حكايتنا')🌎👫

-"part22"🌎👫

-'ثواني..دقايق..وساعات..سنين عدت علي مالك وهوا قاعد قدام اوضه العمليات وهيا جوا..ولا دكتور طلع يطمنه..بقالهم ساعات مش عارف عددها جوا..قلبه بينهشه الخوف والفزع..كل التخيلات الوحشه تخيلها..كان الكل حواليه بعد ما عرفوا..لكن كان لوحده وهوا بيفتكر ذكرياتهم..صورتها..بس صورتها اللي قدامه..وف نص سرحانه الشديد في ذكرياتهم جت في ذاكرته ذكري ليهم من سنين وبدأت عنيه تدمع اكتر ما كانت مدمعه'____
*Flash back from 10years*
-'كان مالك وملاك بيتفرجوا علي فيلم علي الشاشه اللي ف اوضته..كانت عندها بس 5سنين وكان مالك عنده20سنه وصممت انه يتفرج علي الفيلم المشهورInside outمعاها..وقدام تصميمها ورغبتها رضي مالك بكل سهوله وبدون معارضه..وف نهايه الفيلم'.....
*كانت الطفله ايميلي عندها صديق دبدوب كان عايز يسفرها للقمر بعربيته الطائره زي ما كانت بتحلم..وبهجه لما طلعت من قاعه التحكمات بمشاعر ايميلي قابلت الصديق الدبدوب دا وهوا بدء يساعدها انها ترجع لقاعه التحكمات عشان تساعد ايميلي وكان طول الطريق بيحكلها عن احلامه هوا وايميلي وانه صديقها الخيالي المفضل وهيفضل كدا..ونص طريقهم وهوا بيحاول يرجعها..اترمت بهجه والصديق الخيالي في الذكريات المهمله..كانت الذكريات دي اللي بيضيع فيها بيختفي فجأه زيها ومش بيظهر تاني..ولما اترمت بهجه والصديق الخيالي فيها لقوا العربيه الطائره اللي كان الصديق الخيالي عايز ياخد فيها ايميلي للقمر..وبدء الصديق الخيالي يستخدمها عشان يطلع هوا وبهجه من حفره الذكريات المهمله..جربوا 3مرات يطلعوا لكن فشلوا ودا لان المسافه كبيره اوي وكمان العربيه الطائره كانت شبه بايظه..وف المرة ال4قرر الصديق الخيالي انو يضحي اكتر من كدا..وف نص طريق العربيه الطائره لبره حفره الذكريات المهمله وعشان يخليها تكمل للاخر طلع منها..وطلب من بهجه انها تكمل الكلام بصوت عالي..ومن غير ما تاخد بهجه بالها خرج منها ووقع تاني في حفره الذكريات المهمله..وف المرة دي خرجت بهجه من حفره الذكريات المهمله وبتبص وراها وهيا بتضحك وبتقول:ياهوووو نجحنا..ايي..انت فين!!؟صديق ايميلي الخيالي رحت فين!!؟
وبصت بهجه تحت في حفره الذكريات المهمله ولقت الصديق الخيالي فيها وبيختفي تدريجيا وهوا بيقول:ابقي خدي ايميلي بدالي في رحله القمر ي بهجه..
وهنا اختفي الصديق الخيالي لايميلي ومشت بهجه بحزن وهيا بتقول:هحاول..*
-'وبدون سابق انذار كانت ملاك بتعيط..بصلها مالك بحضه وهوا بيطلع وشها من حضنه وبيقول':ملاكي في اي بتعيطي لي!؟
-ملاك بعياط:لي صديق ايميلي يختفي ي مالك!؟
-مالك وهوا بيمسح دموعها:الفيلم كدا ي روح مالك عشان خاطري بطلي عياط..
-ملاك بطفوله:بس هوا كدا مات صح..طب لي انا مبحبش حد يموت..
-مالك:ملاكي لو سمحتي خلاص هوا اكيد هيرجع..
-ملاك:اللي بيموت مش بيرجع صح..يعني انا لو مت وسبتك واختفيت مش هرجع!!؟
-مالك بخضه من مجرد الكلام:مملاااك بطلي تقوليى كدا بعد الشر انا مش هسيبك ولا انتي هتسبيني..
-'وحضنها مالك جامد وهوا يكاد يدخلها بين ضلوعه وشد من حضنها اكتر لما تخيل كلامها..وعيطت ملاك اكتر فبعدها عن حضنه جزئيا وهوا بيقول':اسف ملاكي متزعليش مني بس انتي مش هتسبيني ومتقوليش كدا تاني ماشي..
-'هزت ملاك راسها بموافقه وخدها وخدها تاني مالك في حضنه وكان لسه هيقوم لكن هيا اصرت انهم هيكملوا الفيلم فرجع مالك قعد وكمل الفيلم معاها واللي اخره فرح ملاك بسبب ايميلي اللي رجعتلها جميع مشاعرها من جديد وجربتها كلها مش بس البهجه ورغم دوام زعل ملاك علي اختفاء الصديق الخيالي الا انها برده فرحت ومالك قالها انه هيرجع ييجي تاني لايميلي في احلامها ومش هسيبها ابدا'__
*End flash back*
-'وفاق مالك من الذكري دي علي صوت باب اوضه العمليات وهوا بيتفتح..قام بسرعه من ع الارض وهوا بيسأل الدكتوره بلهفه':عامله اي كويسه صح!!؟
-الدكتورة بأسف:احنا خرجنا الابره واللي واضح انها مش ابره خياطه عاديه دي ابره الكروشيه لكن للاسف ملاك فقدت عنيها اليمين يعني هيا عندها دلوقتي عين واحده بس بتشوف بيها وكمان ضعيفه لان فقد العين اليمين اثرت عليها اما العين اليمين فهيا فقدت قرنيه العين ذات نفسها..فكرنا انها ممكن تحط لنسز..هيا اه مش هتشوف بيه برده لكن علي الاقل كان هيدي شكل ع انها مفقدتش قرنيه عينها خصوصا انها لسه صغيره لكن للاسف العين ذات نفسها من الابره اتهرت وملتهبه جدا ومينفعلهاش اي حاجه..احنا هننقلها دلوقتي علي اوضه عاديه وهيفضل الشاش علي عينها اليمين بس لمده شهر بدون تغير عشان العين تلم وتجمعات الدم اللي فيها تختفي....
-'ومشت الدكتورة علي كدا وهيا سايبه مالك صدي كلامها بينزل علي قلبه زي الرصاص ومش حاسس بالارض وهيا شيلاه..وبقيت العيله اللي كانت كلها وراه انهارت بعد ما سمعت كلام الدكتوره'.....
-'وفجأه اتفتح باب العمليات تاني وخرجت منه ملاك وهيا نايمه بهدوء بجسمها الضئيل علي السرير ومتعلق عليه محاليل وعلي نص وشها اليمين شاش ابيض ماليه..ساعتها بس وعي مالك وفاق من وجعه ومسك ايدها جامد وفضل ماشي معاها للاوضه العاديه..وكانوا لسه الممرضين هيرفعوها ويحطوها علي السرير لكن سبقهم مالك وشالها بهدوء وحنان وحطها علي السرير التاني..وخرجوا الممرضين بالسرير المتحرك ودخلت كل العيله وهيا لسه بتعيط لكن وجعهم مكنش اكتر من وجع مالك الصامت..حتي مامتها وباباها مكنش وجعهم اكتر من وجع مالك..وهيكون اكتر منه ازاي واصلا مالك هوا اللي مربيها وهوا ابوها وامها وكل حاجه ليها..كان بيلعب كل الادوار اللي ممكن تحتجلهم بس عشان محدش غيره يقرب منها..وهيفضل كدا بس عشانها..ووصت السكون المريب الخالي من كل حاجه غير العياط وبس قال مالك بصوت جامد هادي ونظره لسه علي ملاك':بره......
-'سكت الكل بصدمه ومحدش اتحرك من مكانه ليعيد مالك وهوا بيغمض عينه بنفاذ صبر وصوت عالي اكتر':قولت بره....
-'وف المرة دي فعلا خرج الكل بره الاوضه وقفلوا الباب وراهم وساعتها بس قعد مالك علي الارض بركبته ولسه ماسك ايدها..وفجأه..مالك الجايد اتحول لطفل..طفل عمره ما عاش فترته حتي وهوا طفل فعلا..كانت دموعه نازله من عيونه علي ايد ملاك..ميعرفش عدي قد اي من الوقت وهوا علي نفسه قعدته دي ودموعه بتزيد علي ايد ملاك..لحد ما حس ايدها بتتحرك بين ايديه بضعف..فتح عيونه بسرعه وبص لايدها ولقاها بتتحرك تاني قام من قعدته بسرعه وهوا بيحط ايده علي شعرها وبيمسح عليه بحنيه بإيد والايد التانيه ماسكه ايدها..وف اللحظه دي بدأت ملاك تحاول تفتح عنيها لكن سريعا ما قفلتها تاني بسرعه وهيا بتقول بألم قطع قلب مالك':اااااه مش قادرة افتح عيني ي مالك اااااااااااااه..
-مالك:اهدي ي عيون مالك اهدي هيا بس هتوجع شويه عشان لسه خارجه من العمليه بس هتهدي تاني صدقيني..
-ملاك بشبه عياط:لالا مش قادرة عنيا بتوجعني اووي..
-مالك بسرعه:انا هروح انادي الدكتورة بسرعه..
-'وبسرعه كان مالك فتح باب الاوضه وهوا بينادي علي الدكتورة بسرعه..وما هي الا لحظات ولقي الدكتورة قدامه..دخلت لملاك بسرعه وفتحت عنيها الشمال وبدءت تكشف عليها بهدوء ومالك بيتابعها بتركيز وعاد لوضعيته السابقه قبل ما ينادي الدكتوره'..
-الدكتورة:عنيكي الشمال ي ملاك بتشوفي بيها تمم لكن بضعف حبتين عشان كدا مطلوب منك انك متدقكيش في حاجات اوي..وبصت لمالك وهيا بتقول:انا هكتبلها علي خروج انهارده باليل..
-'هز مالك راسه بهدوء وخرجت الدكتورة فقالت ملاك بصوت مهزوز':مالك هوا انا مش هشيل البتاع اللي علي عنيا دا انا زهقت منه..
-مالك بحنان وهدوء:لسه عينك مخفتش ي ملاكي اول اما تخف هنشيلها علي طول..ممكن بقي ملاكي ترتاح عشان نخرج باليل من المستشفي دي..
-'هزت ملاك راسها لمالك وبسرعه كانت راحه في النوم..باس مالك كف ايدها بهدوء وحنان وخرج من الاوضه وراح لاوضه الدكتورة ودخل وهوا بيقعد قدامها وبيقول بهدوء':انا عايز اتبرع بقرنيه عيني لملاك..
👫🌎👫🌎👫🌎👫🌎👫🌎👫🌎👫🌎👫
-'لف مروان لمصدر الصوت ببطء اما نور فرفعت نظرها بس للبنت اللي واقفه ورا مروان بمياعه..واول ما بص مروان لمصدر الصوت وشافها قدامه..عقد حواجبه بضيق شديد..قربت البنت بمياعه بهدومها اللي مبينه مفاتن جسمها وحطت ايدها علي كتف مروان بمياعه وهيا بتقول':مش معقول مرواني اخيرا شوفتك..
-'وف اقل من الثانيه كانت ايدين البنت ورا ضهرها بسبب مروان وقال بشراسه':ايدك القذرة دي متجيش جنبي تاني..فاهمه!!
-شري بمياعه زايده:لي بس ي مرواني دا انا شري حبيبتك..
-'بعدها مروان بإيده عنه وهوا بيقول بصوت عالي نسبيا وبيشاور علي نور':دي..دي حبيبتي دي اللي انا حبيتها فعلا دي خطيبتي ومراتي هيا دي اللي كتير عليا فعلا..
-'وف ساعتها كان واخد مروان نور من ايدها وطلع بيها من المطعم كله وسط الناس اللي قاعده..ونظرات الحقد والكره اللي ف عيون شري'__
-'ركبت نور العربيه بهدوء تام وركب مروان بعصبيه وطار بالعربيه ورغم خوف نور الا انها اصرت السكوت..وفضل صوت الهوا الشديد هوا اللي عامل حس ف العربيه لحد ما قال مروان وهدي نوعا ما':مش عايزه تسألي علي حاجه!!
-نور وهيا لسه باصه لشباك العربيه:زي!!؟
-مروان:مين دي ولي بتكلمني كدا مثلا!!؟
-نور بهدوء:لو كنت عايز تحكيلي كنت حكتلي..
-مروان:احكيلك علي اي دي فتره وعدت ونا مسحتها من ذاكرتي..
-نور:تمم كلنا عندنا فترات وعدت ومسحناها من ذاكرتنا حتي انا فمش لازم نحكي عنها..
-'وبعد الجمله دي وقف مروان عربيته علي جنب بسرعه لدرجه عملت صوت قوي هوي قلب نور عشانه..وقبل ما تجمع ثقتها بنفسها كان مروان ماسك دراعها جامد وهوا بيشدها عليه وبيقول بعصبيه':فتره اي اللي مسحتيها من ذاكرتك ومقولتليش لي!!؟
-نور بوجع:مروان سيب ايدي بتوجعني..
-مروان:انجزي اونطقي فتره اي ومقولتليش لي!؟
-نور:لنفس اسبابك الموضوع بسيط..
-مروان بعصبيه وصوت عالي جدا:نووووووور..
-'اترعبت نور من صوته وعينه اللي اسودت فجأه وايده اللي زادت من مسكتها لدراعها جامد فقالت نور بوجع ودموع:ااااااااه مروان سيب ايدي بتوجعني..
-'شد مروان من مسكه اكتر لايدها وهواومش شايف قدامه غير نفس اللي حصل معاه حصل معاها..مقدرش يشوف دموعها وتوسلاتها..كان بس شايف مواقفه..مكنش حاسس بأي حاجه غير النيران اللي لبست ف جسمه فجأه'__
-مروان بفحيح مرعب:احكي..
-نور بعياط:طب سبني..
-مروان بنفاذ صبر:بقول احكيي..
-نور بسرعه ووجع ملهوش نهايه:معشتش حاجه ي مروان معنديش فترات ولا زفت سيبني بقي..
-مروان بعدم تصديق:ونا اي عرفني اذا كنتي بتقولي كدا بس عشان تخلصي نفسك..
-نور:انا مش بكدب حتي لو اي هيحصلي مش بتثق فيا جيت خطبتني لي سبني بقي..
-'وهنا ساب مروان ايد نور فعيطت بوجع شديد من ايدها وسندت راسها علي شباك العربيه وهيا لسه بتعيط من غير صوت دموعها بس اللي بتوصف كميه وجعها..اما مروان فحط راسه علي دريكسيون العربيه وهوا بيتنفس بسرعه وصوت تنفسه عالي جدا وبدون كلام كان طالع بالعربيه بسرعه رهيبه وف دقايق كان واقف تحت بيت نور..بصلها بطرف عنيه..كانت مغمضه عنيها ودموعها نازله علي خدودها بهدوء..لفت نظره ايدها الشمال اللي بتتحرك علي دبلتها وبتحركها ف صابعها ومطلعاها من مكانها نوعا ما'..
-مروان بترقب:اياكي..
-'وهنا فتحت نور عنها وبان فيها الجمود والبرود وبصت لمروان وبحركه سريعه كان مطلعه دبلتها من ايدها ومسكتها بطرف صوابعها وحطتها قدام نظر مروان وهيا بتقول':قصدك دي؟ _____🚻_____
👫🌎👫🌎👫🌎👫🌎👫🌎👫🌎👫🌎👫
-'عدي4ساعات والكل علي اعصابه وخصوصا الشخص اللي قاعد في جنب وحاطط ايده علي راسه وكإن من غيرها مجرد سراب..وقطع تفكيره فيها باب اوضه العمليات اللي اتفتح وخرجت منه الدكتورة ووراها كان السرير المتحرك وهيا نايمه عليه..بصلها بشوق وكان بيتمني انها تفتح عينها وتبصله بس لثانيه يشوف خضار غابتها وترجع تقفلها تاني..ياخد القوه من جديد منها عشان يعرف يكمل..اتحركت من جنبه بالسرير المتحرك وممرضتين معاها وبخفه حط ايده على ايدها وحس بإرتعاشها..فإبتسم بخفوت وحب..حتي وهيا نايمه بتحس بيه..عدي السرير من جنبه وركز بكل حواسه ماعدا عينه اللي تابعت براء لكلام الدكتورة وهيا بتقول':الحمدلله تمت علي خير براء هتفضل قاعده معانا يوم هنا عشان بس ننطمن عليها وبعد اليوم دا تقدر تخرج عادي لكن زي ما قولت راحه لمده اسبوع وبعد الاسبوع دا تجيلي اعاده كشف...
-'وهنا مشي محمد للاوضه اللي دخلت فيها براء بسرعه وسايب اهلها لسه بيكلموا الدكتورة'..
-'واول ما دخل الاوضه لقي الممرضتين بيرفعوها من علي السرير فراح عليهم بسرعه وهوا بيحط ايد تحت ركبتها وايد تحت ضهرها وبيحطها بهدوء علي السرير..وطبعا مستغربوش الممرضتين ما هما عرفوا محمد من اليومين اللي كان قاعدهم مع براء..وخرجوا من الاوضه وسابوا محمد اللي مسك ايد براء وباس كفها بحنان وباس راسها وهوا بيقول':حمدالله علي سلامتك خضراء الغابه..
-'وبسرعه منه فك الطرحه الخفيفه اللي رابطها علي ايده وحطها علي شعرها وباس ايدها مرة تانيه وهوا بيقول':هجيلك تاني..
-'وبسرعة كان محمد خارج من الاوضه وقفل بابها وراه ومسافه ما مشي لاخر الطرقه كانوا اهل براء دخلوا الاوضه عندها'__
👫🌎
*بعد يومين من العمليه*
-'رجعت براء بيتها وكان معاها محمد في كل حاجه اه مش من قرب اوي لكن كانت عارفه انه حواليها في كل مكان'.....
-'وف يوم كانت قاعده على السرير في اوضتها مستنيه اصحابها كلهم ييجوا زي ما قالها محمد..وفجأه جرس الباب رن..وسمعت مامتها وهيا راحه تفتح..اتعدلت في قعدتها وهيا سامعه ترحيب مامتها بكل اصحابها ولقت الباب بيتفتح وبيدخل منه مستر حسين واصحابها وراه..وسلم الكل عليها وقعدوا حواليها وبعد شويه جبتلهم نهال مشروبات وخرجت وقفلت الباب وراها..وبعد5دقايق بالضبط وهما قاعدين لقوا حاجه بتخبط..فقامت بري صاحبه براء ناحيه الباب وكانت لسه راحه تفتح لكن وقفها صوت براء وهيا بتقول بقله حيله':تعالي ي بري افتحي الشباك دا..
-بري بعدم فهم:بس الباب بيخبط..
-براء:طب روحي افتحي الشباك الاول..
-'وراحت بري بدون فهم للشباك وفتحته واتخضت جامد ووقعت علي الارض وهيا شايفه محمد قدامها..وبتعود وخفه كان محمد جوا الاوضه وسط دهشه وصدمه الجميع فقال':مالكم!؟
-حسين بصدمه:انت اي اللي جابك هنا!!؟
-محمد بقله ادب:نفس اللي جابك ي مستر..
-براء بجديه:محمد احترم نفسك شويه دا المستر..
-محمد:اووف حاضر..
-'كان الكل مصدوم من اللي بيحصل اه هما عارفين ان محمد بيحب براء وهيا كمان لكن مش لدرجه اللي بيشفوه'..
-براء بإستغراب:صحيح فين شهد مجتش معاكوا لي!؟
-ليلي بتوتر:اصل يعني..
-محمد بسرعه:بس ي ليلي..
-براء بخوف:محمد في اي شهد مالها!!؟
-بري:براء ممكن تهدي!!؟
-براء:انا عايزه اعرف في اي جميله انتي هتقوليلي فين شهد!!؟
-جميله:طب اهدي وحنا هنقولك..
-براء:بطلوا تهدوني قولي فيها اي!!!!؟
-محمد بخوف:براء اهدي ومتعصبيش نفسك عشان انسجه عنيكي لو سمحتي..
-حسين بجديه:شهد عملت حادثه ي براء#
🌎👫🌎👫🌎👫🌎👫🌎👫🌎👫🌎👫🌎
*بعد يومين من مقابله عمر وشهد*
-'كان فيهم عمر يدوبك بيشوف شهد لما بتدخل البلكونه..وف اليوم التالت كان تمرين شريف وقال عبداللطيف لشهد تروح معاه..وافقت شهد رغم توترها وخوفها من عمر الا انها وافقت متقدرش تعمل غير كدا..وراحت لبست ولبس شريف ونزلوا..وكالعاده لقوا عمر واقف تحت البلكونه..لوحله شريف بإيده وكمل طريقه مع شهد اللي كان وشها في الارض ومرفعتوش بس شافت عمر من طرف عنيها..كملت شهد طريقها وهيا ماسكه شريف وكان فيه طريقين بتعديهم عشان توصل للملعب..كانت لسه هتعدي الطريق الاول لكن وقفهم صوت غريب عليها'..
-الولد:شريف ي شريف..
-'لف شريف واتبعته شهد لمصدر الصوت واللي كان وراهم علي طول'..
-شريف:ازي حضرتك ي كابتن وليد!؟
-كابتن وليد ونظره علي شهد:دي اختك!؟
-شريف:اه دي اختي شهد..
-كابتن وليد وبيمد ايده لشهد:ازيك ي شهد انا كابتن وليد مش فكراني!؟
-'وكانت لسه شهد بتمد ايدها وهيا بتهز راسها ب*لا*..لكن سبقها اللي ظهر من العدم وسلم هوا بدالها وهوا بيقول من بين سنانه':لا مش فكراك ي وليد ويلا من هنا..
-كابتن وليد بضحكه صفار:طب معلش ي عمر سبني انا اسألها يمكن تفتكرني..
-عمر ومسكه من تشيرته:ما قولنا مش فكراك انت متفهمش..
-'زق عمر وليد لدرجه انه فقد اتزانه ووقع علي الارض وبص لشهد وعينه بيتطاير منها الشر وبياخد منها شريف':هاتيه انا هدخله واتفضلي روحي انتي..
-شهد بعند:عمر سيب شريف انا هدخله..
-'وهنا قام وليد من علي الارض وقرب وخد شريف وهوا بيقول':هاتيه ي شهد انا كدا كدا داخل هدخله معايا..
-'مقدرش عمر يتحكم في نفسه اكتر من كدا وبسرعه كان مدي لوليد لكمه ودا وشه للشمال..وبسرعه كان وليد مدي واحده تانيه لعمر..شهقت شهد بصدمه وخوف..وكانت لسه هتقف مابنهم لكن لقت عمر شدها من ايدها وخلاها ورا ضهره..اما شريف ففجأه عيط..صعب علي وليد فخده من ايده وعدي الطريقين بسرعه ودخله الملعب واول ما غاب عن نظر شهد وعمر قالت شهد':عمر سبني بقي..
-عمر بعصبيه:نزلتي لي تاني تروحي الملعب..مش قولت منتيش دخلاه تاني..
-شهد:عمر وطي صوتك الناس بتبص علينا..
-عمر بعصبيه:مليش دعوه بالناس الناس مش حاسه بالنار اللي ف قلبي..
-'نفضت شهد ايد عمر عن ايدها وبعدت خطوتين لورا وهيا بتقرب من تعديه الطريق وقالت':عمر ملكش دعوه بيا مش كل شويه تطلعلي ف كل مكان..
-عمر بخوف:شهد بطلي ترجعي لورا قربي ونا هبعد بس قربي..
-شهد:ملكش دعوه بيا انا هروح المكان اللي انا عيزاه واكلم الناس اللي عيزاهم وانت ملكش دعوه انت فاهم______
-'وهنا كانت جايه عربيه بسرعه رهيبه ومش مقلبه نور وقربت منهم وشافها عمر بطرف عنيه وهيا كانت علي بعد كام خطوه من شهد..وبسرعه البرق كان عمر جري علي شهد واحاطها من وسطها وف ساعتها كانت العربيه خبطاهم جامد وع اثرها بعدوا عمر وشهد بعض خطوات ووقعوا علي الارض لكن بشكل غريب..كانت شهد تحت عمر واغمي عليها وراسها بتنزل دم من ورا وعمر فوقيها وايد علي ضهرها والاحد التانيه ماسكه معصم ايدها وراسه كلها مابين كتفها ورقبتها وهوا كمان كان مغمي عليه..اتجمع الناس عليهم بسرعه وبقيت العربيات اللي ع الطريقين وقفت اما العربيه اللي خبطتهم كانت جرت بسرعه مهلكه والله اعلم مين هتبقي ضحيتها التانيه'__
.
.
.
.
.
-لا حول ولا قوه الا بالله..
-حد يطلب الاسعاف ي جماعه..
-دي عايزه سنه عشان تيجي..
-معلش نحاول..
-'وبسرعه واحد من الناس اللي واقفه كلم الاسعاف وقالها علي مكان الحادثه'....
-واحد من الناس اللي واقفين:مش دي شهد بنت عم عبداللطيف..
-والولا دا مين وشه مش باين..
-طب انا هروح اقول لعم عبداللطيف عما الاسعاف ييجي..
-'واحد تاني من اللي واقفين قرب من عمر ودور ف جيوب بنطلونه اللي ورا ولقي محفظته فتحها ولقي فيها البطاقه بيطلعها فقال':دا عمر ابن الحج فريد...
-'وراح واحد تاني يقول لفريد..وف نفس الوقت كان عبداللطيف وعفاف وفريد وشيماء وعربيه الاسعاف قدام عمر وشهد..بعد عمر عن شهد بفعل رجلين الاسعاف وخدوهم الاتنين ف نفس العربيه كل واحد علي سرير ووراهم فريد وشيماء بتاكس وعبداللطيف وعفاف بتاكس'____
🌎👫
*في عربيه الاسعاف*
-'فتح عمر عينه بضعف وهوا بيحاول يفتح ويقفل ف ايده عشان يحس بالايد اللي كان ماسكها جامد..لكن محسش بيها..وساعتها استعاد جزء من وعيه..بص حواليه بعيون مزغلله ولقاها جنبه..اتفزع وحاول يقوم لكن مقدرش معرفش يقوم..معرفش يعمل اي حاجه غير انه يحط ايده علي ايدها تاني وهوا بيقول بخفوت':ش..شهد__
-'وبسرعه كان رايح تاني ف نوم عميق الله اعلم هيفوق منه امتي'_________
👫🌎👫🌎👫🌎👫🌎👫🌎👫🌎👫🌎👫
-"وبكداpart22من روايه 'حگايتنا')👫🌎خلص"...
*توقعاتكوا عن اللي هيحصل ورايكوا في الاحداث واتمني تفاعلكوا*!
_By:'basmala yasser')💖