حكايتنا')🌎👫

-"part10"🌎👫

-انت قولتلي انك مش هتاخدها وتسافر دا كان شرط بنا!!
-ماذن..
-متفتكرش اني صغير وانك هتضحك عليا وهتاخدها مني وتمشي لا انا مش هسيبها..عايز تسافر هترجعها الملجأ تاني!!
-لالا انا عايزه كرامه عشان خاطري ي محمد انا مش هقدر مبقاش ام تاني لو سمحت!!؟
-اهدي ي اصاله..انا هتكلم مع مدام سميره وهتصرف!!
-ماذن ببرود:والله لو كلمت مين مش هسبها برده!!
-محمد بهدوء:ماشي ي ماذن ي حبيبي روحوا العبوا دلوقتي مع باقي العيال وبعديها هنتكلم!!
-شدت كرامه ماذن لبرا وهيا عنيها مدمعه..طلعوا وكرامه كملت لعب معاهم لكن ماذن رغم انو قاعد معاهم لكن عقله كان عمال يودي ويجيب ازاي هتسافر ازاي هقدر اعيش من غيرها طب هيا هتبقي كويسه لو سافرت طب مين هيحميها مين هيتأكد ان مفيش ولد بيكلمها مين..مين!!؟
*بعد يومين من ما كان ماذن عند كرامه*
-انا حضرت الشنط ي محمد ولميت كل حاجه!!
-شويه وهنلاقيهم كلهم جايين دلوقتي وهنمشي!
-اصاله وهيا رايحه ناحيه ما كرامه قاعده:كرامه حببتي انا هجبلك لعب بدل اللي لؤي كسرهالك وعد!
-كرامه بزعل:هوا انا كدا معنتش هشوف ماذن!
-اصاله بحزن علي حالها:بس تقدري تكلميه في التليفون زي ما انتي عايزه يروحي!
-كرامه:بس انا كنت بحب اشوفه!!
-محمد بعد ما قعد جنبها:اول اما نخلص شغلنا هناك هاخدك وهنرجع هنا ونشوفه تاني!!
-كرامه ببعض الامل:مش هنتأخر صح!
-محمد بإبتسامه:لا ي روح بابا مش هنتأخر')
-كرامه وهيا بتقوم بضحكه:انا هروح اقول لماذن عشان ميزعلش:)
-وراحت كرامه جري علي التليفون وسط تنهيدات محمد اللي عارف ومتأكد انو مش هيرجع اسكندريه تاني وضحكه اصاله علي ضحك كرامه اللي حسستها بأمومتها بعد سنين من العذاب............#
-الو ماما سميره ازيك..فين ماذن!
-حبيبتي كرامه عامله اي!
-الحمدلله ي ماما فين ماذن بقي..
-هناديهولك اهه ي حببتي....ريم ي ريم نادي ماذن يكلم كرامه!!
-ريم المساعده لمدام سميره:ماذن خده عم شكري عشان يوصله يشوف كرامه قبل ما تسافر ي مدام سميره!
-سميره وهيا بترد علي كرامه:هوا جالك ي كرامه زمانه في الطريق!
*جرس الباب عند كرامه يرن*
-كرامه بإنبساط:شكله جهه اهه ي ماما سميره اما هروح اشوفه باي!
-وقفلت كرامه مع سميره لما اصاله فتحت الباب واتأكدت ان دا ماذن..
-كرامه وهيا بتجري علي ماذن:ماااذننن وحشتيني!
-حضن ماذن كرامه جامد كأنه اخر مرة هيشوفها وهوا بيقول:ونتي كمان وحشتيني جدا ي كرامتي!!🌎
-كرامه:ماذن احنا هنرجع تاني ومش هنتأخر بابا محمد لسه قايلي كدا!!
-ماذن بإبتسامه:ماشي ي حببتي هستناكي!
-محمد وهوا بيقرب من ماذن:شكرا ي ماذن ي حبيبي انك وافقت!
-ماذن:وافقت عشان كرامه مترجعش تبقي من غير اب وام تاني مش عشان حاجه تانيه!
-اصاله:انت بتحب كرامه زي ما احنا بنحبها واكتر ي ماذن واكيد اللي عملته كرامه لما تكبر مش هتنساه ولا احنا!
-كرامه:كل يوم هترن من تليفون الملجأ علي التليفون هناك عشان تكلمني صح ي ماذن!
-ماذن بسرحان في اللي هيعمله:ان شاء الله ي كرامه!
*وجه وليد وعبدالله جوز ساره وهادي جوز دعاء اخوات اصاله عشان يسافروا كلهم*
-محمد وهوا بيشيل الشنط:يلا اهم جم اهم!
-اصاله وهيا بتشيل معاه:خدي عروستك ويلا ي كرامه!
-كرامه وهيا بتحضن ماذن جامد:هتوحشني اوي ي ماذن!
-ماذن وهوا بيحاول انو يكون قوي عشانها:خدي بالك من نفسك ي كرامتي متنسيش الحاجات اللي كنت بقولهالك صلي علي طول واقرأي قرأن واول اما تدخلي تخلصي الابتدائي وتدخلي مدرسه الاعدادي البسي الحجاب اكيد ي كرامه ومتقربيش من الولاد ختي اللي معاكي دول لؤي وعدي ومجد وجود لا ي كرامه وتذاكري كويس وكلي كويس وادخلي الكليه اللي نفسك فيها مش غيرها وانا هحاول اكلمك علي الرقم اللي عمو محمد ادهوني ولو معرفتش اي حاجه عايزه تقوليهالي اكتبيها في دفتر صغير عشان لما نتقابل تديهاني..وباس راسها براحه وكمل وقال:يمكن هنبعد لفتره لكن اقسملك اني هجيلك ومهما حصل هكون معاكي لحد اخر نفس فيا صدقيني انا بحبك!
-محمد وهوا عند الباب:يلا ي كرامه!!
-كرامه:حاضر ي بابا محمد..وهيا بتبص لماذن تاني:هعمل كل اللي قولت عليه ي ماذن لكن ابقي كلمني علي طول ماشي!!
-ماذن بإبتسامه:حاضر ي ستي..يلا عشان متتأخريش!
-ركبت كرامه مع محمد واصاله وماذن فضل واقف لحد ما مشيوا بالعربيات بتاعتهم.......
-خد شكري ماذن ورجعه علي الملجأ واول ما وصل دخل علي اوضه كرامه زي ما متعود من لما مشت ونام علي سريرها وهوا بيحاول يتخيلها معاه من ريحتها اللي ماليه بيها سريرها!!!
*في نفس اليوم باليل*
-وصلت كرامه علي القاهره..ودخلت ع طول نامت بدون التفكير في اي شئ..
-قام ماذن بعد ما كان نايم ومسك التليفون ورن علي الرقم اللي معاه..رن مره..اتنين..رد محمد وكان صوته نايم..اتأكد ماذن انهم وصلوا واطمن ان كرامه نامت وقفل التليفون وطلع..
-طلع ماذن من الملجأ وهوا عارف هيروح فين كويس!
.
.
.
*بعد12سنه*
-كرامه حبيبتي يلا عشان بابا يوديكي الجامعه وهوا رايح الشغل!
-حاضر ي ماما جايه اهه!!
*وكتبت كرامه اخر جمله في الدفتر اللي كانت مسكاه وكانت بتقول:وحشتني جدا ي ماذن زي ما اتأخرت جدا بس هفضل مستنياك*
-ولبست كرامه حجابها بسرعه ونزلت سلمت علي باباها ومامتها بكل حب وخدها باباها ووصلها علي كليتها*كليه الطب..قسم الطب الشرعي*.....
*وف مكان تاني داخل نفس البلد*
-هنتأخر علي الشركه ي ابني يلا!
-جيت ي حج!
-طب يلا ي ابن الحج!
-شكرا ي بابا!
-علي اي ي ولا!
-ماذن وهوا بيبتسم:عشان خدتني وربتني بعد ما جيتلك من12سنه..عشان حسستني اني ابنك فعلا من لحمد ودمك..عشان فضلت واقف معايا لحد ما وصلت للي انا فيه دلوقتي!
-عبدالهادي بدموع:اخس عليك ي ماذن في حد يشكر ابوه عشان وقف جنبه ي ابني دا انا فرحت اووي انك افتكرتني انا وجتلي انا من12سنه بعد ما رفضت اني اتبناك من13سنه انا اللي حسستني اني ليا ابن واقف في ضهري معايا ومش هيسبني وامك الله يرحمها هيا كمان كانت بتحبك اوووي..
-ماذن:الله يرحمها!
-عبدالهادي بضحك:يلا بقي علي الشركه عشان تساعدني مش هتبقي رائد علي الفاضي انت!!
-ماذن وهوا بيبوس ايد ابوه:عيوني ي حج!
*Flash back from 13years*
*بالضبط في يوم عيد اليتيم..ف ملجأ الاسكندريه*
*موجود ناس كتير بأطفالهم واطفال الملجأ كانوا اكتر*
*علي جنب واقف راجل وحاضن مراته نوعا ما مش كبار وبيبصوا علي الاطفال وهما بيلعبوا..وفجأه جت عنهم علي ولد وهوا شايل بنت صغيره وراح قعدها علي مرجيحه اطفال صغيره وبدء يهزها براحه ويضحك علي ضحكها..قرب منه الراجل ومراته براحه وهما مبتسمين وقال الراجل:اسمك اي ي حبيبي!؟
-ماذن!!
-ونتي ي صغيره!؟
-يرد ماذن:ملكش دعوه بيها!!!
-بصت البنوته لماذن بتأنيب وهيا بتقوله بصوت واطي:ماذن عيب ماما وبابا جايين يسلموا علينا!!
-وبصت البنوته للراجل ومراته وهيا بتقول:اسمي كرامه..
-ابتسملها الراجل ومراته اللي حس بيها وهيا مدمعه..وانسحبوا بهدوء لما لقوا ان ماذن رجع يمرجح كرامه تاني براحه..
*بعد فتره تعتبر في نهايه اليوم*
-لي رفضت اني اتبناك ي ماذن!
-عشان انا مش عايز اسيب كرامه لواحدها!
-بس انت مسيرك تسبها لما تسيب الملجأ دا وتروح ملجأ تاني صح ولالا!!
-لما ابقي اسيبه ساعتها ابقي اتصرف لكن طول ما انا موجود مش هسبها وامشي!!
-الراجل بحنيه:طب ي عم ماذن خد*وف ايده كارت*دا عنواني ورقم تليفوني هنا في اسكندريه انا مقيم هنا لفتره نوعا ما كبيره لو احتاجت اي حاجه تعالي ع طول ع العنوان دا ماشي!!
-ماذن:شكرا هحافظ عليه!!
-ومشي الراجل(عبدالهادي)ومراته(سنيه)وهوا حاسس ان ماذن هيجيله في يوم من الايام..
*End flash back*
🌎👫🌎👫🌎👫🌎👫🌎👫🌎👫🌎👫🌎
-وصل اسر الشركه ومن اول ما نزل وهوا مسك في ايد ومش عايز يسبها..ووسط النظرات والهمسات اللي كانت عليهم وهما داخلين الشركه كانت اثار حاطه وشها في الارض ومش عارف تعمل اي لكن اسر بص لكل الموظفين ببرود وخد اثار وراه ودخل اوضه مكتبه ورزع الباب في وش كل مستغربين وباصين عليهم.......
-اسر مينفعش اللي انت بتعمله دا..متخلينش اندم اني جيت اشتغل في شركه زي دي من غير ما اعمل search عن اللي ماسكها!!
-قعد اسر علي مكتبه وقال وهوا بيشاور علي مكتبها:مكتبك اهه شويه وهبعتلك الشغل اللي هتمسكيه!!
-دبدبت اثار علي الارض من برودة وراحت قعدت علي مكتبها وبدءت في ترتيبه واسر باصص عليها بكل حب وهيام..وبعد شويه جبلها دفتر وقعد قدامها وبدء في انه يشرحلها تفاصيل العقود اللي بنهم وبين الشركات التانيه وشروطها وبماان اثار لماحه وشاطرة ففهمت بسرعه وبدءت ف انها تشتغل ف الشغل اللي اسر وكلها بيه ورجع هوا علي مكتبه وكمل شغله وكل شويه كان يبص عليها ويفضل شويه باصص ولما يحس انها خدت بالها يرجع يبص تاني ف اللي قدامه.....لحد ما جهه وقت الbreak..سابت اثار القلم بتعب ورجعت راسها وضهرها لورا وسندت علي الكرسي..بعد كدا قامت لما حست بالجوع وكل دا وهيا مش واخده بالها من اللي بيبص عليها ومش قادر يبعد نظره عنها..قامت وهيا بتقول:هطلع اقعد في ال cafe....
-اسر:استني هاجي معاكي!!
-وطلعوا الاتنين راحوا الcafeاللي تبع الشركه وسط ذهول الموظفين من ان اسر بذات نفسه ساب الشغل في البريك وطلع الcafe..شويه وجهه عليهم ممدوح وهوا باصص لاثار بضحك وبيقول:نورتي الcafeي اثار هنشوفك فيه كل يوم بقي طالما الاستاذ اسر نقل مكتبك مع مكتبه!
-اسر وهوا باصص لممدوح بجمود:اسمها انسه اثار ي ممدوح مش اثار وخلاص كدا ثم انها مش هتطلع اصلا الcafeتاني كانت اول مرة واخر مره!!
-وبسرعه كان اسر ماسك اثار من ايدها وبيشدها وراه ودخل على مكتبه تاني بسرعه!!
-اثار بعصبيه:انت ازاي تشدني كدا من ايدي ي اسر قدام كل الموظفين دول انت مجنون!!
-اسر بعصبيه اكتر:وهوا انتي لحقتي تكلمي حد ف الشركه دا لسه اول يوم ليكي!!
-اثار:ممدوح زميلي من الجامعه وانت عارف كدا كويس دا + ان هوا اللي قايلي اجي اشتغل هنا وكنا متوقعين ان مكتبنا هيبقي مع بعض بس انت نقلته هنا!!
-اسر بغيره وتملك:مكتبك مش هيتنقل من هنا ي اثار ومش هتخرجي ساعه الbreakوهتيجي معايا وتروحي معايا ومش هتكلمي ممدوح دا تاني لو شفتيه ولا كأنك كنتي عرفاه من الجامعه دا اخر كلامي!!
-اثار:مش من حقكك انك تديني اوامر وتكلمني كدا ي اسر احنا مش بينا حاجه لكل دا ونا معتش عايزه اشتغل هنا ومن دلوقتي همشي وولا انا هشوفك ولا انت هتشوفني.....
-ولفت اثار ناحيه مكتبها وبدءت في انها تلم حاجتها عشان تمشي لكن وقفتها ايد اسر اللي مسكت كوعها جامد وهوا بيقول:مش هتمشي ي اثار واه في بينا حاجه متنسيش انك هتكوني مراتي برضاكي او غصب عنك هتكوني مراتي ولحد ما تبقي مراتي هتفضلي تيجي معايا الشركه دي ومش غيرها ولو مش عايزه تيجي مش مشكله عادي جدا يكون اريحلي بس ساعتها مش هيكون في شغل خالص في ولا شركه..فهمتي ي روحي!!
-وكانت اثار لسه هترد لكن وقفها تليفونها اللي رن وبتبص لقت اسم*مامتي*بينور الشاشه بسرعه مسكته وردت ولقت راجل غريب بيتكلم فقالت:مين حضرتك!؟
-ساعتها كان اسر واخد منها التليفون بسرعه وفتح ال speakerوبدء يسمع الراجل بيقول اي:استاذه اثار الست صاحبه التليفون دا عملت حادثه وهيا دلوقتي في المستشفي ونا لقيت حضرتك اخر مكالمه عندها فرنيت.......
-اثار قلبها وقع وهيا خايفه جدا لتخسر مامتها واول ما الراجل قال اسم المستشفي جرت لبرة الشركه ووراها كان اسر ع طول..اثار مكنتش قادرة تقول لاسر لا ركبت معاه بسرعه وطار علي المستشفي...
-وصلت اثار واسر المستشفي وراحوا سألوا وعرفوا ان كوثر مامه اثار لسه ف اوضه العمليات طلعوا وكان لسه الدكتور مطلعش منها..لقوا الراجل اللي رن عليهم واسر شكره بعد ما عرف ازاي كوثر عملت الحادثه وان العربيه اللي خبطت فيها راكنه اصلا وهيا اللي خبطت فيها والراجل اللي جبها دا صاحب العربيه اللي كوثر خبطت فيها..قعدت اثار وكانت بتعيط..قعد جنبها اسر وخدها ف حضنه وكان بيطبطب عليها وبيهديها وكانت اثار بتقول:مليش غيرها ي اثر بعد بابا مش عايزه اخسرها..
-اسر بحنيه:وحدي ربنا ي اثار ان شاء الله هتفوق وربنا هيخليها ليكي ونا هفضل معاكي علي طول ومش هسيبك!
-وكانت لسه اثار هترد بس وقفها الباب وهوا بيتفتح والدكتور وهوا بيخرج وملامحه لا تنم علي الخير ابدا................
-"تفتكروا كوثر هتموت ولا هتعيش"!؟
👫🌎👫🌎👫🌎👫🌎👫🌎👫🌎👫🌎👫
-تيتا..تيتا!
-اي ي كنوز!؟
-هوا اي الاتنين اللي واقفين تحت قدام البيت دول!!؟
-فين كدا وريني....اااااااه دول هتلاقيهم اللي ادهم جابهم عشان لو حصل حاجه!!
-يحصل حاجه اي ي تيتا محنا طول عمرنا عايشين لوحدنا.....انا هروح ارن علي ادهم دا اي دا!!
-وراحت كنوز ترن علي ادهم اللي كان ف العربيه رايح علي الشركه اللي ماسكها عن باباه(احمد الحكماوي)وفجأه رن تليفونه واسم*كنوزي*بينور الشاشه..ابتسامه غير عاديه شقت طريقها لوشه بدون اي اسباب وبدون مقدمات كان بيفتح علي طول الخط وبيقول:انا عارف ان يومي حلو جدا من اوله لاني نمت ونتي اخر حد مكلمه واخر حد شايفه!!
-كنوز لانت شويه وشبه نست الموضوع بعد كلامه ردت عليه وقالت:ايوة بقي كل بعقلي حلاوه عشان انسي اللي مكلماك عشانه!!
-ادهم:خير ف حاجه ولا اي!؟
-كنوز:الناس اللي انت جبتهم تحت دول لي ي ادهم!؟
-ادهم:جبتهم عشان لو عايزين اي حاجه تقوللهم ي كنوز!
-كنوز بتوضيح:ملهمش لازمه ي ادهم منا وفيها كنا ع طول عايشين لوحدنا ولو احتجنا حاجه بنزل انا اجيبها فملهمش لازمه كفايه ان شكلهم يخض اصلا!!
-ادهم بعقده حواجب بانت لكنوز من نبره صوته:ف حد بصلك او كلمك اصلا!!؟
-كنوز:لا انا اصلا لسه منزلتش بس شفتهم من البلكونه!
-ادهم:ماشي لو نزلتي كلميني ونا هكلم عمك خليل انهارده وهطلب منه ايدك!
-كنوز وهيا بتحاول تتهرب عشان متردش علي كلامه ودا بان لادهم من نبره صوتها:جايه ي تيتا..ادهم انا هقفل تيتا عيزاني!!
-وبسرعه كانت قفلت الخط وسط ضحك ادهم اللي وصلها قبل ما تقفل!!!
*ف نفس اليوم باليل*
-السلام عليكم..
-وعليكم السلام..مين معايا!؟
-انا ادهم الحكماوي حضرتك خليل الصاوي عم كنوز!؟
-ايوة انا خليل عم كنوز ف حاجه حصلها حاجه!؟
-هيا بخير بس انا اللي كنت عايز اقابل حضرتك عشان عايزك ف موضوع يخصها!!
-طب تمم تتفضل تشرفني ف بيتي امتي!؟
-الوقت اللي يناسب حضرتك بس يستحسن نتقابل بره دلوقتي!!
-دلوقتي!!
-اذا مناسب لحضرتك!
-تمم ماشي فين!!؟
-"قال ادهم لخليل المكان اللي هيتقابلوا فيه وكانcafe"..
-وصل خليل الcafeبعد ما ادهم وصل..
-انت ادهم الحكماوي!؟
-ايوة انا اللي كلمتك اتفضل!!
-خير كنوز مالها!؟
-طب تشرب اي الاول!!؟
-لا شكرا ولا حاجه!!
-طيب بدون مقدمات انا عايز اتقدم لكنوز بنت اخوك!!
-كنوز بنت اخويا انا!!؟
-ايوة..ف حاجه!!؟
-لا ولا حاجه..طب هيا عارفه!!
-ايوة هيا وتيتا نيرمين كمان وهما اللي ادوني رقم حضرتك عشان اكلمك!!
-طيب لو كنوز موافقه فأنا كمان موافق!
-يعني اقدر اجي امتي واجيب والدي عشان اطلبها رسمي!؟
-ممكن بكرة بعد ما اكلم كنوز واقولها لو مفيش مشاكل!؟
-تمم هاجي انا ووالدي في بيتها هيا وتيتا نيرمين وحضرتك ممكن تيجي هناك من قبلي!!
-تمم مفيش مشاكل يبقي معادنا بكرة بعد المغرب!!
-ادهم وهوا بيقوم عشان يسلم علي خليل:ان شاء الله!
-استأذنك انا بقي!!
-ونا كمان ماشي..حط ادهم حساب القهوه اللي شربها تحت الفنجان ومشي مع خليل لحد كل واحد عربيته وطلع ادهم وبعديه خليل..
-وصل خليل علي البيت وقال لابنه صابر انو لازم ييجي معاه بكرة..وافق صابر علي مضض وهوا مدايق لانه كان بيحلم ان كنوز تبقي مراته وكان عنده امل انها توافق بس كان مستني لبعد ما تخلص جامعتها لكن لسوء حظه جهه ادهم وسبقه دا غير ان كنوز مكنتش هتوافق اصلا..........
-اما ادهم وهوا في الطريق كلم كنوز وهوا يكاد يطير من الفرحه....
-الو ادهم!!؟
-كنوز وحشتيني اوي!
-انت كمان وحشتني بس شكلك مبسوط اووي خير يارب!
-ايوة جدا انا كلمت عمك وهوا هيحيلكم بكرة عشان انا كمان هاجي مع والدي عشان اتقدملك رسمي ي احلي ما في حياتي!!!
-بجد!!؟
-قالت كنوز وهيا بنط من علي السرير رايحه لجدتها في اوضتها التانيه:طبعا بجد امال دا هزار مثلا!!
-طيب هستناك بكرة باااي ادهومي!♥
-وقفلت بسرعه لانها اتكسفت من اسمه اللي قالته بالطريقه دي وجريت علي نينتها وهيا مبسوطه جدا وقالتلها الخبر ونينتها كمان عيطت من الفرحه وخدتها بالحضن ومكنتش راضيه تسبها..ماهيا اللي مربياها لان بنتها وجوز بنتها توفوا وهيا صغيره وهيا اللي اتكفلت بكل حاجه تخصها مع بعض المساعدات والمساندات من عمها...........
-جه تاني يوم واللي كنوز منمتش من كتر لهفتها انه ييجي بسرعه...
-اتجهزت نيرمين وكنوز ولقوا جرس الباب بيرن..راحت كنوز فتحت لقت عمها وابنه وحااجات كتير مسكنها..دخلوا وحضن خليل بنت اخوه..وسلم علي نيرمين بإحترام اما صابر فكان لسه هيمد ايده عشان يسلم علي كنوز بس لقي حد تاني اللي بيسلم عليه بخشونهه..وماهو الا ادهم!!#
-سلم ادهم علي صابر بدل كنوز..ولو كانت النظرات بتموت..كان صابر مدفون في ارضه دلوقتي وبنقول ربنا يرحمه كان طيب!!
-قعد ادهم ووالده قدام خليل وابنه وكنوز وجدتها كانوا قاعدين جنب بعض...
-طلب احمد من خليل ايد كنوز لادهم!!
-بص خليل لكنوز عشان يعرف ردها فقالت ووشها في الارض:اللي تشوفه تيتا وانت ي عمو!!
-بصلها ادهم وقال بصوت واطي محدش يسمعه غيرها:الله يرحم ادهومي وموافقه اللي كانت من يومين....🔥💫
-ضحكت كنوز بخفه وهيا بتسمع جدتها بتقول بعد ما سألها عمها علي رايها:انا مش هلاقي احسن من ادهم لكنوز..طبعا موافقه!!
-خليل:علي بركه الله ونا موافق!!
-احمد:يبقي نقرأ الفاتحه!!
-وبدوا كلهم يقرءوا الفاتحه وقرروا ان الخطوبه هتبقي اخر الاسبوع يعني بعد7ايام والفرح هيكون في نص السنه الدراسيه بتاعت كنوز......
-وانتهت الزياره وسط بصه العاشق الولهان من ادهم لكنوز وضحكه كنوز وانبسطها وكسره قلب صابر!!:(
-"الحكايات والروايات مش دايما بتيجي سعيده علي كل الناس..ما هيا عشان تيجي سعيده علي بعض الناس بس لازم يكون ف طرف تاني من الحكايه وهوا اللي بيكون حزين عشان الطرفين التانيين واللي هما كل الحكايه يكونوا مبسوطين..بس زي ما ربنا بيدي دول هيدي دا..زي ما ربنا خلي ادهم وكنوز مبسوطين هيخلي صابر كمان مبسوط يمكن مش مع حلم حياته بس برده هيخليه مبسوط..اصل الحلم دا مبيفضلش طول العمر..لا بينتهي لما تحققه وتبدء تحلم بحلم جديد وتحققه وينتهي وتبدء ف حلم غيره وهكذا بس مش دايما الحلم اللي بينتهي يكون اتحقق..في حلم بينتهي عشان هوا مش مكتوب للشخص اللي بيحلم..في حلم بينتهي عشان بيه هيتحقق حلم اكبر عند ناس تانيه..في حلم بينتهي عشان ييجي بداله حلم احلي واجمل وعشان تتعلم من الحلم واللي متحققش انك لازم تسعي وتعمل كل اللي تقدر عليه عشان تحققه متركنوش علي جنب ولما حد يكون تعب جدا ييجي ياخده ويحقق ليه تبدء تزعل وتقول دا كان حلمي..لا دا مكنش حلمك انت كنت سايبه عشان مكنش همك اووي كنت مهتم بغيره..فخلاص ربنا عادل ف كل شئ زي ما انت حققت احلام غير الحلم دا وكنت مبسوط بيهم والحلم دا مكنش كل حياتك ومكنتش عايش عشانه فأكيد ربنا هيحققه لحد تاني عشان هوا بيمثله كل حياته واكتر وسعي كتير عشان يوصله"....👌
-متركنوش احلامكوا علي جنب في قطر الاحلام!
-متسبوش حد ياخد الحلم اللي انتوا بتحلموا بيه وبتعافروا عشان توصلوله!
👫🌎👫🌎👫🌎👫🌎👫🌎👫🌎👫🌎👫
-لليان لو سمحتي متسبنيش..لو سمحتي مش هقدر اعيش من غيرك لو سمحتي!!
.
.
.
.
.
وفجأه...........يرجع جهاز نبضات القلب يعمل صوته العادي ويعمل شكل النبضات..وترجع كل الاجهزه تعمل..وتدل ع ان لليان لسه عايشه..كل الاطباء مصدومين ومش بيتحركووا من مكانهم..فاقوا بس من صدمتهم علي صوت ادم اللي زعق فيهم عشان يتحركوا...بدءت لليان في انها تحرك رموش عنيها براحه واول اما فتحت عنيها قفلتهم تاني بسرعه بسبب الاضاءه...حركت صوابعها براحه وجه دكتور يقرب منها عشان يكشف عليها بس وقفته بصه وقول ادم:اياك..
-هكشف عليها بس مش اكتر..
-ابعتلي دكتورة احسن..يلاا!!
-مشي الدكتور وفضل مع لليان وادم في الاوضه ممرضه..دخلت الدكتورة بعد ما الدكتور فهمها حاله لليان..كشفت عليها واتأكدت انها فاقت بس قبل ما تطلع قالت:احتماليه انها تفقد ذاكرتها لفتره بس كبيره بس هيا دلوقتي عدت مرحله الخطر الحمدلله..
-خرجت الدكتورة وطمنت ايمن ولطفي ومرام وهند اللي كانوا واقفين بره.....
-اتنقلت لليان لاوضه عاديه بس معاها الاجهزه نظرا لانها فاقت......
-بدءت لليان تفوق براحه وتحس انها في مستشفي بسبب لون كل حاجه حواليها..هيا مش فاكرة اي اللي جبها هنا ولا اي اللي حصل..طب طب هيا مين..اسمها اي..ابوها وامها مين..وازاي وصلت لهنا..عقلها مشوش..مش عارفه تفكر ولا تفتكر اي حاجه..تبص حواليها تحاول تعرف اي حاجه..وفجأه تلاقي سرير جنبها في نفس الاوضه..ف واحد نايم عليه..توقعت انو مريض عادي..لكن وشها مش غريب عليها..حاسه انها عارفاه..شيفاه قبل كدا..مش عارفه تفتكر..راسها وجعاها جدداااااا ومش عارفه تعمل اي..اااه طلعت منها غصب عنها فزعت اللي نايم جنبها..قام بسرعه وراح عندها وقال بخوف ولهفه:لليان حبيبتي صحيتي في حاجه بتوجعك قولتي اااه لي هه!!
-ادم بيتكلم بسرعه من خوفه علي لليان ومش واخد باله انها خايفه اصلا...بصاله بصه استغراب بصه فزع كأنها مش متعوده علي ده منه....
-لما بصلها ولقي بصه الاستفهام دي في عيونها وباينه من ملامح وشها ايقن انها فقدت الذاكرة............#
-"بيقولوا ان عشان تعرف حبيبك لازمك قلب مش عقل..فهل قلب لليان بس اللي هيأثر عليها وهيخليها تتطمن لادم رغم انها مش فكراه ولا فقدانها لذاكرتها هيأثر اكتر من قلبها عليها..ولا الاتنين هيفضلوا يتشاكلوا لحد ما يجهدوها ويتعبوها"!!؟
👫🌎👫🌎👫🌎👫🌎👫🌎👫🌎👫🌎👫
-"وبكداpart10من روايه 'حگايتنا')"🌎👫خلص"..
*توقعاتكوا عن اللي جاي ورايكوا في الاحداث واتمني تفاعلكوا*..!
_By:'basmala yasser')💖