-سمعنا كتير عن قصص الحب والعشق والغرام حكايات كتير اتقالتنا في منها اللي كمل وفي منها اللي مات في نص الطريق يمكن لان الحب مكنش قوي بس سمعنا برده علي اللي كمل حتي بعد الموت..قصص وحكايات وروايات الحب دي في منها الخيالي وفي منها الحقيقي بس حكايتنا') 🌎...
-محمد انت واعي للي انت بتقوله..انا مش لحد مهما ان كان مين ثم ان انت ازاي تاخد تليفون ليلي وتكلمني ع اكنها هيا وهيا ازاي توافق انا ليا تصرف تاني معاها..اما مستر حسين فدا بابا التاني وبيكلمني زي بنته وبالنسبه لرقمه اللي انت هتمسحه من عندي فوريني هتمسكه ازاي ولو لقيتك بتكلمني تاني من اي مصدر هقول للمستر وهوا هيتصرف مش عايزه ادخل بابا في الموضوع عشان بابا صعب وهيعمل معايا انا مشاكل هتفضل تتصرف كدا هتعملي انا مشاكل صدقني ونا مش ناقصه!! -ايوة انا واعي للي بقوله ومش هرجع في كلامي اصلا لو مين حاول يرجعني عن كلامي مستحيل حد يقدر يقف قدام قلبي وحبي واللي عايزه واذا كان ع اني بكلمك من تليفون ليلي فأنا كنت عايز اطمن عليكي بعد اللي حصل وبعد كدا لو عايز حاجه هكلمك من ع تليفوني ورقمك هيتمسح اصلا من عند ليلي لان بقيت قرايبها بيمسكوه اما بالنسبه لباباكي فهوا قريب بابا من بعيد اصلا يكفي انهم عارفين بعض واضافه ع كلامك بقي واللي هقوله هعيده وزيده انتي لياااااا تأقلمي بقي ع كدا عشان لا انا هسيبك ولا هتراجع عن كلامي ومتبعتيش رسايل تاني عشان همسح الرقم بس بعد ما اخده وع فكرة مش هاخده اكلمك من عليه عمال ع بطال انا هاخده عشان لو عايز اطمن عليكي في اي وقت..روحي نامي واقفلي مع مستر حسين دا تصبحي ونتي مراتي! ') -"براء مصدومه من الكلام اللي قاله حتي مش عارفه ترد تقول اي معرفتش تعمل اي حاجه غير انها تستني لما يروحوا لمستر حسين تاني كلهم"# -"محمد قفل وبسرعه كان نقل رقم براء من ليلي ليه ومسحه من عند ليلي وراح ودي ليها التليفون وطلع بيته تاني وسجل رقم براء عنده ب'يارب اجعلها من نصيبي'ونام وهوا بيفكر فيها وبيفكر ازاي يقدر يمسح رقم مستر حسين من عندها"! -راحوا تاني يوم الامتحان وكان سهل وبراء كانت خارجه من المدرسه مع بري بيبصوا ع الطريق التاني لقوا محمد واقف وحاطط ايده في جيبه وبيبص عليهم وساعتها براء حطت وشها ف الارض بزهق وعدت الطريق وعدوا من جنب محمد ومبصوش وهوا كان باصصلهم بس عدوا عادي ولا كأن ف حاجه وبري مشية من طريق بيتها وبراء كملت هيا كانت حاسه ان ف حد ماشي وراها بس مرضتش تلف تشوف مين وفضلت مكمله ومحمد كان ماشي وراها عادي لحد ما وصلت ف شارع مليان شباب حبتين كانوا خارجين من مدرسه هما كمان..حاولت تمشي بأقصي سرعتها وهيا حاطه وشها ف الارض بس الصبيان كانوا كتير وكلهم صايعين وبيعاكسوها وبيقربوا منها وهيا مش عارفه تتصرف وفجأه حست ان ف حد قرب من ضهرها اوي وحط ايدة براحه علي ايدها كأنه كان بيحاوطها هيا متخضتش ولا قاومت كانت حسا بأمان افتكرت اخر مرة كانت حاسه بالامان فيها ساعتها كان الشخص دا محمد اللي موقفها ورا ضهره وكان بيحميها من الولاد اللي برده قربوا منها وكانوا بيعكسوها..قرب منها وضمها ليه اوي وكان بيبعد اي ولد يقرب منها..من لما قرب منها وحاوطها اصلا محدش قرب منها او عاكسها..هوا زعل لما عمل كدا لانها لسه مش حلاله بس كان مش عارف يعمل اي غير انه يعمل كدا اتكلم براحه وهوا لسه ماسكها وقال:اسف! -ووهوا بيبصلها لقي دمعه نازله من عنيها..حس ان ف سكاكين بتقطع ف قلبه..بدء يشيل ايده براحه بس لسه قريب منها بعد نوعا ما بعد ما اداها منديل وهوا بيقول بحنان:متخافيش انا لسه وراكي قريب منك مش هسيبك لما تطلعي البيت!! -"فضلوا ماشيين لحد ما براء قربت من بيتها..ساعتها بس بصت وراها لقته لسه ماشي وراها..لما محمد حس انها عايزه تقوله خلاص قربت من البيت حد هيشوفنا هوا قال":متخافيش كملي عادي ونا هكمل وهقف بعيد لحد ما تشوريلي من الشباك انك طلعتي! -براء معرفتش تقول حاجه غير:شكرا! -ابتسم محمد بهيام وهوا بيقول:عفوا ي مراتي:) -وطلعت براء بيتها وبصت من الشباك لقته لسه واقف وماسك التليفون فإبتسمت بحب وفجأه لقته رفع راسه وبصلها وهز راسه بمعني خلاص ادخلي... عقدت حواجبها بإستغراب لما لقته لسه واقف وممشاش فضلت واقفه بصاله بإستغراب لحد ما لقت رساله ع تليفوتها فتحتها لقت مكتوب فيها "ادخلي مش همشي الا لما تدخلي"...دخلت وقفلت التليفون من غير ما ترد لانها مش عايزه تفتح كلام كفايا اللي حصل..... -"عدت كل الامتحانات وف كل يوم كان محمد بيوصل براء وهوا ماشي وراها لحد ما خلصت الامتحانات ومحمد وبراء معدوش بيشوفوا بعض خالص لحد ما فيوم براء لقت رساله من محمد وكان بيقول فيها"......................................"!) -" تفتكروا اي هيا رساله محمد لبراء"!؟ 🌎👭🌎👭🌎👭🌎👭🌎👭🌎👭🌎👭🌎 -عدي وقت كبير اووووي ولسه مشفهاش الاول كان بيشوفها ع الاقل ف الاسبوع 3مرات ولو كان ربنا بيحبه كان بيشوفها ف اليوم كتير بس دلوقتي لا ف اليوم ولا ف الاسبوع مش عارف يعمل اي هيموت ويشوفها هوا عارف انها خلصت امتحانات عشان كدا معدتش بتنزل لكن يعمل اي... -جت في باله فكرهه وقرر انو هيعملها مضطر يعملها عشان يشوفها ع الاقل عشان يذاكر بنفس..لبس هدومه والكابتشو بتاعه ونزل بعد ما قال لابوة انه هيجيب حاجه..هوا عارف ان بيته قريب من بيتها بدوبك بنهم شارع بس راح ناحيه بتها وبيبص ع البلكونات..كان محدد بلكونتها بعشه الحمام اللي كانت فيها وعرف منها هيا ساكنه الدور الكام..قبل ما ينزل لبس شطنه كروس سمرا وحط فيها ورق كتير عشان يملاها وحط فيها قلم واجنده..بعد ما لقي نور البلكونه منور قرر انو هيطلع..وبخفه كان طالع ع سلالم بيت شهد وبسرعه كأنه حاسس انها هيا اللي هتقابله..طلع دورها وبسرعه كان مطلع القلم وحاطه ورا ودنه ومنزل الكابتشو ع وشه حبتين ومسك الاجنده في ايده وخبط ع الباب ووقف وحط وشه في الارض..سمع صوت ولد صغير بيقول مين رد وقال"الغاز"..فضلوا شويه وبعد كدا لقاها بتفتح الباب مقدرش يمنع عينه من انها تبصلها حاسس انو بقي عنده هدف في الحياه كل ما بيشوفها بيحس انو عايز يكبر بسرعه عشان يتجوزها وتكون ملكه وقدامه ع طول..فضل باصصلها شويه وهوا مش واخد باله انو لازم يدخل عشان يقرأ عداد الغاز لقي ابوها اللي جهه وبيقول:اتفضل حضرتك! -دخل عمر بعد ما رجع حط وشه ف الارض وفضل ماشي مع ابوها لحد ما دخله ف المطبخ اللي فيه عداد الغاز..مش عارف يعمل اي فضل باصص ف العداد بعد كدا شال القلم من ورا ودنه وكتب اي حاجه في الاجنده وبعد كدا بص لابو شهد(عبد اللطيف)وهوا بيقول:خلاص..شكرا! -عبداللطيف:كام ي ابني!؟ -عمر ووشه ف الارض:كام اي!؟ -عبداللطيف بإستغراب:كام فلوس القراءه ي ابني! -عمر:اه اه طيب100! -طلع عبداللطيف برا ووراه كان عمر..وقف عمر عند الباب وجت شهد وقفت وهيا وشها ف الارض وفجأه سعت صوت مش غريب عليها صوت بتحلم بيه كل يوم بصت وهيا مستغربه وسمعت عمر بيقول:ادعيلي اعدي الامتحانات بسرعه وادخل الكليه اللي بحلم بيها بعدك عملت كل دا عشان اشوفك وقولي لعمي اني مشيت ومتقوليش حاجه تاني سلام ي اغلي عسل مش عارف اوصله!! -كل دا وشهد واقفه مصدومه مش عارفه لا تتكلم ولا تقول اي حاجه كل اللي عملته لما نزل انها قفلت الباب ولما ابوها جه وسألها قالت:نزل من غير ما يتكلم!! -عبداللطيف:ازاي دا ماله دا! -مردتش شهد واكتفت بإنها تهز كتفها ودخلت ع اوضتها وهيا لسه متشتته مش مصدقه اللي حصل ولا عارفه تصدق..مش متوقعه ازاي ييجي ويعمل كل دا عشان يشوفني ازاي عنده الجرءه..طب هل هوا فعلا بيحبني..طب لي ييجي ويعمل كل دا لو مش بيحبني..طب طب ااااه دا قال ادعيلي عشان امتحاناتي انا هروح احسن اتوضي وافضل اصلي وادعيله عشان ربنا يكون معاه!! -وفعلا راحت شهد اتوضت وبدءت تصلي وتدعي ليه ف كل سجده وف كل رقعه بإن ربنا ينجحه ويكون معاه ويدخله الكليه اللي بيحلم بيها:) -"تفتكروا هل ربنا هيتقبل من شهد وهل هيا هتصدق ان عمر بيحبها فعلا وهيكون من نصيبها"!؟ 👭🌎👭🌎👭🌎👭🌎👭🌎👭🌎👭🌎👭 -كرامه لو سمحتي متسبنيش دلوقتي خليها بكرة تعرفي اني كل يوم هجيلك اقعد معاكي ونتي كمان هتجيلي اه والله انا اتفقت مع باباكي ومامتك علي كدا وهما وافقوا وقالوا عادي صدقيني كل يوم هجيلك واقعد معاكي واطمن عليكي كل يوم هكون عندك ونلعب ونعمل كل حاجه كنا بنعملها هنا عادي مش هبعد عنك خالص والله.. -بجد ي ماذن مش هتسبني!؟ -صدقيني مقدرش والله هفضل معاكي لحد ما اموت! -ونا كمان هفضل معاك علي طول لحد ما اتجوز!') -اول اما سمع ماذن كدا من كرامه قام وقومها وهوا بيقول بشبه زعيق:مين اللي قالك كدا ي كرامه!؟ -هاله اختي قالتلي ف مرة ان كل واحد فينا هتتجوز بعد ما يكبر ويطلع من هنا! *هاله اختهم ف الملجأ وعندها13سنه* -ماذن بهدوء وعقلانيه وحنان:بصي ي كرامتي..اولا انتي لسه صغيره ع الكلام دا..ثانيا انا اصلا هتجوزك انتي انا لسه قايل اني مش هسيبك غير لما اموت يعني هتجوزك انتي ونتي مش لحد غيري ماشي ي كرامه! -طيب ماشي فهمت بس تعالي معايا بقي اجهز شنطه هدومي اللي ماما سميره كانت جيبهالي!! -طيب ي كرامتي هاجي معاكي! -ورح ماذن مع كرامه الاوضه عشان يلم معاها هدومها واول ما دخلوا الاوضه لقوا سمر نايمه..واحمد كان قاعد علي سرير كرامه وكأنه كان مستنيها واول اما شافها داخله مع ماذن الاوضه قال:هتسبيني ي كرامه!؟ -كرامه كانت لسه هتقرب منه لانها بتحب احمد جدا بس لقت ماذن مسكها من ايدها بصتله بإستغراب بصلها وهوا موجهه كلامه لاحمد:معلش ي احمد هيا هتسبنا كلنا مش انت بس! -ساعتها كرامه بصت لاحمد وهيا بتقول:ابقي تعالي مع ماذن يشوفني ي احمد متزعلش! -احمد وهوا بيقوم ورايح يحضنها:هتوحشيني اوي والله ي كرامه! -بس قبل ما احمد يقرب منها..ماذن وقف قدامها وهوا بيقول:انا قولتلك معتش تلمسها ولا تقرب منها ي احمد! -احمد:هيا اختي زي ما هيا اختك ي ماذن!! -ماذن:احمد انت اخويا وصاحبي وكل حاجه لكن عند كرامه وتقف كرامه خط احمر. -كرامه وهيا بتطلع من ورا ضهر ماذن:اهدي ي ماذن في اي احمد ونا اخوات! -ماذن وهوا لسه ماسك ايد كرامه وواخدها نحيه الدولاب:تعالي نحضر هدومك! -كرامه راحت مع ماذن واحمد راح علي اوضته المشترك فيها هوا وماذن..وفضلوا كرامه وماذن قاعدين مع بعض لحد ما ناموا ع الارض وماذن حاضنها.... -جه تاني يوم ومساعده سميره(ريم)بدءت تصحي الاطفال كلهم عشان يفطروا ولما صحت ماذن وكرامه مكنوش راضيين يسيبوا ايد بعض بس فضلوا ماسكين ايد بعض لحد ما محمد واصاله جم عشان ياخدوا كرامه..ماذن كان باصصلها وهوا حاسس انو بيحلم مش مصدق انها هتمشي حس ان عينه هتخونه وهيعيط لكن سيطر علي نفسه عشان يقويها وبسرعة كان حاضنها وبيقولها:خدي بالك من نفسك ي كرامتي انا خدت نمره تليفون البيت عند مامتك وباباكي وكل يوم هبقي اكلمك من تليفون الملجأ هنا وكل يوم ان شاء الله هبقي اجي اشوفك ولو يوم عدي ومجتش هبقي ارن عليكي..المهم..اهتمي بنفسك وحافظي عليها العبي مع كل الاطفال اللي هتقابليهم ماعدا الولاد..ولاد لا ي كرامه العبي مع كلوو ماعدا الولاد حتي لو اصغر منك ابعدي عنهم انا قولت اهه ولاد لا ولو سمحتي متناميش جنب عم محمد دا كلميه عادي والعبي معاه وكل حاجه لكن نوم جنبه لا لو بتحبيني ي كرامه اعملي اللي اقولك عليه! -حاضر ي ماذن ونت كمان خلي بالك من نفسك! -وسلمت كرامه علي كل اللي ف الملجأ وماذن كان معاها وطبعا مخليهاش تسلم لا بالاحضان ولا بالايد حتي علي ولا ولد وبعد كدا خدها محمد واصاله وركبوها العربيه وخدوها ع بيتها الجديد... -وصلت كرامه علي بيتها الجديد وكان حلو جدااا من برا ومن جوا ودخلوها محمد واصاله علي اوضتها اللي كانوا ملينهلها لعب وحاجات حلوة وعرايس ودباديب وكل حاجه الاطفال البنات بيحبوها ساعتها كرامه حضنت اصاله وهيا بتقول:شكرا جدا ي مامتي! -دمعت عيون اصاله لانها اول مرة تحس الاحساس دا رغم ان هيا ومحمد بقالهم 5سنين متجوزين لكن مخلفوش لحد دلوقتي لحد ما شافوا كرامه في عيد اليتيم وقرروا انهم هيتبنوها... -بصت كرامه لمحمد وهيا بتقول:وشكرا ليك كمان ي بابتي! -نزل محمد لمستواها وهوا بيقول:علي اي ي احلي بنوته في الدنيا! -بصت كرامه لمحمد واصاله وهيا بتقول:هوا انا هعيش معاكوا علي طول!؟ -حضنتها اصاله وهيا بتقول:طبعا ي روح مامتك علي طول مستحيل اسيبك! -كرامه ببراءه طفله:يعني هيكون عندي بابا وماما ع طول! -محمد:ايوة ي روحي انتي خلاص بنتنا واحنا بابا وماما وهنعمل مع بعض عيله جميله اوي! -كرامه:وهنلعب مع بعض! -اصاله بضحكه:هنلعب وهناكل وهنعمل كل حاجه كوكي بتحبها! -كرامه وهيا بتحضنهم هما الاتنين:انا بحبكوا اوووي! -محمد واصاله:واحنا كمان بنحبك اووي! -كرامه:ماذن هيبقي ييجي يشوفني صح! -محمد:اه ي حببتي هيبقي ييجي وحنا كمان هنروحله! -كرامه بإنبساط:طب يلا بقي نلعب! -وفضلوا محمد واصاله يلعبوا مع كرامه ويأكلوها وهيا بتلعب وبعد فتره كبيره حمتها اصاله وراحت عشان تنيمها..ونامت كرامه بسرعه من كتر تعبها وعدا اليوم الاول لكرامه مع عيلتها الجديده وهوا كلو انبساط وضحك ولعب وهزار..وجه اليوم التاني..واستأذن ماذن من مدام سميره انه يروح لكرامه وهيا وافقت وقالت لعم(شكري)سواق الملجأ انه يوصله علي عنوان البيت اللي معاها....... -وف نفس الوقت..جم اخوات اصاله عشان يشوفوا كرامه وكان معاهم عيالهم واللي كلهم صغيرين في سن اصاله واكبر منها واصغر..اصاله عندها اختين واخ..ساره ودعاء ووليد..ساره عندها ولدين..عدي ولؤي الاتنين توام وعندهم 10سنين..ودعاء عندها ولد وبنت..جود عنده11سنه ووجد عندها9سنين..اما وليد فعنده ولد وبنتين..مجد عنده14سنه وحور عندها7سنين وحوريه عندها سنتين..وكلهم حبوا كرامه اووي واتجمع الاطفال كلهم في الحديقه وبدءوا يلعبوا مع بعض..حور ووجد وكرامه اتصاحبوا بسرعه لان سنهم قريب جدا من بعض..وكذلك كرامه مع لؤي وعدي بس مش اوي زيها مع حور ووجد..دا+انها مش ناسيه كلام ماذن لما قالها لعب وكلام مع ولاد لا!! -وصل شكري ماذن ع العنوان واتأكد انو دخل بعد ما اتفق معاه انو بعد ما يخلص هيرن علي الملجأ عشان يجيله..دخل ماذن من بابا الحديقه وهوا بيبص ولقي العيال كلها بيلعبوا مع بعض..استغرب انهم كتير لانه عارف ان محمد واصاله معندهم ولاد خالص والا مكنوش اتبنوا كرامه..قرب ماذن منهم لحد ما كرامه شافته وبسرعة قامت وجريت عليه وهوا حاضنها جامد وكأنه مشفهاش من سنين مع انها لسه ماشيه امبارح بس كان بيكفيه انو يقوم من نص نومه ويدخل عليها اوضتها في الملجأ عشان يتأكد انها متغطيه ونايمه ويطمن عليها ويطلع..كل الاطفال قاموا وهما مش عارفين مين دا..لحد ما اتكلمت حور وهيا بتقول:مين تا ي كلامه(مين دا ي كرامه). *حور عندها لته في معظم الحروف* -ردت عليها كرامه وهيا لسه ماسكه ايد ماذن وقالت:دا ماذن اخويا من الملجأ واتفق معايا ومع بابا وماما انو هييجي كل يوم عشان يشوفني! -قاموا كل الاطفال بود وراحوا يسلموا ع ماذن وكل واحد بيقول اسمه..رغم ان ماذن حبهم بس ادايق من فكره ان في كذا ولد قاعد ما كرامه خصوصا ان كلهم اكبر منها وحتي فيه اللي ف نفس سنه..عرض لؤي علي ماذن انو يقعد يلعب معاهم فرد ماذن وقال:هدخل مع كرامه اسلم علي عمو محمد وطنط اصاله الاول وبعد كدا هاجي العب! -عدي:طب ما تسيب كرامه معانا!؟ -ماذن بتملك:لا هتيجي معايا انا مش هسيبها!! -ودخل ماذن وكرامه وهما لسه ماسكين ف ايد بعض لعند محمد واصاله عشان ماذن يسلم عليهم واول اما دخلوا من الباب اللي كان شبه متوارب..سمعوا محمد وهوا بيقول:ازاي ي وليد لازم نسافر اذا كانت كل حياتنا هنا!؟ -وليد:طب نعمل اي ي محمد كلنا هنسافر سوا مش عبدالله(جوز ساره)و(هادي)جوز دعاء بيشتغلوا معانا ف نفس الشركه وهما كمان اتنقلوا معانا للفرع التاني اللي ف القاهره! -محمد وهوا سرحان:هتبقي صعبه خصوصا ان الملجأ اللي انا متبني منه كرامه هنا وفي اتفاقات معاهم مش عارف هتصرف ازاي! -ولسوء الحظ ماذن وكرامه وهما واقفين ع الباب سمعوا كل دا وكان ماذن مصدوم وايده بتشتد اكتر علي ايد كرامه من غير ما يحس.... -"تفتكروا اي رد فعل ماذن بعد اللي سمعه وهل هيسمح ان كرامه تسافر وتسيبه ولا الظروف هتكون اقوي منه والحياه هتحط احد قوانينها وهوا(الفقد)"!! 🌎👭🌎👭🌎👭🌎👭🌎👭🌎👭🌎👭🌎 -روحت اثار بيتها وهيا مش عارفه تعمل اي بكره..تروح الشركه ولا لا مش عارفه تتصرف..قررت انها تروح تسأل مامتها(كوثر)صديقتها الوحيده وملجأها الوحيد بعد وفاه باباها! -ماما..فاكرة اسر اللي كان عايز ييجي يتقدملي ايام الجامعه!؟ -يعني بس ليه ف حاجه حصلت ولا اي!؟ -اصل الشركه اللي انا رحت ليها انهارده عشان كان عندي مقابله عمل هوا صاحبها وماسكها عن باباه الله يرحمه وعايز مكتبي يبقي ف نفس اوضه مكتبه وعايزني اغير لبسي وبيقول يطول ويوسع واني لو مجتش بكرة هييجي هوا ياخدني..ونا مش عارفه اعمل اي بقي!!؟ -كوثر بعقلانيه وهدوء ورزانه:بصي ي اثار ي حببتي اسر الفتره اللي كلمني فيها عنك كان باين اوي من لمعه عينه بس وهوا بيكلمني عنك انو بيعشقكك بس مش بيحبك ونا حبيته وارتحتله بس مرضتش اعترض علي رايك لما قولتي لا وقولت رايك ونتي حره ولما قولتيلي السبب انا مقتنعتش بيه لانك ي حبيبت ماما ف الاخر هتتجوزي مستحيل تقعدي كدا من غير جواز ونتي ع طول بتنزلي ورايحه وجايه فتتجوزي حد بيحبك بدل ما ف الاخر تتجوزي حد مش بيحبك ومتتهنيش معاه فنصيحه مني روحي شغلك بكرة واشتغلي واجتهدي واثبتي نفسك وفيها اي حط مكتبك معاه ف نفس الاوضه مش بيحبك وبيغير عليكي!! -طب ولبسي!؟ -بصي انتي ممكن تطولي شويه او توسعي اللي تحبيه دي حاجه تخصك! -ماشي ي ماما ي روح قلبي هروح بكرة الشركه وهشتغل وهفرحك ي احلي ام ف الدنيا! -ماشي ي قلب ماما روحي يلا ارتاحي شويه عشان ناكل وتنامي عشان تصحي بدري لشغلك!! -حااضر من عيوني!! -ودخلت اثار علي اوضتها وهيا قررت انها هتعمل اللي قالتلها عليه مامتها..وخلص اليوم بسرعه وجه تاني يوم وصحت اثار من بدري عشان تجهز نفسها وتروح ف الوقت بدل ما اسر يجيلها تحت البيت..وبدءت تلبس واختارت انها تلبس حاجه واسعه واختارت دا:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-لبسته وحطت ملمع شفايف باللون الزهري وربطت شعرها الناعم الطويل كديل حصان خفيف ونزلت بعد ما باست مامتها ووصلت لطريق الشارع ولسه جايه تعدي لقت عربيه جايه بسرعه ووقفت قدامها والازاز اتفتح ولقت اسر بيبصلها وبيقول:اركبي! -اثار:نعم لسه الساعه مجتش 7عشان تيجي..انا هروح انا!! -اسر:اثاار..اركبي احنا ف نص الطريق! -نفخت اثار جامد وهيا بتفتح الباب عشان تركب وبعد ما ركبت وقفلت الباب بصلها اثر بشبه بصه رضا وانبساط ف نفس الوقت لما لقاها وسعت من لبسها كتير عن الاول وهوا بيقول:ناقصك بس الحجاب ساعتها هتبقي ملاك اكتر من ما انتي دلوقتي..بس هانت!! -اثار بإستفهام:يعني اي هانت!؟ -اسر وهوا بيبص ف وشها بتدقيق:هتعرفي بعدين..وبسرعه كان مطلع منديل وكان ماسح الملمع اللي كانت حطاه علي شفايفها..وطلع بالعربيه بسرعه بعد كمان ما حطلها حزام الامان! -بصتله اثار بصددمه وهيا بتقول:انت ازاي تعمل كدا؟! -اسر مكمل سواقه ومبيردش!! -اثار بعصبيه:اسر اما مبحبش الطريقه دي ولا هحبها مش عشان غيرت لبسي يوم هتعمل كدا!! -اسر:لما نوصل هتدخلي معايا وف ايدي هندخل اوضه المكتب ومش هنطلع منها غير نهايه الدوام!! -اثار اتأكدت انها وقعت ف الحفره الكبيره اوي اللي حاولت تنقذ نفسها منها دايما بس قدرها كاتبهلها وربنا عايزها تكون فيها ولا تعقيب علي امر ربنا!! -"تفتكروا ان اثار هتسكت ورغم ديقها من حركات اسر الا انها مستمتعه وحابه رجوليته وغيرته وتملكه ليها ولا الروح المتمرده اللي فيها هتسيطر علي استمتاعها وهيا اللي هتتحكم في قرارتها"!؟ 🌎👭🌎👭🌎👭🌎👭🌎👭🌎👭🌎👭🌎 -"وبكداpart6 من روايه 'حگايتنا')👭🌎خلص".. *توقعاتكوا علي اللي هيحصل واتمني تفاعلكوا*! _By:'basmala yasser')💖
