حكايتنا')🌎👫

-"part3"🌎👫

-ملقتيش غير لؤي..لؤي اللي ع طول في الشارع افرضي ابوكي عرف هه هيعمل اي قوليلي!؟
-يماما والله هوا اللي بدء.
-تقوليلي كنتي تقوليلي متخبيش عليا.
-يماما لؤي محترم ولو كلمتيه انتي براحه مش هيكلمني تاني.
-لؤي محترم ااااه منا عارفه..ماشي ي منه اما نشوف هنزل انا واكلمه براحه بس لو مسمعش كلامي هقول لابوكي وهوا بقي يتصرف.
-منه بعياط:ماشي ي ماما بس براحه.
-ونزلت مريم ام منه تتكلم مع لؤي اللي حاول يكلم منه علي التليفون عشان تقوله معتش يقربلها........ونزلت مريم ولقته واقف مع باباه في المحل.
-مريم:واد ي لؤي..تعالي اقولك.
-خالد ابو لؤي:روح ي لؤي كلم خالتك ام منه.
-لؤي:نعم ي خالتي!
-مريم بتحذير:ملكش دعوه بمنه ي لؤي منه ابوها صعب ولو عرف لا هيرحمك ولا هيرحمها هيا كمان انا بقولك اهه ابعد عنها ي لؤي.
-لؤي بهدوء عكس النار اللي جواه:بس انا بحبها ي خالتي ومش هسبها واذا سبتها دلوقتي فهرجعلها ونا كبير وهتحوزها.
-مريم:ربنا يبقي يسهلها ويدبرها من عنده وقتها ي لؤي.
-لؤي:هيدبرها ان شاء الله ي خالتي..قولي لمنه اني بحبها واني مستحيل اسبها لحد غيري مهما حصل انا هوصلها وهاخدها وهتجوزها والايام تثبتلك كلامي.!
-بصتله مريم وهيا نوعا ما مرتاحه انو هيبعد دلوقتي..ومشت......اما لؤي فضل واقف مكانه..كل شويه ييجي دافع يفضل يقويه ويشجعه انو يجتهد ويتعب ويستحمل عشان يوصل لحب حياته........وتفتكروا هل هيوصلها ولا هيتكعبل في نص الطريق وع مات ما يقوم هيكون الوقت فات!؟؟
🌎👫🌎👫🌎👫🌎👫🌎👫🌎👫🌎👫🌎
-واقفين في المطار مستنيين ناس غاليه عليهم جدا بس في مكانات مختلفه في قلوبهم..يتعلن ان الطياره وصلت..دموع اختين بينزلوا اول اما شافوا بعض من مكان بعيد..وقلب..لا مش قلب واحد..قلبين بيدقوا..بيدقوا جامد اوي..لدرجه الخوف ان في حد غيرهم ساممع صوت دق قلوبهم..المسافه بتكبر والشوق بيزيد والعيون بتدمع والقلب يدق..مش شايفين غير بعض مش عايزين غير بعض..بيقولوا التليفون بيقرب البعيد..بس لي كان بيزدهم شوق ولهفه كان بيزدهم عشق..................................................
المسافه قصرت والقلب بتكتر دقاته وذكرياات ذكرياااات كتييير بتتمثل قدام عنيهم كأنهم رجعوا صغيرين تاني شايفين في عيون بعض الحنين للماضي وذكرياته الجميله التي لا تعد ولا تحصي بينهم...سهر وسميره خدوا بعض بالاحضان......اما ابطالنا فواقفين قدام بعض لا اكتر..مش عارفين يقربوا..رغم انهم كان بيباتوا مع بعض علي التليفون..بس حاسين انهم اول مرة يشوفوا بعض..مفقوش من ذكرياتهم غير وسهر راحا تاخد عشق في حضنها وسهير راحا تاخد تيم في حضنها..ساعتها بس فاقوا وبصوا لبعض وابتسموا بشوق..وبإيد بترتعش يسلموا علي بعض..بس تيم مستكفاش..دفن عشق في حضنه مش مصدق انها بعد السنين دي كلها رجعتله عشقه رجعتله هيا في حضنه دلوقتي وعشق كمان ما صدقت وحضنته جاااامد مداريه وشها الصغير في حضنه من كتر كسوفها من الناس اللي بتبص عليهم..هيا عارفه انو مش هيهمه لكن هيا اتكسفت.....و.....واتوجعت كمان حسا ان ضلوعها اتكسرت مبقتش قادرة تستحمل وهوا مش حاسس بأي حاجه حواليه قالت اسمه بصوت واطي جدا:تيم.....
-وكأنه اول مرة يسمع اسمه ومش عايز يسمع غيره منها بعد عنها مسافه صغيره جدا وقالها بصوت واطي جدا محدش يسمعه غيرها:رجعتيلي بعد15سنهه متطلبيش مني اني استني او اسيبك تاني..وشد علي وسطها وهوا بيقول:وعقابك لسه في البيت علي لبسك!
-سرحت مع كل كلمه بيقولها مبقتش عارفه تتكلم كأنها خرصت ومفقتش غير مسكهه لايدها جامد وهما ماشيين ناحية العربيه لقت مامتها وخالتها راكبين في العربيه وبيتكلموا ويضحكوا..وصوللهم وطلع تيم بالعربيه بسرعه ووصلوا الفيلا بسرعه هيا محستش بيها..كان طول الطريق ماسك ايدها مش راضي يسيبها لدرجه ان مامتها ومامته فضلوا يضحكوا عليهم وهيا مكسوفه جدا وهوا اكنه ولا هنا وصلوا واول اما دخلوا الفيلا وقعدوا قال تيم لسهير:نورتي بيتك الجديد ي خالتي!!
-سهير:بنورك ي قلب خالتك!
-سهر:ازيك ي بت ي عشق وحشتيني والله..وألا وكبرتي وبقيتي عروسه ي بت..انا بقي اللي هجوزك!وبصت لسهير وهيا بتغمزلها.....
-عشق وهيا بتضحك:انتي وحشتيني اكتر ي خالتو بس عروسه اي بس انا لسه داخله 1جامعه!
-تيم بضيق باين جدا:قدمتلك ورقك ي عشقي بكليه الهندسه اللي كنت فيها وجاهزه اول يوم هتروحي عادي..
-سهير:اي دا انت عرفت ازاي ي تيم انها داخله كليه الهندسه ولحقت قدمتلها ورقها امتي!!
-تيم بإبتسامه:انا وعشقي كنا بنتكلم من ساعه اما نقلتوا من هنا ي خالتو فيديو ومكالمات عاديه وكل حاجه كان شئ اساسي في كل ساعه اني اكلمها!
-عشق بصتله وهيا بتضحك وبتقول:ايوة احنا كنا ع طول بنتكلم وقبل ما انتي تقولي لخالتو اي حاجه تحصل عندنا كان تيم بيبقي عارفها.
-سهر:ايوااااا عشااان كدا لما كنت بحكيلك مكنتش بتبقي مستغرب ولا بتدايق....
-عشق:ايوة كان شاطر يتعصب عليا انا بس ويدايق ويزعقلي! 😒
-تيم:كنتي انتي اللي بتعصبيني ولا انا كنت بتجنن لوحدي!
-سهير:ونا كل دا معرفش ي واد منك ليها!!
-تيم وهوا بيتعدل في قعدته:المهم ي خالتو وي ماما في موضوع مهم عايز اتكلم معاكوا فيه!!!
-"تفتكروا اي هوا الموضوع المهم اللي تيم اتعدله ومهتمله اوي كدا"!!؟
👫🌎👫🌎👫🌎👫🌎👫🌎👫🌎👫🌎👫
-لا طبعا ي جدو مستحيل اسبها تركب في الباص اللي معظمه ولاد اصلا!!
-مالك..اتكلمنا قبل كدا واتفقنا ان ملاك هنسبها علي راحتها وهيا اللي هتختار كل حاجه ف حياتها حتي جوازها منك هيا اللي هتختار اذا كانت عيزاه او لا!#
-شد مالك علي ايد ملاك اللي كان ماسكها وهوا بيقول:
-مش هسيب ملاكي ي جدو قولت كذا مرة كدا ومش هزهق وهفضل اقول ملاكي ليا واي حاجه حتي ان كانت تافهه تخصني زي ما تخصها واكتر ونا اللي هوصلها ونا اللي هرجعها وبعد سنتين بالضبط وقبل ما تدخل الجامعه هتكون مراتي ويستحيل اسبها مهما حصل..
-كل دا وملاك بصه لمالك وهيا خايفه من شكله وطريقه ف الكلام مع اكبر حد في العيله مابالك بقي معاها هيبقي عامل ازاي..تتخيل وتتصور ومخها يودي ويجيب وهيا مغمضه عنيها عن المحور عن الكلام الاساسي لكل اللي حصل وهيحصل وهوا ان مالك بيعشق ملاكه بيبقي مع الكل بيتكلم بطريقه ومعاها حاله خاصه رغم انو عنده29سنهه وهيا عندها15سنه وهوا كبير مش صغير لكن معاها بيبقي طفل متعداش عمره ال5سنين ناسيه كل دا وبتفكر بس في ازاي هيتعامل معاها وبسرعه كان خدها وقربها منه اوي وحط ايده علي كتفها لحد ما وصلوا لجراش العربيه بتاعته وطلعها وركبها ومشي بسرعه علي المدرسه بتاعتها الخاصه واللي بنات بس واللي هيا اصلا ملك العيله...وصلوا ولسه جايه تدخل لقته بيمسك ايدها وبيطلع فلوس من جيبه وبيديهلها وهوا بيقول:اول يوم مصروف ليكي بعد الاجازه..وهوا بيضحك..ملاك كمان ضحكت وهيا بتقول:بس ي مالك انت لسه مديني امبارح وهيا لسه معايا منزلتش في حته عشان تصرفها وكمان علاء مديني اول وبابا قبل ما انزلك مش عارفه في اي😹.
-مالك بعصبيه خفيفه:واي اللي خلاكي تاخدي من عمي وعلاء!!؟
-ملاك بهدوء:بابا واخويا اكيد لما يدوني حاجه مش هعرف اقول لا زي ما انت بتديني كدا!!
-مالك وهوا بيحاول يهدي:طب بصي ي ملاكي عمي او علاء يدوكي حاجه تانيه ونتي تاخديها لا مفيش حاجه تتاخد غير مني تمم..
-ملاك:مالك دا بابا وعلاء اكيد مش هقولهم لا!!
-مالك:ملاااااك انا هقولهم انهارده معدوش يدوكي حاجه ونتي كمان لو جم ادوكي هتقولي لا!!
-ملاك وهيا نازله من العربيه:حاضر!
-وقبل ما تنزل كانت لسه ايدها في ايد مالك وقبل ما تنزل..باسها من ايدها وهيا بصاله ورجع بصلها وهوا بيقول:متزعليش مني اسف لو اتعصبت لكن مبحبش حد يديكي حاجه غيري انتي مسئولة مني مش من حد تاني فهمتي ي ملاكي!&
-اكتفت ملاك بإنها تهز راسها وقبل ما تقفل باب العربيه كان مالك بيقولها:اول اما تطلعي الفصل رني عليا طمنيني ونا هفضل واقف لحد ما ترني عليا ولو احتجتي حاجه رني عليا تمم!
-ملاك بإبتسامه:تمم!
-وطلعت ملاك الفصل ورنت ع مالك قالتله وهوا مشي علي الشركه اول اما قفل معاها بعد ما اتفقوا ان مالك هيرجع ياخدها عشان يروحها برده!!!
-"تفتكروا ملاك هتكون لمالك فعلا بعد سنتين زي ما بيقول ولا زي ما الزمن بيغير النفوس بيغير الكلام"!!؟
🌎👫🌎👫🌎👫🌎👫🌎👫🌎👫🌎👫🌎
-نور..نور استني هاتي رقمك!!
-اديته لنورين ونوران ي مراد:)
-مش احنا كمان بقينا صحاب انا كمان عايزه!!
-طب ابقي خده منهم')
-اممممم..ماشي عايزه حاجه؟!
-لا تسلم! 👋
-كل دا وهما مش واخدين بالهم من اللي واقف بعيد وبيتفرج عليهم وهوا مدايق ومتعصب وعايز يروح يموت اخوه وياخدها ويمشي..مشي مراد لاصحابه ونور لسه جايه تلف وشها وتمشي اتفاجئت باللي واقف وراها ع طول وحاطط ايده في جيبه!!
-خضتني ي بني ادم!!:(
-رقمك محدش هياخده همسحه من علي تليفونات نورين ونوران ومراد لو خده انا بنفسي هاجي اكسرهولك بالتليفون كمان!!
-مين انت عشان تقول كدا..انت في حاجه ف عقلك ي بني ادم انت!؟
-نورين وهيا جايه من بعيد:مروان..واقف مع نور لي؟!
-تليفونك ي نورين!
-لي!؟
-دقيقه:)
-كل دا وهوا باصص ف عيون نور ونور كمان بصاله!
-خد من نورين تليفونها ودور علي رقم نور ولما لقاه بصله بسرعه ومسحه ع طول واداهولها..
-نوران وهيا جايه تنادي لنورين عشان يمشوا مع بنت عمتهم:يلا ي نورين عشان نوريس مستنيانا..اي دا نور مش قولتي هتمشي!!
-مروان:تليفونك ي نوران!
-نوران بإستغراب:اي دا لي!
-نورين:مش عارفه في اي!؟
-مروان:دقيقه بس!
-ادت نوران لمروان تليفونها ولما خده مسح نمرة نور كمان منه ورجع اداهولها..
-امشوا يلا ونا ومراد هنحصلكوا!
-نوريس وهيا جايه عليهم:يلا ي نورين يلا ي نوران..!
-مشيوا نورين ونوران مع بنت عمتهم نوريس وكل دا مروان باصص لنور واول اما مشيوا كان مراد بيجري عليهم عشان كان عايز يمشي معاهم وقال لمروان تعالي نمشي معاهم وخلاص بس مروان قاله لا هرجع انا بالعربيه ومشي كمان مراد وفضل مروان واقف مع نور وفجأه لقته ماسك ايدها جامد وهوا بيقولها تعالي هوصلك..نور اتخضت منه وقالتله:لا انا همشي لوحدي!
-مروان حس انو خضها فساب ايدها وقالها:اسف علي اللي انا بعمله متتخضيش بس انا معرفش مالي من ساعه ما شوفتك!!
-نور:لا مفيش حاجه انا مروحه مع السلامه!
-مروان:قولت استني ي نور هوصلك!
-نور:انا هروح انا ي مروان شكرا!
-مروان:ونا مش هسيبك تروحي لوحدك وكل يوم هوصلك!
-نور:انت لي بتعمل كدا ماكنت تمشي مع اخواتك!#
-مروان بسرعه:عشان انا حبيتك!!
-"تفتكروا اي هيكون رد نور عليه هتسيبه ولا هتقف وتتفاهم معاه هتتقبله ولا هترفضه"!؟؟
👫🌎👫🌎👫🌎👫🌎👫🌎👫🌎👫🌎👫
-"وبكدا part3 من روايه 'حگايتنا') 🌎👫خلص..توقعاتكوا عن اللي جاي ولحد دلوقتي مين اكتر ثنائي حبتوه:محمد وبراء_عمر وشهد_مالك وملاك_تيم وعشق_مروان ونور_لؤي ومنه..اتمني تفاعلكوا وشكرا "#
_By:'basmala yasser') 💖