,,,,
الحلقـــــة (16) من روايــــة ة ة
..
#مُمتلكــــات_عاـشق //،
............
غصون :: ( ف لحظتها تمنيت نوض نحضنه ونقوله انا جنبك ومعاك . تمنيت ناخد الحزن والخوف و الوجع الي ف قلبه ونحطه ف قلبي ونخليه فرحان .. بس ف لحضتها مافيش الا صوت واحد سمعه أصيل بعد أخر كلمة قالها )
أصيـل :: ياريتني انا ف مكانك ولا تشوفي الوجع ..
,,
جهاز القلب :: توووووووووو.......(توقف )
’’
( جهـــاز القلب صح يعطي صوت يوضح انه شخص هذا مااات .. بس الي يسمع جهااز القلب وهوا يُصـــرخ وياخد في أعــز شخــص ع قلبه هوا الي يموووت فعلاً مِش المريض .. لِهــذا أصيـل ف وقتها كـــانت صدمته أقوة من أي شئ ف العالم .. يشوف فِ روحـــه ضيع من بين أيديـــه وهوا مقعمز ومافيــش بي أيده شئ غيــــر >>>
...
أصيـل :: ( طـــلع يجري ) دكتوووور .. وين دكتوووور ... ( ولمـــا جي دكتور ) ,, ان,,,, انا ,, انا سمعت صوت .. هذا شنووو ؟
( كان وكأنـــه أولـ مره يشوف أو يسمع جهاز قلب يوقف .. يشبح لي دكتور و الخوف وااضح ع وجهه شــاد دكتور من أيـــده ويســــأل فيه بي طريقة طفوليـــه بريئه .. كُلها حب وخوف ) ..
دكتور :: أهداااء أصيل ... ( شبح للمُمرضة ,,) ألحقيني وكلمي دكتووووورة بسرررررعه ...
الممرضة :: حااضر ...
....................................................
( أصعــب شعور هوا إِنك تكون عارفـــه شن يعني {المُوت} عــارف إنــه معنى الودااع .. عارف إنه أصعب أنواع الفُرااق عــارف إنه هوا أشد أنوااع الخَسارة .. ف {المُوت} أنت ح تفقد وتخسر و تودع وتفارق أعز و أحن شخص ع قلبك .. ف شن لو كـــان {الحبيب} .. شن لو كأأأن خسرت حبيبك ب{الموت} عاارف شن معناها الخساارة ... معناها {خلاااص} لا >>
تشوفــــه ’’’ ولااا
تسمع صوتـــه ’’’ ولااا
تُحضنــــه ’’’ ولااا
تقدر تتعـــاركـ معاه ’’’ ولااا
تعبرلـــه عن حُبك لكبيــــر إتجااه ’’’ ولااا
تتسهوكـ و تتبرد عليــه ’’’ يعني >>
أشد وأصعب أنوااع الفُرااق هوا {الموت} ,,,,
هذا بي تفصـــيل شعور {أصيـــل} ...
/////////////////////////////////////////////////
( بعد دقائق معـــدودة )
دكتور :: ( طلع )
أصيـل :: ( وقف قدامه ) ؟!
دكتور :: أطمنوو الحمد لله .. ماصار شئ وقف قلبه لي وقت معين وقدرنا ننقضوها ...
أصيـل :: ( قعــد واااقف ودااهش بي طريــــقه فظيعةةةة )
العيلة :: ( كُلها ف قمة سعاااادة ... )
...
بتول :: الحمد لله ...
عمران :: ( حضنهاا )
,,,,,,,,,,,,,,,,,,,,,
( و زي ماقالت دكتورة ... بعد 24 ساعه نقدرو نقررو حالتها .. وبعد نص سااعه فاقت غصون .... كُل العيلة عندهاااا ف الغرفة إلا .................. أصيل )
...
مها :: تي هياااااا بلا جوو الفروخ شن هذااا .. ؟
غصون :: مااانبيش شن بي سيف يعني ؟؟ .. عطيني ميااه بس
ساجدة :: ي ماما مايجيش منها دوووة هااذي .. هيا كولي فمين وبعدين نعطيك مياااه .. هي !
غصون :: عمتي بلااا جو الاطفال الي ديريلي فيه .. مانبيش خلاص ... ( شبحت لي بتول ) ..
بتول :: ماتشبحيليش .. كولي كـ بتاكلي بلاااا تبوديع
ساجدة :: باه خلوها خلاص تاكل بعدين ... عطيها ميااه مها
مها :: حااضر ..!
غصون :: وين عمران ؟
بتول :: تو يجي .. روح طلبت منه حاجات ...
غصون :: و .. ( شبحتلهم وحده وراء تانيه ) .. وين اصيل ؟
ساجدة :: تو يجي بنتي ريحي روحك انتي ...
مها :: ( رن فونها ... ) .,,,,, نستأذنكم تو نجي ...
ساجدة :: صكري الباب ماتخليشي مفتووح ...
مها :: حاضر ...
.............................
////
( ف الممر )
مها :: ألو ؟!
وليد :: وينك ؟ .. خيرك ماكلمتينيش ؟
مها :: اولاً أنشغلت ... تانياً مانقدرش نشوفك مرت خوي مريضة وانا قاعده معاها ... ف خلاص نقدرو نحلوو الموضوع ف تلفون ...
وليد :: لالا ضروري نشوفك ... باه وين مرت خوك ف اما مستشفى نجي نشوفك غادي ...
مها :: لالا خلاص ... قصدي مش ضروري ...
وليد :: مها ضروري باللهِ عليك ... نبي نتأسف منك ف وجهك مانبيش ندير العمله ونلبد زي البنت ...
مها :: ( شبحت لي غرفتنا وسكتت شوية وبعدين ) تمام ... ماشي تعالى احني ف ’’’’’’’’’’’ ولما توصل كلمني ...
وليد :: تمام ... 5 دقايق ونكون عندك .......
ـ،،،،،،،،،،،،،،،،ـ
( الحِلو ف الموضوع انه مهااا لي اول مره تسمع كلام سيف .. وصكرت من وليد ... وكلمت سيف )
..
مها :: حبيبي !
سيف :: عيونه .. نعم ؟!
مها :: انت وين ؟
سيف :: ف الحوش .. تبي حاجة ؟؟؟
مها :: انا ف المستشفى عند غصون .. نبيك تجي
سيف :: خيرها مرت خوك ؟؟ مريضة هلبه ؟
مها :: لالا مش ع خاطر غصون ... لكن ع خاطر حاجة تانيه ..
سيف :: ( يكلم فيها وطلع وقف قدام الباب ) ,, مها ادووي ماتخلينيش هكي ... شن فيه ؟
مها :: بصراحــــة كلمني وليد ...
سيف :: تت شن يبي توا هذا ؟؟ ... شن يبي ال**** خيره ؟
مها :: باااه اسكت تو نقولك ...
سيف :: شني ؟
مها :: يبي يجي يتأسف مني ع اساس ف وجهي .. مانعرفش لكن علق فيا وقلتله تعالى ...
سيف :: صكري شوية ونكون عندك .... ويتصل بيك ماتنزليش لين نوصل ... فااااااهمه ؟
مها :: اااي ...
سيف :: يالله صكري ..
.........................................................
( ف غُرفتي )
( أنا راقــدة )
بتول :: عمتي انا بننزل عمران جي ... تبي حاجة من الكافي ؟
ساجدة :: لا حبيبتي ... شوية وننزلكم غير نتأكد انها كويســه
بتول :: تمام عميمه .... يالله
...
( رن فون عمتي أولـــ ماطلعت بتول )
ساجدة :: ( ناضت جيهة روشن ) أهلين سليمان ... كيف الحال؟
سليمان :: الحمد لله ... شن صااير عمتي خيرها غصون ؟
ساجدة :: تعبت وصاارت فيها هلبه بنتي ... لكن الحمد لله فاقت وحالها باهي ...
سليمان :: باه انا ف المستشفى جيت نبي نشوفـــها .. ف اما غرفة انتم ؟
ساجدة :: ف ___ تعالى انا معاها ...
سليمان :: تمام ...
,,,,,,,,,,,,,,,,,,,,,,,,,,,
( أنا قعدت رأأقــدة وركب سليمـــان وقعمز هوا و عمتي جنبي .. اما بتول وعمران ف كانـــو ف الكافي بعد هاليـــوم الحافِــــل بي تعب من حق الكُل راحة ... أما مها ف كانت حاصــله بين نارين ومقعمزة ف رسبشن تستنى ... وف نفس الوقت وصل أصيـل وكلم عمران وجاااهُــــم ف الكَـــافي )
...
أصيـل :: ( جبد كُرسي وقعمز ) خيركم لوطا ؟
بتول :: غصون رقدت وعمتي معاها ... انت وين كُنت ؟
أصيـل :: ف وراقي كملتهم غدوا مسافرين بي أذن الله
بتول :: هكي بسرعه ؟ ... مش ع اساس الاسبووع الجاي
أصيـل :: لو انتي مستعدة .. ف انا مش مُستعد نعيش اجوااء الخوف من انه نُخسر غصون تاني ...
عمران :: عندك الحق ... اصلاً كل ماستعجلتو كل ماأحسن ..
بتول :: وغصون ماتعرفش .. امتى بتقوللها ؟
أصيـل :: توا بنركب ... )( وقف ) ,, ماتخافيش بتول الي اندير فيه هذاا كله باش مانعيشوش لحظة من غيرها ..
بتول :: ( مع ابتساامه ) ولا يهمك فاااهماتك ..
...
( ف نفس الوقت انا فقت وكُنت نهدرز مع عمتي وسليماان )
...
( فِ غُرفتي )
غصون :: هههههههههههههههههههه مشناااك .. كلميه عمتي
ساجدة :: هههههه تحشم عاااد
سلميان :: وحق ربي الا كُنتي هكي هههههههههههه .. أصلاً يونس شلبي الله يرحمه كان احلا منك هههههههه .. لكن عليك حركاات تقولي هوا ف مسرحية العيال كبرت ههههههه
غصون :: يابااااارد هههههههههههههههه ...
( ع خشت أصيــــل .... ومِن علامات وجهه كااان متفاجأ بي شوفت سليمان الي يكرهه )
أصيــل :: خيييير! ( بي أستفزاز وبي طريقــة بارده )
سليمان :: اهلين ..
أصيـل :: _ ( جي جنبي وباسني ع رأسي ) كيف حالها حبيبتي؟
غصون :: ( ولأنه ماكانش جنبي ومش عاارفه وين كان يدور ف ردي البارد كااان يستحقـــه .. وهذا الي كُنت نحساابه .. شبحتلهم ) .,,, كويسةةة ..
أصيـل :: ( يشبحلي وهوا متعصب )
ساجدة :: وين كنت أصيـل ؟
أصيـل :: ( يشبحلي قااارن حواجبـــه ويرد عليها ) كُنت نحل ف موضوع ...
ساجدة :: معقوله مرتك فااقت من الغيبوبه وانت مااااشي تحل ف خدمتك وقته تو هذااا ؟
سليمان :: صح المفروض قعدت جنبها وخليها الخدمه لي يوم الخدممة ...
أصيـل :: ( شبحله ,,, رفع حاجب ونزل تاني ) واللهِ حق .. ؟
غصون :: ( شبحتله ) !!
أصيـل :: انا عاارف روحي شن ندير انت ريحيلي روحك ..
ساجدة :: أصيـل تحشم ,,,
أصيـل :: واللهِ المفروض هوا الي يتحشم .. معقمز ويهدرز مع مرتي وانا مااهنااش .. جديده هيا ...
غصون :: ( ساكته ومتفاجأأأأة من ردة فعله وعصبيته )
سليمان :: ( بأأش مايسببش مشاكل ويتفادها لانه انا مريضة ) .. هيااا امالا نسـأأأذن منكم .. ان شاء الله لاباس عليها وربي مايوريها شر ...
أصيـل :: مزيوون كُلك ذوق .. (مع أبتساامة برود )
( طلع سليمان وطلعت ورااء عمتي )
,,,
غصون :: أن شاااء الله ارتحت تواا ؟
أصيـل :: ( شبحلي ) خيرك هكي تتكلمي ؟
غصون :: أول ماااافقت تمنيت نشوفك ... سألت عليك وماحد يعرف وينك ... وتوا جاي تفش ف غلك ف سليمااان الي اول ماسمع بيا مرضت جي يجري ...
أصيـل :: علاااش مضاايقة روحك ... تبي ناديه يقعد معاك ؟
غصون :: ( خنقتني عبرتي .. وكلمته وانا نطلع ف الحروف بي سيف ) خيرك هكي .... تتكلم ؟
أصيـل :: ( من صوتها معااش قدر يتكلم ولا كلمة وحتى من علامات وجهه تغيرت )
غصون :: أسفه وكانه عفلقتك ... لكن كنت نبيك جنبي بس يعني ... ( حطيت ايديه ع وجهي وكُنت ف قمة الحزن طفولي )
أصيـل :: ( مش عاارف شن الي يخله يبتسم ابتساامه ع جنب ساحرة وهادئة ... برائتها .. طفوليتها ... جمالها .. او جنونها الي يطلع ف وقت عصبيته ’’ قرب منها وقعمز جنبها ) ,, حبيبتي
غصون :: ( نحيت ايديه وشبحتله ) ,, نعم ؟!
أصيـل :: كُنت جنبك .. وتوا جنبك .. ولي غدوا ولي بعده انا جنبك ... كله كله مشيت نحل ف موضوع سفر متعنا وبي أذن الله غدوا مسافرين .. معاش نقدر نشوفك هكي ولا نتحمل نعيش يوم زي يوم امس عايش بين نخسرك ولا لا ... فاهمه ؟
غصون :: ( شبحتـــله فترة زمنيـــة )
أصيـل :: ( نفس الابتسااامه ساحره ) خيرك تشبحيلي هه ؟
غصون :: ( حضنتـــه حُضن الحُب .. عرفتو شن هوا حضن الحب ولا ؟ ) .. نحبــــكـ ,,
أصيـل :: أكيــد مش أكتر مني ...
...................................................
( ف رِسبشــــن )
’’’
مها :: ألو !
وليد :: أنا قدام المستشفى انتي وين ؟
مها :: انا مشغوله مع مرت خوي شوية استنى انت شوية ونطلعلك ..
وليد :: باه ...
.....
( صكـــرت من وليد وكلمت سيف طول ) ..
..
سيف :: هي حبيبتي قريب نوصل فيك هي ...
مها :: هوا برا توا ... نطلع ولا كيف ؟
سيف :: لالالا قعمزي ف مكاانكـ ليـــن نوصل ..
مها :: باه ...
....
( ف سيارة )
سيف :: وحق الله الا شاااام حاجة وسخه منك ي وليد ... وربي لو أدير حاااجة وديني نقتلك ...
.....
( أستنت مهااا ... لكن مش زي صبر أأيوب ابداً ... مها أستعجلت .. و سيف تأخر ... وحقـــارة وليد قاعــده زي ماهيا)
...
( طلعت مها لي وليد )
..
وليد :: ( مد إيــــده سلم عليها ) كيف الحال ؟
مها :: تمام .... وانت ؟
وليد :: بخير ..
مها :: ( سكوت وليد خلاها تبدااء هيا بي الحديــث) . تفضل وليد شن تبي تحكي ؟
وليد :: انا نبي نتأسف منك .. درت حاجات المفروض مادرتهمش ... ان شاء الله تسامحيني ..
مها :: خلاص ولا يهمك موضوع ومشي لي حال سبيلــه ,, ( رن تلفونها شبحتلـــه وردت )
وليد :: ( قعد يشبحـــلها )
.
مها :: الو !
سيف :: خليك ف مكانك انا جااي .. تو قتلك ماتطلعيش .. اما انتي ي مها ..
مها :: باه ..
...
( جي وقف سيف )
سيف :: شن ادير هناااا انت ؟
وليد :: اهدااء وبلا عصبية زايده .. كلها ع بعضها مها ماتهمنيش انا جيت بنتأسف بس وماشي ..
سيف :: تكلم باااهي .
مها :: اهداء سيف ... تمام وليد ... خلاص الموضوع تم هنا ..
وليد :: تمام .. انا ماشي اصلاً ...
سيف :: يالله اقلبلي هااالفيه ...
مها :: ( شبحتله ) اسكت انت ....
( مشي وليد )
سيف :: قتلك ماتطلعيش انا ولا ؟
مها :: سيف كبرت الموضوع وهوا مافيش منه اصلاً ... خلاص اهداااء .. جي وتأسف ومشي علاااش الخوف زاايد هذا ؟
سيف :: لانه وليد الي انا نعرفه احقر منه مااافيش .. وخوفت عليك شن علااش الخوف ...
مها :: هههههههههههههـ ,,
سيف :: خيرك تضحكي ؟
مها :: مانعرفش .. لكن محلاكـ وانت عصبي ههههههههههه
سيف :: تي بري لانسكك كف توا ..
مها :: ايح كف غاااااادي هههههههههههههههـ
سيف :: ههههـ ,, امشي لي عيلتك يالله تو يقعدو يسألو عليك .. وخلي تلفونك جنبك باش نطمن عليك ..
مها :: من عيوني ... يالله برااا حتى انت حتى انا فاااضيه اتصلت بيك ف هاليل وتعبتك ...
سيف :: صككري هااالفم الي ماينقط الا ف سم حبيبت قلبي
مها :: هههههههههه .. امشي يالله ... نحبك انا باهي ؟
سيف :: هههه باه ... امشي انتي بنشوفك تخشي وبعدين نمشي .
مها :: حاضر ...
( هذا هُوووا الحُب جنُوني ... )
...............................................
( تَاانِي يُوووم )
,,,
دكتورة :: أولـ ماتوصــلو تكلمُني .. مفهووم ؟ .. غصون الكلام ليك مانبيش اي تأخير ف العمليه ..
غصون :: حاضر ...
أصيـل :: خلاص ولا يهمك دكتورة .. أول مانوصل نكلمك ونمشي لي دكتور طوول .. يالله غصون ..
غصون :: يالله ..
...................................
الحلقة (17 ) هيا حلقة جديده .. مع حيااة جديد .. يوم جديد لي غصون .. سُـؤال هوا .. هل الاحدااث الجديدة جميلــة أم ؟!
...
يُتبع ..
#سلمى
