حكايتنا')🌎👫

-"part28"🌎👫

-كرم بإبتسامه متسعه شئ في شئ:المربي بالفراوله..
-'طولت النظرات..لدرجه ارتعشت لها القلوب..وبلحظه سريعه وخفه كانت منه في حضن كرم..حضن كان ف حياه احدهم حلم..حلم كبير اوي زي ما جميل اوي..كان واحد حاضن لدرجه تديب لها العظام..والتاني مستسلم لدرجه اللاوعي'___
-كرم بهمس:بعشقك ي مربه الفراوله..بعشقك..
-'ومكنش في رد علي كرم غير سكوت منه وصدمتها..ومكنش من كرم رد علي كل دا الا انه شد من حضنه لمنه وهوا بيغمض عينه براحه غير طبيعيه كإنه كان ميت ورجع للحياه تاني..كإنه كان فقر ودلوقتي بس غني..كإنه واخيرا وبعد سنين عشق امتلك الشخص اللي بيعشقه'___
-'بعد كرم عن منه ببطئ وتمهل وهوا عارف انها يمكن مسمعتش كلامه من تشتتها..وبعد ما بعدها عن حضنه رجع قرب تاني..بس المرة دي كانت بدل الحضن..بوسه علي راسها..كانت طويله..طويله بعمق..ومسافه ما بعد عنها قال وهوا بيخرج من الاوضه وبيبتسم ابتسامه جانبيه':الشنط ي مربه الفراولة..

-'وعلي قفله لباب الاوضه كانت منه فاقت من سرحانها مؤقتا بس..لتقابل بقي التشتت والحيره والتوتر واخرهم الكسوف..وتكلم نفسها وهيا بتفكر بصوت':هوا انا لي حاسه كدا!؟يعني..يعني انا بحب لؤي..لي استسلمت لكرم!؟لي حسيت..حسيت بأحاسيس غريبه..محستهاش ف كلام لؤي!؟ياربي والنبي ساعدني انا متلخبطه__

-'كانت منه بتتكلم بتلقائيه توقعا منها انها لواحدها ف الاوضه..وفعلا كانت كدا..بس غفلت عن اللي واقف ورا باب الاوضه..وسمع كل حرف من كلامها بإبتسامه امل ولمعه عين عاشق'__#
👫🌎
*تاني يوم بعد العصر*
-كرم:خلصتي ي منه!؟
-منه وهيا طالعه من الاوضه:جايه ي كرم..
-'فضل كرم مبحلق فيها وهيا طالعه من الاوضه وسانده علي كرسي الصالون وهيا بتلبس الشوز..وتلقائيا عينه علي ايدها الشمال..وعقد حواجبه وهوا مش لاقي الخاتم ف ايدها..ومسافه ما اتعدلت ف وقفتها بعد ما لبست الشوز..لقته قدامها..مسك كرم ايدها الشمال بعصبيه وهوا بيقول بمشاورة علي صابعها البنصر':فين الخاتم!؟
-'فتحت منه ايدها اليمين ببطئ وهيا بتقول ببراءه طبيعيه':اهه..
-كرم بإستغراب:وقلعتيه لي!؟
-منه بتوضيح:كنت بتوضي عشان اصلي فقلعته ولما خلصت كنت لسه هلبسه تاني..
-'خد كرم من منه الخاتم ولبسهلها وهوا بيقول':الخاتم دا ميتقلعش تاني نهائي..لاي سبب من الاسباب..
-منه:حاضر..اسفه__
-'وبدون تفكير كان كرم واخد منه ف حضنه وهوا بيقول':انا كمان اسف اتعصبت بسرعه..
-'حس كرم فهزه راس منه..فمسك ايدها بإيد والايد التانيه كان ماسك الشنط وبيجرهم وراه'__
-'نزل كرم ومنه للعربيه وحط الشنط ف العربيه من ورا ولف وركب وطلع بالعربيه'..
-منه:كرم!!
-كرم بهيام لاسمه منها:نعم ي مربه الفراوله!؟
-منه بكسوف من لقبه:هوا مينفعش نروح نسلم علي بابا وماما قبل ما نمشي؟؟
-كرم:متأكده!؟
-منه بتردد:مش عارفه__
-كرم:خدي قرار ونا معاكي فيه..
-منه:طب خلاص يلا نروح نسلم عليهم..
-'وغير كرم طريقه وطلع علي بيت عمه'__
🌎👫
*في بيت حمدي*
-'كان قاعد حمدي هوا ومريم وعبدالعال ونهي*مرات عبدالعال وام كرم*علي سفره الغدا..بيتكلموا ف مواضيع عامه بهدوء..وقاطع كلامهم واكلهم جرس الباب اللي رن..فقام حمدي يفتح بإستغراب من اللي جاي ف الوقت دا'__
👫🌎
*عند كرم ومنه*
-'وصلوا تحت عماره بيت حمدي..نزل كرم من العربيه وبتلقائيه لف وفتح الباب لمنه فنزلت منه بإبتسامه اسرته وهيا بتقول بمرح':مكنتش غلطانه من صغري لما قولت عليكgentle..
-كرم برومانسيه:معاكي بس ي مربه الفراوله..
-'وكانوا ساعتها وصلوا قدام باب الشقه فمردتش منه علي كلام كرم وبخوف كانت مسكت ايده جامد تستمد منه القوه..وبمحبه كان كرم مبادلها التمسك اكتر وهوا بيطمنها بإبتسامته المعهوده وايده التانيه بتتمد وبترن علي جرس الباب..ومفيش وقت وكان باب الشقه بيتفتح وبيظهر منه حمدي..ولا اراديا شدت منه علي ايد كرم..فقال كرم بإبتسامه':ازيك ي عمي!!؟
-حمدي بعقده حواجب لمنه:اي اللي جابك!؟
👫🌎👫🌎👫🌎👫🌎👫🌎👫🌎👫🌎👫
-سهير:عشق لمي هدومك دلوقتي احنا هنرجع اسكندريه..
-عشق بصدمه:اي؟!
-سهير بجديه:زي ما سمعتي..يلاا..
-سهر:انتي بتقولي اي ي سهير!؟
-سهير:هوا دا الصح ي سهر احنا لازم نرجع اسكندريه..
-سهر:لا طبعا انا هروح اقول لتيم ييجي يتصرف..
-سهير:اوعي ي سهر احنا هنمشي من مايعرف لانه مش هيرضي يخلينى نمشي انا عارفه..وبصت لعشق اللي واقفه مكانها في صدمه وقالت بزعيق:انتي لسه واقفه مكانك اتحركي لمي هدومك..
-'وتحت زعيق سهير جرت عشق لاوضه الهدوم وهيا بتلم هدومها ودموعها بتسابق علي وشها..ومش عارفه تروح لاوضه الچيم بتاعه تيم تقوله..انا سهر فكانت بتحاول هيا كمان توصل لتيم لكن سهير مش سيباها'__
👫🌎
*بعد ساعتين*
*في اوضه الچيم*
-'كان تيم بيطلع كل عصبيته في الرياضه والاجهزة..مكنش بيتمرن او بيعمل رياضه..دا كان ف مصارعه مع الاجهزه وجسمه'___
-'وف نص التمرين وقف تيم فجأه وحس ان ف حاجه غلط بتحصل..او لسه هتحصل..ميعرفش بس هوا حاسس ان روحه بتتسحب منه بالبطئ..ومن غير تفكير كتير جه ف باله عشق..فراح بسرعه للحمام اللي ف الاوضه خد شاور سريع وف10دقايق كان بيلبس هدوم جديده ولسه هيطلع لكن رنه تليفونه وقفته'__
-الو..
-تيم:مش معقول لا حاسس اني بحلم..
-خلاص ي عم كازانوڤا..
-تيم:لا خلاص راحت عليها دي ي بشمهندس__
-اسر:زيي ي ابن الهندسه..
-اكيد اثار!!؟
-اسر:وانت اكيد عشق!؟
-تيم:مدام تيم حسن مش عشق كدا وخلاص!!
-اسر:خلاص ي بشمهندس بقي المهم..
-تيم:المهم ايوة بقي!؟
-اسر:فرحي علي اثار بعد بكرة في قاعه*****اكيد جاي!!
-تيم:اكيد ي صاحبي الف الف مبروك واخيرا حد مننا هينجز بقي__
-اسر:تيم عشق هتيجي معاك..
-تيم:اكيد لا#
-اسر:ما هوا ي تيجي بيها ي متجيش خالص..
-تيم:هتيجي معايا تعمل اي ي اسر!؟
-اسر:هتيجي تحضر معاك وتتعرف علي اثار الله..
-تيم:خلاص ولو حد بصلها متزعلش..
-اسر:خلاص ي عم الغيور متقلقش..
-'وقفل تيم مع صاحبه اسر وخرج من الاوضه وبسرعه كان في اوضه عشق'__
👫🌎
*ف ساحه القصر*
-'كانت واقفه سهير وماسكه شنطتها ويتسلم علي سهر بحزن وجنبها عشق اللي نفسها يكاد ينقطع من كتر عياطها فتقول سهير بصرامه':بطلي عياط عشان قراري مش هغيره..
-عشق بعياط:ي ماما اي اللي حصل فجأه عشان كل دا!؟
-سهير بصوت عالي اثار انتباه اللي ف اوضه عشق فوق:وبتسألي لسه اي اللي حصل!؟قولي اي محصلش!!من يوم ما جينا ومفيش يوم عدي حلو..كل يوم خناق وعصبيه وعياط وانتي البشمهندس تيم..احنا لازم نمشي بلاها مشاكل اكتر من كدا##
-سهر:تيم لو عرف الدنيا هتقوم مش هتقعد ي سهير..
-سهير:ع ما يعرف هنكون احنا وصلنا اسكندريه بالعربيه ي سهر..
-'واتعدلت سهير ف وقفتها وهيا بتمسك شنطتها وبصت لعشق وهيا بتقول':يلا قدامي..
-'وكانت عشق هتقدم اول خطواتها بالشنطه اللي بتجرها وراها لكن سمعت صوت خلى الابتسامه تترسم علي وشها وتمسح دموعها بسرعه'__
-تيم من عام اول السلالم بصوت عالي شبيه بالزعيق:اي اللي بيحصل هنا!؟
-'وبسرعه كان واقف قدام سهير وسهر وعشق بعقده حواجب وعصبيه وهوا شايف الشنط اللي ف ايد سهير وعشق وهوا بيقول بصوت اعلي':اي اللي بيحصل هناا!؟واي الشنط دي!؟
-سهير:هنمشي__
-تيم برفعه حواجب:هتروحي فين حضرتك!؟
-سهير:هرجع اسكندريه طبعا..
-تيم بقله ادب:ومين سمحلك!؟
-سهير:اتكلم معايا عدل ي بشمهندس..
-سهر:تيم!!اي طريقه الكلام دي!؟
-تيم بتصحيح وقله ذوق:انا مش قصدي مين اللي سمحلك لشخصك..انا قصدي مين اللي سمحلك تاخدي بنتك معاكي!؟
-سهير برفعه حواجب وسخرية:اديك قولتها بلسانك بنتي!!
-سهر بمحاوله اقناع:ي سهير يعني دي اول مشكله تحصل بينهم!!؟
-سهير:علاقتهم مستحيله ي سهر..مس تم حي له..فاهمه يعني اي!؟هوا عصبي وهيا عنيده يعني مفيش اجماع ع شئ وسط لو ارتبطوا هيدمروا بعض__
-تيم بعصبيه:انا مليش دعوه بكلامك ولا بكلامها انتوا حرين مع بعض..انا ليا دعوه بدي بس هيا اللي تخصني..
-'كان تيم بيتكلم وبيشاور علي عشق المنهاره ف العياط..واول اما خلص كلامه خدها من ايدها وطلع بيها علي فوق..بعد ما رمي الشنطه برجله بعيد عنهم..وكل دا وسط نظرات سهير وسهر المصدومه من طريقه كلامه وتعامله'__
👫🌎
*ف اوضه تيم*
-'دخل تيم ب عشق وقفل الباب وراه بالمفتاح..ومن غير كلام ومقدمات خد عشق ف حضنه جامد وهوا بيهديها..وبتلقائيه من عشق حاوطته هيا كمان وبتكمل عياطها وقالت بشهقات':مكنتش راضيه تخليني اجي اقولك..وكانت هتاخدني وتمشي..
-تيم بهدوء:هششش..محدش هياخدك ويمشي متخافيش انا مش هسيبك مستحيل انا سراب من غيرك__
-عشق بخوف:كلام ماما مش صح مش كدا!؟
-'ومن غير ما يرد تيم شال عشق واتحرك بيها ناحيه السرير وقعد وقعدها علي رجله وهوا بيقول':حتي لو صح ميهمنيش..انا بعشقك ي عشق!انتي عشقي..انا مستحيل أأذيكي بإرادتي او ونا في وعيي..عارف اني عصبي ومتحكم وغيور وان انتي عنيده وجدا كمان لكن عشقي يكفينا احنا الاتنين بمشاكلنا ويزيد كمان..صدقيني انا مقدرش اعيش من غيرك مستحيل'''')
-عشق بعياط وتأثر من كلامه:انا بحبك اوي ي تيم..
-تيم:ونا بعشقك ي عشقي..
-عشق:يعني كدا ماما مش هتمشي!؟
-تيم:تؤ..
-'تنفست عشق براحه..سريعا ما اختفت اول اما سمعت كلام تيم الامر':خطوبتنا بكرة علي فكره_#
🌎👫🌎👫🌎👫🌎👫🌎👫🌎👫🌎👫🌎
*بعد اسبوع*
-'كان مالك طول الاسبوع ملازم لملاك مبيسبهاش..لا هوا بيروح الشركه ولا هي بتروح المدرسه..وطبعا دا كان امر من مالك..وازاي هيوديها اصلا والمدرسه اتقفلت'__
*Flash back from 4days*
-'اتأكد مالك ان ملاك نامت..فطلع من الاوضه بهدوء ومن اوضته كمان عشان ميزعجهاش..وراح لحديقه القصر وهوا ماسك التليفون..واول جرس مكملش ويرد الطرف التاني وهوا بيقول':اوامرك ي باشا..
-مالك بأمر:مدرسه****عايز اسمع خبر انها اتقفلت دلوقتي قبل بكرة في الاعلام..
-'وقفل مالك من غير ما يسمع رد الطرف التاني..وفضل واقف مكانه باصص علي القمر اللي هوا متجسدله علي صورة ملاك..ابتسم بخفه وهيام..وقطع سرحانه وابتسامته التليفون اللي رن بعد10دقايق بالضبط..فتح مالك التليفون وحطه علي ودنه من غير كلام وابتسامته بدأت في الاتساع وهوا بيسمع كلام الطرف التاني اللي كان بيقول':تم ي باشا..
-'وقفل مالك التليفون ورجع تاني لاوضته..غير هدومه وخد شاور وراح لاوضه ملاك كالعاده ونام علي الكنبه قدامها عشان لو احتاجت حاجه..وخد منه وقت طويل جدا عشان يحاول ينام وهيا قدامه..ملاك..اسم علي مسمي'____#
*End flash back*
👫🌎
*تاني يوم الصبح*
*في اوضه ملاك*
-'صحي مالك من نومه بنشاط رغم انه شبه منمش..قام ودخل الحمام وخد شاور واتوضي كمان وطلع من الحمام وراح لسرير ملاك وبدء يصحيها بخفه وابهامه بيمسح علي اللي فوق حاجبها الشمال':ملاك..ملاكي يلا قومي__
-ملاك بنوم:سبني شويه ي مالك انا عايزه انام..
-'باس مالك مكان ما ابهامه كان بيمسح وهوا بيقول':يلا ي روحي عشان نفطر..
-'قامت ملاك بنصها العلوي بشبه سرعه وهيا بتقول':طب يلا انا جعانه اصلا..
-'ضحك مالك عليها وهوا بيشيلها بين ايده من غير استغراب ملاك..فهيا اتعودت..ووداها للحمام ونزلها قدامه وهوا بيقول':اتوضي براحه عشان الشاش وعنيكي..
-'هزت ملاك راسها ودخلت الحمام..وبعد10دقايق كانت طلعت ولقت مالك حاطط مصليتين علي الارض وماسك الازدال بتاعها..ابتسمت بخفه وقبل ما تتحرك كان مالك واقف قدامها وبيلبسها الازدال..وبدء بيها صلاه..هوا الامام وهيا وراه..وبعد ما خلصوا صلاه قامت ملاك ولسه هتقلع الازدال لكن وقفها مالك وايده الاتنين اللي اتحطوا تحت ضهرها وتحت ركبتها وشالوها'...
-ملاك:مالك استني اغير الازدال..
-مالك:هتنزلي بيه ي ملاك..
-ملاك:ازاي يعني هنزل ب الازدال..استني هغيره..
-مالك وهوا بيفتح باب الاوضه:انا قولت هتنزلي بيه يعني هتنزلي بيه..
-'ومن غير كلام تاني من الطرفين..كان مالك مقعد ملاك علي الكرسي جنبه علي سفره الفطار..وكان الكل متجمع..بصت ملاك للكل بإبتسامه ودوده وهيا بتقول':صباح الخير..
-فريد بمشاكسه:صباح الملاك..
-مالك بجديه:كل ي جدو كل##
-'ضحك فريد وهكذا كل اللي قاعدين علي السفره بس مالك بصلهم بلامبالاه وهوا بيمد ايده بالاكل لملاك واستقبلتها ملاك بتعود وابتسامه فقال طارق بضيق':هوا انت هنفضل كل يوم تأكلها كدا ما كل واحد عنده ايد..
-مالك بقله ذوق:ملكش دعوه..
-طارق بخفوت:ي ابن الجزمه..
-محمد بشكر مصطنع:مع حضرتك الجزمه ذات نفسه..
-فريد بضحك:خلاص بقي كلو..
-'وعدي5دقايق بس من غير كلام لحد ما قال لؤي موجه كلامه لملاك':ملاك..
-'وقبل ما ملاك تروح بنظرها لمصدر الصوت كان مالك باصص للؤي اللي قاعد قدامه فقالت ملاك':نعم ي لؤي..
-لؤي:محضرلك مفاجأه اول اما تشوفيها هتنبسطي اوي..
-ملاك بحماس:بجد اي هيا!؟
-مالك بتحذير للؤي:يا تاكل ونت ساكت يا تقوم..
-نور بخفوت للؤي:لؤي استني شويه هوا زمانه جاي..
-مالك بعقده حواجب:هوا مين!؟
-معاذ للؤي:هتضيع المفاجأه ي غبي..
-مالك وقام من علي الاكل بعصبيه وهوا بيقول:ما تقولوا في اي!؟
-'قام كل اللي ع السفره بعد قومه مالك وعصبيته علي كلام اطفال'__
-معاذ بخفوت:ي ابيه مالك دي مفاجأه محضرنها لملاك..
-لؤي:اه والله ي ابيه مالك مكنش قصدنا حاجه..
-مالك:والمفاجأه دي شخص!؟
-ملاك وهيا بتحط ايدها علي كتف مالك تهديه:مالك..محصلش حاجه لكل دا خلاص__
-'وقطع رد مالك علي ملاك..ووشوشه معاذ، ولؤي ونور مع بعض وضيق بقيت العيله من كل اللي بيحصل..صوت كرهه مالك..لكن بتحبه ملاك جدا..واقف علي مسافه قريبه من السفره وهوا بيقول':ملاك..
🌎👫🌎👫🌎👫🌎👫🌎👫🌎👫🌎👫🌎
-احمد:اهلااااا ازيك ي بشمهندس!!
-مراد بإبتسامه مزيفه:اهلا استاذ احمد..وبص لمرام بعقده حواجب وهوا بيقول:يلا اوصلك..
-احمد:سبها ي مراد اوصلها لو عندك حاجه__
-مراد بجفاء:لا شكرا..
-'ومن غير كلام زياده مشت مرام قدام مراد بسرعه للعربيه بتاعته وركبت بخوف من اللي هيحصل وركب مراد بسرعه وعصبيه وطلع بالعربيه بسرعه'__
-مراد بصوت عالي وعصبيه:هوا انا قولت اي!؟
-مرام بتشتت وخوف:ها!!؟
-ضرب مراد علي الدريكسيون بكف ايده وهوا بيقول:انا قولت اييي ي مرااام!!؟
-مرام بذبذبه:ي ي مراد ممستر احمد هوا اللي قالي ونت عارف ااانوو صاحب ببابا وونا ممقدرتش اررفض__
-مراد:تقومي تركبي ومتحطيش في بالك تحذيري..تركبي مع راجل غيري ايا كان مين هوا!!
-مرام بصداع وتعب:مراد هدي السرعه..
-'كلام مرام خلي مراد يزود السرعه اكتر واكتر..ومكنش من مرام الا انها تطلع راسها من الشباك وتستفرغ بتعب ودوخه جامده..ودا خلي مراد يركن بسرعه وينزل من العربيه ويلف الناحيه التانيه لمرام..جاب مايه ومناديل من العربيه وبدء يشربها ويمسحلها بوءها..ومرام مش حاسه بحاجه من الدوخه..راحت تنزل من العربيه كانت هتقع لولا ايد مراد اللي مسكتها..اما مراد فحضنها وهوا بيقول':انا اسف..مكنش قصدي اتعبك..اسف__
-مرام بتعب:روحني..
-مراد ولسه حاضنها:لا انا مش هسيبك الا لما تسامحيني..
-مرام:قولت روحني ي مراد..روحني..
-'وبزعل ركبها مراد تاني العربيه ولف الناحيه التانيه وركب وطلع بالعربيه ببطء رهيب'__
👫🌎
*في الكليه*
-'كمل مروان ونور اليوم بعد ما اتفقوا انهم هيخرجوا باليل..اما نوران ونورين روحوا مع نوريس عند عمتهم اللي يتعبر علي بعد شارعين من بيت العيله بتاعهم'__
🌎👫
*في بيت العيله*
-'طلع مراد لبيت عمه وهوا شايل مرام بين ايديه غصب عنها'..
-مراد:خبطي ع الباب..
-مرام:خبط انت..
-مراد:خلاص ماشي_
-'وبدء مراد يخبط علي الباب برجله فعمل صوت اعلي خلا اللي جوا البيت يفتحوا بسرعه'__
-محمد(اخو مرام الكبير عنده25سنه وبيحب نوران بنت عمه والكل عارف ماعدا هيا):اي ي عم مراد اي الترزيع دا!!؟
-مراد وهوا بينزل مرام علي الكنبه:معلش اختك تقيله..
-مرام:شلتها لي ي حبيبي طالما تقيله..
-مراد بغمزه:عشان حبيبي دي بس..
-'نزلت مرام وشها بكسوف فقال محمد وهوا بيضرب مراد بخفه علي ضهره':طب اعمل حساب اني موجود..
-مراد:يعم ما الكل عارف انها مراتي..
-'وجه صوت من جوا الاوضه وكان بيقرب منهم وهوا بيقول':هيا مين دي اللي مراتك ي واد..
-مراد:ازيك ي عمي!؟
-عطيه(عم مراد):اهلا ي ابن عبدالعظيم..
-مراد:مش هتجوزهاني بقي!؟
-عطيه:اجوزك مين ي واد!؟
-مراد وهوا بيشاور علي مرام:هوا في غيرها ي عمي هتجوز مراتك مثلا!!؟
-عليه(مرات عطيه)وهيا في المطبخ:ملها مراته ي جوز بنتي!؟
-مراد:اهو عشان الكلمتين دول ربنا يخليكي ويعلي مراتبك ويحبب عمي فيكي كمان وكمان ي مرات عمي..
-عطيه:بسرعه بقي جوز بنتك ي ام احمد!؟
-عليه:خلي العيال تفرج ي حج..
-مراد:اهو شوفت..
-مرام:متسمعش كلامه ي بابا دا واحد متخلف..طب تصدق انه مش عايز يركبني مع مستر احمد!!
-عطيه:طب متخلف واصدقها لكن ميركبكيش مع عمك احمد لي!؟
-مراد برفعه حاجب:وهيا تركب مع راجل غيري لي ان شاء الله ونا رحت فين!؟
-عطيه بإعجاب:عجبتني يالا ي مراد وعشان كدا احنا هنقرء الفاتحه بكره..
-مراد:ي عمي بنتك من ساعه اما اتولدت وحنا قارئيين فتحتنا اصلا احنا عايزين خطوه قدام ابوس راسك..
-'ضحك محمد وعطيه وعليه حتي مرام علي كلام مراد فقال محمد':لما ابقي اتجوز انا اختك ابقي اتجوز انت اختي..
-مراد بضيق وسخريه:ما تقول كمان لما يبقي مروان يتجوز نور وعامر يتجوز نورين وفهد يتجوز نوريس ابقي انا اتجوزها!!؟
-عطيه بضحك:خدتها من علي لساني والله..
-وضحك الكل تاني علي كلام عطيه ومراد ماعدا مراد اللي قال:والله ي عمي لاكون كاتب كتابي عليها بعد نتيجتها بيوم..
-مرام بإعتراض:نعم!!والخطوبه!؟
-مراد:وحضرتك عايزه الخطوبه في اي!؟
-مرام:ونا اتعرف عليك ازاي ان شاء الله!؟
-مراد بسخريه:وحيات امك!!
-عليه بكتم للضحكه:احترم نفسك ي واد ي مراد..
-مراد:سوري ي مرات عمي__
-عليه:ايوه كدا__
-'وبعد كلام كتير تاني مابين ال5افراد نزل مراد طلع مراد لبيته فوق بعد ما لقي ان كل محاضراته خلصت اصلا وهوا محضرش منها غير واحده':)__
👫🌎
*بعد العشا*
-'عدي مروان علي نور ونزلت هيا اول ما رن عليها وقالها انه تحت'..
-لبس نور..👇

-لبس مروان..👇

-'ركبت نور مع مروان وطلع مروان بيها لمكان هيا متعرفوش'_
-نور:مروان هوا احنا رايحين فين!؟
-مروان بغموض:هتعرفي لما نوصل ي نوري..
-'ابتسمت نور بخفه علي لقبه..وفضولها بيموتها عايز يعرف هما رايحين فين'_
*بعد ربع ساعه من السواقه*
-'وقف مروان العربيه وقبل ما ينزل حط علي عيون نور قماشه سمرا وخدها ونزل'..
-نور:لا مروان احنا متفقناش علي كدا..
-مروان بهمس:هشششش__
-'وكمل مروان مشي بنور وهوا ماسك ايدها اليمين بإيد واحده والايد التانيه بتاعتها ماسكها بإيده الشمال اللي ف نفس الوقت علي وسطها..وفجأه حست نور انها بتترفع شئ ف شئ..وتلقائيا قربت من مروان اكتر ومسكت فيه جامد بخوف وهيا بتقول':مروان احنا فين!؟
-مروان:متخافيش انا جنبك__
-'وسكتت نور وهيا حاسه بأمان وهيا معاه وبعد شويه صغيرين من كلامهم شال مروان القماشه من علي عيون نور..ففتحتهم هيا ورجعت قفلتهم تاني بسرعه بسبب النور المحيط بيها..ولما فتحتهم تاني بصت حواليها بإنبهار ودهشه ومش مصدقه المكان اللي موجوده فيه وبخوف قربت من مروان اكتر فإستقبلها هوا بإبتسامه عاشق نجح ف ابهار ورسم الضحكه علي وش حبيبته بخفه'______👫🌎
🌎👫🌎👫🌎👫🌎👫🌎👫🌎👫🌎👫🌎
-"وبكداpart28من روايه 'حگايتنا')🌎👫خلص"..
*توقعاتكوا عن اللي هيحصل ورايكوا في الاحداث واتمني تفاعلكوا*!
_By:'basmala yasser')💖