حكايتنا')🌎👫

-"part23"🌎👫

*تاني يوم الساعه7الصبح*
-'يقوم كرم علي صوت المنبه ورغم تعبه لانه نايم متأخر من كتر التفكير الا انه قام عشان يصحي منه..غسل وشه وفاق نوعا ما وراح ناحيه اوضتها..خبط مرة وفتح علي طول وزي ما توقع وكالعاده كانت لسه نايمه بعمق..قرب بهدوء وهوا بيبص لبراءه ملامحها وهيا نايمه ومسك ايدها وباس كفها برقه وحنان وهوا بيقول':ياريتك تحسي بيا..
-'وبهدوء وحنان كان كرم بيهزها من كتفها وهوا بيقول':منه..منه حبيبتي قومي يلا وراكي جامعه..
-'فتحت منه عنيها بتعب وهيا بتتعدل علي السرير وبتقول':صباح الخير..
-كرم بإبتسامه:صباحو منون..
-'وبتشجيع وسرعه من كرم كانت منه قامت من علي السرير ولسه هتدخل الحمام لكن وقفها كرم وهوا بيقول':اتوضي عشان نصلي مع بعض..
-'التفتتله منه بحماس وهيا بتقول':زي ما كنا بنعمل زمان..
-'هز كرم راسه بحب وابتسامه هيام محتله وشه..وبسرعه وهوا لسه واقف باصص لاثرها لقاها بتلبس ازدال الصلاه فقال بصدمه':انتي لحقتي!؟
-منه بضحك:انت اللي محستش لما دخلت وطلعت دنا قولت انت اتخننت ونت سرحان ونت واقف كدا..
-كرم بصوت واطي:مجنون بيكي وسبحان فيكي والله ي منه..
-منه بعدم سماع:بتقول حاجه مسمعتش..
-كرم:هه اه بقول ليا عشان نلحق نفطر وننزل..
-'وبدون كلام تاني كانت منه واقفه ورا كرم وهوا امامها وبدءا يصلوا الصبح..وبحاجه بسيطه زي دي اتحققت امنيه وحلم من امنيات كرم..وهيا انه يكون امامها في يوم من الايام وهما متجوزين'__
-'خلصوا صلاه وطلع كرم من الاوضه وبدءت منه تجهز نفسها..اما كرم فراح علي المطبخ يحضر الفطار بعد ما راح اوضته ولبس بسرعه..وبفرحه اتحسس العلبه اللي ف جيبه وابتسم وهوا بيشوفها جايه عليها'____
-منه:خلصت ي حضره الشيف!!
-كرم:حضره الشيف مرة واحده..بس اه خلصت تعالي ورايا بقي..
-'وطلع كرم من المطبخ وهوا ماسك صنيه الاكل ومنه وراه وحطها علي السفره وبدءوا يفطروا وكرم بيفتح ف مواضيع..بعد ربع ساعه'...
-منه:انا خلصت..
-كرم:ونا كمان..يلا_
-منه:هدخل اجيب شنطتي بس..
-كرم:تمم..
-'ودخلت منه تجيب شنطتها وف الوقت دا كان كرم مدخل صنيه الاكل المطبخ ومطلع العلبه اللي ف جيبه وطلع من المطبخ ووقف عند باب الشقه لحد ما منه طلعت من اوضتها'...
-منه:يلا..
-كرم:منه!
-منه:نعم..
-'وهنا فتح كرم العلبه اللي ف ايده وطلع منها خاتمين مسك ايد منه الشمال ولبسهلها ف البنصر..كل دا ومنه واقفه مصدومه ومش عارفه تتكلم وبسرعه كان كرم لابس واحده ف نفس المكان':انتي مراتي ولازم الكل يعرف..
-منه:ب..بس يعني__
-كرم:لحد الوقت دا هتفضلي لبساها..
-'هزت منه راسها بقله حيله وهيا بتبص للدبله اللي ف ايدها وايده بسرحان'..