حكايتنا')🌎👫

-"part21"🌎👫

*في المستشفي وتحديدا مستشفي العيون*
-دكتورة نجلاء:في مشكله مش هنقدر نعمل العمليه دلوقتي..
-محمود:خير ي دكتورة!؟
-نجلاء:نسبه الانيميا ناقصه عن المعدل الطبيعي بدرجتين وكدا هيكون خطر اننا نعملها دلوقتي..
-ميسره*عمه براء*:طب وهنعمل اي ي دكتورة!!؟
-نجلاء:احنا فينا نحجزها هنا في المستشفي لمده يومين بس عشان نهتم بيها ونتأكد ان الانيميا ترتفع درجتين بالضبط لانها لو عدت كدا هتكون خطره برده..
-محمود:طيب مفيش مشاكل..
-نهال*مامه براء*:طيب ي دكتورة بعد اليومين دول!!؟
-نجلاء:هنحدد معاد العمليه ونعملها متقلقيش مدام نهال خير ان شاء الله..
-ميسره:طب مسموح بكام مرافق ي دكتورة؟!
-نجلاء:هوا مسموح بمرافق واحد لكن حالتها بسيطه مش ملازمه لوجود مرافق حضراتكم تيجوا بعد يومين علي طول لما ارن علي حضراتك ي استاذ محمود#
-محمود:تمم ي دكتورة..
-'واتحجزت براء في المستشفي ومشي الكل بعد ما طمنوها انهم هييجوا تاني يوم الصبح'..
*بعد فتره*
-'تدخل ممرضه اوضه براء وتسيب الباب مفتوح وتحط حقنه في المحلول وهيا بتكلم براء بروتينيه..وتخرج الممرضه وتقفل الباب وراها..ولحسن حظ براء ان الممرضه مشت بسرعة من ورا الباب والا كانت سمعت شهقتها ودخلت تاني'..
-اا انت بتعمل اي هنا ودخلت ازاي!؟
-'قالتها براء وهيا بتبص لمحمد اللي كان واقف ورا الباب اللي قفلته الممرضه وراها'..
-محمد:بس اهدي..
-براء:اهدي ازاي انت مجنون دخلت ازاي ومفيش زيارات دلوقتي ومفيش مرافق ليا!!؟
-محمد وهوا بيمسك ايدها اللي فيها الكالونل:برااء لو سمحتي اهدي ويلا نامي ونا هفضل قاعد معاكي هنا مش هسيبك..
-'وكانت براء لسه هتتكلم لكن قطعها ايد محمد اللي اتحطت علي بوقها بهدوء تمنعها من الكلام وعينه المطمئنة..وبإراده مسلوبه منها بدءت براء تنام بهدوء وشال محمد ايده اللي ع بوقها ومدها بهدوء جاب كرسي جنب الكومود وحطه جنب السرير وقعد عليه..وفضل ماسك ايدها بإيده الاتنين وباصصلها بهدوء وحنان وقال':متخافيش مش هسيبك لوحدك ابدا#
-'وسند محمد دقنه علي السرير جنب ايدها ولسه بيبصلها وهيا نايمه وافتكر عمل اي عشان يفضل معاها ع طول حتي وهيا نايمه ومش حاسه'..
*Flash back*
-'قال محمد لبااباه ان صحبه هيعمل عمليه ولازم يكون معاه..وبسرعه غير هدومه ونزل تاني وهوا عارف وجهته كويس'...
-'راح محمد لبيتها تاني وزي ما نزل رجع طلع تاني وزق الشباك بهدوء عشان ميصحيهاش وبيتأكد ان مفيش حد ف الاوضه..وبسرعه كان دخل الاوضه وقفل الشباك وراه وهوا بيمشي علي اثر نور الابچورة الخفيف اللي مخطوطه علي الكومود جنب سريرها..ساعتها عرف ان ف حد دخلها لما مشي لانه مكنش فاتح نور الابچورة دي'......
-'وبهدوء تام جاب محمد كرسي مكتبها وحطه جنب السرير بتاعها ومسك ايدها بهدوء..ومعدتش عليه رعشه ايدها لما مسكها فإبتسم ف سره وفضل باصصلها بدون ملل او كلل لحد ما غلبه النوم ونام مكانه وراسه علي ايدها اللي مسكاها ايديه..وفضل نايم لحد ما صحي علي اذان الفجر..باس كف ايدها بهدوء وهوا بيرجع الكرسي مكانه وبيفتح الشباك وبيتأكد ان مفيش حد ف الشارع ونزل تاني علي الماسورة بعد ما قفل الشباك جزئيا وراه..ولاقرب مسجد دخله واتوضي وبدء يصلي ورا الامام وف كل سجده بيدعي ان العمليه تعدي عليها بيسر ومتحسش بأي الام'.....
-'وبعد ما طلع من المسجد مشي تاني ف طريق بيتها لحد ما وقفه رنه تليفونه'..
-عبدالعظيم:ايوة ي محمد صاحبك عامل اي!!؟
-محمد:الحمدلله ي حج انا كنت بصلي الفجر وهرجع اروحله تاني اهه..
-عبدالعظيم:طب وهترجع امتي!؟
-محمد:المفروض ان عمليته بكرة ي حج بس لسه لما نروح بكرة هنشوف هنعمل اي..
-عبدالعظيم:ماشي ي ابني خلي بالك من نفسك..
-'وقفل عبدالعظيم مع محمد..ورجع محمد لبيت براء تاني وفضل واقف ف جنب عادل لحد ما الشارع فضي من الناس اللي راجعه من الجوامع..وبخفه طلع علي الماسورة ودخل الاوضه تاني وقفل الشباك تاني ولقي براء لسه نايمه..راح قعد مكانه تاني وفضل فايق لحد ما طلع الصبح وحس بحركه جوا البيت..وبسرعه كان بايس ايد وراس براء واتأكد ان مفيش حد ف الشارع ونزل للمرة اللي مش عارف عددها علي الماسورة وقفل الشباك تاني وراه'________
*End flash back*
-وفجأه الباب خبط واتفتح بسرعه ودخل منه ممرض وكان ماسك بصنيه اكل..وبسرعه كانت ايد محمد ممدوده لطرحه براء وعدلها علي شعرها وبص للممرض وهوا بيقول:مش تخبط الاول قبل ما تدخل وتستني الاذن!!
-الممرض:اسف بس معاد اكل المريضه جه ولازم تاكل..
-'مد محمد ايده وخد الصينيه من الممرض بهدوء وهوا بيقول':تمم انا هصحيها واكلها..
-الممرض:تمم ياريت تضرب الجرس دا اول اما تخلص..
-'وخرج الممرض وراح محمد قفل الباب بالمفتاح وراه وبدء يفوق براء بهدوء وهوا بيمسح علي كف ايدها..وفاقت براء وقعد محمد علي طرف السرير بتاعها وبدء يأكلها وحاولت براء انها تاخد المعلقه منه وتاكل هيا لكن هوا مرضاش وفضل يأكلها هوا'....
-براء:هوا انت هتمشي امتي!؟
-محمد:مش همشي..
-براء بصدمه:ازاي يعني اكيد بتهزر..انت جيت هنا ازاي اصلا!!؟
-محمد:جيت زي الناس عادي يعني..
-براء:محمد الدكتورة مش سامحه بمرافقين معايا انت بقي دخلت هنا ازااي؟؟!
-محمد:براء خلاصت الكلام مش ماشي من هنا الا لما تطلعي من المستشفي تمم..
-'وقطع اعتراضها المعلقه اللي حطها محمد في بوقها وكانت الاخيرة..ومد ايده يضرب الجرس لكن الاول بصلها وقال':اعدلي ام الطرحه اللي مش ثابته دي..
-'عدلت براء الطرحه بعصبيه وضرب محمد الجرس..وخلال ثواني كان الممرض داخل وواخد الصنيه من محمد وهوا بيبص لبراء وبيبتسم بروتينيه وبيقول':بالهنا والشفا..
-محمد بقله ذوق:خلاص اتفضل بقي..
-'بصله الممرض بإستغراب وحرج وخرج من غير كلمه زياده وهوا بيضرب كف بكف وبيستغفر ربنا'..
-براء:اي قله الذوق دي ي محمد!!؟
-محمد:وهوا بيضحك لي دا اي دا..
-براء:دا ممرض روتينه كدا يقشر مثلا وهوا داخل لمريضه..
-محمد:مليش دعوه يروح يضحك لناس تانيه الله..
-'ضربت براء كف بكف بحيره وصدمه من تصرفات اللي قدامها وسندت راسها علي المسند وراها وهيا بتقول':مرحتش الدروس لي..بصت علي الساعه وهيا بتكمل:المفروض ان دلوقتي عدي درسين وداخلين ع التالت..
-محمد:مش هروح من غيرك..وكمان هسيبك هنا لوحدك..لا
-براء:محمد انا هفضل هنا يومين دا غير يوم العمليه واليوم اللي هفضل فيه هنا بعديها لانها جراحه لا وكمان الاسبوع اللي هقعده في البيت من غير دروس خالص للراحه يعني داخلين في اسبوع ونص من غير دروس ومذاكرة الذي انت متخيل..
-محمد:ممكن تهدي..اولا انا مش هروح ايام المستشفي بس وواحد صاحبي هيبقي يقولي خدنا اي..ثانيا الاسبوع اللي هتقعديه في البيت انا هروح فيه عادي بس هجيلك اشرحلك كل اللي خدناه في الدروس كل يوم#
-براء:تجيلي فين ي ابني هوا البيت دا لوكندا ولا حاجه ومحدش هيشوفنا مثلا..
-محمد:متخافيش ممكن تهدي بقي..
-براء:برده هيقولي اهدي..
-محمد بنفاذ صبر وعصبية:برااااء متعصبنيش اكتر من كدا..
-'خافت براء من نبره صوته وعصبيته وبسرعه وعصبيه كانت واخده غطا المستشفي الابيض عليها وادته ضهرها ونامت..او حاولت تنام تجنبا ليه'...
-'نفخ محمد بضيق وقرب منها بهدوء وهوا بيقول':اسف متزعليش مني#
-'وف ثانيه كانت براء لفاله وهيا بتقول':محمد لو حد شافك او عرفك من عيلتي انا ونت هنكون انتهينا انا خايفه عليك..
-محمد وهوا بيمسك ايدها:متسبيش ايدي ومحدش هيقدر يقرب مننا..
-'كهربا رهيبه لبست فيها اثر لمسته ليها وكلامه وبخنوع رهيب هزت راسها بهدوء فإبتسم محمد بحب'__👫__
-'واليوم الاول عدي بهدوء ولما الباب بيخبط بيقوم محمد يفتح بهدوء رغم خوف براء لكن مكنش بيطلع غير الممرض او الممرضه وبات محمد فيه مع براء وهوا قافل الباب بالمفتاح لاي سبب كان')
🌎👫
*في درس العربي*
-حسين:براء طبعا في العمليات دلوقتي..
-بري:لا ي مستر انا رنيت علي مامتها اطمن عليها وقالتلي انها في المستشفي لسه هتتحجز يومين عشان تعدل نسبه الانيميا..
-حسين بتوجس:ومين معاها!؟
-بري:ولا حد الدكتورة قالت مش مستاهله..
-حسين بخوف:ربنا يستر..
*وعدت الحصه وشرح حسين حاجات خفيفه ومشت المجموعه ومسك هوا تليفونه بسرعه وهوا بيرن علي حد معين*__
🌎👫
*نرجع تاني للمستشفي*
-'كان قاعد محمد بيأكل براء لما تليفونه رن فإداها المعلقه تكمل وطلع هوا بره الاوضه'...
-محمد:الو..
-حسين:ايوة ي محمد انت فين!؟
-محمد:انا ف المستشفي مع براء..
-حسين:ازاي دا ي ابني انت مجنون!!؟
-محمد:متطلبش مني اني اسبها لوحدها في البتاعه دي وامشي..
-حسين:افرض حد من اهلها جه هتعمل اي..ساعتها هتحطها وهتحط نفسك في مشاكل ملهاش اخر..
-محمد:دا لو حد جيه وساعتها هبقي اتصرف لكن لحد دلوقتي انا مش ماشي..وعن اذنك ي مستر لازم اقفل عشان ادخلها..
-'وقفل محمد مع حسين ودخل تاني الاوضه وقال لبراء انه باباه هوا اللي بيسأل عليه بس ورغم احساسها انو بيكدب الا ان محمد مدهاش وقت تسأل وخد منها المعلقة تاني وهوا بيكملها اكلها..اما عند حسين فإتصدم من كلام محمد وفضل يفكر ممكن يعمل اي يحل بيه المشكله دي'......#
-'وقرب اليوم التاني لبراء قبل العمليه انو ينتهي ومحمد لسه معاها ومسبهاش لحد ما قالت':محمد بكرة الصبح العمليه واهلي كدا هييجوا هتمشي؟
-محمد ببساطه:لا..
-براء:ازاي لا!؟
-محمد:براء سبق وقولتلك مش همشي غير معاكي ونتي طالعه من المستشفي غير كدا متتعبيش نفسك في التفكير وف اللي انا هعمله ماشي ي روحي!!#
-'وسكتت براء بقله حيله من اللي قدامها وبدء النوم يغلبها ومحمد جنبها ماسك اديها وبيدعي ان بكرة يعدي علي خير'.......
👫🌎
*تاني يوم*
-'صحت براء علي اصوات كتير جنبها فتحت عنيها بخضه وهيا بتدور في وشوشهم عليه لكن ملقتوش..قلبها دق بعنف اووي وهيا مش شيفاه قدمها وسريعا ما فاقت كليا علي صوت الدكتورة وهيا بتقول':احنا جاهزين اهه دلوقتي..
-'ورغم انها مكنتش خايفه نهائي طول اليومين اللي فاتوا الا ان عنيها دمعت..يمكن لان هوا اللي كان بيطمنها..بس هوا مش موجود دلوقتي..وف الكلمه دي حست بحاجه بارده علي رقبتها الدافيه..حطت ايدها بتحسس علي رقبتها لقتها سلسله استغربت لانها مكنتش لابسه سلاسل وهيا جايه هنا..بتبص في شكلها لقتها مكتوب عليها اسم محمد'..