حكايتنا')🌎👫

-"part20"🌎👫

-كرامه..كرامه ردي عليا لو سمحتي انا اسف..
-'قالها ماذن وهوا بيهز كرامه وماسك ايدها..بس هيا مش قادرة تتكلم مفيش منها اي رد فعل غير ايدها اللي هوا مش ماسكها بتحاول تفتح الشنطه بتاعتها'..
-اه اه بخاخه الاكسجين استني..
-'وفتح ماذن شنطه كرامه بسرعه وجاب البخاخه وفتحها وحطها في بوقها وفضل يدوس عليها لحد ما بدءت كرامه تنفسها يرجع تدريجيا وايدها تخف من البروده..وحطت هيا ايدها علي ايده وبعدت البخاخه وهيا بتاخد نفسها براحه بدون كلام فقال ماذن':كرامه انا ماذن لو سمحتي متزعليش مني انا مكنتش اقصد انا بس غيرت واتعصبت انا اسف لو سمحتي متزعليش مني#
*وكإن محصلش حاجه من ثانيه لسه..حطت ايدها الشمال علي ايده الاتنين اللي ماسكه ايدها اليمين وهيا بتبتسم له بإطمئنان*

__طب تعمل اي رغم خوفها من عصبيته وغيرته المفرطه الا انها بتحب نبره الطفل اللي بتبان في صوته وهوا بيعتذرلها عن غلطه..بتحبه يغلط عشان تسمع بس النبره دي..من12سنه وهيا مسمعتهاش وبرده منستهاش ولسه بتعرف تفرقها من وسط مليون جمله يقولها__

-'وبدون سابق انذار باس ماذن راسها بحنان وبدء تاني يحرك العربيه وماهو الا شارع كملوا لاخره ووصل عند البيت اللي وصفتهوله كرامه'..
-كرامه بهدوء:شكرا ي ماذن..
-ماذن:ايوة يعني انتي رايحه فين!؟
-كرامه بإستغراب:طالعه..
-ماذن:لوحدك!!
-كرامه:امال مع مين!!؟
-ماذن:ما انا كمان هطلع معاكي!!
-كرامه بصدمه:بجد!!
-'اكتفي ماذن بفتح باب العربيه وكرامه لما شافته نزل نزلت هيا كمان بسرعه ومشت كام خطوه بسرعه عشان تلحقه وقالت':بابا محمد وماما اصاله هيتبسطوا اوي..
-ماذن:دا بيتكوا لوحدكوا ولا حد تاني ساكن فيه معاكوا من العيله!؟
-كرامه:احنا اول دور..الدور التاني خالتو ساره والتالت خالتو دعاء والرابع خالو وليد..
-'هز ماذن راسه وطلع معاها علي اول دور..طلعت كرامه المفاتيح وفتحت الباب بهدوء فسمعت اصاله وهيا بتقول':كرامه حبيبتي انتي جيتي!؟
-كرامه:اه ي ماما اصاله ومعايا ضيف..
-اصاله وهيا طالعه من المطبخ:ضيف مين دا!؟
-'طلعت اصاله من المطبخ وهيا بتقف قدام ماذن وكرامه وكمان نزل محمد من اوضته وهوا بيقول':مين حضرتك!؟
-كرامه:دا ماذن ي بابا محمد ماذن اخويا..
-اصاله بصدمه:ماذن!!
-كرامه بإنبساط:اه ي ماما اصاله لقيته في الشركه اللي رحتها انهارده تبع الجامعه..
-محمد:ازيك ي ماذن ي ابني عامل اي!؟
-ماذن:الحمدلله ي عم محمد انا كويس..
-محمد:يلا ي كرامه ي حبيبتي اطلعي غيري عشان هنتغدي..وانت ي ماذن هتتغدي معانا..
-'وطلعت كرامه بسرعه وانبساط عشان تغير..ودخل محمد ماذن اوضه الصالون ورجع هوا مع اصاله المطبخ'..
-اصاله بخوف:هياخدها ي محمد صح هياخدها..
-محمد:ياخد مين ي اصاله كرامه بنتنا وماذن كبر دلوقتي واذا كان جاي دلوقتي فهوا جاي عشان حاجه تانيه غير انو ياخدها ونا عارف هيا اي!!
-كرامه وهيا نازله من اوضتها:بابا محمد انا خلصت..
-محمد من المطبخ:ادخلي ي كرامه اقعدي مع ماذن في اوضه الصالون..
-'ومن غير رد دخلت كرامه علي ماذن الاوضه وهيا بتقول':ماذن انا ماما سميره وحشتني اوي..
-ماذن:ونا كمان وبعد اللي عملته مكلمتهاش ولا مرة..
-كرامه بتوجس:وانت عملت اي!؟
-ماذن:سيبك دلوقتي هحكيلك بعدين..بس اي رايك لو سافرنا في يوم ورحنا نزورها..
-كرامه:اه ياريت بس الشغل والجامعه مفيش غير الجمعه اللي هكون فاضيه فيه..
-ماذن:خلاص يبقي الجمعه الجايه هنروح نشوفها..وكمل وقال:بس انتي اتحجبتي من امتي!؟
-كرامه:من لما دخلت المدرسه ونا صغيره..كلامك منستوش واول ما دخلت افتكرته ولبستها ع طول..
-ماذن:وحشتيني اوي ي كرامه..
-كرامه:اتأخرت لي كل دا ي ماذن انت قولتلي مش هتأخر بس فضلت12سنه ولما رنيت علي الملجأ بعد ماما سميره قالتلي ان في حد اتبناك ومعتش هتكلمني!!
-ماذن:انا......
-'وقطع كلام ماذن صوت محمد وهوا بيقول':كرامه تعالي كلمي ابن خالك علي التليفون..
-كرامه:حاضر ي بابا محمد..
-ماذن:مين ابن خالك!؟
-كرامه:اكيد مجد..
-'مسح ماذن علي وشه بعصبيه وحاول يهدي من نفسه كتير عشان ميتهورش وقال':وهوا عايزك في اي مجد دا!؟
-كرامه:معرفش هروح اكلمه واعرف اهه..
-ماذن:هاجي معاكي..
-'وطلعت كرامه من الاوضه وماذن وراها ووصلت للتليفون اللي ف الصاله وردت وقالت':الو مجد..
-كرامه انتي جيتي امتي!؟
-لسه جايه من شويه كدا مكملتش حاجه..
-طيب ي حبيبتي مش قولتلك لما تيجي ترني عليا تطمنيني..
-نسيت والله ي مجد..اكيد المرة الجايه هبقي ارن!!
-طيب عايزه حاجه اجبهالك ونا جاي!؟
-لا ي حبيبي عايزه سلامتك#
-'وقفلت كرامه مع مجد وتلف عشان تشوف ماذن وتلاقيه ف وشها عدل..فإتخضت ورجعت لورا خطوتين..ومكنش قرب ماذن هوا الحاجه الوحيده اللي صدمتها بل كانت كمان عينه اللي اتحولت لسواد رهيب..
-وحست فجأه انها بتصدر شر وجسمه اللي ارتفعت حرارته فجأه..كل دي حاجات رعبت كرامه وخلتها ترجع لورا فقالت بصوت مرعوب:م..ماذن..
-ماذن:مين حبيبي ونسيتي اي وسلامه مين!!؟
-كرامه بسرعه:والله هوا بس كان بيطمن عليا بس..
-ماذن من بين اسنانه:ويطمن عليكي بصفته اي..ها!!
-'وقطع زعيق ماذن بصوت شبه واطي وخوف كرامه محمد وهوا بيقول':يلا ي ماذن يلا ي كرامه الاكل جهز..
-ماذن بسرعه:عم محمد انا هجيلك باليل عشان عايزك في موضوع وشكرا بس مضطر امشي..
-'ومشي ماذن ناحيه الباب ومشت كرامه وراه وهيا بتقول':ماذن استني..ماذن..
-'وصل ماذن للباب وفتحه ورجع بصلها وهوا بيقول':اياكي ي كرامه تكلميه مسافه ما اروح واجي بس اياكي ثم اياكي#
-'ومشي ماذن من غير ولا كلمه زياده..اما كرامه فغصب عنها عيطت راحلها محمد وهوا بياخدها في حضنه وبيقول':مالك بس ي حبيبه بابا بتعيطي لي!؟
-كرامه:مشي تاني ي بابا محمد مشي تاني..
-محمد بحنان:ماهوا قالي انو هييجي باليل ي حبيبتي عشان عايزني فهيرجع تاني..
-'اكتفت كرامه بهز راسها وخدها محمد ناحيه السفره وقعدها وطلعت اصاله من المطبخ ببقيت الاكل وهيا بتقول':امال فين ماذن!؟
-محمد:مشي وقالي هييجي باليل عشان عايزني في موضوع..
-اصاله بتوجس:موضوع..موضوع اي!!
-محمد:معرفش لسه ي اصاله لما يبقي ييجي باليل نبقي نعرف..
🌎👫
*في شركه عبد الهادي*
-ماذن:مستحيل اسبها تاني ي بابا انا ما صدقت الاقيها..
-عبدالهادي:شوف انت عايز تعمل اي ي ابني ونا معاك فيه..
-ماذن:انا هروح لعم محمد انهارده باليل عشان اطلبها منه..هتيجي معايا صح!؟
-عبدالهادي:طبعا ي ماذن ودي فيها سؤال!!
-'هز ماذن راسه بحب لعبدالهادي وهوا بيقول':ربنا يخليك ليا ي حج..
👫🌎👫🌎👫🌎👫🌎👫🌎👫🌎👫🌎👫
-كوثر:مبروك ي عيال..
-اسر:الله يبارك فيكي ي طنط..
-اثار:الله يبارك فيكي ي ماما..
-كوثر:هدخل انا ارتاح واسيبكوا مع بعض_
-'ودخلت كوثر ترتاح في اوضتها وسابت اسر واثار'..
-اسر:فرحنا الاسبوع الجاي..
-اثار:الاسبوع الجاي!!
-اسر:ايوة انا قولت لعمك انو الاسبوع الجاي ونا هنعمله فعلا..
-اثار:يعني مكنش كلام!؟
-'قرب اسر من اثار ومسك ايدها وهوا بيقول':ومن امتي ونا بقول كلام في اي حاجه تخصك!؟
-اثار بتشتت:بس بس كل حاجه جت بسرعه وانت....
-اسر:انا بحبك..
-'بصتله اثار بتشتت اكتر فشد اسر علي ايدها اكتر وهوا بيقول':متقوليش انك مصدومه..انتي عارفه اني بحبك من لما كنا في الجامعه ولحد دلوقتي..وكمل وهوا بيضحك:واقولك علي حاجه كمان..ف كل اللي بيحصل دا انا مش مبسوط غير لانك بقيتي مراتي#
-'ضحكت اثار وهيا بتقول':مستغل دايما..
-'ضحك اسر جامد هوا كمان وهوا بيقول':اثار لو سمحتي متزعليش مني..
-'وقبل ما تستغرب اثار وتسأل كان اسر حاضنها جامد وكإنه كان بيديها وجع كل السنين اللي فاتت وكإنه كان عايز يأكد لنفسه انها معاه دلوقتي وف حضنه..وقدام مشاعره ودفي حضنه مدت اثار هيا كمان ايدها وحضنته بهدوء..ودا خلي اسر يضمها ليه اكتر..كان ناقص يدخلها جوا ضلوعه'..
-اسر بهمس:حضنك دافي__
-اثار بدون وعي وبهمس مماثل:عارف اي اللي كان مخليني مش موافقه عليك!؟
-اسر:عصبيتي الكبيره وغضبي وغيرتي..
-اثار:عرفت ازاي!؟
-اسر:انا بحبك ي اثار لا انا مش بحبك انا بعشقك يعني اللي انتي بتحسي بيه انا كمان بحس بيه وقبلك كمان..انا عارف اني لما بتعصب مبشوفش قدامي ولما بغير بكون اعمي لكن بحضن منك زي دا كل حصوني هتتهد وههدي صدقيني مفيش حد يقدر يوقفني عن اي حاجه غيرك#
-اثار بهمس وبدون وعي من كلامه:انا بحبك______
-'ابتسم اسر بل ضحك وهوا بيقول ولسه حاضنها':كنت حاسس اني هموت قبل ما اسمع الكلمه دي#
-اثار:بعد الشر..
-اسر:ونا بعشقك ي اثار بعشقك بكل تفاصيلك..
-اثار بضحك:هنفضل كدا كتير!؟
-اسر:لو اطول افضل كدا العمر كلو هفضل#
-'وبعد فتره صغيره بعد اسر عن اثار شويه بس وفضل ماسك ايدها وهوا بيقول':عمك جه بفايده مش مصدق انك بقيتي مراتي..
-'ضحكت اثار وسرح اسر في ضحكتها وقال':ما تيجي نخلي الفرح انهارده ونخلص انا مش ضامن نفسي..
-اثار:اسر اتلم اذا كان الاسبوع الجاي ومش عارفه هنلحق نجهز امتي هيكون انهارده!!
-اسر:احنا اصلا من بكرة هننزل انا ونتي عشان نجهزله..
-اثار:والشركه!؟
-اسر:هتابعها بالتليفون الاسبوع دا كله وبعد الفرح هيبقي معايا اجازه شهر كامل!!
-اثار:تصدق اتحمست..
-اسر:انا من زمان اوي ونا بحلم باللحظات دي واخيرا اتحققت..
*ومن كتر ما بنكون حلمنا بحلم لمده كبيره جدا وييجي فجأه وعلي غفله ويتحقق بنكون حاسين اننا برده بنحلم انو اتحقق واننا مش في الواقع*____
-'ومن كتر ما فضل اسر واثار يتكلموا عدي الوقت وسرقهم ويصبح الصبح عليهم وهما نايمين علي الصالون..اثار راسها علي صدر اسر وايد اسر الاتنين محاوطه كتفها..وراس اسر سانده علي مسند الصالون ورجله علي الارض..خرجت كوثر من اوضتها وهيا شيفاهم علي المنظر دا ساعتها عرفت ان بنتها لانت وحنت فدخلت علي المطبخ بهدوء وهيا بتضحك في سرها وابتسامه مرسومه علي وشها'..
*بعد فتره*
-'فاق اسر من نومه وهوا حاسس ان في تقل عليه..نزل بنظره لتحت ولقاها هيا اللي راسها عليه..ابتسم بحب وهوا مش عارف ازاي غلبهم النوم وناموا في مكانهم..فضل باصصلها بحب وايده بتلعب في شعرها..وبعد شويه فاقت اثار وهيا مش عارفه اي النومه الغريبه دي..بصت حواليها ولقت انها نايمه في حضن اسر..رفعت راسها بهدوء تحسبا منها انو نايم..واول ما رفعت راسها لقته بيبصلها بإبتسامه خدت قلبها ونظره كلها حب فإبتسمت هيا كمان'..
-اسر:اول نومه لينا مع بعض تكون علي الصالون شوفي الحظ..
-'ضحكت اثار علي كلام اسر وهوا كمان ضحك بس علي ضحكها..وقعتهم كوثر وهيا بتقول':يلا ي عيال الفطار جهز..
-اثار:يلا بقي نفطر مع بعض..
-اسر بضحك:بركاتك ي عم عبدالجليل..
-'وراحوا اسر واثر وقعدوا جنب بعض وكوثر كمان قعدت ومخلتش القاعده من ضحك اسر واثار وفرحه كوثر ببنتها'..
-اسر:ممكن بقي تروحي تلبسي عشان ننزل..
-كوثر:هتروحوا تجهزوا للفرح صح..
-اثار:اه ي ماما ما تيجي معانا..
-كوثر:لالا مقدرش ي حبيبتي انا هفضل هنا ومهمتي العزومات بس#
-'وقامت اثار تلبس وفضل اسر قاعد مع كوثر..وبعد ساعه خرجت اثار من اوضتها'..
-اثار:خلصت..
-كوثر:اخيرا..دا الواد خلل جنبي!!
-'اما اسر فكان سرحان في جمالها رغم بساطتها'..
-اثار:اسر..اسررر يلا..
-'فاق اسر من سرحانه وهوا بيقول':اي اه يلا..
-'ومشي اسر مع اثار بعد ما سلموا علي كوثر وركبوا العربيه ومشوا..وبعد فتره..وقف اسر قدام بيت'..
-اثار:وقفت هنا لي بيت مين دا!؟
-اسر:دا بيتي هننزل اغير ونرجع تاني..
-'ونزلت اثار مع اسر ودخلوا البيت اللي حبته اثار جدا فقال اسر':تعرفي ان دا البيت اللي هنعيش فيه!؟
-اثار:بجد..
-'خدها اسر وراه علي اوضته وهوا بيقول':هدخل اخد شاور واطلع ع طول..
-اثار:اوكاي..
-'ودخل اسر ياخد شاور..اما اثار فبدءت تتفرج علي الاوضه بهدوء وجه في بالها انها تطلعله هدومه..وراحت فتحت الدولاب لكن اتصدمت من اللي جواه'_______________
👫🌎👫🌎👫🌎👫🌎👫🌎👫🌎👫🌎👫
-هيا مين دي اللي هتروح تعيش معاكوا!؟
-'قالها ادهم بعصبيه لخليل'..
-خليل:كنوز بنت اخويا ي ادهم في اي!؟
-ادهم:كنوز مهياش متحركه من هنا الا علي بيتي وهيا مراتي#
-صابر:دا اللي هوا يعني مش هنسيبها هنا لواحدها..
-ادهم:ولا هسيبها تيجي معاكوا..
-خليل:امال عايز اي!؟
-ادهم:هتقعد هنا زي ما هيا ونا هبعت واحده تفضل معاها وكل يوم هكون عندها مش هسيبها#
-خليل:بس انت خطيبها لسه..
-ادهم:هكتب عليها من دلوقتي عادي..
-احمد:بس ي ادهم البنت دلوقتي مش في وعيها ننتها لسه متوفيه واكيد مش هتوافق..
-ادهم:خلاص وهيا برده مش هتتحرك من هنا وهعمل اللي قولت عليه..
-خليل:ماشي ونا موافق..
-'وبعد فتره مشوا خليل وصابر واحمد مشي بعد ما اتفق مع ادهم انه هيبعتله ست تكون كبيره بس مش اوي عشان تقعد مع كنوز وتساعدها وفضل ادهم هوا اللي قاعد مع كنوز في البيت وكل شويه يدخل يطمن عليها ويتأكد انها لسه نايمه ويطلع تاني..لحد ما غلبه النوم ونام علي الكنبه اللي ف الصاله'___
-'صحي تاني يوم الصبح ودخل علي طول علي اوضتها حس انها صحيت..وفعلا دخل لقاها ضمه رجليها وحطه راسها بينهم وبتعيط..قرب منها بسرعه وهوا بياخدها ف حضنه وهوا بيطبطب عليها بهدوء وحنيه ومن غير كلام..كان عايزها تطلع كل اللي جواها..بعد فتره..حس انها هديت تماما وتنفسها انتظم..بيعدلها لقاها نامت ف حضنه..نيمها علي السرير وكانت لسه بفستانها وغطاها..ولقي جرس الباب بيرن..طلع وقفل باب اوضتها وراح يفتح ولقاه احمد باباه ومعاه ست كبيره'..
-احمد:كنوز عامله اي دلوقتي ي ادهم!؟
-ادهم:الحمدلله صحت ورجعت نامت تاني..
-احمد:انا ملقتش احسن من رئيسه الخدم عندنا هيا اللي تيجي تقعد مع كنوز..اهه واثقين فيها وكدا..
-ادهم:تمم..
-اسماء:فهمني اعمل اي ي ادهم!؟
-ادهم:بصي ي تيتا كنوز ننتها لسه متوفيه امبارح وهما كانوا عايشين لواحدهم وننتها كانت هيا اللي بتقف ف المطبخ عمتا فإنتي بس هتساعديها وتفضلي قاعده معاها ونا كل يوم هكون هنا..
-اسماء:ماشي ي ادهم انا هفضل معاها تمم..
*اسماء كانت ست كبيره تعادل عمر نرمين او يمكن اصغر كام سنه بس هيا اللي خدت بالها من ادهم من لما اتوفت مامته وهوا عنده15سنه عشان كدا بيناديها بتيتا وبيحبها جدا وهيا كمان هكذا*..
-ادهم:كنوز جوا ف الاوضه دي*وشاور عليا الاوضه*ممكن تساعديها تغير لانها لسه بفستان امبارح#
-اسماء:ماشي ي ابني..
-'دخلت اسماء لكنوز الاوضه وصحتها بهدوء واتخضت كنوز ف الاول لكن ملامح اسماء الطيبه والحنونه واللي فكرتها بننتها خلتها ترتاح وتهدي نسبيا..وساعدتها اسماء ف تغير هدومها وسابتها بتاخد شاور وطلعت اسماء من اوضتها وهيا بطمن ادهم ودخلت المطبخ بعد ما شاورلها عليه ادهم عشان تعمل لكنوز اكل..وف الوقت دا كان ادهم بيتكلم ف التليفون بيخلص حاجات ف الشغل واحمد كان مشي'..
-'خلصت اسماء الاكل ورجعت دخلت اوضه كنوز بيه بس لقتها لسه مخرجتش من الحمام..حطت الاكل علي التربيظه وخبطت عليها الباب براحه'..
-اسماء:كنوز ي بنتي خلصتي!!؟
-'ملقتش اسماء رد رجعت تخبط تاني بقوه اكبر وهيا بتقول':ي كنوز انتي كويسه..ردي ي حبيبتي..كنووز__
-'سمع ادهم صوت اسماء فساب التليفون وراح بسرعه علي اوضه كنوز وهوا بيقول':في اي ي تيتا فين كنوز!؟
-اسماء ولسه بتخبط:كنوز ف الحمام ي ادهم بقالها كتير وبخبط ومش بترد عليا ولا بتفتح..
-'وبسرعه جري ادهم علي الحمام وهوا بيخبط جامد عليه وبيقول':كنوز انتي كويسه كنوز لو سمحتي ردي عليا..لو مردتيش هفتحه صدقيني..
-'وملقاش ادهم رد فبعد عن الباب شويه وبعد اسماء كمان وجري علي الباب بكتفه..كسره من مكانه ووقعه علي ارض الحمام وبص ف ركن من اركان الحمام وقلبه وقع مكانه من اللي شافه'___________
👫🌎👫🌎👫🌎👫🌎👫🌎👫🌎👫🌎👫
-'صبح الصبح بسرعه والفيلا كلها علي قدم وساق..المجموعه اللي بتزين حديقه الفيلا اللي هيكون فيها الخطوبه..والكوافير اللي جاي للليان مخصوص..ومرام وهند اللي بيكملوا عزومات وايمن ولطفي اللي واقفين مع مجموعه الديكور برا..ولليان في اوضتها مع الكوافير اللي اتفاجأت بمجيئه..اما ادم فواقف مع كام عامل بيركبوا شاشه كبيره في الحديقه'..
-لطفي وهوا جاي ناحيه ادم:يلا ي ادم بقي اطلع جهز نفسك قربنا علي الساعه6والخطوبه هتبدء بعد المغرب..
-ادم:حاضر ي بابا انا طالع اهه..
-'وطلع ادم اوضته عشان يجهز نفسه لكن قبل ما يدخل كان عايز يشوف لليان وحاول يدخل الاوضه لكن لقاها مقفوله بالمفتاح فخبط وهوا بيقول':لليان..
-الكوافيره:اسفه ي استاذ ادم..انسه لليان بتلبس ومش هنعرف نفتح!
-ادم:تمم ماشي قوللها متطلعش غير لما اجي..
-'ودخل ادم اوضته وبدء يجهز نفسه وقلبه بيرقص من الفرحه'__🌎__
*بعد المغرب*
-'كان كل حاجه جهزت والمعازيم بدءوا ييجوا..وكانوا مرام وهند وايمن ولطفي واقفين بيرحبوا بيهم وبدءت الموسيقي الهاديه تشتغل..وساعتها كان ادم جهز في اوضته فوق..بص لنفسه في المرايه وهوا مبتسم وقال':واخيرا..
-'وخرج من الاوضه بهدوء وهوا بيروح لاوضه لليان وبيخبط بهدوء..فتحتله مساعده الكوافيره بإبتسامه واول ما بص في الاوضه ونن عينه بيدور عليها..لحد ما لقتها واقفه جنب التسريحه والكوافيره ماسكه ايدها السليمه..اما لليان فواقفه بعيون مدمعه..رغم انها مش عارفه غيره ومش فاكرة حاجه الا انها حاسه ان اللحظه دي جت بعد سنين من الحب والعذاب..*اصل فكره انها تحس بيه من بين كل الناس اللي حواليها ومنهم امها وابوها هوا الوحيد بس..دا مش احساس سهل*'__👫__
-'قرب ادم منها بهدوء ومقدرش يخبي اللمعه اللي بانت في عينه..مسك ايدها الاتنين وباسهم الاتنين..وبدون سابق انذار كان حاضنها جامد..ودافن راسه في شعرها بيملي نفسه من ريحه الياسمين بتاعتها..حاوطت لليان رقبته بإيدها السليمه..وفضلوا كدا لفتره لحد ما دخلوا عليهم ايمن ولطفي ومرام وهند كمان'..
-هند:يلا ي حبايبي كل المعازيم وصلوا وانتوا لسه منزلتوش..
-مرام بضحك:ولا سمعينك انتي مش شيفاهم ولا اي!؟
-ايمن بضحك:طب ممكن تبعدوا بس لنهايه الخطوبه بعد كدا تحصنوا بعض تاني..
-لطفي:انتوا هتفضلوا كدا كتير ولا اي..
-'كانوا ال4بيتكلموا وادم ولليان مش بيرضوا عليهم ولا باصنلهم ولسه حاضنين بعض لحد ما بعد ادم نسبيا عنها وقال وهوا بيمسح دمعه خانته ونزلت من عنيه':هوا الواحد ميعرفش ياخد راحته مع حبيبته خالص!!
-ايمن بضحك:لالا كمل ي استاذ ادم اللي كنت بتعمله وحنا ننزل نتخطب بدالكوا يلا ي ست هند وهات ي لطفي مرام وتعالوا احنا بدالهم يلا..
-'ومسك ايمن ايد هند ووراهم لطفي ومرام ونزلوا السلالم ووراهم كان ادم حط ايد لليان الشمال السليمه في ايده الشمال وبإيده اليمين مسك وسطها..ونزلوا من علي السلالم بهدوء..لحد ما صلوا للحديقه والكل بدء يسقف لوصولهم..وكان جنب ادم ايمن وهند..وجنب لليان لطفي ومرام..وفضلوا ماشيين وسط تسقيف الحضور ومباركتهم لحد ما وصلوا للكوشه..قعد ادم لليان وقعد هوا جنبها وفضل ماسك ايدها..وكل خمس ثواني يبوسها..وكل معاني العشق باينه في عينه..وبعض الحضور بصنلهم بحب وبيتمنوا انهم يفضلوا مع بعض..والبعض التاني بصنلهم بحقد علي عشقهم لبعض..والبعض التلات بصنلهم بحسد..ودايما زي ما في حاجه حلوة بيبقي في حاجه وحشه..اصل الحلو مش دايما كامل'_________
-'وبعيدا عن ايد لليان اللي متجبسه..الا ان دا كان شكل فستانها'..

-'وكان ادم لا يقل وسامه عنها ببدلته اللي مشابهه للون فستان لليان'..

-'ورفض ادم انه يرقص هوا ولليان عشان متتعبش من رجلها..وبعد فتره..راحوا هند ومرام يجيبوا الشبكه..وبدءت المعازيم يسقفوا تاني..وادت مرام علبه الشبكه لادم واول حاجه لبسها للليان الدبله..لكن قبل ما يحطها في ايدها..ركع علي ركبته قدامها وهيا قاعده علي الكوشه وساعتها لبسها دبلته وباس ايدها بعمق وبدء ياخد حاجه حاجه يلبسهلها وكل دا وهوا لسه راكع علي رجله..اما لليان فجسمها ارتفعت حرارته جامد وعنيها اتجمعت فيها الدموع وهيا بصاله بكل حب..مدلها ادم ايده بدبلته عشان تلبسهاله..خدتها لليان بهدوء ومسكت ايده وحطت الدبله في صابعه..ومع لمسه ايدها لايده وسلك كهربا غير عادي مسك في جسمهم هما الاتنين..هيا اه مش اول مرة يمسكوا ايد بعض فيها..لكن المرة دي كان فيها حاجه زياده'___👫🌎___
-دبل ادم ولليان..

-'وبعد ما خلص ادم تلبس لليان الشبكه ولبسته هيا كمان دبلته..قام ادم من ركعته وقعد جنبها فمالت لليان عليه وهيا بتقول':انت جبت الحاجات دي امتي!؟
-ادم:امبارح بعد ما طلعتك..
-لليان:وعرفت مقاس ايدي منين وكمان..وكمان شكل الدبل دي مش غريبه عليا حاسه اني شوفتها قبل كدا..
-'وبدون رد شاور ادم علي الشاشه الكبيره اللي قدامهم..وساعتها كل النور اللي حواليهم انطفي..واتفتحت الشاشه تنور الحديقه كلها بنورها..وتنور قلب لليان وذاكرتها باللي فيها'_🌎💙_
🌎👫🌎👫🌎👫🌎👫🌎👫🌎👫🌎👫🌎
-"وبكداpart20من روايه 'حگايتنا')🌎👫خلص"..
*توقعاتكوا عن اللي هيحصل ورايكوا في الاحداث واتمني تفاعلكوا*!
_By:'basmala yasser')💖