصيل مانشوفش ,,,
أصيـل :: ( حضنننها بي كُل قوة وهوا يبكي ) اششش ..
الكُل :: ( لا يوجد بي عيونهم سوااء دموع )
’’’’’’’’’’’’’’’’’’’
( الكُل ف الممر مع دكتورة )
دكتورة :: غصون توا عطيناها حبة .. وأول ماتفيق نبي شخص واحد بس يكون جنبها يحاول يوصلها معلومة العماء المؤقت . ويفهمها باش ماتخافش ...
أصيـل :: أنا ,,, يعني انا بنكون جنبها اكيد ,, يالله نستأذنكم ,,,
( مشي وخلاهم ,,,,,,, )
.............
( توقعااتكم ,, وتعليقااتكم الطويله ’’’ أهم من أي شئ )
.
#يتبع ,,,
..
#سلمى
