الحلقــة(11)
من روايـــة...
#ممتكَـات_عاـشق
:::::::::::::::::::::::::::::::::::::::::::
( نــزلنا تعشينا مع العيــــلة وعــادي كـــانت كاأي ليلــه .. سهريتنــا العائليــة العاديــة الي تفرق عن أي سهريــة بي شئ واحد فقــط إنــه كُل العائلات يجتمعو باش يحكـو قصص الي تصيـر معاهــم في يومـــهم بــس عيلتي تجتمع باش تنسيني ألمي و مرضي وتخليني نفرح باش مانتعبش أكثــر ,, )
.....
( تاني يـــوم )
( فِـــ الشركــة )
علي :: فكرو ف المانيا بااه ؟!
أصيـل :: ( متلفت بي كُرسيـــه ويشبح لي روشــن ) مانعـــرفش .. غصون رافضة فكرة العلاج ومش فـــاهم كيف نتصرف .. وحق ربي معاش فاهم كيف بنتصرف
علي :: تي كيف رافضـــة ؟ ... أصيــل .. كلمها وقوللها تجي اليوم لي شركة تغير جو وبالك انا نقدر نحكي معاها فيه الموضوع ... يعني انا وياها من زمان صُحبة .. شن رأيكـ ؟
أصيـل :: ( لف بي كُرسيــه لي علي ) مانعرفش ... ( وناض ) انا والله مانعرف حاجــة ,,
علي :: غير نوض كلمها وقوللها يجبها عماد ولا عمران ولا مها وتو نعرف كيف نقنعها ...
أصيـل :: ( حط إيــــديه ع رأسه ) تمام ,,
علي :: ( ناض ) يالله ماشي انا ونجي نلقااك كلمتـــها ,,, هيا عااد وكـــانه انت هكي امالا كيف بنتوقع غصــون ... هيا نوض ..
...
( طـــلع علي ... ونـــاض أصيل وقف ع روشن الكبير الي كـــان موجه لي أجمــل مكــان فيكـ ي تُركيا {البحــر} وشد تلفــونه وكــلم غصـون الي كانت ف حوش اُختها )
...
( ف حـــوش بتــول )
بتول :: ( خدت تلفــون غصــون الي كان يرن و رفعاته وفتحتهولهـــا )
,
غصــون :: ألــو ؟!
( بِ أسلـــوب العشق و بِ تلكَـ الحنيــه وبِ حضور قوي لي لكنـــة العُشااق ,,, هكــــذا يحكي أصيـل )
أصيـل :: شن أدير حبيبتي ؟!
غصـون :: هههههـ '' ااه أصيـل ,, ولا حاجة
أصيـل :: أستحشتها ..
غصـون :: أيح ,, هذا اول يوم خدمــة بعد الاجـــازة هاذي كــلها ماعندكش الحق تستحشني الصراحـــة ههههـ
أصيـل :: تِ و أني معاكـ نستاحش فيكــ '' وانا بعيد تبيني نتحمــل َ!
غصـون :: ( رقدت ع صالـــون زي الي كيف واخدة جرعــة عشق هههـ ) اااااوب اي الكلام داااه ..
أصيـل :: وحق الله مهبولةة ههههـ ''
غصـون :: ( نوضــت ) ااااي وحبيبي شن يدير ؟
أصيـل :: ( وهوا شااد القلم ويلعب بيـــه ) نفكــر فيك ,
غصــون :: أممم ,, احنى مش هنبطل حب ولا اي ؟ ههههـ
أصيـل :: لو عندي وحده زيك .. كلام الحب كُله و شوية فيكـ ,, انا لو بنوصف حبي ليكـ من هنا لي غدوا مانخلصش ف نوضي ملحي وريحيني ورااي خدمــة هههههههههـ
غصـون :: ( ضحكت ضحكة من قلبي ) هههههههههههههههههههههههههههههههـ وانا الي ع اساس كُنت ذايبـــة تاااري ورااء عاصفة العشق هااذي ف حاجات زبااااله ههههههههـ
أصيـل :: هههههـ ''
غصـون :: ( ضحكـــت وبعدين جت زيـــارة الصمت )
أصيـل :: حبيبي!
غصـون :: عيونه ؟
أصيـل :: شن عندكـ أديري .. تقدري تجي لي شركة ؟
غصـون :: اي عـادي لو تبي حاجــة ,, نشوف عمران ونكلمك
أصيـل :: تمام ...
غصـون :: ماشي حبيبي .. نشوفه ونرد عليك ..
أصيـل :: تمام يالله .. ف حفظ الله ..
..............
{ صكــرت من أصيـل .. ونوضـت خديت خطواتي للحمام حشــاكم الي جنبي وخشيت وصكرت الباب .. وجيت فتحت الميـــاه بنغســل وجهي .. وبعدين مسحت وجهي وجيت فتحت البــــاب وبنطلع حسيت بي أنـــه بدل كُلـــه الســـواد الي ف عيــوني بدي زي ضبـــاب أبيض . شديت ف الباب وحـــاولت ناخد توازني وف نفــس الوقــت من صدمة نشبح للأرض .. من ضبااب تحــول لي ألــــوان وبدين نشبـــح ف الارض بي وضوح ... وبعدين معـــاش قدرت نتوازن وفقدت الوعي }
....
( بعـــد نُـــص ســاعة )(ف حـــوش اُختي بعد ماجــابو دكتورة)
عمران :: شن صار دكتورة ؟!
الدكتورة :: لازم غصون تنوض باش نفهم سبب فقدان الوعي لانه انا توا زي ماتعرفو مش ف المستشفى مش ح نقدر نكشف عليها ..
عمران :: فهمتكـ ''
الدكتورة :: عموماً ماتخافوش ممكن تكون فقدان وعي طبيعي بي سبب المرض ..
,,,
( ف دار ,, نُوضت وبديت نفتح ف عيـــوني بي شويـــة بي شويــــة وكُـــل مانفتح عيني أكثر ونسترجــع وعي نلقى أنــه ضباب بدي يتلاشى ونشبح في كُل حاجة .. قعمــزت من فزعي وبديت نلف يمين ويســــار ونمد في أيـــديـــه ونشبح فيـــهم وبديت نبكي من فرحتي ونصيح نادي ف بتول )
,,
غصــون :: بتووووول ... عمراااان .. تعاللو
...
( ف صالة الحوش )
عمران :: ( ناض يجري هوا ودكتورة وبتول )
................
( ف دار )
بتول :: ( جت جنبي ) خيرك حبيبتي شن فيـــه .؟!
غصــون :: نشبح ... بتول انا نشبح ... نشبح فيك ( وتلفت لي عمران ) .. ونشبح ف عمران .. ( وتلفت لي دكتورة ) .. ونشبح في دكتورة ... ( شديت أيدين الدكتورة ) ,, ااناا نشبح فيكم .. واللهِ نشبح فيكم ... كُل شئ ... ( وقفت وبديت نلود ف داار ) ااااها ااا نشوف ف داري هههههههه نشوف ف كُل شئ ..
( الكُــــل كـــانو فُرحاانين ومن الفرحـــة دموعهم ماوقفتش ... الدكتـــورة تُحضن واُختي تُحضن ههههـ )
...........
( ناضت الدكتورة وقالت إنــه هذا شئ كويــس وأحتمــال كبير تقلــص الورم .. وطلبت مني نجيها انا و أصيــل بــاش نبداء بي كشوفاتي .. والحمـــد لله أقتنعت بي العــلاج وبــذات بعــد ما ربي ساعدني ورجعــت نشبح من جديد .. نوضت من فرحتي خشيـــت درت دُوش ومشيت غيرت ملابسي وسااويت شعري و بتول دارتلي شوية ميك أب .. وكلمني أصيـل .. )
,,,
بتول :: قوليـــله حرام عليك ههههـ
غصـون :: مستحيل نقولــــه خليها مفاجأة لما نوصل غادي تو يعرف بروحه ,, اُسكتي توا خلي نــرد عليه هههههــــ
...
غصــون :: حبيبي .
أصيـل :: ( شاد يقلب ف الوراقي ) حبيبتي مش قُلتلك كلمني .. شن صار معاك ؟
غصـون :: اي اي طالعـــه انا وعمران توا وجيااتكـ '
أصيـل :: تمام .. كلمني لما توصلي باش ننزلكـ '' اي روحي ؟
غصـون :: أي تمام ...
..............
( طلعت خديت تاكسي ومشيت لي أولـ محل جنب حوشنا فيـــه ورد ... )
..''
( فِ الكافيـــه متــــعـ الشركـــة )
علي :: اتصلـــو بيهم وأطلبو يجيبولكم منها ...
أميرة :: شن صـــاير معاك حولت الكافيـــه ؟ ههههههههـ
( بعــد تصرفاتها ف أأخر حفلــه البُعد والمســافــة إلـــي دارهــم علي بينه وبين أميرة كان واضح .. و رد متعــه بي جفــاف وبرود )
علي :: لالا غير نشوف شن ناقـــص ...
أميرة :: علاش فيه وفد جــاي ولا شن ؟!
علي :: لا
أميرة :: امالا شنوو ؟ ..
علي :: غصون جايــه ونبي الشركــة تباان حلوة ومريحــة كاتغيــر جوو وروتين يعني ...
أميرة :: تبـــان حلوة ؟؟ ع أساس بتشوفها يعني هههههههـ
علي :: ( شبحلـــها بي عصبيــة و أشمئزاز واضــح ) شن هيا ؟
أميرة :: نبصر خيرك هههـ ,, اي خلاص تصرف كيف ماتبي .. أنت اصلاً مش رايــق اليومين هــاذم ...
( وطُلعــت ) . ( وكمــل علي ولا كأأنـــه أميــرة قالــت ولا كانت موجودة أصلاً )
.....
( فِ محل الورد )
..
صـاحب المحل :: هكي تمام ؟!
''
( أختــرت باقــة حلوة متنوعة من أكثر الورد المُحبـه لي أصيـل وبِ الاخص ورد القُرونفل .. )
,,
غصـون :: ( بي أبتســامة ) ااي ميه ميه ...
صاحب المحل :: والكرت تحبي تكتبي انتي ولا نكتب انا ؟
غصـون :: لالا انا نكتب ..
,, ( خديت الكــرت ومن غيــر مانفكر لحظــة كتبت ..
'' { حبيبي :: ,, مانعــرفش كيف نشكــرك على وقفتكـ جنبي ولا على وجودكـ في حياتي وبــذات المُده الي عانيت فيــها مرضي
بس ع ألأقــل نقدر نحققلــكـ أكثر حلــم و أكثر شئ يفرحكـ , أنا قررت نعالــج وغدوا أولـ يوم للكــشف ... نحبكـ ,, } .. وتلفت لي صاحب المحل وانا عيوني يلمعو من دموع المحبوســه فيهم)
..
غصـون :: ممكن تخلي رقمـي عندكـ وأولـ مانبتعلكـ رســالة توصلها للعنوان هذا .. ( وعطيتــه عنوان الشركــة )
صاحب المحل :: أكيد ولا يهمك ...
غصـون :: شُكراً ,,
...
( طلعت وفوراً مشيت لي شَركـــة )
...
( بعــد مُـــده )
( ف الكافيـــة )
,,
علي :: أهلاً ,,,
غصـون :: ( بِ أبتســـامة تفــوق وجهي من االفرح ) ي هلا بيك ..
علي :: أستني استني .. زي الي .!!!
غصـون :: ههههههههههـ اي اي .. رجعت نشبح اليوم .. الحمد لله دكتورة طمنتني واموري تمام
علي :: ياااسلام ... هههههههـ، .. والله فرحتيني .. وأصيـل يعرف ؟!
غصـون :: لا طبعاً انا اتصلت بيك باش نركب انا وياك ونشوفه ... نبي نديرهااا مفاجعه ههههههههههــ
علي :: ي سلام ع احلا مُفاجعه ههههههههـ ,, باه اركبي انتي انا عندي ضيف جايني نشوفه وطيرااان عندكم ... تمام ؟!
غصـون :: تمام .. يالله نتلاقو ..
.................
''
( ف وقت لاحـــق مشي أصيـل لي مكتب أميــرة )
أصيـل :: ( فتح الباب وخــش ) أمي''(قص) , ( تفاجأ لما لقي أميــرة مقعمزة ع الكرسي وتبكي ,, خش طــول وقعمز ع طاولــه الي قدامــها )
,,
( خشيــت وأنا كُلي نشــاط وفرح و حب ... و وقفت ع سكرتيرة )
غصــون :: سلااام عليكم حبيبتي ..
سكرتيرة :: يا أهلاً مدام نورتي شركة ...
غصـون :: ههه نجك ليا عيوني ... كيف حالك ؟
سكرتيرة :: سلمك .. الحمد لله بخير .. انتي طمنيني عليك كيف حالك توا ؟
غصـون :: الحمد لله بخير وسلامه شكراً حبيبتي .. أصيـل ف مكتبــه صح ؟
سكرتيرة :: لالا مدام ,, هوا توا مشي لي مكتب الانســه اميرة .. تحبي نقوله ولا بتمشيله ؟
غصــون :: ( تغيــرت شويــة ملاحمي .. بس بعديــن قُلت بيني وبين نفسي عادي مراات خدمــة وبس . ) اي اي انا نمشيله مش مشكله .. شكراً حياتي ...
...............
( مشيت بِكُــل مافيا من هُــدوء .. ومن غيــر مانفكــر في شئ .. يخــلي غيرتي تأثر فيا او نضايــق .. وقربت خطواتي لي المكتب .. )
...
( ف المكتـــب )
أصيـل :: ( قعمز قدامـــه وبكــل عفويــة من غيـر سيطـــرة شد أيديها ) اميرة خيرك ؟!
أميرة :: ماما ,,, ماما جابتلي عريس وانا مانبيش بس اصرارهم هيا وبابا مضايقني وغير هكي يبو يوافقو ومن غير اذن مني ..
أصيـل :: باه غير خلاص اسكتي ...
أميرة :: ( وزي اللفعة زاادت ف صوتها ف البكي ) ي اصيل انا مانبيش علاش النااس كُلها تمشي فيا ع مزاجها ... واللهِ مليت ...
أصيـل :: ( بي كُل غبااء حضنــها .. وقعد يسكت فيـــها )
,
( ف لحضتها انا شوفته ... انا وصلت وشوفت حبيبي و هوا حاضن حبيبته الاوله بي كُل أرتيـــاح . )
...
( حسيت بالغصــة .. وقتــها بس حسيت بي مرضي فعلاً ,, الصدمة الخوف الحزن القهر النفاق الكُره الغيرة كُل مافيا من احاسيس أختلطت ف وقتها ... شاركتني ألحاني كالعــادة شاركتني ألمي .. الوحيدة الذي ترفض ان يسمعها غيري وهيا الوحيدة الي كانت جنبي ورافقتني في كُل شئ .. #أغنية #sonumuz_bu_mu ,, )
,
( وكرهت كُل شئ فعلاً لما سمعت كُل الي قلاته وردة فعل أصيـل )
..
أميرة :: أنا نحبك انت ي اصيـل ومانبيش حد تاني .. باللهِ عليك قوللهم انا مليت ومعاش نبي حد يغصبني ع شئ ... خليك جنبي بالله ِعليك
أصيـل :: ( وهوا حاضنها ) ماشي حبيبتي خلاص انا جنبك ..
..
غصـون :: ( لا تعليق .. )
'''
( فِ اللحظة هاذي جي علي و وقف وراي وشافهم ) ..
,, ( ممكن كنت تفهمت ف البداية المنظر الي شوفته .. وكذبت عيني ونصدقه هوا ... وع خاطر نحبه كُنت ممكن نصدق اي شئ منه .. بس ... بس بعد الي سمعته .. خلاني ننشل ف كل احساس فيا وفعلاً معاش بدي عندي اي احساس ... كانت اكبر صدمة ليا بعد ماوعدني بي كل شئ .. وبعد ماقالي انه يحبني .. وقالي بيكون جنبي ... وقالي حبيبتي ... نسمعه يقول فيها لي حبيبته الاوله .. ويقوللها بنكون جنبك ... ) ..
,,
( لفيت وجيت بنطلع )
علي :: ( بعصبيــة و بِ صوت عالي شوية ) استني غصون ..
أصيـل :: ( تلفت طول شبح لي جيهتنا جنب الباب )
..
علي :: ( شبح لي أصيــل ) نسيتو الباب مفتوح ...
أصيـل :: ( ناض وقف وماقالش ولا حاجة )
علي :: ولا شنو ؟!
أميرة :: ( ساكتة )
( أنسحبت من كومـــة الصمت المستفز الي كُنت فيه ومشيت . )
''
( بعد ماطلعت ,,, نمشي ومش حااســه لا بِ رجليا ولا بِ قلبي ولا بِ اي حاجة ... طلعت ودمعتي ماوقفتش ... معقولة بعد كُل هذا وإهانــة علي ليهم ماحد فيهم تكلم ... ولا حــاول يوقفني حتى .. ومشي معاي تفكير والعذااب لين وصلت قداام الشركة )
...
( بعد ماطلعت بي ثـــواني )
أصيـل :: علي ماتقولش كلام بتندم عليه بعدين ...
علي :: شن هوا الي بنندم عليه بعدين ترا فهمني ... شن هذا الي صااار بينكم ... تي خيرك ي راااجل وين عقلك ... اميرة وممكن تتصرف اي تصرف .. انت شن باهي ؟
اميرة :: علي لو سمحت ماتقللش ادبك .. انا واصيل مافيش بينا شئ ... الي صار فهمتو غلط
علي :: اااه واللهِ ؟؟ ... باللهِ عليك انتي اسكتي احسن ... لانه كُل حرف منك ينرفز فيه فعلاً ,,
أصيـل :: ( جي طالـــع بيمشي لي غصون )
علي :: ع فكرة .. مرتك رجعت تشبح تاني ... لانه شكلك ماركزتش بُكل ...
( أصيــل تبريره او حتى كذبــه او صدقــه مستحيل اي شئ منــه كان يهمني ف وقتها .. الي يهمني انه معاش نشوفه وبس .. احساسي الوحيد هوا الاشمئزاز نحيته و كل حاجة كان ح يقولها كُنت ح نتقزز منها ومن كذبــه او ع الاقل الي كُنت نحساابه هكي )
...
( طلع أصيـل يجري .... وجي بسرعـــة ولقاني واقفة قـــدام الباب )
...
( جي أصيــل وشد إيدي )
غصــون :: ( دفيت إيدي و وخرت خطوات بعيدة من عليه )
أصيـل :: غصون اسمعيني .. حبي(قص)
غصون :: ( بي عبرتي وبي صوتي المخنوق ) ولا كلمة ... ماتقوليش حبيبتي لانه نتقزز منك ... ماتناديش اسمه باش مانكرهااش منك ... اسكُت بس ... اااسكُت بس ( وقعمزت وانا نبكي ) اااسكت باللهِ عليك ... ( وبِ صوت مخنوق وبي شوية ) '' كذاااب
أصيـل :: ( ف مكـــانه نزل ع ركبيه ) لالا صدقيني فااهمه المووضوع غلط ... صدقيني .. انتي غير اعطيني فُرصة نفهمك ... باللهِ عليك ...
,, ( وقفت وشبحتله )
غصـون :: ( ساكت ونشبــحله بي كُل غل فيه ونبكي ) ,
...
( وفجأة وصــل سليمان وكأأنه ربي بعتـــه من سمـــاء ليا .. شافني نبكي واقفة نرعش بِ سبب المرض وأثر زعل )
سليمان :: .. غصـــون ؟؟؟؟! ( وجي وقف جنبي .. )
غصـون :: ( شبحتله )
أصيـل :: ( مانحااش عيونه من عليا )
سليمان :: ( مش فاهــم شئ وااقف ويشبحلنا وخلاص .. ) خيرك مريضة ؟؟؟
غصون :: ( شبحتله وبااش نبعد ع أصيل تفجرت بي كلام ماتوقعتش نقوله لي سليمان )
ممكن تاخدني من هنا ... لو سمحت ..
أصيـل :: ( تفاجأ وتعصب ف نفس الوقت )
سليمان :: اي تمام ... امشي ...
غصون :: ( جيت بنمشي وقف قدامي اصيل )
أصيـل :: أستني .... تو نروح بيك انا ... ( شبح لي سليمان ) صحيت تقدر تمشي مش ضروري وجودك ...
غصـون :: ( ماشبحتش لي اصيل بُكل ) امشي سليمان ..
,,,,
( غصب عن أصيــل وع قد مامنعني من المشي مع سليمان رفضت انه نمشي مع اصيل و روح بيا سليمان وانا وصلت للحوش ركبت طول لي داري بكيــت لين عيت ورقدت .. )
''
( تـــــاني يوم )
( ف حــوش بتول )
بتول :: حكيتلها وقالت بتجي بعدين ..
غصـون :: اي براحتها ... عمتي طيبة وماتستحقش انه ندسو عليها حاجة ...
بتول :: باه غصوونه خليني نمشي معاك باللهِ عليك ...
غصـون :: لا ... بنمشي بروحي ..
بتول :: ماااهو عناادكـ هذا هوا الي بيجيب اخرتك ....
( و رن البااب )
بتول :: نفتح وانزلي انتي باااهي
غصـون :: باهي ...
......
( شويـــــة وكملت وجهــزت روحي ونزلت .. )
( ف صالـــة الحوش )
غصـون :: سلام عليكم ... ااه سليمان .. اهلاً ..
سليمان :: ( وقف وسلم عليا ) كيف حالك اليوم ؟
غصـون :: تمام بخير ... وانت ؟! ,
سليمان :: الحمد لله ,,,
غصــون :: شن ادير عنندنا ههه .. يعني استغربت بس
سليمان :: اي عندك الحق ههه ,, بس حبيت نمشي معاك للمستشفى طبعاً لو حبيتي الموضوع وكان هذا عادي ..
بتول :: سليمان يعرف الدكتورة وممكن يقدر يساعدك ف حاجة .. انا حكيتله
غصـون :: ( شبحت لي بتول ب عصبية خفيفة .. ) اي اوك .. مانبيش نتعبك ..
سليمان :: لالا عادي تعبك راحه ...
غصـون :: شكراً لي وقفتك جنبي سليمان ...
سليمان :: ولا يهمك احني عيله عااد ... هيا نمشو ؟
غصـون :: اي هي ..........
.........................................
( ف وقت لاحـــق ..
{ لما انا طلعت من الشركة مع سليمان ... أصيل رجع لي شركة وقلب دنيا فوقي لوطي من عصبيته ... وكسر شبه نص مكتبه فش غل ... وبعد دقائق وصلاته هديته متع الورد ب حكم انا مابتعتش رساله والمحل بيصكر ف بعتوها .. وعرف انه انا بنبداء ف العلاج ... ولانه اانا مارديتش على ولا مسج ولا على اتصال .. ف ناض اليوم وجهز روحه ومشي يستنى فيا ف المستشفى قدام مكتب دكتورة }
..
( ف المستشفى ) ,, ( وصلنا انا وسليمان وخشينا سألنـــا ع دكتورة ومشينا للمكتب .. وغادي شوفنــا أصيـل ... حسيت ب غيـــض ف داخـــلي بس روحي زي الي فرحت بي شوفتـــه حبي ليه فااق كُل الجسور والبحور ... انا نعشقـــه يعني انا فوتت مرحله الحب والعشق وبديت ف مرحلة الجنون .. ف حبي ليه هوا الي خلاني نتصرف بي برود تااام ... )
...
( الي عصب أصيــل ف لحضتــها هيا شوفت سليمان معااي .. وقف ولما وصلنا فيه انا كُنت بنخُش للمكتب بدون مانوقف عليه .. لكن أصيل منعني بي شدت ايدي .. )
أصيـل :: أستني نبيك ..
سليمان :: أصيل خليها هيا مريضة ومش ح تقدر تتكلم معاك توا .. وغير هكي دكتورة تراجي .. تكلمو بعدين
أصيـل :: اولاً هيا مرتي وانا نعرف كويس امتى هيا تقدر تتكلم وامتى لا .. ومش انت الي تخططلي امتى نتكلم معاها توا ولا بعدين ... وصحيت خدمتي هنا تمت امشي وكان تبي
غصـون :: ( سحبت أيدي ) انت خيرك ... سليمان جي معاي لانه مافي حد وقف جنبي ف اليوم صعب هذاا .. انت كيف تتكلم معاه هكي ..
أصيـل :: ( بي أبتسامه مُستفزة ,, رجع مسك ايدي تاني ) انتي مره تانيه لما نبداء شااد ايدك معاش تنحيها .. و انا شن قاعد ندير هنا .. هوا يقدر يمشي .. انا اكثر وااحد نقدر نوقف مع حبيبتي ومش محتاجة حد تاني
غصـون :: (نوعاً ما قدر أصيـل ف البداية يسحرني ف كلماته الاعتياديه الرومانسية .. بس بعدين سحبت ايدي تاني ) . لا شكراً انت برا وخليك جنب مروة ... ااه حقا مش وعدتها تقعد جنبها .. شن قاعد ادير هنا .. اضيع ف وقت ولا كيف ؟
سليمان :: ( بدون مانحس عليه سحب روحـــه ومشي .. )
أصيـل :: غصون الكلام الي تقولي فيه ماليشي اي اساس من صحةة ... اسمعيني وبعدين أحكمي ...
غصــون :: انا فعلاً معااش نحس بِ شئ .... خلاص ... انت مسحت كُل شئ كان بيناتنا ... خلاص .. شكلنا انتهينا ي أصيـل ..
أصيـل :: مافهمتش ؟؟ ...
غصـون :: اصلاً لو تفهم ماكانش صاار هذا كُله ... انا كُنت نبي نتعالج باش نعيش معاك كل لحظة من حياتي الي جاايـــه لانه ماصدقت حبيتني وبديت ليا وحدي ... بس توا انا جايه باش نقول لي دكتورة تلغي فترات العلاج لانه ماعنديش علاش نعالج ...
,,
( وصاادفتني دمعتي ولحني وصوت نغمات الاغنية .. #ألف_أحساس_فيا_مات_جوايا_برضو )
..
أصيـل :: ماتهبليش ... اعقلي وافهميني ....
غصون :: أصلاً هههه انا هبلت لما صدقتك ... هه والله فعلاً معقوله في حد بيحب بنت ضيعه .. من امتى هذاا هههه
أصيـل :: غصون ..
غصـون :: لالا فعلاً ,, أنتهينا ... ياسر لي حد هنا وخلاص .. لانه فعلاً أصيل انا معاش نحس بي شئ ... بِ سبب كُل شئ حقير صاار فِ حيااتي من مصاايب ,, أنا بجدياات فقدت كُل ماهوا يحمل أسم الاحساس .... . وفقدتك معااه لما شوفت الي شوفته ..
''
{ هل حقاً ي حبيبي هذه نغمات الودااع ..
{ هل حقاً ي حبيبي ما أسمعــه كلمات الفُراق ,,
{ هل حقاً ي روحي هنا أنتهينا ..
{ نعم حقاً نحن انتهينا ,,
{ أعذرني ف انا فقدت الاحساس ولــم أشعر ف هذا ..
..
(#أغنية #ماذا_سيختلف ؟ .. #تركية )
أصيـل :: شن أنتيهنا هيا ؟
غصون :: ( نزلت رأسي بي أبتساامه ودموعي ) مانعرفش الي شُفته شن داارلي بس فعلاً ,, ( رفعت راسي ) انا حسيت بي غيرة وحقد ... وتمنيت انه ماتكونش جنب حد الا جنبي ..
أصيـل :: ( لاتعليق )
غصـون :: ( قربت وبوسته ع خده بِ دمعتي وبِ حزني ) شكلنا خلاص وصلنا لي خط النهايه هه الي كونت خايفة منه انه نوصلوله يوم من الايام .. حاولنا ومانجحناش ... هذا قدر مش حني .. باي ..
أصيـل :: ( شد إيدي وبِ نفس دمعه والخوف وصوت الهادي من أتر الصدمة ) غصون ... باللهِ عليك
غصون :: خلاص ... انت عيش حياتك .. مش مُطر تعيش معاي ومع مرضي ومع كُل حاجة انت مش طاايقها .. برا تزوج البنت الي تحبها وزي ماتبي عيش .. لانه انا بجدياات مش ح نقدر لا ننسى ولا نساامحك ولا نسااامح نفسي ع شووفته ..
(ولفيت ومشيت ... لفيت وخليت كُل شئ ورااي .. خليت حبي وحياتي و روحي و وطني وكل مااانملك ف دنتي ولي كان من الفرح فااضلي ف هالحياااة لفيت وخليته ... #أنتهينا )
...
#يتبع..
#سلمى ...
