حكايتنا')🌎👫

-"part24"🌎👫

-كنوز!!
-'قالها ادهم بهمس وصدمه من اللي شافه وقلبه بيسبقه وبيجري عليها..كانت حواليه بقعه دم شبه كبيره..بص لمكان النزيف لقاه من معصم ايدها..اما هيا فكانت مغمي عليها ومش حاسه بأي حاجه..وبسرعه كان شايلها ادهم علي ايده واسماء وراه مصدومه وخدها ادهم علي العربيه وركبها ورا وركبت اسماء جنبها وطلع ادهم بالعربيه بسرعه البرق..وف نص الطريق فتحت كنوز نص عنها بدون وعي..كان ادهم باصصلها من مرايه العربيه الخلفيه واول اما شافها فتحت عينها قال ونظره علي الطريق وف نفس الوقت علي المرايه':كنوز حبيبتي فوقي كل حاجه هتبقي كويسه صدقيني بس خليكي صاحيه عشان خطري..
-كنوز بصوت شبه مسموع وتعبان:لازم اروحلها مش هقدر من غيرها لازم..
-ادهم بصوت عالي وخوف:كنزووز فوقي انتي هتفضلي معايا لو سمحتي متغمضيش عنيكي...
-'وكإن كنوز مسمعتش ادهم وهيا فعلا مسمعتوش وغمضت عينها وكانت اغمي عليها تاني'______
*بعد فتره صغيره*
-'وصل ادهم المستشفي اللي بعيده عن بيت كنوز ونزل من العربيه وشال كنوز بسرعه وهوا ميت خوف..وكانت اسماء سبقته ودخلت المستشفي عشان تجيب مع الممرضين الترولي..ومسافه ما ادهم طلع سلالم المستشفي لقي 2ممرضين مع اسماء بالترولي حطها عليه ادهم بحزر وهوا ماسك ايدها السليمه وبيجري معاهم علي اوضه العمليات وتكونت طبقه زغللت عينه عن رأيتها بوضوح..وما هي الا دموعه'__
-'دخلت كنوز اوضه العمليات يتبها الدكتور..اما ادهم فقعد بتعب واضح علي الكرسي وهوا بيحط ايده بين عينه ورجله بتتهز بسرعه رهيبه وتوتر..قعدت جنبه اسماء وهيا بتطبطب عليه وبتقول بحنان':متخافش ي ابني هتبقي بخير والله..
-ادهم بتعب:انا خايف تسيبني انا من غيرها مقدرش#
-اسماء:ان شاء الله هتطلع انت بس ادعيلها..
-ادهم:يارب متخدش مني حياتي يارب مقدرش من غيرها يارب__
*بعد ساعتين*
-'طلع الدكتور من اوضه العمليات بتعب واضح..قام ادهم وقف بزعر وهوا بيقول':دكتور هيا عامله اي دلوقتي كويسه صح!؟
-الدكتور:مخبيش عليك بس الجرح كان عميق اوي والمريضه فقدت دم كتير يظهر انها اتأخرت عما جت..لكن بفضل الله اتبرعنلها بدم من المستشفي ودلوقتي هيا في حاله شبه كويسه لكن باين ان نفسيتها سيئه ومع ذلك هننقلها اوضه عاديه دلوقتي..
-'ومشي الدكتور بعد ما شكرته اسماء لان ادهم اتنفس بشبه راحه وسند راسه علي الحيطه وكإن هوا اللي كان ف العمليات مش هيا..ومسافه ما مشي الدكتور اتفتح باب اوضه العمليات تاني وخرجت منه كنوز وهيا نايمه علي السرير المتحرك وبيتحرك بيها اتنين ممرضين لاوضه عاديه'..
-'وصلوا كلهم للاوضه العاديه وكان لسه الممرضين هيرفعوا كنوز من السرير دا للسرير دا لكن ادهم سبقهم وشلها وحطها علي السرير التاني بهدوء شديد وكإنها كنز..وهيا كدا فعلا بالنسباله..رفع ادهم وشه للمرضين اللي لسه واقفين بتعجب من تصرف ادهم فقال':اي خلاص اتنقلت شكرا..
-'وهنا خرج الممرضين بحرج وفضل ادهم قاعد علي كرسي جنب سرير كنوز وهوا ماسك ايدها المجروحه برقه وبيمسح عليها بإيده بحنان وهوا بيقول':كدا كنتي هتسبيني لوحدي كنت هعمل اي من غيرك مفكرتيش فيا انا يتيم من غيرك كنتي عايزه تاخدي حياتي مني_____
-'كان ادهم ساند دقنه علي طرف السرير جنب ايد كنوز المجروحه اللي كان ماسكها ومخدش باله من انها كانت فتحت نص عينها بتعب ودمعه يتيمه نزلت منها وهيا بتقول بوهن':اسفه#
-'وهنا رفع ادهم راسه بسرعه وايده حاوطط وش كنوز وهوا بيقول بلهفه':كنوزي انتي كويسه صح..
-'سكتت كنوز وغمضت عينها سامحه لدموعها بالنزول'____
-ادهم بفزع:كنوز..كنوز بتعيطي لي ف حاجه وجعاكي..طب لحظه هنادي الدكتور__
-'وقبل ما يتحرك ادهم كانت كنوز ماسكه ف قميصه بإيدها السليمه وهيا بتقول ولسه بتعيط':خليك معايا...
-'عرف ادهم انها بتعيط علي اللي حصل فقرب منها بهدوء ومسك ايدها اللي ماسكه ف قميصه وباسها بحنان وقرب منها اكتر وهوا بيحاوط كتفها وبياخدها ف حضنه وبيطبطب عليها بحنان وبيهديها..وبدون سابق انذار اتفتح الباب ويدخل منه احمد وخليل وصابر ومعاهم اسماء..حاولت كنوز انها تبعد عن ادهم لكنه خدها ف حضنه اكتر وهوا بيبص بعقده حواجب لصابر اللي نزل راسه بغضب وزعل واضحين بالذات لادهم..وراح خليل لكنوز بسرعه وهوا بيمسك ايدها السليمه وبيبوس راسها وبيقول':لي ي كنوز ي حبيبتي تعملي كدا لي عايزه تموتي كافره مش حرام..
-'مرضتش كنوز عليه ولسه دموعها نازله فخد ادهم ايدها السليمه من ايد خليل وحطها ف ايد ومسك ايدها المجروحه برقه وحطها ف الايد التانيه وقعد علي الكرسي اللي كان قاعد عليه ولسه ماسكها برقه وبيمسح عليهم بإبهامه'.....
-احمد:عامله اي دلوقتي ي حبيبتي..
-'هزت كنوز راسها بمعني كويسه فقال صابر':انتي لازم تيجي تقعدي معانا ي كنوز كدا مش هينفع...
-'بصله ادهم بصه اخرسته فسكت علي مضض ليكمل خليل ويقول':-اه خلاص هيا هتطلع معانا من المستشفى علي البيت..
-ادهم ببرود:بس كنوز مش متحركه من بيتها وراحه بيت حد تاني..
-خليل:انا عمها ي ادهم بعدين انت بتتكلم كدا بصفتك اي انت لسه خطيبها..
-ادهم:حتي لو مش هسيبها تروح تقعد في بيت مع اتنين رجاله#
-صابر:اتنين رجاله اي دا عمها ونا ابن عمها مش غرب احنا..
-'بصله ادهم بطرف عينه من غير ما يرد عليه وهوا بيقسم جواه انه من عاشر المستحيلات يسيبها تعيش مع الصابر دا في نفس البيت..وبص لكنوز تاني ولقاها نامت من غير ما حد ياخد باله فعدلها وهوا بيشاور للكل انه يطلع بره..واتبعهم بعد ما باسها بحنان علي راسها وهكذا مع ايدها المجروحه والسليمه وقفل الباب وراه وطلع..واول ما طلع قال بقوه':انا هكتب علي كنوز وانهارده_________#
👫🌎👫🌎👫🌎👫🌎👫🌎👫🌎👫🌎👫
-من لما وعينا علي وش الدنيا وحنا مع بعض..مفارقناش بعض لحظه..ولحد سن ال10سنين كنا بنام ف نفس الاوضه يوم عندي ويوم عندك..كنا زي التؤام مبنمشيش غير مع بعض..دخلنا نفس الحضانه وبعديها نفس المدرسه الابتدائي وجينا ف الاعدادي والثانوي وكل واحد راح مدرسه..انا اتضايقت واتعصبت ازاي مش هتكوني معايا ف نفس المدرسه لمده6سنين!؟لكن بعد كدا فهمت وعرفت انك مينفعش حد يشوفك غيري..كنت برده معاكي طول ال6سنين ماعدا فتره المدرسه..وجينا للجامعه..انا كنت خايف منجبش مجاميع تخلينا ف كليه واحده مكنتش هعرف اسيبك لوحدك اكتر من كدا بس ربنا كان حاسس بيا وخلى مجامعنا شبه زي بعض ودخلنا كليه واحده..عمري ما انسي ان من اول دخلنا فيه وحنا ماسكين ايد بعض وكل الناس مفكرانا مخطوبين انا عمري ما انسي كلامهم اللي خلاني امسكك بتملك اكتر واخليكي متكلميش حد ولا تحتكي بأي حد..وعدينا3سنين الجامعه ونا ببعد عنك اي جنس د** يحاول يقرب منك..بس قدر ربنا ان يتقدملك زفت عريس..كنت حاسس ان ف نار بتولع جوايا مكنتش عالم بأي حاجه غير ان ف حد بصلك ونا معاكي..وقبل ما عم ايمن يتكلم كنت انا طارده..ومشينا انا ونتي نتفاهم واتفاهمنا واتفقنا اننا خلاص هنتجوز..لكن يشاء قدر ربنا مرة تانيه انه يمتحن حبنا..وعملنا حادثه..ونتي فقدتي الذاكرة..كنت خايف متفتكرنيش وتنسيني..لكن حبنا كان حقيقي..ذاكرتك نستني بس قلبك لا..اليوم دا انا مشيت ونا شايل هموم الدنيا كلها علي كتفي..بس فجأه ومن رحمه ربنا بيا لقيتك بترني ونتي بتسأليني اذا كنت انا ادم ولا لا..انا مش قادر اوصف مشاعري اليوم دا..بس جريت علي الفيلا هنا وطلعتلك من غير كلمه مع اي حد..ولقيت نفسي بترمي ف حضنك..و..وبعيط_لليان انا بحبك اووي..مش بس بحبك انا بعشقك..عشق ملوش نهايه..انا عارف انك حاسه بيا..زي ما عارف ان حياتي من غيرك سراب وان انتي الحقيقه الوحيده اللي فيها________#