حكايتنا')🌎👫

-"part1"🌎👫

-هتيجوا تحجزوا امتي 2ثانوي ي شباب؟
-براء:الوقت اللي حضرتك تقول عليه ي مستر.
-بري(صاحبه براء):حضرتك هتبدء حجوزات من امتي ي مستر؟
-ان شاء الله اول انا احط مواعيد3ثانوي ساعتها هرن علي براء وهيا تقولكوا اتفقنا.
-براء:اتفقنا.
-محمد بغيره واضحه جدا:مترنش علي براء رن عليا انا!
-ماهيا هتقول للبنات وانت هتقول للولاد.
-محمد بتوضيح:لا مش لازم رن عليا قولي ونا هقول لليلي(بنت عمه)وهيا تقول للباقي عادي.
-براء ادايقت من ان محمد هيروح يكلم ليلي رغم انها عارفه انها بنت عمه بس احيانا كتير بتدايق فقالت:لي اللف دا كله قولي ي مستر ع الواتس ونا هقول للبنات كلهم ونبقي نيجي مره واحده.
-ما دا اللي انا كنت بقول عليه.
-محمد وبدء يتعصب:لي لازم براء في النص ما ممكن كل دا يحصل بس لما تقولي انا مش لازم حضرتك تكلم براء.
-*مستر حسين صغير في السن بس متجوز ومخلف ومحمد بيغير منه لانه يبقي صاحب بابا براء وهوا وبراء بيتكلموا عادي جدا وبراء بتعتبره باباها وف الوقت دا براء ومحمد وبري وليلي اللي كانوا قاعدين مع المستر بس ومستر حسين عارف ان محمد بيعشق براء وبيحاول يقف جنبه لانه عارف انه بيعشقها بصدق مش لعب عيال*.
-مستر حسين لما حس ان محمد بدء بتعصب وان براء هترد عليه:محمممدد خلاص خلصنا.
-محمد بتصميم:تمم ي مستر هستني مكالمه حضرتك في اي وقت.
-براء بضحك:هقعد كتير مشوفش حضرتك ي مستر زعلانه!!
-مستر حسين:هتوحشيني والله ي بنوتي هبقي اكلمك علي طول واول اما احط المواعيد ونتي تعرفي ابقوا تعالوا كلكوا واحنا نقعد مع بعض شويه.
-براء بإنبساط:تمم جدا ي مستر ونا مستنيه.
-محمد وهوا حاسس ان كل اعصابه هتفلت دلوقتي:طب يلا مش هنمشي هنفضل قاعدين.
-بري وهيا بتبص في تليفونها وبتوجهه كلامها لبراء:الساعه لسه٧ونص لسه بدري هتروحي دلوقتي!؟
-براء:ممكن نتسنكح شويه يعني😹💔#
-كل دا ومحمد باصصلهم وسامع هما بيقولوا اي واقسم انه هيفضل ماشي ورا براء لحد ما يتأكد انها طلعت بتها......!
-مشيوا كلهم من عند المستر بعد ما سلموا عليه ليلي روحت وبراء وبري فضلوا ماشيين ومش حاسين بإن محمد وراهم وهما بيضحكوا وبيهزروا وبيتريقوا علي خلق الله جه واحد معدي من جنب براء فقرب منها اوي وهيا اتخضت وحاولت تبعد لكن هوا كان قريب منها كفايه يعني مهما تبعد هوا قريب..محمد اول اما شاف دا حس ان دمه بيغلي وعروقه هتطلع من مكانها ومترددش لحظه في انه يروحلها ولا لا وفجأه حست براء ان في ايد بتمسكها في ايدها وبتبعدها عن الولد بسرعه وبتثبتها وراها كل دا وهيا مش عارفه مين لانها كانت مغمضه عنيها بس كان كفيها الاحساس بالامان اللا نهائي اللي كانت حسا بيه مكنتش عايزه الموقف ينتهي لمجرد ان احساسها بالامان يطول معاه فهل هيا هتحس باللي حسا معاه بالامان ولا هتسيبه هوا يحسسها بيه بطريقته! :)
🌎👫🌎👫🌎👫🌎👫🌎👫🌎👫🌎👫🌎

-واقفين كام بنت بيتكلموا مع المستر بتاعهم عشان يحجزوا للسنه الجايه 2ثانوي وواقفين عادي يضحكوا ويهزرا وبنت منهم واقفه بجنبها ونايمه علي كتف صحبتها التانيه وتتخض فجأه من الولد اللي طالع من البلكونه بتاعت الشقه اللي ف نفس السنتر وعشان الولد يعدي البنات كلهم بيرجعوا لورا ومنهم البنت اللي كانت صحبتها نايمه علي كتفها بترجع لورا خبطت في التربيظه وكانت هتقع لولا ان صحبتها اللي كانت نايمه علي كتفها مسكتها ومن كتر ما اتخضت من الولد مكنتش عارفه تتصرف هل تستنهز فرصه انه واقف قدامها بيتكلم مع المستر بتاعها ولا تبص في الارض من كتر ما هيا ملبوخه ولا تعمل اي مش عارفه وبحركه لا اراديه منها اول اما سمعت صوته رفعت وشها بسرعه لانها عرفاه ايوة هيا عارفه شكله الولد اللي كانت كل اما تشوفوا في الشارع يفضلوا باصيين لبعض ايوة هوا بس ازاي صوته كدا ازاي صوته مع شكله هوا شكله طيب وحنين وع نياته كدا اما صوته فعكس كدا تماما فضلت باصه من متر استغرابها محستش غير وهوا بيقول للمستر تمم هاجي الساعه ١٠وبصلها قبل ما ينزل بسرعه وهيا بتبصله للحظه حست انو عايز ييجي يضربها عينه اللي لونها العسلي الصافي الجميله حستها بتطلع شرار استغربت اوي بس حاولت متبينش عشان المستر..شهد بطلتنا مكنتش عارفه تفكر هوا لي بيبصلها كدا طب هيا لي حست من بيته انو عايز ييجي يضربها افكار كتير بتدور في بالها وهيا ولا عارفه ولا اجابه ليهم..دا كان عند شهد نروح بقي عند عمر اول اما شاف شهد واقفه مع المستر حس انه عايز ياخدها في مكان لواحدهم ويفهمها فيه انها مينفعش تقف مع مستر راجل اي راجل عمتا مينفعش تقف معاه ما عداه هو هيا دي الافكار اللي كانت مسيطره عليه حتي لما كان بيكلم المستر مكنش مركز معاه قد ما كان مركز مع لبختها وهوا واقف كان مبسوط انه شافها بس البسطه دي انقضى عليها تماما من كتر ما حس ان الدم بيغلي في عروقه نزل علي السلالم بسرعه قبل ما ياخدها معاه بسبب تفكيره المتهور من ساعه ما شافها في الشارع في حاجه شدته ليها هوا مش عارف هيا اي لكن كل اللي عارفه وبيقسم بيه كل ما يشوفها حتي في احلامه لما بتزوروا فيها هيا انها ليه ليه هوا بس ومش لحد غيره حتي لو مكنتش عايزاه ومش حباه هيا ليه في جميع الاحوال ايا يكن هوا اقسم واقسامه مش هينزل الارض هل تفتكروا ان عمر هيغصب شهد علي حبه فعلا ولا ان شهد متقبلاه اصلا وقبلاه من غير اي مقدمات لسه مش عارفين القدر عايز اي!!!! :)
🌎👫🌎👫🌎👫🌎👫🌎👫🌎🌎👫🌎👫

-احساسها بالامان مش راضي ينتهي مش عايزه تفتح عنيها من كتر ما حسا بالامان حسا ان لو فتحتها كل دا هيضيع بس اضطرت انها تفتحها لما سمعت صوت الضرب والزعيق فتحت عنيها وهيا شايفه ايده مسكاها من كوعها ومخبياها ورا ضهره والايد التانيه مش بتوقف اللكميات مش عايزه توقف رغم انها كانت بتنزف من كتر ما ضربت وش الولد اللي قدامه معتش له وجود براء واقفه وهيا حاسه انها مش في وعيها حاسه ان عنيها من كتر الدموع اتقفلت ومحمد ماسك ايدها جامد لحد ما حبس الدم فيها ومش حاسس انه واجعها او انها سورءت اصلا محسش غير لما بري صوتت وهيا بتقول براء ساعتها بس وعي علي نفسه ورمي الولد اللي معتش بيتنفس غير بصعوبه جدا لفلها ولما لقاها واقعه وايده اللي سنداها اتجنن مش عارف يعمل اي عايزها تفوق عشان يطمن شلها بسرعه وطلع بيها علي اقرب مستشفي وبري مكنتش عارفه تلحقه كلة اللي فكرت فيه انها ترجع لمستر حسين هوا الوحيد اللي يقدر يساعدها خدت الشارع كلو جري لحد ما وصلت للسنتر ودخلت قالت للمستر بسرعه وهوا مشي معاها خدوا تاكس وطلعوا علي المستشفي اللي محمد رحها..محمد اول اما وصل هناك فضل يزعق بصوت عالي ويقول دكتورة دكتورة بسرعه جاله دكتور بصله بكل عصبيه لدرجه ان الدكتور مشي تاني وبعتله دكتورة دخلوها اوضه الكشوفات وفوقوها وطبعا محمد كان معاها مكنش راضي يسبها تدخل لواحدها المهم ان مستر حسين وبري وصلوا وسألوا اذا كان ف شاب لسه داخل دلوقتي وشايل بنت والسكرتيره قالته اه وقالتله علي الاوضه اللي هما فيها وحسين وبري وصلوا الاوضه بسرعه بالاسانسير وخبطوا ودخلوا لقوا براء قاعده علي السرير بتشرب مايه بعد ما فاقت بري جرت عليها وحضنتها ومحمد كان قاعد علي الكرسي اللي قدام مكتب الدكتورة وكانت بتكلمه وبتقوله انها سورءت نتيجه الخضه مش اكتر..حسين لقي ايد محمد بتنزف قال للدكتورة وهيا قالتله انها هتبعتله حد يضمضهاله وخرجت والمستر بص لمحمد بعصبيه بس متكلمش عشان براء متتعبش ودخلت الممرضة ضمضدتله الجرح وخرجوا كلهم بعد ما حسين دفع حساب المستشفي خدوا تاكس وروحوا براء وبري الاول ومحمد مرضاش يمشي غير لما يتأكد ان براء طلعت البيت ولما اتأكد مشي هوا وحسين..حسين خلي التاكس يوقفهم قدام اي كافيه ولما نزلوا ودخلوا وقعدوا بدء حسين الكلام وقال:ينفع اللي حصل دا؟؟
-محمد:كنت اسيب الولا يمسك ايدها ونا واقف وراها!؟
-حسين:وانت اي اللي مشاك وراها؟!
-محمد:مش لازم اطمن هيا وصلت البيت ولا لا!؟
-حسين بنفاذ صبر:اسمع ي محمد براء دي بنتي اللي مخلفتهاش ونا مش راضي ادخل ابوها فى الموضوع لحد دلوقتي عشان ابوها لو عرف هيأذيك وهيأذيها هيا بالاكتر شوفلك حل عشان الموضوع دا يتقفل.
🌎👫🌎👫🌎👫🌎👫🌎👫🌎👫🌎👫🌎
-*وبكداpart1 من روايه 'حگايتنا') 🌎👫خلص اتمني رايكوا بصراحه في حكايات اول ثنائيين معانا..
1) مواقف محمد مع براء؟
2) موقف عمر من حكيه لباباه علي حبه!
3) هل مستر حسين هيفضل مكمل مع محمد لحد ما يوصل لبراء!؟
*اتمني رايكوا والاجابات علي الاسأله وتوقعاتكوا اي اللي هيحصل مع عمر وشهد ومحمد وبراء!*
_By:'basmala yasser').. 💞💫