حكايتنا')🌎👫

-"part16"👫🌎

*بعد يومين من خناقه مصطفي ومحمد وتحديدا في درس العربي عند مستر حسين*
-حسين:محمد عايزك بعد الحصه خليك..
-محمد:حاضر ي مستر!
*وعدت الحصه هاديه نوعا ما ومخلتش من نظرات محمد وبراء لبعضهم*
-حسين بعد ما مشي الكل وفضل هوا ومحمد بس:فسرلي بقي اي اللي حصل عند مستر طه؟!
-محمد:اي اللي حصل!؟
-حسين:انت عارف كويس اي اللي حصل..
-محمد:مفيش اي حاجه حصلت غير ان حد قل ادبه ونا رضيت عليه لا اكتر ولا اقل..
-حسين:تقوم تكسرله فكه وايده الشمال..انت مجنون!؟
-محمد:احسن كان يستاهل..
-حسين:محمد مستر طه اللي رن عليا قالي لانه عارف اني قريب من براء وعيلتها تصدق انو رن يسأل اذا كان في حاجه بينك وبين براء ولا لا انت تصدق دي لما مستر زي مستر طه يرن علي مستر تاني عشان يسأله علي اخلاق بنت يبقي مفهومها اي بالنسبالك!!
-محمد:محدش قاله يقل ادبه وينادي عليها ويقف معاها يكلمها!!
-حسين:خلي في علمك اني لسه لحد دلوقتي مقولتش للحج عبد العظيم ولا قولت لابو براء لاني عارف انو صعب ومش هيفهم..
-محمد:عايز تقول لابويا قوله فكل الاحوال محدش هيقف ضدي ويحاول يغير من اللي انا هعمله لكن انك تقول لابو براء لا بس عشان متتأذاش..هيا ملهاش دعوه باللي انا عملته وبعمله ولسه هعمله فمتدخلهاش#
-حسين بيأس:انا معنتش عارف اتصرف معاك دا انت عنيد بشكل..
-محمد:انا ماشي ي مستر وياريت مش كل شويه في الحصه براء براء براء اي مفيش غيرها خف شويه من اسمها يعني ياريت..
*ومشي محمد من غير ما يسمع رد حسين وحتي لو كان وقف مكنش هيسمع حاجه من صدمه وذهول حسين وعجزه عن الكلام*
🌎👫
*بعد كلام محمد ومستر حسين بيوم وتحديدا في درس الرياضه*
-'قاعده براء جوا خالص في اول البنش طبقا لكلام محمد ليها في اخر رساله واللي كانت امبارح بالليل وجنبها كان ليلي، وجميله وبري وف اخر البنش خالص كان فيه بنت تانيه قاعده..البنت دي كانت شمال حبتين وبتكلم صبيان عادي كان اسمها*فريال*..اما محمد فكان قاعد في اخر البنش اللي جنب بنش براء ع طول..يعني كان شبه قاعد وجنبه بمسافه صغيره فريال..كان مستر*حسن*بيشرح وجاله تليفون فجأه بعد ما جبهوله السكرتير*يزيد*..وخرج مستر حسن من السنتر بتاع الدرس بسبب التليفون الطارئ..وبدء كل اللي قاعدين في الكلام بصوت عالي..وقطع بصات محمد لبراء صوت بنت جنبه وهيا بتقول بمياعه لايقه علي لبسها':معاك قلم زياده لو سمحت..
-محمد برفعه حاجب:ما عندك بنت جنبك خدي منها..
-فريال:مش صحابي..
-محمد بسخريه:يعني انا اللي صاحبك!؟
-فريال:اتمني#
*سكت محمد ورجع يبص تاني علي براء واللي كانت باصلهم بعصبيه وهما بيتكلموا ولما محمد بصلها حاولت تخفي نظرات الغيرهه والعصبيه من عنيها..لكن حسها محمد بسرعه فإبتسم في سره*
-فريال مرة تانيه:تقربلك البنت دي!؟
-محمد بزهق:هيا مين!؟
-فريال:اللي قاعد تبص عليها..
-محمد:وانت مالك تقربلي او لا!؟
-فريال بخبث:اصلها كانت غيرانه ونا بكلمك فقولك اسأل..وضافت بسرعه:لو حبيبتك تعال اتأكد اذا كانت بتحبك او لا!!
*وقبل ما محمد يتكلم كانت فريال حطت ايدها علي ايده اللي ساندها علي ركبته..وبسرعه كان محمد شايل ايدها وهوا بيبص لبراء اللي قامت من مكانها وجت وقفت قدام البنت وهيا بتقول برفعه حاجب*:اعتقد انك اترفضتي بطريقه غير مباشره اسمحيلي انا بقي ارفضك بطريقه مباشره..
-'وبسرعه كانت براء قومت فريال من مكانها وبسرعه قعدتها مكانها ورجعت هيا قعدت مكان فريال ومن غير ما تبص لمحمد فقال وهوا بيحاول انو ميضحكش':مبصتلهاش ع فكره..
-براء بحده خفيقه:اسكت.......
-محمد بمطاوعه طفل:حاضر#
-'وزي ما محمد كان بيحاول يمنع ابتسامته من الظهور عشان ميعصبش براء اكتر من كدا..براء كمان كانت بتمنع ابتسامتها من الظهور علي طفولته وهوا بيقول حاضر'#
-'والغيره في الحب بتخلينا اطفال ميرضيناش غير الامتاك')
👫🌎👫🌎👫🌎👫🌎👫🌎👫🌎👫🌎👫
-'صحت علي صوت زغاريط جامده في العماره بتاعتهم..قامت مفزوعه وجرت لبره ملقتش حد خالص في الشقه..بتبص لقت الباب مفتوح وصوت مامتها واخواتها بره..طلعت ع طول من الشقه ولقتهم واقفين مع جيرانهم اللي تحتيهم وجيرانهم اللي فوقيهم كمان واقفين معاهم بإختصار ال4ادوار اللي ف العماره يعتبر كانوا واقفين مع بعض عند جيرانهم اللي تحتيهم..راحت شهد نادت علي*شاهندا*اختها عشان تسألها في اي'..
-شهد:في اي ي شاهي اي الزغاريط دي كلها!؟
-شاهي:خطوبه فرح اللي تحتنا بكره ي ستي وبعديها كتب الكتاب بأسبوع وبعديه بيوم الحنه والفرح بعديها ع طول وهيكون يوم جمعه!!
-شهد:وهما مالهم متسربعين كدا لي ما يتجوزوا انهارده وخلاص!!
-شاهي:ي بنتي ما العريس وفرح ولاد عم وبيحبوا بعض من وهما صغيرين فعادي بقي..
-شهد وهيا بتدخل الشقه وبتدخل وراها شاهندا:بس فرح لسه مخلصتش دراستها دي لسه3جامعه..
-شاهندا:عادي ي بنتي دي سنه هتكملها في بيت جوزها..
-شهد:اممم طب استني بقي اغير وانزلها..
*شهد وفرح كانوا اصحاب رغم فرق السن اللي بنهم*
*بعد فتره*
-'طلعت شهد من اوضتها ونزلت هيا وشاهندا اختها عند فرح واللي كانت لسه العماره كلها عندها تحت':)
-فرح:شوشو....
-شهد:الف الف مبروك ي فروحه#
-فرح:الله يبارك فيكي ي شوشو بس بقولك اي انتي معايا ف كل حاجه من طأطأ لسلاموا عليكوا..
-شهد:هوا انا اطول ي قمر طبعا معاكي!!
-فرح:اوف ي شهد مش مصدقه اننا اخيرا هنتجمع مش مصدقه..
-شهد:طالما بتحبوا بعض بجد يبقي صدقي ونص كمان!!
-فرح بضحك:انا هجوزك اخوه بقي واهو نبقي مع بعض ف بيت واحد ونكون سلايف واصحاب كمان!!
-شهد بضحك:يلا ونا معنديش مشكله واهو ياخدني من دلوقتي ويقعدني من التعليم ويخلصني من الثانويه العامه وننجز بقي😹😹😹😹💔#
-فرح:يخربيتك دنتي جاهزه بقي!!
-شهد:بس ي بت بهزر المهم جبتي حاجات الخطوبه!!؟
-فرح:انا لحقت دول جم اتقدموا امبارح باليل وفجأه لقيت الخطوبه بكرة والفرح بعد اسبوع حاسه اني بحلم😹
-شهد:اوبس طب هتنزلي تشتري امتي!؟
-فرح:تيجي دلوقتي ننزل انا ونتي بس وناخد معانا عبير بنت طنط صابحه وننزل!!
-شهد:اشطا هطلع البس واقول لبابا وماما..
*وطلعت شهد تلبس عشان تنزل مع فرح تجيب حاجتها واستأذنت مامتها وباباها وهما وافقوا..اما عند فرح فطلعت قالت لعبير صحبتها هيا وشهد واللي صابحه مامتها وافقت برده وسابتها فرح تلبس ونزلت هيا كمان عشان تلبس*..
-'واحيانا بيكونوا الجيران والصحاب احسن مليون مرة من الاهل والقرايب')
-'منستش فرح ابدا انها ترن علي*عمار حب حياتها وابن عمها وجوزها مستقبلا*'..
-فرح:الو ي عمار
-عمار:عروستي وحشتيني..
-فرح بكسوف:وانت كمان!!
-عمار بخبث:انا كمان اي!؟
-فرح:بس بقي ي عمار متكسفنيش..
-عمار:انا بقيت بعشق اسمي يخربيت كدا..
-فرح بسرعه:عمار انا هنزل مع شهد وعبير جيرانا عشان نجيب حاجات الخطوبه ماشي!؟
-عمار:هتنزلي امتي!؟
-فرح:دلوقتي اهه..
-عمار:ماشي ي فرحتي ونا هخلص وهرن عليكي عشان اجيلك!!
-فرح:ماشي ي حبيبي خلي بالك من نفسك سلام..
-عمار بهيام:ماشي ي اي؟!
-'وبسرعه كانت فرح قفلت التليفون وهيا بتضحك..ويبص عمار ف التليفون وهوا مصدوم بس سريعا ما يفوق ويقول وهوا باصص للتليفون:بعشق كسوف امها'#
👫🌎
-'نزلوا عبير وشهد وفرح وراحوا ع طول ع المول بتاكسي وكانت بطلتنا لابسه'..