لما قلتلكم أنها نحس ع صفحة ماحد صدقني ههههـ ,, بنزلكم نت تم ههههههـ ,, يالله اهي ان شاء الله تعجبكم .. من غير صورة مرعاااة تلفوني الي عطاكم عمره .. هههههـ..
الحلقة ال(20) ..
من روايــــة ..
#مُمتلكـات_عاـشق ..
.............................................
( قعمز حُســام بحداها وقعدو ساكتــين هما زوز )
...
( ف سيـــارة )
غصون :: بااه تلميح صغيــر ...
أصيـل :: لا ..
غصون :: باه الحرف الاول ...
أصيـل :: لا ..
غصون :: ب(قص)
أصيـل :: كلمةةة تاني ورحمةةة بوي لما نلوحك من سيارة
غصون :: ( تلفتت قدام وحطيتي ايديـــه ف بعضهم وسكتت ) اووف ...
أصيـل :: ايوااه ... شن هذااا ؟! .. لوك لولك لوك لولك ماتعيش .
غصون :: ( شبحتله ) خلاص صكفمك لانه سكتت .. ماتخلينيش نرشق روحي ف البريزة تاني ... وربي ماعاد نسكت راه
أصيـل :: هههههههه .. باه خلاص اسكتي ياالله ..
,,,,,
( بعد فتـــرة قصيـــرة ... وصلنا .. ونزلت من سيارة .. كان في كوخ خشب .. مش صغير .. كاان كبير هه .. يعني منظره مايوحيش انه كوخ .. بس هذا الي مكتوب عليه .. ولما خشينا خطوتين للكوخ ووقفت قدام الباب .. كان في لافته صغيره ذهبية وحلوة معلقه ع الحيط جنب الباب . مكتوب عليها ( غصون ) .. إسمي !؟ ... هذا الي قُلتــه ف وقتها بي أستغراب وبي علامات تعجُب ع وجهِي .. )
..
غصون :: غصون ؟! ... إسمي ؟!
أصيـل :: ( ساكــت .. بي رغُم من توجيه سؤالي ليه ف وجهه) ...
غصون :: ( لفيت وفتحت االباب وخشيت ... ) ... هههه !!
...
( { هههه !! } .. ضحكة وصدمة وفرحة وغباء واستغباء هههه كلهم كانــو مدعوين ع المكان الي انا كُنت حاضره فيه . بعد الي شُفته وقعدت مصدومه ومش فاهمه شن فيه .. كان فيه لوحات رسم وأوراق وطاوله فيها الواان هلبه وع الحيط صور ليا ب الاسود والابيض ودفااايه خشب والعه وأجواء هاديةة .. وف زاوية ف دار كُلها مُرش واضحه انه فيها مكتب وكُرسي وعلاق حوايج .. ديكور ناازك .. مع باقات ورد ع الارضيه مزينه ... قعدت نشبح لين جتني إجاابـــه لي كُل صدمة فيا )
..
أصيـل :: ( جي جنب وذني ) هذا حِلمك .. صح ؟!
غصون :: ( وهنا رجعت بي ذااكرتي أأيااام فاتت من قبل مرضي الي نسااني فيها .. وذكرت يوم الي حضرنا المُبارة ف حوشنا أولــ مره يكلمني أصيـل فيها بي حنيه مُفرطه ... ) ..
..
#ذكريات_من_حلقة (4)
{ أصيل :: غصون ! .. أنتي شن الحلم الي خاطرك تحققي .. ههه يعني كل واحد فينا يهدف لي حاجة .. انتي شن هدفك ؟
غصون :: هوا حلم واحد . من وانا وصغيرة نحلم انه نحققه بس بصراحه مستحيل ..
أصيل :: الي هوا ؟!
غصون :: طبعاً أنا رسامه .. يعني نحب رسم ورسماتي مختلفة عن البشر ... نرسم ف رسماات غريبة نوعاً ما ههه ،، وحلمي انه نأسس مرسم ونكون الرسامه فيه ونجيب فريق ونوصل لي اكبر رساامين واسمي يكون معروف ههههه ,, وبس }
...
( لفيت لي أصيـل طول وعيــوني كُلـــها دموع )
..
غصون :: ( بي أبتساامة ودمعه وحرقــة حُب ) ,, أنت أحلا هدية مُمكن تجيني ف حياتي كُلها .. أنت نعمه من ربي .. وربي مايحرمني منها هانعمه ... ( حضنتــه ) .. حبيبي .. نحبك ...
أصيـل :: ههههـ .. ( شبحلي وحطــ إيديــه ع خدودي ) .. أي حاجة تقولي عليها نبيها او خاطري او حلمي او اااي شي .. انا مُمكن نقتُل روحي باش نجيبها ليك .. انتي بس خليك تضحكي وماتسيبينيش .. بس خليك جنبي ..
غصون :: ( حضنتـــه تاني ) جنبك ي عمري جنبك ...
أصيـل :: هههههـ ,, كان بتُقعدي هكي مش ح ترسمي اول رسمه ليك .. وغدوا أمتحانك ... كيف تبي اسمك ينشهر امالا ؟
غصون :: ( شبحتله ) .. رسمة شني ؟ .. أمتحان شن ؟؟ ..
أصيـل :: غدوا فيه أمتحان لي رسم .. ومن رسمه الي بترسميها ح يشوفو اذا ممكن تخُشي ف مسابقه لي فنانين كباار ولا لا ...
غصون :: وانا بنرسم ؟؟ ( بي غبااء )
أصيـل :: ( بي ابتسامة استغبااء ) بي ضبط ...
غصون :: ( ضحكت ضحكة أستهزاء للوضع من صدمة ) ههههه تبصر حبيبي صح ؟
أصيـل :: لا حبيبتي .. نتكلم جديات ههههـ ..
غصون :: ورأس امك لا ... ( ونقلب وجهي لي براءة غبية )
أصيـل :: ورأس امك انتي .. مش ع اساس مقطعتيني تعرفي ترسمي .. هيا لبزي خلي نشوفو هههههههـ،
غصون :: نلبز صار ؟! ...
أصيـل :: لا قصدي ارسمي ... ي عمري هههه
غصون :: نلبز ؟؟؟
أصيـل :: لا ... أرسمي ي فنانه ههههـ
غصون :: شكلك استحشت نكد ي روح غصون ...
أصيـل :: لا ورحمةةة بوي امالا ماستحشته .. الا هذا الله يرحم والديك فكينااا ليل ايواااه هههههههههـ
غصون :: لالا ... شكلك تبي جرعة ... ولا ؟
أصيـل :: تي جرعة شن نهار سود ... لالا الا هذاا مايتخدش فيه جرعة بكل ... فكينا بنتي عااد .. هههـ
غصون :: امممم ... باه
أصيـل :: شن امممم متعك هيا ... ؟
غصون :: اممم بي معنى تمام ... بي ليبية ههههههههـ ,,
أصيـل :: ي ليبيه انتي عااد هههههههه ...
غصون :: هههههه بليد حبيبي انا .. ههههههههـ ,, يالله معناها خلي ناخد شن نبي لي رسم ونطلعو ..
أصيـل :: لالا ... بتقعدي هنا .. وترسمي هنا .. وانا جايب معاي شوية ماكلـــه وشاهي .. والامور تحت سيطرةةة .. غير ريحيلي اعصاابك والامور تمشي تمام ..
غصون :: ااااااخ ع رااحه محلاها ههههههههههه ....
أصيـل :: أدللي يطلع عليكـــ ,,,
غصون :: باه ههههـ
أصيـل :: هههـ ,, طالع نجيب الحاجات من سيـــارة وانتي شوفي شن بديري كُلـــه جنبك .... تو نجي
غصون :: باه ...
,’’,,,,,,,,,,,,,,,,,,,,,,,,,,,,,,,,,’’,
( ف حُوش الخــــاله )
..
ساجدة :: كلمني أصيـل وقال بايت هوا وغصون برا اليوم ... كلمتي عيماد ؟
تهاني :: ( كان سؤال موجه ليها ) .. لالا .. تبي نكلمه ؟
ساجدة :: أي خال(قص)
الخاله :: لا والله ماصارت .... مزال الوقت العفوو ...
ساجدة :: لالا عاد هذاكه هوا .. وين مها هيا ؟
الخاله :: تي خليك عااد خيرك تقولي مقعمزة ف شارع .. برا ف جنان خليها ..
امال :: خويلة خليكم مزال الوقت ... نديرو بكبوكي ههه هيا عاد ..
ساجدة :: باهي باه هههه .. غير شوفيهالي جوو صقع تو تاخد برده ..
امال :: حاضر بااه ..
....
( ف جنــــان )
..
حُسام :: ماصقعتيش ؟
مها :: (شبحِتله ) لا ... وأنت ؟!
حُسام :: لا ...
’’’
( مِش بِشــرط ... مِش بِشرط إنـــه القريب منك بس يحس بيك .. مِش بِشــرط إنـــه صديقك بس يفهمكــ ,, أبداً مِش بِشرط .. #مرات .. شخص غريب وبعيد تعتبره أنت غير موجود عدوو او شخص غريب عنك ومش مطمن لي وجوده .. يكون هوا المخلص المُحب .. مصدر القوة وسعادة .. مصدر الراحه والامان .. مصدر الحب والهدووء الروحي .. ف حياتك .. #صعبه ؟! .. لا ابداً مش صعبه أنك تلقاه او تلقي شخص هذاا .. بالعكس .. هوا #موجود .. وح يقعد موجود .. ومستحيل يكون صعب .. ولا بعيد .. هوا قريب .. قريب منك .. ومن افكارك .. من روحك .. ومن حياتك .. بس ف حااجـــه وحده خلووها ف بالكم ... ربي الوحيد الي يقرر امتى و وين و كيف تقدر تلقوو ها شخص .... انتم بس تمنو واستنو ... والله يمهل ولا يهمل .. )
’’’
امال :: ايح انت هنا ؟! ... ماما تحسااب مها بروحها ..
حسام&مها :: ( وقفو )
امال :: صقع راه ! .. خشو
مها :: لالا عادي مش صقع .. ( شبحت لي حسام ) خشو انتم تو نخش ...
امال :: شن مش صقع ؟ .. بطلتي تحسي ؟ ولا بدي الاحساس لي نااسه ي كبـــدي ههههـ ... امممم بااردة عارفه ...
حسام :: مدام عارفتيها بارده .. لاش مقايلتيها ؟
مها :: ( ساكته )
امال :: صكفمك .... يالله خشو ...
حسام :: باااه امال خشي بنتي تو نخشوو .. ( ويغمز ويفنص ورااهي تفهم ) ..
امال :: بااه ... ماتعطلووش ... ( وخشـــت )
..
مها :: ( كيف بتخش وراها )
حسام :: ( شدلها ايدها ) ...
مها :: ( #تجمــد .. بي معنى الكلمـــة .. أحســاس حِلو وصعب حست بيه مها ف لحضتها .. أولـ مره .. تحس بي شعور زي هذا .. من اول شدت ايد حست بي نووع غريب من الاطمئنان جديد ف حيااتها وحباته ... هنا بس نولــد شي .. نولــد شئ حلو ... شئ جميــل ومريح .. نولــد حب حقيقي كانت تستنى فيه وللأسف كانت تراضي ف شعورها ب وجود سيف ... بدون وعي لقت روحها واقفه قدامه وعطاااتــه كامل الحريه بي أنه يقعــد شاد أيدها ... عطت مسااحــة كبيرة وحلوة لي عيونها باش يشبحوو لي عيونـــه الي لي أولـ مره تلاحض جمالهم والحنـــان الي فيهم ... حست بي شي حِلو تملكها .. شبحتله وسلمت كل مشااعرها واحاسيسها ليه ف وقتها ولي كل شي بي يقولـــه )
حسام :: توا أحســـن !؟
مها :: ( بدون وعي .. هروب حروف لي رد وبس ) اي ...
حسام :: يعني مش تعبانه ؟
مها :: لا ....
حسام :: ( نزل رأسه وقرب اكتر من عيونها .. وبي أبتساامه حلوة وصاافيــه .. ) خوفتيني عليك ع فكرة ....
مها :: والله ؟!
حسام :: ( ضحك ) هههههـ ,, تصدقي ؟ هههه
مها :: لا مش قصدي ... ( هنا فاقت ) .. ههه قصدي يعني .. مش .. يعني
حساام :: خلاص تمام تمام .. فهمتك .. المهم انتي تمام ؟
مها :: اي تمام ....
’’’’
( أصعب شعور ... وأصعب احساس .. وأصعب وقت .. هوا لما تحط عينك ف عين الي تحبه بدون كلام وبدون نطق بي ولا حرف .. شعور صعب وحلو ... خوف .. ورعب ورعشه .. وعشق .. عشق .. عشق .. )
’’’’
( ف ليـــــل )
...
( لِكل بلد قصة .. لِكل مكان حكايــة .. لِكل مأوى روايــة .. لِكل منزل نوع خاص مِن أنــواع دفء .. ولِكل ثنائي ... مرحلة من مراحــــل العِشق ... وفِ هالبلد وهالمكان وهالمأوى وكل من هاثنائي ف هاذي ليلــــه عاشو قصة حبهم وكأنه أولـــ مره )
...
( أغنيـــــة ... أحبــــك .. التُركـــيةةة )
,,,
( ف المرســـم )
( فِ كل لحظات اليوم وليلـــة كُنت نرسم وكل مره نرسم شي مختلف غير الاول وف كل رسمه نطلع غلط اكبر من الي قبلـــها من كتر توتر والخوف ... وف كل ثانيةة من هالوقـــت #دعمي و حبي وقوتي وسعادتي كاان جنبي .. #أصيـل .. ماخلانيش لحظـــة ,,, دعمني بي حبه .. وبي حنانــــه خلاني أقووة .. وبي طيبة قلبه وأبتساامته نساني نفسي .. )
...
( ف حوشنــــا )
( ف دار مها ) ... ( كانت تفكر ف الوقت القصيــر ال جمعهم مع بعض .. ضحكته .. ابتساامته .. حنيته .. ريحته .. وقفته .. حركاته ... نست نفسها وكأنــــها مراهقة أولـ مره .. تحب .. تعشق .. الفرق بين الاول وتاني .. انه سيف كان يحبها باش يراضي شعوره كارجل .. اما هيا ف كانت تباذله نفس شي .. اما حسام .. ف حس ب شي مافسرااش .. وهيا حست معاه بي شي ماعرفتش تفسره ... لين مشي الوقت وجي الوقت ... وجت سااعة 2:00 أصعب وقت للوجع ولي حنين الحُب .. وصــــار الي صــــار //::: )
..
( رن تلفــــون مها )
,,
مها :: ( ردت بس بدون ولا كلمـــة ) ...
حسام :: ( ولا كلمــة )
مها :: ( سمعت صوت أنفاااسه وساكته )...
حسام :: مها !
مها :: ( ساكته )
حسام :: مها ! ... نكلم فيك ؟
مها :: ( بصوت فيه رعشه ) .. نعم !
حسام :: قاعده تحبيه ؟
مها :: ( ولا كلمة )
حسام :: مهااا ردي ... قاعده تحبيه ؟
مها :: ( ردت بي راحه لي اول مره ) .. لا ...
حسام :: ( سكت )
مها :: ( سكتت )
...
( يحساابها تكذب .. وتحساابه مايحبهاش .. يحبها وتحبه وبيقتلهم ظن )
....
حسام :: تبيني ؟
مها :: ( ساكته )
حسام :: رااضيه ؟
مها :: ( ساكته )
حسام :: مرتاحه ؟
مها :: ( سااكته )
حسام :: تحبيني ؟!
مها :: ( ساكته )
حسام :: معااااي تحسي بيه هذا كله ؟ ...
مها :: ( ساكته وبدي صوت البكي يطلع شوي شوي )
حساام :: ماتبكيش .. قوليلي ... تبي تكملي معاي بي رضااك ولا ف غصب ف الموضوع ؟ ...
مها :: ( ساكته )
حسام :: تعرفي لا سكووتك بيحلها ولا عصبيتي بتجيب نتيجة .. لو قاعده تبيه ا(قص)
مها :: ( #نتفجر وقت نحس انه خلاص صاار شي فوق طاقتنا) قتلك لا ... قتلك مانحبااش .. مانبيشي ... نكرهه ... مانحسش بي شي اتجاااه .. ولا ح نحس ... ولا كنت نحبه ... خلاص معاش نبي حد يتكلم عليه .. نساني ونسيته وياااسر ...
حسام :: ( سكت )
مها :: اي .... كله الي قولته امس حسيته معاك ... باهي هكي ؟! ... راضيه ؟ ااااي راضيه ... تبيني ؟ اي نبيك ... مرتاحه ؟ ف قمةةة راحه وانا معاك ... مطمنة ؟ اصلا مافيش خوف لما نفكر فيك بس يبااال لما نكون معاك .... نحبك ؟ .. اي نحبك ... اي ... لو الي انا حاسه بيه هذااا اسمه حب ... ف انا نحبك فوق الحب حب ... انت منو وكيف هكي ف حياتي بديت شي كبير .. مانعرفش !!... كيف انا توا نبيك وبي نسبةةةة كبيرة ؟ .. مانعرفش ... كيف الحب ممكن ينولد ف دقيقه ... مانعرفش .. لكن اااي ... ايي انا كل شي حلووو حسيته امس معاك .. حلو هكي ؟ .. ارتحت ؟ ... خلاص ؟؟؟
حسام :: نحبك ...
( أخيراً قالـــها .. )
..
حسام :: ومش توا ؟ .. ولا امس ؟ . نحبك من يوم الي قلتيلي فيه انك تحبي وااحد غبي اسمه سيف .. نحبك من يوم جيتي فرحاانه بي حياتك معاه وانا كنت نموت من الحرقه .. نحبك من يوم الي كنتي تهدرزيلي عليه وانا وكاان نلقى نقتله .. نحبك مية مره غير لما نشوف ضحكتك بس حتى لو هوا سبب فيها .. نحبك ... نحبك هلبه ... .. تعبتيني ي فرخه
مها :: ( ضحكت ف نص دموع غمرتها ) ههههههه ..
حسام :: غبية هههـ ,,
مها :: جنبي صح ؟
حسام :: ديماا .... معاك ... فاهمه ؟
مها :: ااي ...
حسام :: اااااخ ي مها .. وحق ربي مااامصدق .. ياسر عااد معقولة ؟ هههههـ
مها :: ههههههه ..
,,’
#يتبع ..
#سلمى
