الحلــقة(2)
من روايــــة ..
#ممتكَــات_عاــشـق ✊💜
......
( طلع أصيل وانا جيت وراه )
( إستقبــال بتــول و عمــران كان حلو و راقي رغم إنــه عرفو الي صاير بيني وبينه من سنين بس قاعدين نفس الأحتــرام وتقديـــر وكأنه مافي شئ )
..
عمران :: ليـــل متأخر .. أقعد وخلاص ..
بتــول :: أي واللهِ ياريت ..
غصــون :: ( رفــض أصيــل مش على حاجة بس لي أنه مش ح يقدر يكون معاي ف غرفة وحده وف نفس الوقت مش ح يقدر لو بات يرقد ف دار بِ روحـــه )
عمران :: تكلمي ي بنت ههـ
أصيـل :: ( كان ساكــت ويشبحلي .. )
غصــون :: ( شبحتــله ) أي عادي ... يعني لو تحب ..
أصيل :: ( إبتسم ) ههه لالا معليش مره تانيـــه
بتـــول :: شن لو تحب متعكـ هيا ... ( شبحت لي أصيل ) غيــر هيا بات ليلـــه اصلاً متأخر وين بتمشي ف هاليـــل و مرتكـ هنا
غصون :: ( نوعاً ما عجبتني كلمة (مرتكـ ) .. بس صدمــة و الحوصة الي صارت ف وجه أصيـل وتفركيسة فيقتني من حلمي ) ..
أصيل :: ( كان يشبحلي ويتمنى ننقضـــه ف موقف زي هذا ) لالا معليش واللهِ مره تانية ... أصلاً تلفوني مصكر مافيشي شحن وأكيد العيـــلة بالهم مشغول توا ...
غصون :: خلاص خلـــوه براحته ... ( شبحتـــله ) يالله تعالى نوصلكـ ,
.........................
( قـــدام الباب )
( طــلع أصيل .. وانا لبست فلينيه وجيت وراااه ... كان واقف ع سيــارة وحاط أيديه ف جيـــوبه )
غصــون :: ( وقفــت وبديت بي الحديث ) كلمت عمتي .. يعني هياا تعرف انه انا هنا ..
أصيــل :: أي قالتلي قبــل مانطلع ..
غصــون :: امم . كويس . يالله تصبح ع خير
( كنت خااشــة ... بس اللحظة الي انا مستنيتها الي تخلي أي غصون تفكيرها و جسمها والناس الي حوليـــها يتوقفو عن الحركة هيا لحظة الي ينادي أصيــل فيها ع إسمي )
..
أصيــل :: غصــون !
غصون :: ( زي المراهقــة الي ماعمــرها سمعت إسمها من الانسانه الي تحبـــه وقفت وماتلفتت لين عينــه طلعت ) ..
( تلفــــتت وشبحــتله )
أصيل :: إنتي علاش ماقلتيليش إنكـ جيتي هنا بي تاكسي ؟!
غصـون :: ( تفاجئت شويــة .. وبعدين بدت الأفكــار المشؤمة تراودني ) و أنت من قالكـ ؟
أصيل :: مش مهم .. المهم نبي نفهم .. علاش ماحكيتيش الي صار ... ؟!
غصــون :: مها ولا ؟! ( قلتــها بي نوع من عصبية ناتجـــة عن شعور بي شفقة حسيته من ناحيــته خلاه يجي ف وقت زي هذا )
أصيل :: أي ... عرفتي توا ! . هيا احكيلي ؟
غصـون :: وشن الي خلاه مهاا تحكيلك ... ؟ .. حتى انا من حقي نعرف باش نحكيلك ؟
أصيل :: سألتها عليك .. وحكتلي ..
غصـون :: دقيقة بس ؟ ... علاش سألتــها عليا وانا بعتلك مسج ؟
أصيل :: ( كان المفــروض أصيل يجهز جواب لي سؤال زي هذا بس ف حاجة منعاته وخلاته يألف ويغير الموضوع )
مش ملاحظة إإنه كلامنا كــله مشي ف سؤال و جواب ... أحكيلي انا نبي نعرف ..
غصــون :: مش حكتلكـ مها ... خلاص مافيش حاجة تانيه صارت الا هيا ...
أصيل :: ( وقف وجي قدامي ) انا نبي نفهم علاش ماتحكيليش ليا انا ؟ ؟؟ .. شن دخلني ف مها و غيرها ؟
( كــلام أصيــل ف لحضتها كان غريب .. حسيت بي هلبه أنواع من المشاعر والاحاسيس ف وقت واحد .. وسؤالها خلاني نرجع بي ذاكرتي خمسة سنين التاالي .. )
غصــون :: ( من سؤالي مرو أكثر من دقيقه تجمعو فيهم دموعي ف عيوني وتجمعو حروفي وكونه جواب ف عقلي و ف الاخير نطقت الجوهرة الي متلكت أول زوايا عقلي )
عــــلاش من أمــتى انا ويـــاك نحكــو لي بعض ؟
( وقبــل ما أصيــل يرد بي حرف ع سؤالي ... حضرت نغماتي الي توصل أحاسيس الموقف لي قلبي .. الكلمات الي عبرت عن موقف حزن مريت بيه ف حياتي كلها .. وقفـــنا ونغمات مرافقتنا ولا كلمــة منا أحني الاثنين .. انا كنت تعبانه ف وقتها وكان خاطري انه الانفجار الثالث يكون قدامــه .. اما بالنسبة ليه مانعرفش شن حس وشن الي فكر فيه )
(ألأغنية التركية ( Birgun bir cilginlik edib )
أصيـل :: ( عيــونه و نظرته وسعوبة الموقف تملكــت مليون زاوية من زوايا قلبي وعقلي )
غصــون :: ( لي أولـ مره نشد دموعي وناخد شهيــق كبير ونرفع رأسي بي أستقامه ) تصبح ع خير ..
أصيــل :: ( مــاردش ولا بي كلمة ... )
غصــون :: ( لفيت و مشيت وخليته واقف ... حسيت وكأنه نمشي ع أرضية خشنه شادتني ونمشي بي كل بطء .. بي كل سلو ... وصلت لي الباب خشيت وصكرت الباب وراي من غير مانتلفت ... )
...
بتــول :: حبيبتي !
( كانت أولـ كلمة نسمعها ... بس خلتني نتفجر ونقعمز جنب الباب ونبكي بي غصــة وكأني محروقة فعلاً ومحتاجة سيارة أطفاء كبيرة وأن شاء الله تنفع )
( صوتي يرتفع و نغمات ترتفع أكثر ف وذني .. وكأنها تقولي عيطي بي أعلى صوت عندك دمري كل شئ جنبك المهم أرتاحي .. يااااه انتي ليك زمان ع راحة )
..
عمران :: غصــون !
( نبكي بي أكثر قوة عندي .. حاطــه إيديه ع رأسي .. وماقلتش الا الجملة هاذي خلت الي حوليا كلهم يسكتو ) ..
غصــون :: شفقــة ! ... جي لانه حاس بي شفقة إتجاهي وبس .. ( نبـــكي )
بتول :: ( صدمــة كانت واضحــة عليهم .. بس ماكانش عندي جدهد نرفع عيني ونشوفهم )
عمران :: أهدي خلاص ... ( وحضني )
غصــون :: علااش ... علاش أول أحساس يحسه إتجاهي يكون شفقة علاش ...
بتول :: ي عمري انتي ..
( وقفوني بتول و عمران ورفعوني لي داري )
( معــاش حسيت بي شئ .. كل شئ بدي يتلاشى دمعاتي وصوت نغمات وصوتهم جنبي وخداني نــوم و رقدت )
....
( الصــبح )
بتول :: أفطري وبعد ماتكملي ضميهم و ديري دورة ع الحوش وبعدين شدي نت .... مش من توا ؟
غصون :: مااشاء الله .. لو ف معسكر مش هكي .. ( شبحت لي عمران بي عيون نعسانات ع امل يسخف عليه )
عمران :: حكم القوي .. والله زيك مطوع وعاايش ههههههه
غصـون :: ههههههههههـ ,,
بتول :: هي هي هيهيهيه دمكم زي شربات بي ضبط .. يالله انت وياها نوضو كان بتفطرو
.......
( ف حوشــنا )
( ف دار الأكل )
تهاني :: ووو ... وشن تاني ؟ ( حاطــه إيدها ع رأسها وتفكر شن بتطلـــب تاني من عيمااد )
عيماد :: تش شن شن تاني هيا ... تي طلبتي سوق كله شن مزال تبي تاني ؟؟
مها :: صاحب سوبرماركت هههههههـ ,,
تهاني :: هههههههـ ,,
ساجدة :: واللهِ شن طلبت منكـ هيا غير حاجات المحشي .. مش تبي تاكــله خلاص أمالا إستحمل ..
عيماد :: حرمممت خلاص معاش نبي ...
ساجدة :: ههههههـ , كملي كملي
تهاني :: هههههه لالا واللهِ خلاص
( خــش عليــهم أصيل )
أصيل :: ( بي إبتسامة ) صباح الخير !
الكلـ :: الصباح النور
ساجدة :: قعمز !
أصيل :: لا أنا بنمشي وقت ..
مها :: خيركـ لابس هكي ؟ .. وين زيكـ الرسمي هه
أصيل :: مانبيش نمشي من توا لي شركة .. عندي مشوار بنديره وبعدين بنمشي ..
مها :: اممم كويس ..
ساجدة :: بااه طريقكـ زينة ان شاء الله ..
عيماد :: توا بتطلع ؟!
أصيل :: اي ...
( وقبل مايتكلم عيـــماد ويطلب من أصيل يوصــله رد أصيل كان جاهز )
أصيل :: لا نوصلك لا توصلني انا مشواري مهم ومانيش مضيعه .. يالله ف أمان الله
مها :: ( ناضت لحقــت أصيل )
......
( قــدام الباب )
مها :: أصيل .. !
أصيل :: نعم ! .
مها :: ( صكرت الباب وراها ) .. مشيت لي غصون ؟
( رده كان بي عصبيــة )
أصيل :: أي ... شوفي مها .. عيد ميلادك عرسك تخرجك .. اي حاجة غصون معاش ترفعيها معاك ... ( بدي يرفع في ايده ويتكلم بي نقاش حاد ) نبي نفهم انا .. مدامهــم هما هكي رافعــة غصــون معاك علاش ؟ ..
مها :: أنا وريهام كنا نبوها معنا تغير جوها .. واللهِ صدقني كنا شوبة وبنطلعو
أصيل :: ي مها .. غصون زي المرش الحساس حلو و غالي ولو تكصر ماحدش ع يرده زي مكان .. خليــها بعيده عن أجواء ضرها زي هاذي .. ومعاش تجي وتطلبي مني نخليها تطلع معاكم وهيا واقفة .. لانه بنقولي اي ومانقدرش نقوللها لا
مها :: ( إبتســمت إبتسامة حلوة .. ولا إراديا لقت روحــها تتكلم عن شئ تاني خارج عن اي موضوع ) .. ع فكرة وصفكـ ليها حلو ..
( أحياناً البني أدم لما بيكون مضايق ع حاجة او ع انسان ح يطلع منه كلام بي سرعة البرق ويوصله للقدامه بي احساس حلو .. وهذا الكلام الحقيقي الخالي من اي شوائب ... وفعلاً كلامــ أصيل عليا ف لحضتها كان من وسط قلبــه بس شعــوره الاخوي إتجاهي وشفقــه خلاتــه يحكي هكي )
أصيل :: ( سكــت وشبحلها )
مها :: المهم .. حاضر معاش نعاودها ..
أصيل :: تمام .. يالله سلام
مها :: سلام ..
...................................................
( ف شــركة )
( ف مكتــب علي )
علي :: الخبر هذاا ممتاز جداً أستاذ سعيد .. وصدقني أصيــل ح يفرح هلبه لما يسمع ب الخبر هذاا ..
( علي كان يتكلم ع شغل ف تلفون .. وخشت مروة )
علي :: ( شبحلــها وقاللها تفضلي بي الحركات ) أأي اي فاهم عليك ... شكراااً جداً استاذنا .. يوصل ان شاء الله .. مع سلامة
.
مروة :: اوو علوش فرحان ههه .. خير ان شاء الله
علي :: وصلت الموافقة ع تسجيلنا ف المسابقة .. ولا مش غير هكي .. شركة بوه أصيــل الي يخدم فيها ليه سنين باش يفتحها من جديد غدوا العمال بيطلعو لانـــه خلاص جااهزة مليون ف الميه ههههههههـ ,, اليوم الاخبار الحلوة وراء بعضــها
مروة :: أي والله ههههههـ .. و أصيل قلتلــه ؟
علي :: لاا .. هوا اليوم طــالع عنده مشوار مهم ولما يجي تو نقوله
مروة :: مشوار شني الي أهم من شــركة ؟؟ ( بي أبتسامة خبيثة)
علي :: ( شبحلــها بعد ماكان يشبح لي تلفون ) مرتـــه .. أهم
مروة :: ( صاعقة .. هذا الي انا نقدر نعبــره ع ملامح مروة ف وقتها ) ااه ... اي اكيد ...
.............
( ف حـــوش أُختي )
بتول :: وماتنسيش تصكري الشبابيكـ ,, وماتفتحيهمش لين نروحو ... واي ماتنسيش تتصلي بي عمتي ساجدة وقوليلها انك بتباتي عندي .. تمام ؟
غصون :: ماتبيش نغير الحفوضة لي صغاارك .. لا خليهم عندي وخلاص ..
عمران :: هههههههـ ,,
( بتول وعمران ربي رزقهم بي تؤم المده الي فاتت لانه تأخرو بي سبب حاجة طبية )
بتول :: صكري فمك ... يالله تو نكلمك امممممموه نحبك
غصون :: حتى انااا .. خلااااص برو جبتولي ضغط ههههه
...
( بعد مرور نص ساعـــة )
( طــق الباب )
غصــون :: أي أي جاية ...
( فتحـــت الباب )
..
أصيل :: صباح الورد ( مبتسم إبتسامته الي شوفتها أول مره وخلتني نحبـــه ... )
غصــون :: ( لا إرادياً وبي دماغي العبيط ... بادلــته نفــس الأبتسامة ) صباح النور ..
أصيل :: ( كـــان الحمــاس معبي وجهه ) ياااالله بنطلعو ..
( آحياناً لازمكم أنكم تتخيلو ملامح الوجه بذات لما تعبر عن العبط متع مشاعر الحب .. )
غصون :: وين ؟؟!
أصيل :: خــلاص تو نقولكـ غير يالله ألبسي وتعالي ..
( ( نسيت ) فعلاً هذا الي صار ... نسيت كــل شئ .. نسيت كل العذاب الي مر .. ولي عشـــته ف ليـــلة أمــس كلـــه تلاشى .. وعضت اللحظـــة الحـــلوة ف وقــتها ... والأهـــم إنــها مع أصيل )
غصون :: أوكـ ,, دقايق بس ..
........
( ركبت وجهزت نفسي بي أسرع ما عندي .. بس برضــو مافيش أي تغير ف لبسي وشعري وشكلي )
....
( اليـــوم كــان من أروع و أحلا و أفضل الايام الي عشتهم ف حياتي ... أصيل كان ليا انا وبس .. وكان الوقت ملكنا .. أصيل خداني لي مكـــان حلو هلبــه .. مطعم في مكان زي جبــل )
..
غصون :: يااااربي المكـــان حلـــو جداً ...
( هذي كانت ردة فعلي ... بي فم مفتوح وعيون مبحلقين )
أصيل :: أي ههه .. المكان هذا من اهداء الامكان ف العالم .. وانا وقت نتعب او نضايق نجي هنا ..
غصون :: ( وانا سرحانه ف المكان ) كاان هادي .. بعد ماجيت انا ماعتقدش يقعد هكي ههههـ
أصيل :: ههههههههـ ,, هذي اول حاجة .. ( قال الجملة هاذي وهوا يشبحلي )
غصون :: ( لفيـــت وشبحتــله ) يعني ؟!
أصيل :: عرفتي انه انا لما نضـــايق نلجئ للأماكــن الي زي هكي ...
( أصيــل كان يحــاول يقول شئ و يوضحه بس انا كنــت نوعاً ما عبيـــطة ومافهمت شئ )
غصون :: ( علامات تعجب عبت المكــــان ) !!!
أصيل :: ( قــرب مني بي خطوات أكثر من ألأولـــه ) .. انتي أمس سألتيني . عــــلاش من أمــتى انا ويـــاك نحكــو لي بعض ؟ ... وماعرفتش شن نرد ف وقــتها ..
غصون :: أي ؟!
أصيل :: خلينـــا نتعــرفو من جديــد .. باش يكون عندي جواب لي سؤالكـ ...
غصون :: ( رجعت خطواء للوراء .. وكأني كنت خايفــة من أنه تاني أحساس حاس بيه أتجاهي هوا وجع ضمير .. خوفت يكــون أصيل يراضي ف ضميــره مش أكثــر ) ..
( خــوفي و وجعي و حرماني من الحب .. كلــها أحاسيس تملكـت روحي أنــا وبس .. أصيل كان مجرد بني أدم عادي .. كان روتيني .. يقولي صباح الخير .. يهدرز معاي هدرزة بسيطة وقليلة .. محادثاتنا مافيها شئ غير انه نسأله نمشي ولا لا اذا كنت بنطلع .. اما أسلوبــه المفاجأ خلاه خوفي المتكون من سنين يُكبــر مش يتلاشى ,, أنــا لو في يــوم تمنيت أصيــل بي حق .. ف تمنيت حبـــه .. مش شفقة او رضاء ضمير ليا )
..
أصيل :: ( أستغرب من تهرُبي و ردة فعلي و تصرُفي ) .. خيـرك ؟
غصون :: لا شئ .. ( قلتــها من غير تردد وكـأني كنت نحاول ع حفاظ ع كرماتي عزة نفسي وكبريائي الي ممكن فضــلو حبتين مش أكثر ... هربت وماحبيتش يعرف شعوري أتجاه الموضوع )
أصيل :: نخشو ؟ ( كان يأشر بي عيونـــه ع المطعم .. )
غصون :: اوكـ. ...
..................................
,,
} لما روحــت للحوش .. كنت تعبانه جداً .. كان يوم متعب فعلاً بس بمأنـــه كان مع أصيــل ف محسيتش بي نعب الا لما وصلت للحوش وهوا مشي .. أصيــل دواء سريع لي كل جروحي وتعبي .. مهما كنت مخنوقة أو مضايقة منه او من المجتمــع مجرد تفكير إنــه جنبي نرتاح نفسياً ,,, اليوم كان كلــه تعارف و أصيــل حكالي ع طفولتــه الي انا حافضتها بس هوا مايعرفش هههـ ,, ولما روحــت بتول و عمــران ماخلونيش ف حالي لين حكيــت بي تفصيل الممل الي صار ف اليوم ... بس مانلومهمــش .. لأنه انا ذات نفسي فرحانه بي اليوم هذا .. لانه أولـ مره أصيل يكون ليا ف كل هالوقـــت هذا الي مر .. وخايفة تكون أولـ مره و أخر مره .. و ع لعمــوم .. مشيت لي داري بعــد كل هاتعــب ورقـــدت فـــوراً {
.....
’’
(الصـــبح )
( ف شـــركة )
,,
( مكتب أصيـــل )
علي :: هذا ع أساس بتجي أمــس لا وليوم جاي موخر ... خييير ي شريك شن طيب اليومين هاذم هههههـ
أصيل :: هههههه ..
مروة :: ( خشت من الباب ) وانا لي كنت نستنى فيك باش نوريك تصاميم ... لكن شكلك مش فاضيلنا بكل ..
( شبحـــلها ونزل عينه لي لاب .. ورجعــت شخصيته المتعجرفة لي ثواني معدودة تخليـــه يرد علي أسئلتهم الي مش ح توقف عن تكرير لين يفهمو أصيــل وين كان غاطــس كل هالمــده )
أصيل :: أمس كان يوم خااص .. واليوم وصلت غصون للحوش وجيت ...
مروة :: خااص ؟؟ ( سؤالها ع أساســ كان بي دافع المزح ونفس الوقت الفضــول )
أصيل :: ( شبحــلها ) أي ... كنت مع غصون ..
#يتبع ..
#سلمى
