الحلقـــة(6)
من روايـــة ..
#ممتكَــات_عاـشق
....
( ولا كلمــة ولا صوت ولا أحساس يواافي شعوري ف وقتـــها .. غير صدمة ورعشــة جسمي ودقات قلبي زاائدة ودمعتي عيني الحااضرة ف كل موقف حساس .. الكلـــمة الي ممكن أنتضرتها 5 سنين .. 5 سنين سمعتــها توا ,, سمعتها بي موقف مضحكــ ,, أصيل كان مبتسم وفرحـــان وشئ كان واضح .. وانا كنت مصدومة والابتساامة طالعـــه من عيوني ... شئ وااحد حظر مع صمتنا ف وقتها ,, )
( نغماات ألأغنيــــــة ,,,
ألتركيـــــة ,,
( أنت قدري ) ,,
’’’
( بـــدون وعي لقيت روحــي فاتحـــه الباب ونازله لي أصيــل بي كل مافيـــه من هدوء وصدمــه ’’ ومشيت طول لي جنان )
’’’
( ف جنـــان )
أصيــل :: ( وقفــ وقعد يشبحلي .. )
غصـون :: ( جيــت وقفت قــدامه ) ,, كيف يعني ؟!
أصيـل :: المعنى واضــح ,, إحساسي هذا مش اليوم ولا امس .. انا نحبك ومن قبل لكـــن تقدري تقولي انه غبائي كان مسيطر عليا شويـــة ,,
غصــون :: ( مافيــش ولا كلمــة طلعت معاي في لحضتـــها ,, أخترت إنـــه نشبــحله نتأملـ ملامحـــه وهوا يتكلـــم وكأنـــه أولـ مره نشــوفه )
أصيل :: ( حطـــ إيديه ع خدودي و بي إبتسامة وأستغراب من سكوتي ) غصون !؟
غصــون :: ( بي بلاهه ) هااا !
أصيل :: ( يحـــركـ ف عيونـــه ويشبحــلي متع خيركـ ساكتـــه)
غصــون :: ( لا عقـــلي ولا أي شئ فيا كان نـــاوي يتحركـ الا عيوني ... بس دمعاات فـــرحي كانو حـــاضرين )
أصيل :: هههههههههههـ ي عمري انتي ’’ ( وحضني )
غصــون :: أنت ماتعرفش انا قــداش ليا نراجي ف لحظـــة هاذي ., تعبتني هلبـــه .. واللهِ تعبتني ,
أصيل :: ( إختفت الابتساااامة من وجهه ,, حسيت بي قوة أكبر ف حضنه ,, ) أأســـف ,, سامحيـــني حبيبتي .. وعد مني نعوضكـ ع كل وقـــت فات من عمرنا ,, ( جبدني وقاعد يشبحلي ) ,, إنتي وعدني انكـ ماتسيبينش بكـــل و وعد مني مانبعدش عليك ولا لحظة
غصــون :: ( هـــزيت بي رأسي كاطفلة بيعطوها حاجة حلوة و موافقة تاخدها بي برأءه تامه ) وعد
أصيل :: هههـ حبيبتي ,, ( ورجع حضنـــي مره تانيــــه )
’’’’’’’
( ف حوشنا )
,,
( ف دار مها )
مها :: المعنى ؟!
سيف :: انا نبي نفهم انتي علاش متصلــــه بيه علاش ؟؟ ,,
مها :: شن علاش ,, سيف ليك من امس مارديتش عليا . واليوم نبعتلك ف مسجات وماعبرتنيش .. مالقيتش قدامي الا وليد وكلمته ,,, شن فيها يعني ؟
سيف :: ( بي عصبية واضحـــة بي حد صوت ) مها ! ,,
مها :: ( بي خوف وااضح في لكنتها ) نعم !
سيف :: كان يقولولك سيف مااات وتبي تتأكدي ماتتصليش بيه الولد هوا ,,,, فاااهمــــه ؟
مها :: ( مها حست بي زعل اي حبيبة من ردة فعل حبيبها وكيف يعيــــط عليها ,, وكانت طبعاً ردة فعلها من تصـــرف زي هذا هوا البكاء ) ,,,
سيف :: تووو شن يسمـــو فيه هذا ؟!
مها :: ( بي غصـــة صوت ) شن هوا ؟؟
سيف :: تي خيرك تبكي ؟!
مها :: ( أنفجرت .. أنفجرت كَـ أي حواء حست بي جمع الالام والهموم والمشاكـــل ف صـــدره الذي لا يســـع كميــة صغيرة من الحزن من شدة نعومته ) ’ ي سيف انت ديمه تكشــخ عليا رغم انه مادرت شئ ... ديما تعارض ع اي شئ نديره رغم انه مادرت شئ .. وديما مش موافق ع اي رأي نقوله ... وديما تصيح عليا وتهرب وتصكر تلفونك ومعاش نعرف كيف نوصلك .. انا ي سيف تعبت من الحاله هاذي ... غيرتك صعبة مانقدرهاش ,, ورغم هذا كله نحبك ,,, لكن لازم تنقص من شكـ هذا كله ,,
سيف :: شكـ ؟!
مها :: أي شك ,,,, الغيرة سبب الاول ل شك .,, شن سبب غيرتك امالا ؟
سيف :: نحبك ,, نحبك ومش بي ايدي نغار عليك ,,, وبعدين انا مانسألش فيك وين ماشية ومن وين جايه ومش حابسك ف الحوش ومحترمك لي ابعد حد ... مها انا مخليك ع راحتك وعمري ماقيدتك ف حاجة ... الي يحرقلي ف دمي وليد ... انتي علاش تحكي لي وليد مافهمتش ,,,
مها :: شن مشكلتك مع وليد ي سيف احكي ,,,
سيف :: ( سكـــت شوية ,,, وبعدين > ) خلاص انسي الموضوع ,,
مها :: لا مش ح ننسى وح تحكي ... انا ملاحظة انه كل عراكنا بي سبب وليد .... شن مدايرلك وليد نبي نفهم ؟
سيف :: مش ح تفهمي ,,, خلاص صكري ع الموضوع
مها :: لا ح نفهم احكي ,,,
’’
( طبعاً من الاكيد سيف مش ح يقـــدر يعترف بي شئ قذر زي هذا ل حبيبتـــه الي حبه ليها فات حد الجنون ,, كان مقعمز ف سيارة وفاتح روشن وف ايده دخان ,,, كان متعصب ويتكلم بي كل جديه ,, بس لما وصل الموضوع لي نقطة خصـــام حدف الدخـــان ونـــزل وقف قــدام البحر ومعاش عرف شن يقول )
,,
( بي عكـــس مها الي ماكنتــش تود لي سيف من بدايـــه العلاقة الا كل خير ,, وكانت جاهـــزة تسمع لانه ماكنتش متوقعـــه سبب الي يخليـــه سيف يكـــره وليد لي درجة هاذي يكون حقير هكي )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
( ف حوش بتول ,, )
,
( خشيت انا وأصيـــل وقعمزنا مع بتول و عمران وضحكنـــا وستمتعنا بي الحديث الحلو الي جمعنا كا زوجين فعلاً ’’’ لي اول مره يهتـــم أصيل بي أدق تفاصيل من طفولتي وقعمز جنب بتـــول وبدي يسأل فيها ع طل شئ انا كنت ندير فيه وانا صغيرة ,, )
غصون :: اي اي أضحكـــ عليا لين تعيـــه باهي ’’ ,,,
عمران :: خليهم حبيبتي يجيهم يوووم
الكـــل :: هههههههههـ
,,
غصون :: هههـ بنــوض نجيــب ميااه عطشت من برادتكــم ,,
أصيل :: انا جيبلي حاجة تمسح ع قلبي اكثر من طفولتك القهرة هههههههـ
غصون :: تو نوريكــ ,ه ههههه
,,,,,,,,,,,,,,,,
( مشيــت للمطبخ ,, أولـ ماعتبــت باب المطبخ معـــاش شوفـــت شئ كل شئ بدي ضبـــاب قــدامي ,, توترت ومعاش قــدرت توقــف ,, حطيت ايدي ع أقرب حـــاجة جنبي ولي هيا طــاوله ووقفت وحـــاولت نرجع توازني لكــــن ماحسيت بي شئ وفجأأة أختفي صوت ناس ومعاش شوفت شئ وفقدت الوعي )
,,,,,,,,,,,,,,,,,,,,,,
( ف حوشنا )
’’
مها :: ي سيـــف أحكي باللهِ عليك وريحني .. بالكـ سبب متعكـ مقنع ومعاش نكلمـــه ,,, هيا حبيبي أحكي
::
( شبــح سيف لي البــحر قـــدامه . وكاان عارف انه البحر الوحيد الي مش ح يعاتبه ولا يلومه ... ويفكر ف البنت الي يكــلم فيها ولي كذب علاقة ف علاقة دامت 4 سنين ,, )
,,
مها :: سيف !
سيف :: معاكـ ’’
مها :: وين معاي ... تكلم نسمع فيك ,,
( ومن غيـــر تردد قـــال حقـــارته بي سرعة فائقة )
سيف :: راهنت عليك اول ماوشفتكـ ’’ مع وليد
,,
’’
( ف لحضتــها خطرت ف بالي بيت من أغنيــة كــانت تقريباً مماثــلة لي موقف كهــذا ,
’’
{ راهنت عليكـ وحبيتكـ ’’ وكلمت حــب دي شويـــه ’’ وكل نـــاس قالـــولي بـــلاش ’’ وقــلت دااه روحي وعنيـــه ’’ وقالكـ قلب تخدعني ’’ حـــرام تعمــل كــده فيا ’’ }
,,
( مــها كانت أولـ تــجربة حب ليها هيا سيف .. وأولـ ماتغيرت نضرتــه لي جنس أدم كان سبب سيف .. همـــا هكي جنــس أدم من طبــعهم يخلي حواء أولـ ماتغير نضرتها اتجااه أدم للأفضل وتحب من قلبها و تحــس أنـــه أنثى حقاً يجي يفاجأأه بي أحقر ذنب يقوم بيــه من ناحيـــتها )
,,
سيف :: ( لا توتر ولا خوف ولا تعب كان مسيطر ع سيف لأنه كان راضي بي أي تصــرف من مها وكا ن ح يتقبل المهم تساامحــه ) ,,
مها :: (بي أبتسااامة وكأنـــها تحاول تنكر ملــعوب حقير من الذي أحبــت ) ’’ تكذب ؟؟ .. ولا !
’’
سيف :: لا ,,
مها :: ( مها تحــاول تبرر أخطااء سيف من حبــها الجــم ليه ) اي أوكـ نتفهم ,, هذا كان بداايـة العلاقة وأكيد الموضوع مشي ف حاله ه(قص)
سيف :: مها أفهمي ... انا من أولـ سنتين علاقــه وانا نكذب عليكـ ف الاول رهان كان لمدة 4 شهور وبعدين لما انتي تعلقتي بيه كان من صعب نفوتكـ ولقيت روحي خااش في كذبــة مدتها سنتين .. لكـــن بعدين ’’’’ ( سكـــت )
مها :: ( بي دمـــوع حواء المعتادة عند شعور بي خيبـــة الامل)
وبعدين ؟!
سيف :: حبيتكـ ’’ حبيتكـ بجدياات ,,
مها :: ( رفعت من نفسها لي لعاالي لي لحضة وأعتقدت انه لو كاابرت ح تحس بي رااحـــة وماكنتش تحساااب انه القدر ناوي حق يفرقهــم ) شن دخــل وليد ؟!
سيف :: مها باللهِ عليكـ أرضي بي لي قلته وانا معاك ف لي تبيه ..(قص)
مها :: ( بي عصبية ) سيف لو سمحت تقولي شن دخل وليد ؟
سيف :: باه خلينا نتلاقو ونحكي(قص)
مها :: أحكي توا ي سيف .. اكيد بعد الي سمعتـــه مش ح نكون جااهزة نشوف وجهكـ تاني
سيف :: ( سكـــت شوية ... خدي شهيــق ... وبتداء ف تدريج حقرااات وليد الي دخلت سيف ف دوامــه ) ف البدايــه كان رهان هوا انه من يقدر يخليك تحبيه ... وبعدين بعد 4 شهور يسيبك ويفوت الي بيربح رهان
( قعمــــزت مها ع سرير وبدت تبكي بي هدووء ف البدايــه وحقاً كان هدوء ما قبل العاصفـــة )
مها :: ( ساكتــة وتبكي )
سيف :: بعدين فاتو ال4 شهور .. و وليد كان تفكيره غير هكي .. كان ناوي يدخلكـ ف حيـــاته الوسخة كان ناوي يضيع شرفك بي سهوله ...
مها :: ( بي تردد ف الكلام وبي غصة البكاء ) كي ... كيي ..كيف ؟
سيف :: الحقير كان يحسااب انك زي اي بنت عرفها من قبل .. وكان ناوي يدخلك ف وسااخه عاش فيها طول عمره ... وانتي مش البنت الي تسااهل حاجة زي هكي .. مها صدقيني الي خلاني نكون معاك سنتين الاولات الا باش نحميـكـ منه .. والحاجة الوحيده الي صبرتني عليه هيا انك كنتي تهدي فيا .. الحقير لما كان يتكلم عليك ف مجمع من شباب بي طريقة تافه ماكنتش قادر نتحمل وصلت بينا درجة لي انه نتعارك معاه نوصله للمستشفى وكنت بنقتله بس ربي اكبر مني ومنه ...
,,,
( مها طيحت الفون من أيدها وقعمزت جنب سريرها ع الارض ودموعها عبت الارضية .... وكانت حاطـــه إيديها ع فمها وتبكي بي حرقـــه مايحسهـــاش الا جنس حواء )
,,,
..............................................................
’’
( ف حوش بتول )
,,
( نوضــت لقيت روحي ف سريري و جنبي أصيل و بتول وعمران كان واقف قدامي ف نهاية سرير )
غصون :: ( أبتسمت) خير ان شاء الله ؟!
أصيــل :: ( شـــاد إيدي ) إنتي كويسة ؟!
غصون :: ( نشبحلهم بي أستغراب ) اي ... ( شبــحت لقيت روحي ف داري .. فقت لي عمري وستوعبت انه في شئ غريب ) .. انا وين ؟ خيرني ؟ ( نوضت نساوي ف روحي )
أصيل :: ااهدي شوية .. قعمزي بي شوية عليك ..
بتول :: حبي لقيناك داايخة ف المطبخ وماعرفتش شن الي صاير معاك ؟!
عمران :: انتي تحسي ف حاجة توا ؟!
غصون :: لا ابداً ,,, ( حطيــت إيدي ع رأسي ,, وجت عيني ف عين أصيـــل ,,, وكان واضـــح الخوف و لهفــة و الحب ف عيــونه لي أولـ مره نفهم نظرت أصيــل الحقيقة ) ,,
أصيـل :: ( يشبحلي وشااد أيدي وكل شوية يزيد يشد ع أيدي بي قوة كبيـــرة .. )
بتول :: ( غمـــزت لي عمران وطلـــعو )
’’’’’’’’’’’’’’’’’’’’’’’’’’’
غصــون :: ( شبحتــــله بي براءة ) أنا كويســــة
أصيــل :: ( شد رأسي وباسني من جبهتي ورجـــع شبحــلي مره تانيه ) خوفتيني ,,
غصـون :: ههههه مش ح نموت ماتخافش .. كلــها ع بعضها دوخه ..
أصيـل :: وسببها ؟! ,,, غصون ماتستهتريش ...بي تنوضي نمشو وبنعاينو باش نفهمو الي صارلك شن ...
غصـون :: خلاص عاد ... واللهِ وعد اول مانحس انه الموضوع كبـــر نمشو نعاينو تمام ...
أصيـل :: ونستنى لين يكبر ؟...
غصون :: مش هكي .. لكن واللهِ دوخــه هاذي طبيعية ... خلاص عاد .
أصيـل :: ال(قص) ,,, ( رن تلفـــونه ) ,, أستني ..
........
أصيـل :: ألو ؟!
علي :: هاا وين .... تي غدوا الحفلة ي راجل ولي توا مافيــش اي تجهيزات لي شركة جديدة .. .
أصيل :: انا جهزت الموظفين الي بيمشو و نجوى ( سكرتيرة ) متخصصة بي تجهيزات متع الحفلة علاش مافيش شئ يعني ؟
علي :: تقدر تفهمني كيف بتبعت مروة لي شركة جديدة ؟! .. باه اهنى من الي بيكون رساام الخاص بينا ؟
أصيـل :: ( شبحلي وبتسم ) موجود ... بس مش توا بنعلن عليه ف الحفلة غدوا ... يالله صكر مش فاضيلكـ ,,
علي :: هههـ تمام .. سلام .
,,,,,,,,,,,,,,,,,,,,,,,,,,,,,,,,,
( بعـــد ماروحـــنا )
( ف حوشنا )
ساجدة :: أيواااه أيواااه ايش هذا الجمال كله هههههههـ ,, من رواي ي بنتي معقوله
غصون :: ههههه لا واللهِ عمتي بس الله البنات تصرفو بي سرعة كبيرة لي درجة مالحقتش نشوف روحي هههـ
ساجدة :: نبصر نبصر .. تعالو مدايره شاهي جماعه ف جنان ..
أصيـل :: عماد هنا ؟
ساجدة :: اي ... خش ..
أصيل :: باه ...
( خش أصيل قبلنا )
غصون :: عميمه وين مها حتى هيا برا ؟
ساجدة :: لا ي بنتي مها ف دارها راقده من بكري ماسمعتش حسها ....
غصون :: العفو بكري بكري امالا ههههه .. تو نشوفها
..............................
( مشيت وخشيت لي دار مها ... كان الواضح ليا انها راقده ومتلفته جيهة روشن .... جيهة قعمزت وراها )
غصون :: مهووو ... حبي نوضي خلي نحكيلك شن صار مستحيل تصدقي ... مهوو ...
( حطيت ايدي ع ايدها وجيت بي نلفها )
غصون :: ( وكأني حطيت ايدي ع ثلج ... ع فريز ... ع شئ من كثر مامصقع مستحيل تتحمل تحط ايدكـ عليه ) مها! ..
.....
#يتبع...
#سلمى
