حظنــا أمس آآزمة .. تم نت وانا بنزلكم وهذا وين عبيت ...
/////////////////
الحلقــــة (14)
من روايـــــة ,,
#مُمتلكـــــات_عاـشق ,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
{ الصُبح .. }
( ف دار مها )
تلفون :: ترن ترن ....ترن ترن
مها :: أيوااه ؟
..
وليد :: مها !
مها :: ( بي خوف ) من معـــاي ؟!
وليد :: مازبطنيش ؟
مها :: لو زبطك راهو ماسألتش
وليد :: أنا وليد ... توا زبطيني ؟
مها :: اي ’’’’’’ شن تبي ؟
وليد :: بصراحة ي مها نبي نشوفك .. عارف روحي غلُطت وعارف الكلام الي قُلته صعب الواحيد يكفر عليه بي الاسف .. لكن نبي نشوفك ونتأسف منك ونصلح شئ الي درته .. انا بنسافر ومعاش بنرجع تاني .. ومانبيش نمشي وانا فيه من مضايق مني .. فهمتيني ؟
مها :: مش ضروري نشوفك , تأسف هنا وتم الموضوع ,,
وليد :: لالا لازم نشوفك ونتأسف منك وجه لي وجه ,,, خيرك خايفة مني قصدك ؟
مها :: لا أكيــد ,, الخوف من ربي ماعندي ليش بنخاف منك ,,
وليد :: خلاص امالا ... خليني نشوفك ونحلو الموضوع .. ومش ضروري سيف يعرف لــأنه بيدير منها مُشكله ..
مها :: تمام اوك ... وين نتلاقو ؟!
وليد :: عرفتي *********** ؟
مها :: اي ,, تمام
وليد :: معناها بعدين نتلاقو ..
مها :: ماشي مع سلامة ...
..........
( ف صالــــة الحُوش )
..
ساجدة :: وأمتـــى توصلو غادي بي أذن الله ؟
أصيـل :: غدوا الصبح ...
ساجدة :: ع الخير ان شاء الله ....
أصيل :: أن شاء الله ... وين مها ؟
ساجدة :: ف دارها ...
أصيـل :: نبيها ... امالا خلي نشوفها وبنطلع انا ..
ساجدة :: تمام باه ...
..............................
( ف CAFE )
سيف :: ( حـــدف تلفونه ع طـــاوله ) والله ماوقته توا ...
فؤاد :: خيرك ؟
سيف :: تلفوون فصل شحنه ... وانا عندي مُكالمة ضروري ..
فؤاد :: باه هااك تلفوني تكلم بيه لابين مامشيت جبت وااصل شحن من سياارة .. شد هااك
سيف :: منوور نردوهالك ان شاء الله ههههه
فؤاد :: ف عرسي بي أذن الله لانه متأكد بتصير فالطة زي هاذي ف جرتكم صحبه اطلع طول ههههههههههـ
سيف :: تم ههههههههههههـ ’’’’
...
( خدي سيف تلفون فؤاد وكتب رقم مها واتصل بيها ’’’ ف الوقت الي مها كانت حاطه تلفونها ع صاامـــت وتتكلم مع أصيل ف دارهـــا )
..
أصيـل :: فهمتي كيف ولا ؟!
مها :: لا والله ههههههههههههـ ’’ يعني انت توا . تبي مني نرفع غصونه لي الCafe الي قُلت عليه ... وساعه 7 .. ونخليها ونمشي صح ؟
أصيـل :: باه شن هوا الي مافهمتيشي امالا ؟!
مها :: علااااش ؟؟؟ هذا الي مافهمتاش
أصيـل :: ( شدلـــها وذنـــها ) الأستظرااف مره بعد قداااش لكن انتي شادتها دركت اليومين هاااذم ولا ؟ ... أعقلي ي مها لانعرف كيف نتصرف معاك ... و معاش تسألي هلبه ..
مها :: تي بااااااهي اااي وذني ي ثقيل دم ... اقلب هالفيه تو نجيبها ...
أصيـل :: شطوورة اختي صغيرة ... يالله مع سلامة
مها :: مع سلامة ....
....
( تلفتت مها وخدت تلفونــــها لقت مُكالمة فائتة من رقم غريب وتحســاب الرقم نفسه متع وليد وبالغلط بعتت رسالة لي رقم هذا ع أســـاس إنه رقم وليد )
...
( ف الكافي الي فيه سيف )
....
( وقت الي سيف مقعمز وحاط تلفونه ف شحن وتلفون صاحبه ف ايده تانية وصل المسج ...
’’’’’’’’’’
#المسج ,, { وليد انا مانقدرش نجي اليوم ,, أجل الموعد لي يوم تاني حتى غدوا كويس تمام ؟! }
’’’’’’’’’’’’’’’’’
سيف :: وليد ؟!
,,,
( فِـــــــ حوشي )
,,,
مها :: أعطيني انا نختار انتي ريحيلي عضاامكــ ’’
غصون :: ي مها والله ماعندي جواجي لي طلوع ,,, انا وكان نفهم بتول علاش مكلماتك انتي وقالتلك جيبيها خيرها ماتعرفش تتصل بيا ...
مها :: عارفاتك بتقولي لا ... فاتاتكـ وكلمتني ... المهم توا .. البسي هما ... حلواات عليك
غصون :: انتي بي أي لُغــــة تفهمي ؟ .. مانيش ماشيــــه رااه
مها :: لا بتمشي ,, انا وعدتها .. والله مادخلني .. هيااا نوضي كان بتنوضي معاش فِ وقت
غصون :: باه هاتي نكلمها انا تو نقوللها تعبانه ونديرلها دسكـــة تو تنسى الموضوع ...
مها :: لااا ... نوضي ي عيله هياااا بلا تنقنيق زااايد مللتيني شن هذاااا ... نوضي
...........................................
آآآآآ
{ بعد ماجهزت مها غصون وكملت نزلت لوطا باش تاخد تلفونـــها .. الي لاحظاته مها انه مافيــش ولا مسج ولا أتصــال من وليــد ... رجعت تأكدت انها بعتت المسج ع أنه رقم تحسابه صح .. ولقت أنه المسج وصل .. ف صكرت فونها ومشت تجهز ف روحـــها باش توصل غصون } ,,,
آآآآآ
{ ف الوقـــت نفسه انا كُــنت مقعمزة ف جنان وبنتصـل بي أصيــل وبنقولــــه إنــي طالعه }
........
أصيـل :: نعم ؟!
غصون :: أصيل ,, أتصلت بتول وعزمتني وبترفعني مها .. معليش نمشي ؟
أصيـل :: اي عادي .. ردي بالك ع روحك بس ..
غصون :: تمام .. يالله سلام
....
{ مُحادثة جاافـــه .. هذا الي حسيت بي ف وقتها ,, كُــل مره ومره بديت نخاف من إنــه تبعد المسافه بيني وبين أصيـل .. أصيـل هوا أولـ واحد فتحلي عيوني ع دنيا .. علمني الحُب وحبيته علمني الحنيــه وطيبـــة كان معاي الأب والأخ والحبيب , خايفة ,, خايفة ف يوم المرض هذا يأثــر على علاقتي بيه يأثر على حبي ليه ويخليني نبعد عليه .. أصيـل أُ,كسجيني نموت لو نبعد عليه لحظة ,,, }
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’
( جهزت مها روحها ورفعتني للكافـــي الي ع أســاس بتول عزمتني عليه .. )
...
( بـــعد مُـــدة ++
( قـــــــدام الكافي ... >
,,
مها :: هيا أنزلي ..
غصون :: ( شبحت من روشن ) .. وين ؟!
مها :: ( نزلت رأسها وتأشر ع ااالكــــــآآآفي الي كان رواشن متعه كُلهم سود ) ,, لي هذا
غصون :: ( ضحكت ضحكة أستعباط من القلب ) هههههههههههههه لا مُستحيـــل ... ( شبحتلها ) . تبصري صح!
مها :: ( ضُحكة وهيا تقـــلد فيـــه ) ههههههههههه ,, لا
غصون :: مها بلا هبال .. شوفي الكافي مصكر وين بننزل شن بنفتحه انا ؟
مها :: ياودي انزلي وريحيني وبعدين من برا بس باين عليـــه مصكر لكن هوا مفتوح ..
غصون :: ( علامات الأستهبــال والبراءة ) ,, إنزلي معاي ..
مها :: ( بي نفس العلامات ) .. لا .... تي اااااانزللي ..
غصون :: بااااهي ... هم ... اقلبي وجهك
مها :: بنقلبه غير انزلي ...
...
( نزلت وقربت من جنب الكافي وانا نشبح لي مها وللكافي .. كان واضح انه مصكر لانه مظلم ومن طبعي نكره الظلام .. تشجعت وقربت من الباب ولما فتحته وخشيت ..
في لحظات الواحد من صعب يوصفها .. يحسها يلمسها ويكون متوتر فيها خاايف قلبه ينبض بي قوة وعقله مشوش ومش فاهم علاش إيديـــه يرجفو يبي يتقدم ف خطوات ومتراجع ف خطوات مش عارف شن فيه وشن صاير بس عارف انه حابب الوضع هكي ...
وهذا الي انا حسيته حسيت انه نبي نخُش ونبي نرجع .. قلبي وعقلي وايديه كُلهم في عالم وعيوني ف عالم تاني .. أولـ ماشوفت شمووع ورد موسيقة رومانسية .. لحظاات كلاسيكيــــه ماتصيرش الا ف دراما التلفزيونيه ... حسيت وكأني في حلم تمنيت ف لحظتها انه حياتنا قاعدة زي ماهيا وماتلخبط ... قربت وانا مبتسمة بي دهشة مبتسمة ومعات تُحضرني ف مواقفي ... قربت وقفت قدام أصيـل وشبحتله ماتكلمتش ولا تصرفت اي تصرف .. عيوني كانـــو يسألــو فيه شنو كيف وين .. هذا كُله ليا .. هذا كُله والموجودين أنا وانت وبس .. خلاص يعني حسيت انه في عالم تاني مافيشي ولا جنس مخلـــوق الا انا وأصــيل ... قدم أصـيل بي خطوات بسيطة وحط إيديه ع خدودي }
,,,,,
( بي تلكـــ اللكــنة وتلكــ الحنيــه المُعتـــادة في تصرُفاات العاشـــق تحدث في وقتــــها معــها )
( #أغنية .. #أنطيني_وعد_للموت )
أصيـل :: استحشت نُقعــد أنــا ويــاك بروحنا ...
غصــون :: ( ولا كلمـــة )
أصيـل :: أستحشتكـ .. عارفـــه ؟!
غصـون :: ( هزيــت رأسي بي معنى كلمة لا )
أصيـل :: ( ضحكـــ ضحكــة ع جنب ) مهبولة ... ( وحضني ) غصون انا بنقعد جنبك ,, نبيكــ تعرفي انه انا مش بس أستحشتكـ انا نموت ف اليوم الف مره لما نشوفك تعبـــانه نشوفك مستــاحشه روحك ومش قـــادره ... نبيكــ ترجعيلي لانه غصون الي هيا توا مش نفسها الي انا عشقتـــها .. غصون ( ورفعني من ع حضنه وحـــط عينه ف عيني ) ..
غصون :: ( نبكي بي صمـــت )
أصيـل :: نبيكــ ,,, عادي ترجعيليي ؟؟
غصون :: ( بي رعشــه ف كلامي ) .. حاضر
أصيـل :: ( وهوا مبتسم بي حُب ) ماسمعتش ؟
غصون :: ( ضحكت ضحكة خفيفه ) ههه حااضر
أصيـل :: وعد رااه ؟
غصون :: وعد هههـ
’’’
{ سهـــرة مُميزة ... قعمزنــــا وتكلمنا على هلبه حاجات ... فتحنا موضيع صـــارت أيام كُنت انا بس نحبه ومواقف مُضحكة ونصدم بيها .... ومشت سهرتنا حلـــوة ومُميزة روماانسيــة والأأأهم وجود أصيـل معـــاي } ,,
.....................
آآ
{ تــاني يوم ,,, }
{ #يوم_السفر }
...
( فِ دار مها )
( رن فون مها )
..
مها :: حبيبي
سيف :: اهلين !
مها :: خيرك ؟؟ .. خيره هكي صوتك ؟
سيف :: خيره صوتي .. انا قلت اهلين بس .. عادي
مها :: كيف عادي ... سيف خيرك ؟
سيف :: ماخيرني شئ ... انتي وين ؟
مها :: ف الحوش ... أصيـل وغصون بيسافرو على خاطر العلاج والكُل عندنا هنا ...
سيف :: معناها ماتبيش تطلعي ؟
مها :: لالا وين بنمشي ؟
سيف :: عاادي لي ااي مكان .. ل وليد مثلاً ... شن رأيك ؟
مها :: ( مها كانت ح تحكي بس تأخير ف الاعتراف بي اي حاجة احياناً يدمرنا ) ... شن وليد ؟
سيف :: مها .. باعته رسالة بالغلط ... رسالتك متع وليد وصلتني انا امس مش لي وليد ... توا انا مانبيش لا نتعصب ولا نقلب دنيا فوق راسك ولا نمشي نقتله .. نبيك تفهميني وحده وحده شن القصة ؟؟؟ ..
مها :: مااشي تمام ...
..................................................
( ف صالـــة الحُوش )
أصيـل :: ( ف نص تهدريز لاحظ عدم وجود غصون ) ...
...................
#يتبع..
#سلمى
