After Dark: My Aloof Husband 1 ✔

Kabanata 2.

THE FIRST BITE

NAGISING ako nang maramdaman ang mga paghaplos sa'king buhok.

"Hmm…" Idinilat ko ang aking mga mata at si Liu ang nakita ng mga ito. Saglit akong napakurap kurap. Si Liu ba talaga ito?

Nang maging malinaw ang lahat sa 'kin ay nag init ng husto ang aking mga pisngi.

"Good morning." Bati nito.

"G-Good morning..." Hindi ko nanaman magawang maituwid ang dila. Kanina pa ba ako nakayakap dito? Gulong gulo ako.

"Sorry hindi ko sinasadyang yakapin ka." Nagtakip ako ng mukha sa labis na kahihiyan matapos kong bumangon. Hindi naman ito umimik kaya't lumingon ako sa gawi niya. Ang itim na itim na pares ng mga mata nito, kay gandang pag masdan habang malamig na nakatitig sa 'yo.

Hindi na ito nag salita at kusa nang bumangon at dahan dahang naupo sa awtomatikong wheel chair. May malawak na beranda sa aming silid at doon ito nag tungo. Pinag masdan ko lamang ito. Tahimik na nakatitig sa malawak na nasasakupan. Kinuha niya ang isang piraso ng sigarilyo at nag sindi ito.

Hindi nag bago ang ekspresyon ni Liu. Nakakatakot parin ang kanyang mga tingin.

May kumatok naman bigla sa labas kaya't pinag buksan ko ito.

"Young Lady handa na ang makakain." Si Auntie ito.

"Sige po Auntie tatawagin ko lang po si Liu." Ani ko at akmang aalis na nang mag salita ito.

"Hindi po kumakain ang Young Master lalo na sa umaga. Ito lamang po ang umagahan nito." At ini angat ang isang tasa ng kape. Pumasok ito sa loob at inilapag iyon sa maliit na mesa.

Kasalukuyan akong kumakain ng almusal sa mahabang mesa. Wala akong kasabay dahil hindi naman kumain si Liu. Naglilinis naman si Auntie sa buong mansyon kaya't wala akong makausap.

Maya maya pa ay bumukas ang elevator at si Liu ang iniluwa nito. Bagong ligo ito at suot na ang kanyang mamahaling tuxe. Dumating na ang dalawang body guards nito na nag aabang sa labas.

Lumapit sa 'kin si Liu at mabilisan akong hinagkan sa noo bago ito lumayo. Sa gulat ay hindi na ako nakapag salita at pinag masdan ko na lamang ito hanggang sa makalabas na. Hinawakan ko kaagad ang parteng hinalikan nito. Ang init at lambot ng kanyang mga labi.

"Young Lady may tawag mula sa pamilya n'yo." Ito ang nagpapukaw sa akin. Lumapit si Auntie at iniabot ang telepono.

"Hello?"

"Hello anak kamusta ka na?" Ang papa ito.

"Ayos naman ako papa. Kayo po kamusta?"

"May sakit ako ngayon.." at kasabay no'n ang pag ubo nito sa kabilang linya.

"Maaari mo ba kaming bisitahin anak? Ang tagal mo ng hindi nakakadalaw sa bahay." Totoo ang lahat ng sinabi niya. Simula kasi ng maikasal kami ni Liu ay ayoko ng magkaron pa ng kahit na anong koneksyon sa ate Kiara. Ito lang ang paraan, ang pag iwas ko lang ang paraan upang hindi na ito makita pa.

Kasalukuyan akong nasa likuran ng sasakyan ni Liu habang ang driver nito ang mag mamaneho. Nakatingin ako sa labas nang biglang tumunog ang phone ko.