الحلقـــة ’’’ (17) من روايــــة ,,,
///////
#مُمتلكــــات_عاـشق ..
.............................
دكتورة :: أولـ ماتوصــلو تكلمُني .. مفهووم ؟ .. غصون الكلام ليك مانبيش اي تأخير ف العمليه ..
غصون :: حاضر ...
أصيـل :: خلاص ولا يهمك دكتورة .. أول مانوصل نكلمك ونمشي لي دكتور طوول .. يالله غصون ..
غصون :: يالله ..
................................................
( مشينا للحُووش وسلمنــا ع العيلـــه .. وطبعاً توصيةة العيلة معروفة .. ( كلموني لما توصلو ) ( ردو بالكم ع روحكم ) ( البسوو باهي صقع) ( اسمعي كلام أصيـل ) .. وهذي اكتر جملـــة أستفزتني .. شن يعني انا طفلـــه باش يوصوني نسمع كلامه .. ههههه .. المُهم .. مشينا بعدها للمطار .. ولي حُسن الحظ طيارة ماتأخرتـــش وركبنا ف طياارة )
...........
( فِ طيـــارة )
أصيـل :: البسي هذي ..
غصـون :: ( ب صدمة ) شن هاااذي ؟
أصيـل :: فالينيا .. شن تشوفي فيها !!
غصـون :: لا حبيبي هههههه انت اكيد تبصر ... طياارة والجو كويس شن مثلاً بنطلع نتمشى ف سمااء ؟؟؟ خيرك هههه
أصيـل :: ( قعمز بـــدل ماكـــان واقف ) انا مانعرفش الكلام هذاا ... شدي البسي يالله ..
غصون :: تبصر ولا ؟؟ ,,,,,, ورأس حبيبي امالا .. عااد ياسر بلا جوو
أصيـل :: ( قــرب مني وبـــاسني ع خدي ) .. هذا على خااطر حبيبك بتلبسيـــها .. يالله
غصون :: ( عكرشـــة حواجبــي ) .. حبيبي !
أصيـل :: البسيها غصون يالله ... شدي ..
غصون :: ع اساس جوو وعااره توا هههههههه .. حااضر ياهمي
أصيـل :: ماهوو انتي هكي مايمشيش معاك الا هكي ...
غصون :: باه صك فمك ههههههه
أصيل :: حماره هههههههه ..
.,,,,,,,,,,,,,,,,,,,,,,,,,,,,,,,,,,,,,,,,,,,,,.
( وطــــأأأرت طيااره .. و وصلنا للبلااااد الغُربـــه بعيد عَن عيلتي الي معوضني عليها حبيبي أصيـل .. أولـ ماوصلنـــا ع طــول مشيــنا للفُندق وبعديـــن مشيــنا لي دكتور .. طلب منا أوراق وتحاليل ونديروهم فوراً ... ومشينا ع طول ردناهم وحدد إنـــه غدوا العمليــه ... روحنا للفُندق رتحنا شويــه وبعدين نوضنا كلمنا العيلة .. )
......................
( ف غُرفتنـــا .. ف الفُندق )
أصيـل :: غصوون ؟!
غصون :: نعم ؟!
أصيـل :: تي هيا اطلعي بندوش ...
غصون :: باااهي اصبر مش ندوش ولا خااشه نلعب انا ..
أصيـل :: ليك ساعه الا ربع غصون .. معقوله دووش هذا ولا صبه ؟
غصون :: أسكت لانطلعلك يالله .... نكمل ونطلع ..
أصيـل :: بااه ...
////////////////////////
( صح ــ÷ ,, أحياناً أختياراتنا تُحكم علينا ... و احياناً تُحكم فينا .. ف الاولـ أعتقدت أنه اختيار العيلة لي أصيـل انه يكون زوج ليا أكبـــر خطأ ... وبعديـــن أولـ مابديت نحبه .. ااه قصدي نغرم بيه . لالالا قصدي مُتيمه فيه ههههههه . فكرت أنه أصح أختيار ف حياتي من عيلتي .. وبعدين أولـ مابدي أصيـل يحبني تأكدت أنه أصح وأصح من صحيح هوا أختيـــار أصيـل زوج ليا .. هنا تأكدت من شئ وااحد بين الاثنيـــن أنه أختياراتنا هيا صاحبة الحُكم مش الحُكم ف حد ذاتـــه .. يعني الحُكم أعتقد من أسمه هوا الظُلم الخوف البغضااء .. أم الاختياار ف تأتي معه صح و يأتي معه الخطأ ... والأحلا هوا أن تجد أشخاصاً من وجودهم تكتشف هل حياتك عباارة عن أختيار صح ... أم أختياار فاادح خااطئ .... هكذا وهكذا هياا الحيـــاة )
/,...................................,/
غُصون :: هيا تعالى خُش وانت قتلتنا اص( هنااا stop و stop هلبه مش شوووية ... صدمتي ف وقتها أحلا صدمة شوفتها فِ حيااتي .. أولـ ماخشيــت لي دار ,, شوفت شئ الله لعجب هههههـ , أولاً شوفت داار كيف كانت كُلها شموع و ورد .. وبي حُكم انه ف وقــتها أصيـل شاف انه شمــوع و الورد موضــة رومانسية قديمـــة ف كاان ف نُص الورد شئ يفُوق الجمال والأناقـــه و رُقي ... قفطــان من طِـــراز ضيعتنا و مختلط بي طِرااز فني حديث . أبيض لونـــه .. بسيط وماشوفتش شئ جميـــل لي درجــة هاذي ... قربت منه وقعدت نحُط في أيــدي عليه ونشبحلـــه ... )
...,/
أصيـل :: (وقف وراي ) نبي نشوفك زي أولـ مره شوفتك فيها. فِ وقتـــها كُنت أكبر غبي وأعمى واحد فِ العالم . لانــه ماقُلتلكِش نحبِكـ، ..
غصون :: ( ماتلفتِــش لي أصيـل وعيوني دمعو طــول )
أصيـل :: أميرتي ! ... ( ولفتني ليـــه ) .. خيرك ؟
غصون :: ( قعــدت ساكتــه وأكتفيت بي القليل من دمعآآآت حُب بريئة ) ..
أصيـل :: انا مادرتـــش هِكي بــاش نبكيك واللهِ. حبيبتي أسف .. كُنت نبي نرجع لي أولـ يوم شوفتكــ فيه .. نبي نعوضكـ ع كُل كلمه وكُل لحظة كُنتي لازم تعيشيها ف وقتها ..
غصون ::( وكــــالعــاده وبي دون وعي ... حضنتــه ) نحبكـ
أصيـل :: ( أبتسم ) نموت فيها أميرتي انا ... خلاص معاش تبكي ..
غصون :: خليك ديماا جنبي ... نبيك!
أصيـل :: معاك حبيبتي ديماا ...
غصون :: ايوااه ديمااا ..
أصيـل :: ههههههه حاضر ...
,,,/
( وكــان أحلا يوم ف حيااتي ... حبيبي جنبي وكُل شئ ماشي زي مانبي .. مافيـــه شئ ف قلبي وقتها الا دعوااات تجمعني بيه )
..........
////////////////////////
( تاني يوم ف المُستشفى )
( ف الغُرفــه )
دكتور :: ماتخافيش كُل شئ ان شاء الله بيمشي تمام ... توا بنحط هذاا وبنعد لي ثلاثة وانتي بترقدي طول تمام ؟!
غصون :: أستنى دكتور ...
دكتور :: خيرك غصون .. تبي حاجـــة ؟
غصون :: أي نبي أصيـل ... زوجي .. نبيه معاي ..
دكتور :: ههه خايفة ؟
غصون :: اي ..
دكتور :: حااضر .. بي رغُم من انه ممنوع .. لكن ماتخافيش تو نمشي نجيبه تمام ؟
غصون :: تمام ..
...........................
( طلع دكتور لي اصيل برا ... ف الوقت الي اصيل كان مقعمز ع جمراات ناار موقودة ويستنى .. )
...
أصيـل :: خير دكتور شن فيه ؟
دكتور :: أصيـل برا مع المُمرضـــة تعطيك لبااس خاص بي العمليات .. تلبســه وتجي باش نبدو ف العمليـــه .. غصون رافضة تبداء لين انت تخُش ..
أصيـل :: اي اي تمام .. هي
....
( بعِد مامشي مع المُمرضة ولبس وجي وخش معااش للعملياات .. حط دكتور هذاااكـ الجهاز ع وجهي وانا كُنت بنموت من الخوف بس لانه ايد أصيـل ف ايدي ف رتحت .. غِبت عن الوعي ليــــن .,,,,,,,,,, فاات الوقت وفقت بعد وقت زمني لكن قبــل مانفيق)
...
( بعد العملية )
دكتور :: مُعجزة كيف قدرنا نستأصلو الورم بي دوون أي أخطار والحمد لله نجحت العمليه ... لكن أثنااء جراء العمليه أكتفشت أنه واحد من أعصااب المخ كان متأثر بي الورم .. ان شاء الله مايكونــش ف مُضعفات ف العقل ...
أصيـل :: انت توا قلت مافيش اخطاار ... امالا شن هذا العصب ؟
دكتور :: هما 4 ساعات مافيش غيرهم استاذ اصيل ... ي فاقت غصون وهيا متفكره كل شئ وف كامل قواها العقليه .. ي اما بتفيق خااسره احدى حاسات المُخ ... وهذا شئ الي انا نحكي فيه بعيد عن الاخطار الي حكيت عنها اولاً ..
أصيـل :: ( سكت من خوفـــه )
دكتور :: ماتخافش استاذ اصيل .. نجااح العمليه كاان مُفاجأ .. ولي مكتوب عند الله بيصير اكيد ...
أصيـل :: ياارب .....
//////////////////////////////////////////
بعد مُرور ( 4 ساعات )
..
غصون :: ( فقت ولقيــت روحي ف غرفتي وأصيـل كان راقد جنبي ع الكُرسي ) .. أصيـل ؟!
أصيل :: ( وكـأنه صوتي كـــان مُنبه مش صوت عادي ) نعم حبيبتي ؟! .. فيك حااجة .. شن تحسي ؟
غصون :: ( ضحكت بي طريقة وكأنــه تعبانه ومافيش جهد نقدر نطلعه ) هههه .. ههه .. هه ماتخاافش .. نبي ميااه بس
أصيـل :: ماشي يالله ... ( جابلي ميااه ... وشربني بي شويه ) .. صحـــة !
غصون :: سلمك ... ماقالــش دكتور حاجة ؟
أصيـل :: ( حط أيده ع رأسي ) كُل شئ تمام ماتخافيش العملية نجحت الحمد لله وصحتك عال العال ...
غصون :: الحمد لله ,, ( شبحت لي روشن الي ف وقتها كان جوو المُغرب ) .. الله مطر ...
أصيـل :: ( شبح لي روشن ) ااي من بكري تصُب ..
غصون :: ياريتني تحتها ... نحبهاا هلبه ..
أصيـل :: ( شبحلي وقت الي انا كُنت سرحاانه ف المطر ) تبي تنزلي ؟!
غصون :: هههه معقوله توا هذا سؤال ؟
أصيـل :: هههه .. غير جاوبي ؟
غصون :: اي ... لكن مش ح نقدر حاسه بي رجليا فاشلين وجسمي تعباان تقولي كُنت نعوم ...
أصيـل :: ومن قال بتتحركي ... ( نـــاض جابلي شال الي كان ع صوفه (صالون) ولبسهولي ..... )
غصون :: شن بدخلـــها اماالا ههههـ ..
أصيـل :: ( شـــال الغطاء من عليا وقامني )
غصون :: ههههههههههههـ لالالا ... قعمز قعمز خلاص ..
أصيـل :: مانخلي شن ف خاطــــركـ ,,,,
غصون :: ( دخلت رأسي ف حضنه زي طفلـــه ) حبيبي
أصيـل :: ( نزل بيا طـــول .. وطبعاً واخد احطيااطه من انه مافيش حد ف الممر او حد من مُمرضات المسؤولات ع حالتي) ...
.........................................://////////
( ولا تَزأأأأل الاياام جميلة ولحظاااات أجمـــل ... سؤال هوا > هَل س يبــقى الفرح داائم ... أم ؟؟! )
...
يُتبع ..
#سلمى
