أُريد تعليقات طويلة گ دعم لي 🙈😉
الحلقة(3)
من روايـــة ..
#ممتلكــات_عاشــق ,✊💜
...
( ف مكــتب أصيلـ )
أصيل :: ( شبحــلها ) أي ... كنت مع غصون ..
مروة :: ( لا تعليق )
( أعتقــد إنــه إجابته كانــت كافية لي أسألتهم ) ..
علي :: أأه مدام غصــون معنــاها مش مشكلـــه هههههـ
أصيل :: ( شبــح لي علي وبادلـــه نفس ألأبتســـامة )
مروة :: أحم ..
( هذا الي قالاته قبل كل كلمة كانت ع تطلع من فمــها .. ف وقــتها كذبــت وتجاهلـــت رد أصيــل ع المــوضوع .. مروة كانت إنسانة عاديــة بي نسبة ليا كانت شخصيـــة غير مؤذيــة ف قصـــتي .. بس كلماتــها الي ممكن تطلع منــها أو تفكيرها أو الأذى الي سببتهــولي من غير مانحس هما الي خـــلو حياتــي تتغير مليون درجة .. للأفضل أم للأســوء هذا الي بنعرفــوه ف القادم )
..
مروة :: علي ماكلمــكش سعيد تاني ؟
علي :: لا والله ..
أصيل :: ( شبــح لي علي ) كلمني امــس وطبعاً موصيــكـ تقولي حاجـــة وانت ولا انت هنا ...
علي :: هههههههـ لا ي شريكـ ,, انت الي ولا انت هنا .. انا موجود وكنت بنحكيلكـ بس مدامكـ ماكنتش فاضي ماقدرتش نتواصـــل معاكـ ,,
أصيل :: ( إكتفي بي رد بي إبتســــامة )
مروة :: ( شبـــحت لي أصيل ) سمعــت إنكـ بتنقل أكثر من موظف لي شركة تانيـــة ؟ .. أخترتهم ولا لا
أصيل :: ( وهوا يشتـــغل ع لاب ويكلمـ فيها ) أي ..
مروة :: ولي هما ؟
أصيل :: ( رفع عينــه وسند ضهره ع لكرسي وحط أيده ع ذقنه وبي إبتسامة أستفزازية نوعــــاً ما ) ..
مروة :: ( لم ترد ع تصرفاته ... أكتفــت بي ألأستغراب )
علي :: من هما؟؟ . ماتقولـــش انا بس ههههـ ,,
أصيل :: لا .. في حفلة تسليم تو نقول من هما ..
مروة :: أأأيح بنستنى لي حفلــة تسليم انا ...
أصيل :: أصبري شوية .. كلها ع بعضها بعد أسبوع ..
مروة :: بنتحمـــل ماعندي مانــدير ...
........................................
,,
( ف حوشـــنا )
تهاني :: غصون !
( كـــنت ف المطبخ .. وكنت فرحانه بي كل الوقت الي مر ف يوم امس وف ليوم صبح لانـــه كان مع أصيل ... كنت نسعد ف عمتي ف الغدي و مها كانت ف الجامعة . أما بالنسبة لي تهاني ف وصلني صوتـــها تنادي فيا .. طلعت من المطبخ و توجهت طــول لي دار جلــوس الي كانت فيها تهاني و عيماد )
..
غصون :: نعم ؟
تهاني :: تعالي بنـــوريكـ حاجـــة ! ,,
( تهاني كانت شــــاده تلفونها ف إيـــدها وفاتحــة نت ,)
غصون :: شن هذا ؟!
( هذا الي أنا قلته بعد ماشوفت صورة لي بنت حلوة هلبـــه طويلة و أم شعر بني وعيون كبار وراقية ف لبـــسها )
غصون :: من هاذي ؟َ!
تهاني :: ( بي صوت واطي ) هاذي مروة ..
غصون :: ( بي نفس درجة صوت بي دافع المزح ) من مروة ؟
تهاني :: ههههـ ( جت جنب وذني بي ضبط ) تي مروة الي كان يحبــها أصيــل ..
,,
( " صوعقت " .. فعلاً كانت اللحظة بي مثابة موت بي نسبــة ليا .. أمس وكل ثانية ودقيقــة كُنا فيها مع بعض نستني كل شئ ... نَستْنيِ نفسي وقلت أهتمامي بيها .. ونَستْنيِ مروة .. البنت الي ع خاطــرها كسر قلبي وماهتمـــش .. مروة البنت الي عمــري ماشفتها طــول هاسنين ... وكنت نســمع بي أسمها بس .. رغم أنـــه قالي انها جت لي عرسنا .. بس ماشفتهاش .. مروة بنت حلـــوة فعلاً ومـــن حقــه أنه يحبــها كل هالحـــب .. ومن حقـــه من بعـــدها مايحب حد .. يابـــال كــان هالحــد أنا)
.
غصون :: ( قعدت نشبح لي صورة ومصدومـــة )
تهاني :: ( حســت إنـه ماكانش لازم توريني حاجــه زي هكي .. بس شن عرفــها مسكينــة وهيا ماتـــعرفش أصلاً إنه انا نحبـــه )
غصون :: حلوة ..
( قلـــتها بي شويــة مــن الكبرياء .. و بي رفعــة رأس .. وبي تجاهــل لي مشاعري ولي روحي الي كانت تحترق ... ونوضــت ورجعــت للمطبــخ )
......
( ف المطبـــخ )
ساجدة :: ( سمــعت تــلفونها ومشت بتشوفه ) بنتي تلفوني يرن نشوفه ونجيك ..
غصون :: ( كنت ف عالـــم غير عن العالــم الي كانــو فيــه بدت الافكار تاخد أماكنها ف عقلي ... وسرحانــــه ومارديتش عليها الا بي هز رأس بي نعم ع أي شئ )
...
( ف صالـــة المنزل )
..
ساجدة :: ( بعد الانتهاء من المكـالمة .. حطــت تلفونها وبــدت تتنقد المحادثة الي كانت بينها وبين وحدة من أقاربنا ... )
..
غصون :: ( سمعـــت بعض الاصوات الي جايـــة من صالة خلتني نوض ونطلع نشوفهم لانه النقاش كـــان حاد )
..
( ف صالة المنزل )
تهاني :: مصـــح والله وجهه .. تقعمــز فيه العرس هيا وصغارها ع لي يمشيلهم ..
( و هذي أول جملة سمعتها بعد ماطلعتـــهم و وقفت نحــاول نفهم التعصب الي على وجوه العيلة بما فيهم عيمـــاد )
ساجدة :: والله ماتوقعت منها هكي ...
تهاني :: تي خليـــها .. علي يهـــتم بيهم المره الجايــة ..
( وبعد شوية حسيت إنه عيونهم بدت عليـــا وانه التركيز كان ع وقفتي أو ع علامات الاستغراب الي على وجهي ولا على شنو مش فاهمـــة )
ساجدة :: ( شبحتلي ونزلت رأسها وكأنـــه كانت زعلانه من موضوع هد حيـــلها وخلاها ماتحطــش عينها ف عيني )
..
( وهما قاعديـــن يتناقشــو وانا واقفة .. خش أصيل و تفاجأت بي رجوعه ف وقت أبكر من الوقت المعتاد )
أصيل :: سلاام عليـــكم ! , ( كان مستغرب هوا تاني من النقاش الحاد الي كان معبـــي صالة .. غمزلي وهز رأسه بي معنى شن فيـــه وجي وقف جنبي )
غصون :: مانعرفش واقفة ونحــاول نفهم !
أصيل :: معناها نوقف جنبكـ لين نفهمو وخلاص هههـ
غصون :: ( شبحتــله وضحكت بي صوت واطي )
..
تهاني :: نوضي عمتي نوضي ... خليها كانه عاودت قوليلها مانبوش نجو ..
أصيل :: خيـــركم شن فيــه ؟
تهاني :: أهلاً أمـــتى جيت .. بكري اليوم ؟ هههـ
( أسلــــوب تهاني ف رد ع أصيــل كان واضح رد لي تهريب من الموضوع .. وكانو يشبحولي وكأنــه ماكانــوش يبو يحكو قدامي )
أصيل :: توا جيت ... شن فيه ؟؟ ( قالــها بي نوع من الجديــة)
ساجدة :: (خدت نفــس عميــق وشبحتلنا وتكلمت ) هاذي **** إتصلت تعـــزم ع عرس بنتــها ..
أصيل :: باه !؟
ساجدة :: عزمتنا ومانبوش نمشو ..
أصيل :: باه انا الي مافهمتاش علااش الصوت العالي ونقاش الحاد هذا كلـــه وهيا كل القصة عزومة وانتم ماتبوش تمشو ؟
( الموضوع كان غير هكـــي بس وجودي سبب عرقله ف رد ع سؤال أصيل ... )
تهاني :: ماهو هيا بصراحة ... ( سكــتت وبعدين رجعت للكلام من جديد ) عزمتني انا وعمتي ومها بس ..
..
( بالنسبــة لي أصيل كانت إجابـــة ساحقة و رد يجلط ومؤالم لانـــه أولـ مره يحس بي إنــه زوجتــه فعلاً نهانت .. بس بالنسبة ليا كانت أجابة طبيعية لي مرأة راقيــة غنيــة و برستيجا قــدام النــاس مايسمحش بي عزومة بنت الضيعة لي عرســها ,,, ( بنت الضيعة . كان اللقب الي يقولو فيـــه الناس عليا ) )
..
( لما حسيــت بي توتر الجو وسكوت العيلة وهما حاسيـــن بي زعــل إتجاهي وهذا الاحساس أحقر أحساس ممكن يحــس بيه البني أدم .. جيت وغيرت الجو )
غصون :: ههههـ ,, باه عادي خيركــم .. ؟!
( شـــبحولي بما فيهم أصيل .. بس شبحــة أصيل خلتني نحس بي شعــور غريب ... كنت حــاطه عيوني عليهم ونكلم فيـــه وهوا كان جنبي ويشبحلي ... كانت نظرته مفعمه بي دفء .. هذا احساس حلوة وموتر ف نفس الوقت ... لما يكون جنبكـ الي إنتي تحبيه وهوا يشبحلك وساكت . ماتحسيش الا بي صوت نفس متعه .. هذا كان شبه عذاب بالنسبة ليا ههه )
غصون :: ( وكملت كلامي ) يعني هاذي مش أولـ مره .. وبعدين عمتي تعرفيني مانحبش نطلع ونمشي للعرسات .. عادي نوضو وماتحرموش روحكم من العرس .. بالنسبة ليا تعودت ههه يعني هما عندهم الحق .. ولانه ماناسبهمش ف ماعزمونيش وبصراحة لو كنت ف مكانهم كنت تصرفت هكي هههه ،، يالله عاد ماتزعلوش ع خاطر موضوع تافه زي هذا ..
ساجدة :: ( عمتي تأثرت بي كلماتي نوعاً ما بس بعدين كابرت وردت ) لالا انا مانبيش نمشيلها .. والله مانمشيلها وكان تعزمني مليون مره مش غير مره ... شن تحسابك عندي رخيصة ولا شن ..
تهاني :: أي والله ... ( مشاركـــة صغيرة من تهاني كانت بي مثابة رفع معنويااات لي نفسي وحسستني بي قيمتي عندهم )
غصون :: ( مانحيــتش الأبتسامة من وجهي .. رغم شعوري بي رعشة من نظرات أصيل وعيونـــه الي مانحهمش من عليا )
ساجدة :: هيا نوضو هي .. خلي نحطــو لغدي مها قريب تجي ..
( وقفت عمتي و تهاني و جو بيخشو للمطبخ .. ونــاض عيماد و إبتسملي ومشي لي صالون ... أما انا ف كنت نبي نمشي معاهم بس ف إيد منعتني نتحرك أي حركة من مكاني ,, )
,,
( كنت متلفته بنمشي مع عمتي وتهاني للمطبـــخ . وف لحضتها أصيل مسكـ أيدي و وقفت ومعاش تحركت .. ومش بس جسمي وقف .. حتى قلبي وعقلي وجفوني .. مافيش اي حاجة فيا تحركت .. وهذي أولـ مره نحس بي أصيل عن قـــرب .. أولـ نكــون قريبــة لي درجة يشدلـــي أيدي )
,,
غصون :: ( شبحـــتله وانا ف حالــة صدمة ) !
أصيل :: ( قرب مني خطوت وهوا مبتسم وعيونه نص مغمضات من إبتسامته هه )
غصون :: ( نشبحــله ونستني فيه يقــول أي حاجة أي حاجة تغطي موقف زي هذا )
أصيل :: طبعاً مافيش أي حاجة قلتيها عجبتني .. وكلامك عن إنكـ مش من مستواها والكلام الفاضي هذا أنسي .. لأنــه لو كانت هيا من مستواكـ كانت عزماتكـ أولـ وحده .. لانه مستواكـ أكبر منها .. إنتي مش حاجة رخيصة زي ماقلت امي باش مايضيقناش موضوع زي هذا ...( شبحلي بي تعمق أكثر ) وفكرة انك لو ف مكانها كنتي درتي زيها ف هاذي كذبة هه
غصون :: ( تحركـ فمي وأخيراً للمشاركـــة ف موضوع زي هذا ) وانت شن عرفكـ إنــه كذبـه ؟
أصيل :: نعرفكـ , نعرفكـ أنتي وهذا يكفيني انه نعرف اذا كانت كذبه او لا ..
( كلام .. حركات .. تصرفات .. مشاعر .. أحاسيس .. كله كنت مستغربة فيه .. ماكانش هكي .. ماكانش يهتم بي ولا تفصيل فيا .. وبدي خوفي من احساس شفقة يكبر اكثر وخوفي يكبر معاه )
غصون :: ( سحبـــت إيدي ) ولا يهمك انا تمام ..
( قلت هكي بي دافع راحة .. حسيــته يحكي معاي لانه زعلان عليا ف حبيتــ نريحــه وهكي أفضل رغم كلـ الوجع الي حاســـه بيه بي سبب افكار شفقة الحقيـــرة الي ترااود فيا )
أصيل :: ( أستغرب ) تمام ! ,,
( ومشيت ,, )
......................................
(مع ساعـــة 8 المغــرب .. وبعد ماجت مها وتغدت .. قعمزنا كلنا نتفرجو ف مسلسل ... بس طبعاً أنا ع ناار لانه بعد عشرة دقائق لا أكثر بي تبداء مباارة أفضل فريق عندي والعيلة كلها تعرف إلا أصيل وهذا الي أنا أعتقدته ف وقتها )
عيماد :: تي غيروو هذا عاد وديرو المباارة قريب تبدااء
غصون :: ( نزرعت فرحة كبيرة ع وجهي بي كلام عيماد )
مها :: لا ي بابا تبي المبارة اركب فوق لي حوشك .. انا المسلسل نتفرج عليه كل يوم ايوااه
ساجدة :: أركب فوق تفرج امشي ...
( الكل كانو يشجعو ف عيماد انه يركب فوق أما اانا ف كان وجهي زي ورقة الاختبار مره فرح ومره زعل تقولي Emoji ف ماسنجر )
,,
( شويــة و شرف أصيل كان فوق ونـــزل ... وجي طــول قعمز جنبي )
أصيل :: شن أديرو ؟؟
عيماد :: حااطين المسلسل ي راجل وانا نبي المبارة وهماااا شئ تقولي نتكلم مع حيط ..
ساجدة :: تحشم ... ( قالتها وهيا تكشخ )
أصيل :: ههههههـ ,, علاش من بيلعب اليوم ؟ ( قالها وهوا مبتسم ونظراته منتشرة بينهم وبيني )
مها :: برشلوونه ... ( شااركــت رغم ملاحظتها القويــة ع المسلسل )
أصيل :: ( شبحلي )
غصون :: ( نشبح لي مها ) مش تبي تتفرجي يالله ركزي وماتعلقيش ..
العيلة :: ههههههههههههههـ ,,
ساجدة :: واخيراً تكلمتي نحساابك غير بتتفجري بعد شوية ههههـ
مها :: خليها خليها .. تبوو المبارة ولا والله مانحطها وكان تهبلو ..
أصيل :: ( طـــلع تلفونه )
,,
(وصلني مسج من أصيل ... شبحتــله لقيتـــه يهدرز ويضحك مع العيلة .,, أستغربت وبعدين فتحتـــه )
.
#الرسالة
( ,,,,,,,,,,,,,
#يتبع,,,
#سلمى
