الحلقـــة (13)
من روايــة ..
#ممتلكَــــات_عاـشق ..
,,,,,,,,,,,,,,,,,,,,,,,,,,,,,,,,,,,,,,,,
( كُنت ف داري ونجهز ف روحي باش نمشي للمراجعة عند دكتورة ... وصلني مسج من أصيـل ) ..
#المسج ,
} دقاـئـــق ونكُون عندك .. جهزي روحك {
...........
غصــون :: ( بيني وبين نفسي ) ,, كيف ؟؟ .. شن يعني شوية وبيكون عندي ... خيــــره هوا ؟؟
بتول :: صباااح العسل .,, خيرك لي توا ف دارك ؟
غصـون :: ( نشبحلها ) هذا خيره .. ؟
بتول :: مني ؟؟؟
غصــون :: ( شبحت لي جيهة تانيه ) كيف يعني ؟؟ .. لا مستحيل يكون بياخدني بي سيف ...
بتول :: ي سلااام ماكانش عندها عقل بنتي .. شوية وهوووب يمشي حتى طشـــه الي فاضلك وراثةة ...
غصــون :: ( خديت شنطي وطلعت من غير ولا كلمة )
بتول :: تي وين ماشية ي طشــه .. تي اصبري ...
.............
( تحـــت ف حـــوـش أختي )
..
عمران :: صباح الخير ؟؟
بتول :: صباح النور ..
عمران :: وين غصون ؟
بتول :: طُلعت لاهيه ف الورد تسقي فيه ... عـــلاـش ؟
عمران :: جاي أصيـل بيرفعها لي المستشفى ...
بتول :: باللهِ عليك ؟
عمران :: واللهِ .. علاش مستغربه .. ع الاقل اصيل راجلها مش زي سليمان مش مفهوم شن فصيلته وجااي يتصرصر ..
بتول :: سليمان من زمان معروفه فصيلته .. قول شن فصيلة الاخ اصيل الي 24 ساعه تتغير ..
عمران :: تعرفي تتكلمي بي تنطوير قدامه تشوفي ... خليه هوا ومرته يحلوها فاهمه ؟
بتول :: تي باهي ماعندي ماندير بيه اصلاً .. برا ناديها خلي نفطرو ..
عمران :: باه ...
..
( ف الوقـــت الي كان عمران ماشي ينادي فيه ع غصون رن جرس الباب ورجع باش يفتح .. )
..
عمران :: ي اهلاً ,,
سليمان :: اهلين بيك . كيف حالكم ؟
عمران :: الحمد لله .. خوش تفضل ..
سليمان :: لالا وكانه غصون جاهزه هيا خلي نمشو ... وقت اصلاً متأخرين
عمران :: تي غير خوش ي راجل اصلاً غصون مش فاطره وكان تمشي صايمه تتعب ... خوش افطر معنا بعدين يحلها الف حلان ...
سليمان :: باه هي ...
...
( الاسلـــوب الوارد من عمران ليس من الاساليب الحقيقه للحب .. بالعكس تماماً هيا أساليب التعجرف الغيـــر موضحة .. )
...
( ف الوــقت الي مقعمزين فيه ف جنان ويفطرو .. رن فون غصون ,, وبمأنه الصمت كان حليف الجلسة من البدايه .. ف الكُل أهتمو بي المُكالمـــة الواردة ل غصون )
..
غصون :: ( شبحت لي تلفون .. ومن تفركيستي شبحت لي الكُل قبل مانرد ) ,, ألـــو ؟!
أصيـل :: واتيـــة ؟
غصـون :: كيف يعني ؟!
( الكُـــل ) :: ( أنتباه عن غير العادة )
غصون :: ( نوضت وبعدت عليهم شوية ) .. انا مافهمتش رسالتك اصلاً ؟
أصيـل :: غصون انتي فاهمه ماتستعبطيش ... يالله انا برا اطلعي ..
غصون :: تي وين بنطلع .. وشن هوا الي فاهماته ؟ ..
أصيـل :: تعرفي وكانه نخُش ماتلومينيش ع تصرُفي راه .. وبذات انه سياارة الغبي هذاكه برا ...
غصون :: خلاص اصبر شوية ونطلع ..
أصيل :: أهو نراجي ..
غصون :: باهي ...
...
( تلفتت وكلمتهم ومشيت لبست شالي وطلعت بنكلمه برا )
...............
( قِـــدام الحُوش )
أصيل :: ( كان واقف ع سيارة ... وهييييه ي حبيبي ع طرحة الي طالع بيها .. سروال جينز داكن و سبيدرو أسود مع سورية بيضاء ونظرات سود وحاط أيديه ف جيوبه )
غصون :: ( بدُون مُبالغه وقفت وقعدت سرحانه فيه بي كُل مافيه من صدمة لي جماله ... )
أصيـل :: ( وقف وشـــال نظرات وجي وقف قدامها ) ساعه وانا نقنع فيك تطلعي ... شن رأسك من أمتى يابس هكي ؟
غصون :: ( هنا فقت ع عمري وشبحتله بي وضوح تام ) شن تبي ؟
أصيـل :: لا ورأس امك حق ؟؟؟
غصون :: أصيل تكلم باهي ..
أصيل :: كيف يعني ؟ ... انا مش بعتلك رسالة و قتلك جهزي روحك صح ؟
غصون :: أأي ؟؟؟
أصيـل :: شن اااي ؟ ... واضحة غصون ماتهبلينيش .. بنرفعك لي دكتورة ..
غصون :: لا مافيش داعي عمران وسليمان ماشين معااي .. تعبت روحك وخلاص
أصيـل :: لااا هكي هلبه ... وقااعدة تقولي سلميان .. تي من هوا هوا سليمان باش تقوليلي بيرفعك ؟؟؟ ... انا راجلك انا نرفعك مش هوا ... غصون جيبي شنطك وتعالي معاي هيا ...
غصون :: لا اصيل برا انت ... خلاص تو نمشي معهم .. هما اصلاً من بداية العلاج كانو معاي .. خليهم يكملو ..
أصيـل :: ( يلف يمين ويساار من الهم الي قدامه ,, قرب منها شوية وجي جيهة وذنها ) ,, لما نقول كلمة انا نفدها مش غير كلام .. ي تركبي انا نرفعك و إلا قسم بي دين الله نخُش نشوهله وجهه سليمان شيطان متعك اهوا ...
غصون :: ( شبحتلـــه وسكتت )
أصيل :: بنركب سيارة نراجي فيك تمام ...يالله
غصون :: ( لفيت زيني زي البنت شاطرة وخشيت لبست جاكيتي وسبيدروي وبناخد شنطي وجيت بنطلع لحقتني بتول )
,,,,,,,,,,,,,,,,,,,,,,
بتول :: وييين ي معووود ؟؟
غصون :: بنمشي ماهو ..
بتول :: وين ماهو ؟
غصون :: بنمشي للمستشفى ... مع اصيل ..
بتول :: كيف جت هيا ؟
غصون :: تو نحكيلك لما نروح ... تأسفي بدلي من سليمان باهي ..
بتول :: باه ... يالله ردي بالك ع روحك ... وكلميني لما تطلعي من دكتورة
غصون :: تمام ...
,,,,,,,,,,,,,,,,,,,,,,,,,,,
{ ف المُستشفــى }
..
دكتورة :: غصون عنادك وكبر راسك ف مرضك هذا ماينفعش .. المفروض علاجك كان اول بي اول ولو رضيتي ب العمليه ف وقتها كُنتي توا ف أواخر علاجك ...
غصون :: ( نشبــح لي أصيـل الي بيتفجر ف وجهي وكلام دكتورة يزيد يشيط في نار اكثر ) .. تمااام دكتورة .. المهم توا ..
أصيـل :: أي دكتورة طمنيني عليها توا ... شن الامور .؟
غصون :: ( عيوني تتنقل بين دكتورة وأصيـل .. ولي ـأولـ مره نخاف من الموت والبعد لي درجــة هاذي )
دكتورة :: غصون شن بنقولك ... المرض بصراحة متطورة بي طريقة رهيبة ف الجزء الايسر من رأسك .. وخايفة لو نتأخرو أكثر ينتشر ف الجزء الاخر وهكي ممكن نُخسر جزء كبير من الاعصاب والحساسات المتكونه ف العقل .. الورم للأسف خبيث من حميد ..
غصـون :: { إيديـــه معــاش حسيت بيهم من الرعشـــه والخوف .. وصوت دكتورة أختفى بعد أخر كلمة { خبيث مش حميد } وبدت كلماتها تتردد وراء بعض بدون توقف { الاعصاب والحساسات المتكونه ف العقل } ,, { نخسر } ,, }
أصيـل :: ( قــرب إيديه وحضن إيدي بي خوف ,, كــان يشبحلي وهوا قـــارن حواجبه بي توتر ومنع دموعه ينزلو ومايحسسنيش بي الخوف اكثر )
دكتورة :: ( ناضت من مكاانـــها وجت جنبي ) غصون حبيبتي .. خلينا نبدو ف العلاج .. لازم تسافرو .. بالك دكتور يغير طريقة العلاج ويوافق يدير العمليه . صح نسبة نجاح اقل .. لكن انتي مش ح تخسري شئ ... بالعكس ح تخسري لو قعدتي هكي ... فكري ف الموضوع .. فكري ف عيلتك وزوجك وشوفيهم كيف خايفين عليك ,
أصيـل :: ( يشبحلي وكان متوتر من ردة فعلي أو كيف بتكون إجابتي )
غصون :: تمام ... خلاص حاضر ,, { بدون اي تردد لقيت روحي نوافق وكأنه مش ف وعي .. لكن فعلاً الخوف الي حسيت بيه أكبر من الخوف الي حسيت بيه ف وقت الي عرفت إنــه انا مريضة }
أصيـل :: تمام ... خلاص دكتورة شوفيلي الاجراءت المطلوبة وكلميني ...
دكتورة :: ولا يهمك أصيـل ...
.........................................
{ ف سيـــارة }
أصيـل :: ( يتكلم ف تلفون ) .. الو !
,,,
بتول :: أهلين أصيل .. وينكم ؟
أصيـل :: كيف طلعنا من المستشفى ..
بتول :: تمام نراجو فيكم ..
أصيـل :: ( شبحلي ويتكلم ) لالا .. احني مش ح ننزلو . جهزي حوايج غصون بتروح معاي ..
’’
{ وأنـــا ماعطيتش أي ردة فعل نشبح لي روشن وخلاص }
’’
بتول :: هيا هكي تبي ؟
أصيـل :: بتول ماتناقشيش فيه الموضوع هوا ... جهزي الي قلتلك عليه انا بننزل بناخدهم وبنمشو ...
بتول :: تمام باه ... وينها هيا عطيهالي ..
أصيـل :: تو لما نوصلو اطلعيلها ,,,
بتول :: باه .... استعجلو ..
.....
( صكر أصيـل تلفون وشبحلي ’’ )
’’
{ وضعي لا يسمح بي رفض ولا الموافقة على اي شئ ... كُنت ساكتة هادية عن غير العادة .. دموعي ينزلو من غير صوت .. ومتلفته لي روشن .. } ’’
.........................................
( قِدام الحوش .. )
بتول :: باه انزلي اشربي حاجة وبعدين امشي ..
غصون :: لالا خلاص .. وقت
بتول :: هوا جابرك ع حاجة ... قولي غصون مانخلوكش تمشي معاه .....
غصون :: ( شبحت لي روشن وقت كان اصيل واقف ويتكلم مع عمران ) .. مافيش داعي يجبرني .. لو سألني تمشي معاي ولا لا .. كنت ح نوافق من غير تردد .. لانه مافيش حد يبي يقعد بعيد عن راحته ي بتول ... وليوم لولا وجود اصيل معاي ف المستشفى كُنت انهرت بعد كلام دكتورة ...
بتول :: حبيبتي ... كُل شئ ح يكون بخير ماتخافيش ...
{ نسمع ف صوت أصيل )
..
أصيل :: يالله امالا ... نتلاقو ان شاء الله ..
عمران :: ان شاء الله ... زينة يارب ...
..
{ جي ركب } ,,
أصيل :: ( شبحلي ) هيا شنو نمشو ؟
غصون :: باه ... ( سلمت ع بتول وصكرت الباب ومشت وقفت جنب عمران )
.........................................
{ فِ طريق }
أصيل :: تبي حاجة من طريق ؟
غصون :: ( ساكتة )
أصيـل :: غصون نكلم فيك ... تبي حاجة ؟ .. خاطرك ف اي حاجة ؟
غصون :: { نشبح لي روشن من غير اي تعليق }
,,
( درس سيارة وشبحلي وشد ايدي )
أصيـل :: غصون باللهِ عليك ماديريش فيا هكي .. وحق ربي ماعاد قادر نتحمل ... تكلمي كلمة وحدة بس ... من لما طلعنا ماسمعت منك الا باه وخلاص ... تكلمي ماتقعديش ساكته ..
غصون :: تعبانه .. ( قُلتها بي كُل خوف وخنقة ف صوتي ’’ نزلت رأسي وبديت نبكي ) والله تعبانه .. نحس ف روحي ناقصة ومش ح نقدر نكمل ... حاسة روحي بنموت وخايفة .. لي اول مره نخاف نبعد عليك والله خايفة ..
أصيل :: ( نزل من سيارة وجي جيهتي انا ) ,, ( حضني بي كُل قوة عنده ) اشششش خلاص ... اسكتي
غصون :: مانبيش ... مانبيش نموت ونخليك مانبيش ..
أصيل :: مش ح نخليك تمشي اصلاً .. ( حط ايديه ع خدودي ) انتي اغلا حاجة عندي ... الايام الي قعدتي فيها بعيده كُنت نموت فيه الف مره .. غصون انتي مش هوينه باش انا نخليك تخليني وتمشي هكي ... بتعالجي وبترجعي زي قبل .. ماتخافيش
غصون :: خايفة ... واللهِ خايفة .. ( وحضنته ) ,, ماتخلينيش حتى وكانه بعدتك عني ماتخلينيش ...
أصيـل :: وعد ,,, وعد مانخليك .. والله
...........................,’’’’’’’’’’’
( ف الوقت الي انا كُنت راقدة فوق ف حوشي بي راحة تامه وهدوء ... أصيل كان مقعمز تحت ف جنان ويدخن )
,,,,
( جت عمتي لي أصيـل فرحانه )
.,
ساجدة :: ( قعمزت جنبه ) شني حق غصون رجعت تاني ؟
أصيـل :: اي ...
ساجدة :: وينها ؟
أصيل :: فوق ... راقدة
ساجدة :: وانت خيرك مش فرحان ؟ . اليوم صبح جوك حلو .. شن فيه ؟
أصيل :: ( بعد مُعانة و تمسك بي دموع نزلت اول دمعة ضعف لي أصيـل ) أستحشتها .... أستحشت غصون ي امي .. لكن مش هاذي ... لي اول مره نسمع غصون تقولي خايفة وهيا فعلاً حاسه بيها .. هيا تقول فيها وتحلف وانا قلبي يتقطع من داخل .. ياريت نقدر نعطيها اي حاجة المهم ترجع زي قبل ومعاش تتوجع ... واللهِ أستحشتها .. ( بعد ماخدي شفة من دخان ونزل راسه ) تعبتني هالبنت .. تعبتني , والله مانعرف شن دارت فيا معاش قادر نتنفس من غيرها ... لو يصير شئ لي غصون .. ابصر شن يصير فيا ..
ساجدة :: ( نربط السانها واكتفت بي دموع كارد ع المُعانه وخلاص )
..................................................
{ الصُبح .. }
( ف دار مها )
تلفون :: ترن ترن ....ترن ترن
مها :: أيوااه ؟
..
وليد :: مها !.
مها :: .......................
#يتبع
سلمى
