الحلقـــة ال(21) والأخيــــرة من روايـــة
✅💙
..
#مُمتلكــــات_عاشــــق ...
,,
" تنتهــــي تِلكـ الأحزان لي يأتــي موكِــب يملئــه الفــرح والقليــل من المتاعــب ... ف جميع العلاقات وجميع الاشخاص من المستحيل ان تجد الافراح دائمةة والاحزان قليله ... هناك ميزان ف حياة كُل منا ... وميزان حياتنا متواسي بين الحب والكره .. بين الحقد و صفاء نية .. بين الحزن والفرح .. نجد انه كل شخص يملك مايكفيه من صفات بين الحسنة وسيئة .. ولكن هل كل منا يمكن أن يحسُن الأختيـــاربين شئ و شئ .. وهنا تمكث السعــــادة .. فقط ف ختيــــار ذاتكـ ليس إإلا "
...
"" بَعِدْ مُـــرور سَنـــة ""
( فِ حــوش العيـــلة )
’’’
ســاجدة :: مهـــا !!
,,
( ف المطبــخ )
مها :: هيا هي ماااااما جايـــة .... نوضي انتي بلا هبال وتفكير زاايد مافيش منها دوتك بكل .. هيااا نوضي تو تسأل عليك ماما
غصون :: خلاص بري انتي .. شويه ونجيك ,,,
مها :: تعرفي تتأخري نقتلك .. مانبيش نروح وانا ماهدرزتـــش معاك بكل ..
غصون :: حاضر باااه .. شويـــة ولاحقاتكـ ..
....
( ف صالة )
ساجدة :: سااعــــة باش تجو ؟!! .. وين غصـــون ؟
مها :: هيا شوي وتجي ...
تهاني :: ( نازلـــه من دروج وتتكلم ) .. تعرفوووو مللني تلفزيون حوشي من كتر مااااهارب اكتر من جاااي ..
مها :: فوتيه وتفرجي مع عزوزتك تعالي ...
تهاني :: ( قعمـــزت جنب ساجدة ) اااكيد ي قلبي هوا فيه احن من عزوزتي اصلا هههههههـ
مها :: ههههههههـ اي اي تلككي توا
ساجدة :: جسور شيااااااطين ماتحطوشي ايواااه من توا قلتها
تهاني :: ( شبحت ل مها ) هوا فيه ابرد من عزوزتي يي نااس
العيلة :: هههههههههههههههههـ ,,
تهاني :: هههـ ,,, وين غصونه ؟
ساجدة :: ت نوض شوفي مرت خوووك حاامل تو دوخ ولا حاجة .. شوفيها وينها
تهاني :: خيرها تعبت ؟
ساجدة :: اي امس دااخت ورفعناها للمستشفى ..
تهاني :: وخيرني مانعرفش العفو ؟
ساجدة :: ماااك اليوم صبح روحتي وماااحصلتش وقت نقولك .. مافيها شي الحمد لله
..,,,,
( ف المطبخ )
مها :: ( خشت ) .. مااااااااااااماااا .... ي مااااااامااا ...
..
سااجدة :: وووك عليااا ... خيراها ....
( لقت مها مقعمزة جنب غصون الي كانت داايخــة ع الارض )
..
مها :: مانعرفش .. خشيت لقيتها هكي ... مابتش تنوض معاااي .. كلمي أصيـل ..
تهاني :: تو نكلم عمااد براااا هو ....
,
( غصون ليـــها حامل 5 شهور .. وف يوم الي عرفت انها حامل .. دكتورة حدرتهم من انه ماتعبش روحها .. اعراض الورم كانت موجودة ف اخر فترة .. الفترة الي اشتغلت فيها غصون واجتهدت فيها باش تكون رسامـــة معروفه ... من وقتها أصيل منع غصون من طلعه من الحوش وانه ترتاح الوقت كله ف الحوش .. خوف من رجوع الورم من جديد )
.
( ف المستشفى )
...
( الكُـــل كانو ف الممر ... مها وزوجها حسام .. تهاني وعماد . بتول و عمران . ساجدة )...
..
أصيــل :: ( أولـ ما وصلـ ) ... خيركم كلكم هنااا . ؟؟ وين غصووون ؟
ساجدة :: اهدااء وليدي الدااخل معاها دكتورة ...
أصيـل :: ( جي خاش ل داار ) وووانتم شن مخلينها بروحها ..... ( وخش )
.....
( الأقــتراب ,, الخوف الي يمتلكنا ولي يكون هو الحائط بينا اكتر من اقاربنا .. الخوف الي يسكن احشائنا يسكن ارواحنا .. الخوف الي ممكن يكون للانسااان صديق دائم كـ مرض السكر .. هنا يكون الخطأ ,, يفكر شخص انه خوفه من شئ هو فوبيا .. دائمة مستمرة . وصعب يتجنبها .. الخوف من الفقــدان .. الخوف من الأبتعـــاد عن شي لطالــــما أحببته .. شي عشقته وتفرغت لي يكُـــون هوا الغرام ب نسبـــه لكـ .. الخوف من يبداء الفُراق هوا الألتمااس الحقيقي لي أقترابكُــم ... التخلُـــص من الخوف كـ تخلص من مرض خطير ف عيــادة مشؤومه ولا يوجد بيها أي نوع من انواع التمريض او الأدويــه )
...
( ف الغرفـــه )
..
أصيـل :: ( شبحلها أولـ ماصكر الباب وراه .. دمعــه . خوف . رجفه . غصـــه ف القلب .. واقتراب متردد )
..
( غصــون ب الأكسجين . تحت تأثير المخدر .. )
,
أصيـل :: ( قرب .. طــاح ع رجليه أولـ ماوصـل سرير .. مسك أيديها ) .. مش .. مش خلاص ؟! .. مش خلاص ؟؟ انتي خلاص وليتي حالكـ باهي !! وبديتي أحسن من أي شخص تاني ؟ .. غصوون خيرك ساكته ردي . كُلهم يقولو ف كلام برا .. انك مريضه وتعبانه ومتوجعه ... كذب صح ! .. مستحيييل يرجع تااني لا مستحيل ..
...
( {{{ لي نَــلمُس معاً مواقفنـــا
{{ بي تِلكـ النغمات الملموســـه ذاتياً ل تِلكـَ المشاعر المتحدة معاً دائماً وابدا ..
أغنيــــة .. التُركيـــة .. #أعطني_الى_الوحـــده ...
.....
( بعد ساعـــه )
.
أصيـل :: كيف يعني ؟! .. أنت اكيد متخلف ؟
عماد :: أصيـــل أسكت خيرك ؟
أصيـل :: ماتسمعش فيه شن يخرف ....
دكتور :: أصيـل :: عارف الحااله الي انت فيها .. بس هذي قوانين المستفشى ومانقدرش نتعدى عليها
أصيـل :: يلعن ابوها القواااانين قدام غصون فااهم .. انا نبي مرتي .. نبيها .. يعني العمليه بديرها توا وغصب عليك والا وقسم بالله يصير شي لا انت ولا قوااانين المستشفى تحمله
عمران :: أصيـل ترا اطلع معاي برا ..
أصيـل :: ترا حوووول عمران ... مانيش طالع وبتعطيني نوقع توا
دكتور :: ممنوع انا اسف ....
أصيـل :: لا انت بجديااات نسبة تخلف عندك عااالي ..
عمااد :: تي اسكت ي راااجل خيرك ... ترا اطلع معاي برا ..
( الوقت الي كانو يتناقشو فيه خشت الممرضه )
..
الممرضه :: دكتور .. المريضه فاقت
أصيـل :: ( بدون وعي طول طلع يجري ... )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
( ف الغُرفــــه )
أصيـل :: يعني انتي توا تمام ؟
غصون :: اي تمام .. ممكن تهداء لانه انت مابطلتش اسئلـه وانا معاش عرفت ع شن نجاوب
أصيـل :: يعني تمام ؟!
غصـون :: ( ب ضحكه ) هههه اي تمام
أصيـل :: ( مسك ع أيدها ب القوه ) تمام !
غصون :: أي تماااام ... ممكن تهداء ؟
أصيـل :: انتي غير خليك جنبي وانا ديما هادي ... أنتي بس معاش اديري فيا هكي
غصون :: ي عيوني هههههـ ... شوف حبيب بابا كيف بابا طلع رومااانسي ف اخر المطاف هههه
أصيـل :: هههههـ ( قـــدم باسها ع رأســـها )
غصون :: هما وين الباقي ؟!
أصيـل :: برا ... دكتور ماسمحش انه يخشو كلهم ... غصون نبي نقولك حاجه
غصون :: اي حبيبي قول ؟
أصيـل :: هو(قص)
الدكتور :: سلاام عليكم !
غصون :: وعليكم سلام ... ( إبتســـامه )
الدكتور :: هاا شن توا طمنيني عليك ؟
غصون :: لا الحمد لله تمام توا ..
الدكتور :: ( جي إتجــاه الأجهازة ل تفقد ) .. مش حاسه ب دوخه او اي مضعفات تانيه ؟
غصون :: لا الحمد لله .. بس نبي نروح مانحبش اجواء المستشفيات لانه للاسف الكأبه موجوده غير هنا ..
الدكتور :: ههه .. ولا يهمك ح تطلعي ان شاء الله .. بس احني توا لازم نكلموك ف موضوع ..
أصيـل :: دكتور مش ضرورة .. انا تو نكلمها بروحي ..
الدكتور :: ( شبحـــله )
غصون :: ( ب خوف ) شن فيـــه ؟!
الدكتور :: أستاذ اصيـل لو سمحت خليني نشوف شغل وتفضل اطلع برا ..
أصيـل :: ( شبحـــله ب عصبيه وبعدين طول شبح ل غصون ) .. غصـــون ..بعد الي صارلكـ هــذا .. دكاتره وكافه الطاقم طبي المختص .. بعد الكشف
عليك أكتشفو انه ف خطر ع البيبي .. ف فتر(قص)
غصون :: بس شووي ... اصبر .. ( شبحت ل دكتور وبعدين رجعت شبحت ل اصيل .. وعيونها تتراوح بين هنا وهنا ) .. شن دخــل البيبي ؟؟ .. وشن نوع من الخطر هذا ؟
أصيـل :: ه(قص)
الدكتور :: ف احتمال انه الورم يرجع من جديد ...
غصون :: الورم ؟ .. يعني ف دماغي ؟؟ .. شن دخل ولدي ف الموضوع ...
أصيـل :: غصون لازم تهـــدي ...
غصون :: كيف يعني نهدااء اصيل .. كككيف .. انت تقولي انه ف خطر ف ولدنا . ودكتور يقول انه الورم ف احتمال انه يرجع ... اي ؟؟! .. الورم يرجع تماااام خليه يرجع .. بس ولدي شن دخلــــــــــه ؟
الدكتور :: لو احتمال رجوع الورم صـــار .. تطلبي عمليه جراحيه فوراً والعمليـــه خاصه ف ب دماغ يعني بيوقف الاكسجين ع الجسم ل مده وهذا شي بيفقد سيطره ع طفل ... البنج والاوكسجين وكاافه ادوات العمليه .. هيا خطر ب نسبه ل طفل مزال عليه 4 شهور للولاده ..
غصون :: نسبة الاحتمال 99% ولا ؟!
الدكتور :: (بعد صمت مأسف ) ... أي نعم ..
غصون :: ( شبحت ل اصيل وشبحت ل دكتور ونزلت رأسها ) انا كنت نعرف انه الورم رجع ... ومن مده كنت نعاني من صداع ودوخه ..
أصيـل :: كيف ؟! ..
غصون :: دكتور توا شن الحل
أصيـل :: غير دقيقه دقيقه .... كيف يعني طنتي تعرفي انه الورم رجع .. انا وين كنت ؟! .. لا شكلني بجديااات زوج فاشل ..
غصون :: اصيل مش وقت الكلام هذا الله يرضه عليك .. ( مسكت ايده ) ,, لو سمحت !
أصيـل :: ( شد ع أيدها ب دموع عيونه الي يحاول يخبيها )
دكتور :: انتي ف حالة اختيار غصون ... ي انتي .. ي طفل .. ي اجراء عمليه انقاد للزوز وطبعاً نسبة نجاحها 1% .. وطبعاً الاختيار ح يكون صاائب ومش بستعجال ... فهمتي عليا ولا ؟ ... نعطيك وقت تفكري (قص)
غصون :: لالالا مش ضروري وقت .. انا بنختار ولدي اكيد يعني بدون تفكير
أصيـل :: لا انتي اااكيد هبلتي ... دكتور معليش تخلينا بروحنا شويه
دكتور :: حاضر .... ( وطلع)
...
أصيـل :: ولد من هذا الي بتختااري ؟؟ ماااانبيش ولاد اناا فاهمه ؟ انا نبيك انتي بس .... ح يرجع دكتور وح تختاااري روحك ( يتكلم ويبكي ) .... غصون تسمعي فيا
غصون :: ( نبكي ... قربت ومسكت ايديه وقعمز جنبي ) اااصيل .. انت عارف انه لو اخترت روحي مش ح نرجع تمام .. ونسبة فقدان البصر عندي قويه ف حالة رجع الورم .. فقدان الحس .. يعني شلل تام ... شن الفرق بينه وبين الموت؟؟ .. اصيل انت لازم تكون اقوة من هكي ...
أصيـل :: ( قرب وحط رأسه ف راسها )
غصون :: ( نبكي ) لازم .... ي عمري احني من عندنا غيرك ؟ حبيبي لو سمحت ... لو سمحت ماتعبنيش .
أصيـل :: انا مش مواقف ع الي درتيه ... نحبك ومستحيـــل نخليك تختاري الغلط وانا عايــش ..
( نـــــــاض وخلاها )
................ــــــــــــــــ................
( بعد مـــرور ساعات )
...
( جي أصيـل للمستفشى بعد ماكـــان ف الحوش وجاب معاه حوايج ل غصـــون )
..
( ف الممر الي قـــدام غرفــة غصون )
..
أصيـل :: ( وصـل ولقاهم كُلــــهم واقفين ) ... خيركم هنا ؟! .. مافي حد مع غصون الداخـل ؟!
بتول :: ( تبكي ب شويـــة . دموع بارده ب صدمـــه )
ساجـــدة :: ( علامات مش مفهومـــــه عن الخوف والوجع )
عماد :: ( جي وقف جنبه )
أصيـل :: شن فيه تكلمـــو خيركم ؟! .. غصون وين ؟! ( حدف الكيـــسه من ايده ومشي فتح باب دار وخش )
....
الممرضه :: ( كيف طالعه ) ..
أصيـل :: ( شاف سرير فاضي ) .. وينها ؟!َ>> ... وين مرتي ؟؟؟ غصون وين؟!
الممرضه :: تقصد المريضه الي كانت هنا ؟!
أصيـل :: اااي ؟؟؟ .. غصون
الممرضه :: المريضه الي كانت هنا .. قبل شوية عطتكـ عمرها .. البقاء لله
أصيـل :: من الي عطتني عمرهااا ؟؟؟ لالالا نتكلم ع غصون .. مرتي .. البنت الي كانت هنا وحامل ... غصون مرتي انا .. ااااالي كانت هنا ..
الممرضه :: اي استاذ .. وانا نتكلم عليها ..
أصيـل :: ( بصوت عاالي ) كذاااااابه انتي كذاب ه... غصون مامتتش ... غصووووون مني الي تعطيني عمرها .. اانا مانبيشي .. نبيها هياااا ... نبي مرتي وينها ؟
عماد :: أصيل اهداااء .. ( يشبح للمرضه ) اطلعي انتي امشي ... ااااصيل اهدااء .... استهدي بالله ...
أصيـل :: ( دف عماد ) ت حووووول ... ت تقولي مرتك ماتت
..
<< لحظـــة صمت ..
لحظـــة فراق ...
لحظــة وجع ...
تلازمـــنا .. عند فقــــدان الحبيب
<< أغنيـــة_القديــمة ب ألحان هادئة .. #فقدتكـ ,,,,
....
عمران :: بتولـ نوضي معاي حبيبتي ... هيا ..
بتول :: غصـــون ! ... و غصون ؟ ( تبكي )
#ذكريــــات_ف_عقل_بتول ..
{ غصون :: ترقدي جنبي اليوم ؟!
بتول :: خير ان شاء الله علاااش ؟ . بيجيك سعد الايام ولا الغول ابو 90 وذن هههههه .. تمرقدي بروحك يالله
غصون :: ههههههه ي بارده انا بخاف من ظلمه
بتول :: ت ظلمة هيا الي تخاف منك بالله ارقدي ههههـ .. ولا نقولك بنرقد جنبك خلاص متعاركه مع عمران اصلا
غصون :: هههههههههـ .. }
,,,,,,,,,
ساجدة :: ( مقعمزة ع الكـــرسي ف حالة انهيار تام )
مها :: ماما هيا نوضي ... خلاص ( تبكي )
ساجدة :: رااحت لحنينه ي مها ... خلاص .. مشت بنت قلبي مشت من بين ايديه مشت ..
مها :: خلاص ماما بالله عليك ... حرام .. غصون توا محتاجة دعواتنا ي ماما .. غصون توا محتاجتنا
,,,
#ذكريات_ف_عقل_ساجدة ..
{ ساجدة :: يعني كيف بديريها توا ؟!
غصون :: طاسه ونص ؟
ساجدة :: شن كله طاسه ونص امالا ههههههـ ,, لا نص طاسه بس
غصون :: هههههه باه .. وحده وحده تو نتعلم ..
ساجدة :: ل امتى بنقعدلك انا ان شااء الله هههـ
غصون :: العمر كله يارب .. شن هالكلام عاد ..
مها :: اووووو شن اديرو ؟
غصون وساجدة :: شن دخلك ؟ ههههههههههه
مها :: ريتي ولا الكنه والحماه هههههههههه }
...
تهاني :: ( تبكي ) مش مصدقـــه ... غصون مشت والله مامصدقــه ... مع من بنتعارك وبنتسهوك .. كانت كل مانجيبلها لولاد يقعدو عندها تتسهوك عليا ...
.
#ذكريات_ف_عقل_تهاني ...
{ غصون :: شن حبيبتي ان شاء الله خير ؟ .. زي الي رجلك وشاارع اليومين هاذم ؟
تهاني :: ااااي نعم .. وبنجيبلك صغار تشديهم ...
غصون :: لااا المفروض نتبناهم منك ع الاقل الموضوع منطقي ...
تهاني :: اي والله فكره ... خودي جمل بما حمل هههههههههههه.
غصون :: ماعندكش نيه بكل ههههههههههـ }
....
( أصيـل بعد ماطلب يشوف غصون ..... ودخلــو ل ثلاجة ب جهد جهيد )
,
أصيـل :: ( واقف يشبحلها ودموعـــه ينزلو ب طريقة رهيبه بدون حس .... قدامه الممرض ) .. هيا خيرها ساكته ؟! . ع فكره هيا اكتر بني ادمه تتكلم ف دنيا ... وح تتكلم .. هيا مامتتش .. غصـ،ـــون ! ... حبيبتي .. ههه يالله فيقي .. اصلا كلهم مايعرفوكش . انا بس نعرفك .. انتي اصلا قلتيلي مش ح تخليني بروحي ... ولا ؟ ..
#ذكريــات_ف_عقل_أصيـل ..
{ أصيل :: ( قرب ايديه ونحاالي نظارتي ومسحلي عيوني )
غصون :: ( نشبحله ... وبعدين بديت نضحك ) هههههه
أصيل :: ههه خيرك ؟!
غصون :: مش فكرة حلوة انك تنحي نظارتي ...
أصيل :: علاش ؟َ! هههههـ
غصون :: لانه ماكنتش متحملاتك وااحد بديت زوز توا .. ربي يصبرني ههههههههـ
أصيل :: ههههههههههههههههـ ,, ( لبسهملي ) وتوا ؟!
غصون :: اي هكي افضل .. وعد مني اول مانتحملك كاشخص ح نحيهم باش نتحملكم زوز هههههههـ
أصيل :: لا انتي لساانك طويل راه هههـ ,,
غصون :: اي تحمل مايجيك .. لانه هاذي طلبيتك .. غصون بنت ضيعة هكي هههههههـ
أصيل :: وهكي احلا هههـ ,, } ...........
...
( بعد مُرور ,, شهر )
..
( ف حوش #أصيـل وبتحديد #داره )
..
أصيـل :: ( مقعمز ويتفكر ف الحديث الي صار بناتهم يوم الجنازة )
...
( قبل #شهر )
#الجنــازة ...
أصيـل :: ( بعد ماروح وقعمز جنب عيلته ) .. ( بعد صمت طال مده ) ..... غصون كيف ماتت ؟!
( وبدت عيونهم تتراوح بينهم )
أصيـل :: انا ماسألتش بااش تقعدو ساكتين .. غصون كيف ماتت ؟
مها :: توفت وهيا تحت العمليـــه ...
أصيـل :: ( رفع رأسه ل مها ) أما عمليه ؟
تهاني :: مش انت طلبت من غصون انه تختار روحها ... وهذا الي دراته ...
...
( قبلـ وفاة غصون )
..
( ف المستشفى ......... ف غرفــة غصون بعد تحضيرها للعمليه )
..
تهاني :: بس هذا غلط ...
غصون :: عارفه ... لكن اصيـــل مش مواقف انه نختار الولد .. وانا مش ح نقدر نعيش ب وجع الورم وجع زعل اصيل مني . مش قويه باش نتحمل ي تهاني ..
تهاني :: بس ي عمري .. عمر الولد 5 شهور ف بطنك .. والعمليه خطيره ع االحال هذا ..
غصون :: لكن دكتور قال انه انا مش ح يصيرلي شي .. انا بس معاش نبي نشوف اصيل ضعيف وتعبان ل درجة هاذي
تهاني :: غصون فكري ب العقل ... انتي ف اسطنبول مش ف بلد المعجزات ... انتي الي ح تموتي ع الحال هذا الوضع خطير ..
غصون :: لو سمحتي تهاني ... خلاص .. اصيل يبي هكي وانا بندير وبس ...
................................
( بعد الوفـــاة )
( يوم الجنازة )
أصيـل :: يعني غصون ماتت بسببي ؟
تهاني :: خوفها من فقدانك اكبر من خوفها ع نفسها او ع ولدها .. خافت انه ال5 سنين الي كنت فيهم بعيد عليها .. يرجعو تاني
ساجدة :: الحوش بارد من غيرها ..... ( قالتها بعد صمتها طويل )
( شبحولـــها كلهم بما فيهم اصيل )
...
( بعد شهر )
...
( ف حوش اصيل )
علي :: بعت المرسم زي ماقلت .. ورفت لفلوس ل دار الايتام ..
اصيل :: كويس ..
علي :: امتى طيارتك ؟
اصيل :: بعد ساعتين ... يالله خلي بنطلع ..
..
( اولـ ماوقف أصيـل وشبح للحوش .. ورجع خطـــم شريط حيـــاته ب لمح البصر قدام عيونــــه ) ..
..
#أغنيــــــة ,, #كـــده_
...
( سبق وقلت لكُـــم عن ميزان الانسان .. بين كل شي .. وهنا ميزان غصون أختار ان يثقل من جيهــة الفراق .. وميزان أصيـل أخار الرحيـــل ... الحُب .. الوجع .. وأيام .. والمسافات . كُلها اختيارات انفسنا ... ان اخترت ب يديك رحيـــل فلا تندم بعد فوات الاوان ... وان اخترت ان تبني المسافات بينك وبين شخص ف لا تندم بعد ان تجد انه هذا شخص قد رحل ف وقت اختيارك للاعتراف ...
أقتربو من بعض أعزائي ف الحيـــاة لها مواقيت و س تنتهي .. لا تجعل ل ندم مكان بينك .. وبين الوقت ... أختر حبيبك واعترف واقترب وحافظ عليه .. ف ان ضاع منك العمر .. ف لا ندم ينفع ولا بكاء يقرب ... )
..
الى اللقاء .. ل روايـــة جديده ... 🔭🎆
..
النهايــة 🔒
.
#يتبع👉🏻
#سلمى
