الحلقة(10)
من روايـــة ..
#ممتكـــات_عاـشق ,,,
...........
( الكُل ف الممر مع دكتورة )
دكتورة :: غصون توا عطيناها حبة .. وأول ماتفيق نبي شخص واحد بس يكون جنبها يحاول يوصلها معلومة العماء المؤقت . ويفهمها باش ماتخافش ...
أصيـل :: أنا ,,, يعني انا بنكون جنبها اكيد ,, يالله نستأذنكم ,,,
( مشي وخلاهم ,,,,,,, )
,,,,
( ف الصُبح )
( ف الحُوش ... )
ساجدة :: يالله نوضي ارقدي انتي من أمس ماغمضتيش عين ..
بتول :: ماجانيش النوم ...
عمران :: يالله حبيبتي خوشي ارقدي شوية .. غصون شوفيها راقدة ومافيها شئ ... هيا حبيبتي اسمعي الكلمة يالله
بتول :: ( بي تكشيخــة ) قلت ماجانيش النوم خلاص ..
ساجدة :: ( غُمزت لي عمران ) خلاص خليها .. تو تفيق غصون وتاكل و تتأكــد أنها كويسة تو تخُش ترقد
عمران :: ( أكتفى بي سكُوت )
مها :: ( شويــة وقطعت على حديثها مها وخشت )
ماما نوضيها غصون خلاص وقت دواها ..
ساجدة :: باه ..
( كُلهم كانو فوق رأسي .. بمـأنــه فقت ف المستشفى ولقيت أصيل جنبي وفهمني سبب العماء الي صابني فجأة وبعدين عطوني خروج بعد أصـــرار مني ... )
..
بتول :: غصون ... ( حطت أيدها ع شعري وتنوض فيا ) .. غصوون .. حبيبتي يالله نوضي ياسركـ نوم ...
غصون :: ( نُوضت ) .
ساجدة :: هيا قعمزيهااا ... هي حبيبتي نوضي .. تبي تاكلي حاجة ؟
غصون :: لالا ماخاطريش ... ( سندتني بتول وقعمزتني كويس)
ساجدة :: لا كيف ماخطركش .. نوضي كولي اي حااجة باش تاخدي دوااك بنتي مايجيش هكي ..
غصون :: لا واللهِ عمتي ماخاطريش ...
بتول :: باه نوضي نطلعك لي جنان برا .. ع الاقل احسن من هنا الجو ..
غصون :: لالا خلوني هنا ...
بتول :: تِ شن لالالالا .. شن كُله لا عااد ... نوضي كولي ولا اطلعي ولا تكلمي زي قبل مش معقوله هكي ...
عمران :: ( شد ع أيد بتول وفنص فيها ) ..
بتول :: ( سُكتت )
ساجدة :: باه بنتي شن تبي ... قولي شن تبي واحنى نجيبهولك ..
غصون :: مانبيش حد يعملني وكأني مريضة .... خلاص لما نجوع تو ناكل .. ولما نبي نطلع تو نطلع .. ولما نبي ناخد دواء تو ناخده ...
بتول :: دوااء ليه وقت .. مش ع كيفك هوا ..
غصون :: امتى العمليه ؟
عمران :: مزال حبيبتي 8 شهر هوا ...
غصون :: يعني مزال عليها سبوع ؟
عمران :: أيه ..
غصون :: كويس ....
( حسيت وكأنـــه ميـــاه سخونه نزلت عليا .... مانبيـــش نُقعد العمياء الي كُلهم يدادشو فيها يمين ويساار .. بِ أسلوب الشفقة المستفز ... نَزلت رأسي هرباً ... من دموعي .. الي ح يلاحضوها كُلهم ..)
........
( بعــد شويــة صغيــرة طُلعو كُلهم .. )
.............
( ف صـــالة الحُوش )
بتول :: مش معقولـــة ... لِ امتى بتقعُد هكي هااذي ؟؟
عمران :: حتى انتي مش معقولة ... ي بتول اختك توا مش محتاجة الا هدوء وراحة وانتي طايحة تكشخي عليها ف طالعه ونازله ...
بتول :: خايفة عليها ي عمران .. شوف حااالها ؟؟ .. عاجبك ؟ لا تاكل ولا تبي تطلع ولا تبي تاخد دوااء ... كيف تبيني نتصرف باللهِ عليك
عمران :: اهدي حبيبتي كُل شئ يمشي تمام ... غير اهدي انتي بس ..
بتول :: ( سُكتت وحطت أيديها ع رأسها )
( شويــة وعلى خَشت أصيل )
..
مها :: هذا أصيل جي ...
أصيل :: خير شن فيه ... صوتكم وااصل لِ برا ..
بتول :: ( نااضت وبدون وعي ) تقدر تفهمني انت وين كُنت ؟
أصيل :: ( ساكت ويشبحلها بِ أستغراب )
بتول :: أُختي مريضة و لا كلت ولا خدت دواها ولا طُلعت من داارها وحظرت جناابك كنت تدهور ...
عمران :: بتووول .. أسكتي شن هذا الي تقولي فيه ..
بتول :: تراا قول كذب ... أصلاً هوا من قبل ماايحبهااش ... شن الي بيخليه يحبها بعد مااتولي عميااء ...
.,,,.
( قبل مايوصل أصيل اصلاً كنت نحااول نااخد خطواتي ف داار أتجاه الباب بااش نفاجأهم ونطلع ... وأولـ ماوصلت الباب الي كان مفتوح على مصرعيه ... سمعت كل المحاادثة الي داارت بين بتول و أصيل الي باادرها أصيل بي صمت )
,,
أصيل :: ( قااعد سااكت ويشبحلها )
عمران :: لالا انتي زودتيها تعرفي .... ( شدلها ايدها ) هيا هي امشي ..
بتول :: ماااانيش ماشيه الا بِ غصووون ..
أصيل :: ( بِ طريقة مشمئزة )
اانتي شن قاااعدة تقولي ... ماتوقعتش منك الكلام هذااا ..
بتول :: لااا والله ... معناها شن توقعت مني ... نجي نقولك شااطر ي اصيل صحيت لانك ماكنتش جنبها ... ولا نقولك صحيت لانك كذبت عليها ... كلام الدكتورة كان واااضح ... غصون احتمال تقعد عميااء حتى بعد العمليه ... وانت من لما طلعني من المستشفى ماكنتش معنا ... ااااه .. كيف راحت عن بالي ... مرات كُنت عند حبيبة القلب مروة وطلبت منها تواااسيك ااااي ممكن علاش لا ..
عمران :: قسمن بالله ي بتوووول كلمة زيااادة واسلوبي مش ح يعجبك ..
بتول :: اي خليك واااقف معاه ... لكن انا طلعة من هنا من غير غصون مستحيل ...
..
( كُـــل حرف وكُــل كلمــة طلعت من بتول خشت ف قلبي زي سيف .. قطعته مليون ألف شقفة ... عيوني وكــأنه ليهم سنين مادمعووش ونفجرو وكأنهم بُركان ... ورجليا معاش حملووني ... )
أصيل :: ( فقد كُل مايملك من تمااالك لي أعصاابــه ) ,, تحملتك بي مافيه الكفااية ... بتول لو تحسااابي انك انتي بس الي تعبااانه ع خاطر غصون ف تكوني غاالطة .... انا بااش غصون ترتاح ماكونتش جنبها اليوم ... باش غصون تفرح ماكنتش جنبها اليوم .. باش غصون تتحسن ماكنتش جنبها اليوم .. تعرفي علاش ؟؟ .. لانه غصون مااتحبش انك تكوني جنبها .. تصري عليها تاكل وتشرب .. غصون مااتحبش احسااس الشفقة هذاا ... ولي تحس بيه غصون من الم وتعب .. انا نحس بيه دبل ... تعرفي شن احساس شخص الي يفكر ف ثانية الف مره انه بيفقد البنت الي يعشقها ... تعرفي شن يعني نعيش ع الخوف من انه معاش نشوفها تاني ....
( و للمره الالف يُضعف ويبكي قدام أي حد ع خاطري )
عمرك مااتحسي بِ لي انا حااسس بيه ...
بتول :: ( تبكي ... وقعمزت ع الكرسي ... وجت جنبها عمتي وحضنتها ... لانه الي قلاته بتول كاان من ردة فعل الخوف الي داخلها )
..
( وأخيراً لاحظو وجودي عن طريق مها )
مها :: ( شبحتلي ... وجتني تجري ) غصون ... حبيبتي !
غصون :: ( نبكي بس بدون اي صوت ... صوت كان الدااخل)
أصيل :: ( جااني طول ) غصون .,
( بدون لا وعي .. بدون اي احساس .. بدون اي صوت .. بدون اي شعور .. تقدمت خطواتي بي خوف .. حضنته بي أكبر قوة عندي ,, )
غصون :: خليك جنبي ... خليك جنبي أصيل باللهِ عليك ..
أصيل :: تماام .. اششش اهدي ..
...................................................
( ف ليل ... )
( كُلهم كانـــو ف جنان مدااايــرين شاهي ومقعمزين ... يعني .. أجوااء مابعد العاصفــة ... وانا كُنت ف دااري مقعمزة ونسمع ف تلفزيــون .. )
...
( ف جنــــان )
أصيل :: ( خش ) سلاام عليكم ,,
العيلة :: وعليكم سلام ..
أصيل :: ( جي خبط مها ع رأســها ) ت نوضي شدي حطي منهم شوية بدل ماتقعمزي الوقت كُله ع نت ...
مها :: باااااااهي معااش تُضرب ... شن ماعمرك تكلمت بِ أحترام ...
أصيل :: لا تبي تعلميني ...
ساجدة :: جعله باللطف .... خيركم ؟
أصيل :: هههـ ’’ خليها ... ( شبح لي بتول ) وين غصون ؟
بتول :: كالعاادة ... مش ح تطلع ..
أصيل :: امم .. لا هكي هلبه ..
,,,
( خــش أصيل لِ عندي ف دار )
’’
( فِ دار )
أصيل :: حبي شن أدير ؟؟؟؟
غصون :: ( بي أبتسااامة ) أأهلاً ,,, ع اساس نسمع هعههههههه
أصيل :: اممم ,, ( قرب وباسني ع رأسي ,, ) علاش ماطلعتيش برا ؟
غصون :: ( بي علامات البرااءة ... ) ماااخاطريش ..
أصيل :: اااه ... لالا هيا نوضي معاي ...
غصون :: لالا .. باللهِ عليك حبيبي خليني هنا ... أصلاً بعد شوية بيبداء مُسلسلي ونبي نسمعه هههههههههه,,
أصيل :: ( ضحك بس من غير صوت ) ايواااه شكلك بتعبيني ..
غصون :: والله ماخاطري الله ... ( بي صوت المعسل والكلام الحلو بااش يخليني ) ورااأس حبيبتك تخليني ..
أصيل :: ماااهو انا ع خااطر رأسها ... ( قرب وقاامني ) بنرفعها بي أيديا لي براااا ...
غصون :: ههههههههههههههههههـ ( شديت فيه ) لا تتسهوك .. اكيد مش ح طلعني قدام العيلة هكي ولا ؟؟؟
أصيل :: لا مانتسهوكش .. ( باسني ع خدي ) بنطلعك
غصون :: هههههـ ’’ لالا غير نزلني ونتفاااهمو ..
أصيل :: زمن التفاااهم خلاص انتهى ههههههههـ , ( ومااشي بيا لي برا )
غصون :: هههه نهارك الاحرف لالالا ... يعنجد روماانسية بعد سااعة 12 هيااا الي بتحشمنا ههههه
,,,
( وأستمر بيا لي جنااان ... وقعمزني ع الكُرسي )
ساجدة :: ماتجيش الا بِ هكي اصلاً ههههههـ
غصون :: ههههههههههههههـ ’’
بتول :: وكان نعرف هكي من الاول رااهو كلمته أصيل .. ههـ
غصون :: ياااسرونا عاد هههـ
( قعمز أصيل تحتي وشدلي أيدي ) وكان تشوفي وجهك قداش ما أحمر ,,,
مها :: هههههههههههههـ اااخيه عليك مبردك ,,, يكذب عليك راااه وجهه هوا الي احمر
أصيل :: ههههههـ
غصون :: أصلاً نعرف من هوا الي يتحشم منها المواقف الي زي وجهك هيا هههههههههـ
’’’’’’’
( ومشت الليله كُــــلها ضحك وفرح ... لا مرضي ولا العمى أثر علينا ,, كُنت جنب أصيل ,, وعيلتي .. جنب كُل ماهو راااحة ليا ... )
......
( ف ليل فـــوق ف حوشي )
( أصيل كان راقد وانا حسيـــت بي نفسي وكــأني بنستفرغ ... نُوضت من نومي وقعدت نفرفش ف مكاني وكأنـــه نفسي كانت تستغيث خوف من الموت .. ونبكي من الوجع الي حاســه بيه .. ونبكي من عجزي الي مخليني مش قادره نجري للحمام .. )
,,
أصيل :: ( نـــاض فـــازع بِ خوف بعد مااحس بيا ) غصوون . خيرك حبيبتي
غصون :: أصيــل ( وشديت ف فلينته ) ارفعني للحمام بسرعة نحس ف روحي بنستفرغ ...
أصيل :: ( ناض أصيــل وقف وجااني من جيهتي وقامني طوول للحمام ) ,,,
,,,
( خشيــت للحمام ( حاشااكم ) و قعدت نستفرغ ونبكي وأصيل واقف عليا شاادني )
أصيل :: خلاااص حبيبتي ... تمام ماتخافيش ... كله تمام .. انتي هكي اصلاً ترتاحي ...
غصون :: ( قعمزت ف الحمام ( حاشااكم ) وقعدت نبكي ) لي امتى بنقعد هكي ...
أصيل :: اششش .. شن الكلام هذااا .. نعرفك اقوة من هكي انا ..يالله نوضي معاي يالله
غصون :: ح تتحملني ؟؟؟ ,,
( طلع مني سؤال من غير أراااده ... المهم انه نبي نطمن روحي بي اي شكل ... وكأنـــه أحد أعرااض المرض هذا هوا انه نصبر روحي )
أصيل :: انتي شن تقولي .... انا معاك وحنبك ديما .. مافيش حاجة اسمها نتحملك وتتحمليني ... انحبك ومستحيل نستنغى عنك ... وح تشفي وح تشوفي
غصون :: ( حضنته )
...........................................................
( مرو يومـــين تشاركنا فيهم انا و أصيل فِ كُل شئ .. ف تعبي .. ومرضي و حزني وفرحي .. وعصبيتي وكُل أعرااض المرض المشمئزة ,,, و ماننســـوش تنظيم الحوش ... وطبخ ههههـ )
,,,
غصون :: ياودي غير ريحلي روحك وخلينا ننزلو ونتعشو مع عمتي ومها مش أفضل ؟
( للعلم عماد ومرته ف حوش أماليها لانه حاامل وتعباانه )
أصيل :: ريحيلي روحك انتي بس . وح تاكلي اااكل مش عادي
غصون :: اااي اااي ... محروق هههههههـ
أصيل :: عينك ,,,
غصون :: ي حبيبي من ابن الجزمة الي قالك ماتعرفش طيب .. تعرف ونص .. لكن معليش خلينا اليوم ننزلو وناكلو مع العيلة .. اصلاً اللمة احلا ههههـ
أصيل :: لا ,, أصلاً شوية ونحطو ناكلو ...
غصون :: والله شكلك مستغل فكرة انه انا عميااء وشااري حاجات من برا وبتقولي انا درتهم ههههههههههـ
أصيل :: ( يضحك بس من غير صوت ) تي باهي بااه ... تو نوريك ..
غصون :: هههههههـ ’ ,,, تلفونك يشرين ..
أصيل :: أي نسمع فيه .. شوية ونجيه ..
غصون :: باه غيرلي القنااة قبل ..
أصيل ... ( جي جنبي وخدي تلفونه فتح الخط وشد ريموت ) شن تبي حبيبتي نحطلك ؟
غصون :: حط ع اي قنااة نحبها انا المهم مش اخباار
أصيل :: معنااااها اخبااار هههههههـ
غصون :: مبردك ههههههـ
,, ( حط القناة )
,,
أصيل :: ألو .. ( وخش للمطبخ )
مروة :: شكــلك مش فاضي ..
أصيل :: خير ؟!
مروة :: كُنت نبي نسأل عليك كيف حالك وشن مدااير .. وكيف حال غصون توا
أصيل :: الحمد لله .. مشكورة
مروة :: خيرك تتكلم هكي ؟ ,,, فيه حد جنبك ؟
أصيل :: كيف يعني لو بروحي كيف بنكلمك ؟
مروة :: مانعرفش ... قصدي حسيتك تتكلم بي جفاف
أصيل :: انا هكي نتكلم .. سواء جنبي مرتي ولا لا ..
مروة :: امم ,, تمام .. غدوا بتجي للخدمة .. ليك يومين مغيب
أصيل :: شوفي مروة ... لما نتأكد انه غصون حالها باهي .. نفكر ف وقتها نرجع للخدمة .. ولا نقعد جنبها ...
مروة :: ( سُكتت )
أصيل :: نستأذن منك ... مع سلامة
مروة :: مع سلامة ..
,,,,,,,,,,,,,,,,,,,,,,,,,,,,,
( ف صالة حوشي )
أصيل :: غير أفتحي فمك ... هيا وااحد بس .
غصون :: يارب سترك وعفوك هههههههـ ’’’ ( فتحت فمي )
أصيل :: ايوووواه ..
غصون :: ( الطعم كان أكثر من روعه ... بصراحة ماتوقعتش أبدااعه بي طريقة هاذي ... لا ملح ولا فلفل ولا اي حاجة تخلي الماكله تتاكل هههههههـ ) واوووو ... فعلاً مبدع
أصيل :: والله ؟!
غصون :: كَـ أول مره ... وأخر مره .. بس يعني هههههههههههههههههههههههههههههههه
أصيل :: لا بارده ..
غصون :: ههههههههـ حبيبي وين الملح .. وين البهارات لانه ماذوقت شئ انا ههههههههههه
أصيل :: ,, اووف .. واللهِ حاولت نبدع .. لكن شكلني لابزط
غصون :: هلبه ههههههههـ ’’’ خلاص عادي ,, ( رفعت ايديه ندور ف وجهه ) ت وين خدودك ي راجل ههههههه
أصيل :: ( شدي أيديه وحطهم ) اهما ههههه ’
غصون :: ولا يهمك. مدامك جنبي ... ح نقعد طول عمري جيعانه ههههههههههـ ’ عادي
أصيل :: ههههههههـ ’’ شن رأيك ننزلو نتعشو لوطه .. نحس فيها اللمه احلا
غصون :: مش عارفه وين سامعتها الكلمة هاذي هههههههه
أصيل :: غير نوضي نوضي ههههههه
,,,
÷÷÷÷÷÷÷÷÷÷÷÷÷÷÷÷÷÷÷÷÷÷
{ طبعـــاً هذا الي قدرت عليه ... وان شااء الله معاش نتأخر لو قدرت }
يتبع,,
#سلمى
