حكايتنا')🌎👫

-"part31"🌎👫

*بعد6سنين*
-يلا بقي ي حبيبتي هنتأخر..
-خلصت اهه ي حبيبي__
-'وخرجت براء من اوضتها بسرعه وراحت ناحيه محمد فقال بهيام':براء هوا احنا لازم نروح!؟
-براء ببراءه:ايوة طبعا ي محمد يلا بقي__
-محمد:طيب بس لا مش هتنزلي كدا..
-براء:كدا اللي هوا ازاي ي حبيبي بس!؟
-محمد:انتي حلوة اوي ونا بغير لا مش هنروح كلميها قوللها معرفناش بعدين احنا اصلا لسه متجوزين قريب هنروح لي!؟
-براء:ي محمد ي حبيبي شهد عايزه تعزمنا كلنا لاننا كنا متواعدين ان بعد ما كلنا نتجوز هنعرف حبيايبنا علي بعض عشان يكونوا هما كمان صحاب..
-محمد:اوووف بقي الواحد ميعرفش ينفرد بمراته!!!
-براء بدلع عشان تأثر عليه:يلا بقي ي روحييي عشان خاطري..
-محمد بحنق:قسما بالله ي براء ان ما اتعدلتي ما هنروح في حته خالص لمده شهر كمان#
-براء بضيق:انت مش بتزهق ي حبيبي!!
-محمد بحب:طالما انتي معايا يبقي هزهق من اي__
-'ويقطع اللحظه تليفون براء وتكون شهد بتستعجلها'..
-براء:يلا بقي ي محمد عشان خاطري مستنينا..
-محمد:امري لله..هاتي ايدك__ومسك محمد ايد براء وخدها ونزلوا من شقتهم..وركبوا العربيه وطلع محمد بيها علي بيت شهد__

*نوضح بقي*🌚
-'محمد وبراء اتجوزوا من شهر..اه كانوا مرتبطين طول ال5سنين دول وفي السنه التالته ليهم في الجامعه راح محمد اتقدملها..وتدخل حسين مابين العيلتين عشان يأكد الموافقه..وبعد موافقه اهل براء علي محمد وتحت ذنه عملوا كتب كتاب علي طول..وبعد سنه كمان من الجامعه وكانت اخر سنه اعلنوا جوازهم..اما اللي عزماهم دي شهد..بطله الحكايه التانيه واللي هنعرف اي اللي حصل معاها بس في حكايتها..خلينا دلوقتي مع محمد وبراء'__:)

*عند بيت شهد*
-'وصل محمد وبراء وطلعوا البيت واتفتح الباب بسرعه فتظهر منه شهد وتضحك لبراء بشوق ويترموا في حضن بعض بمحبه صحاب واخوات'__
-شهد:اييي خدتها مننا شهر لا تليفون ولا مقابلات ولا اي حاجه!؟
-'وبتملك حاوط محمد وسط براء وهوا بيقول':مراتي ونا عايزها لوحدي__
-اهدي ي عم العاشق عليها دا كل اللي جوا دول متجوزين بعد بهدله ي عيني منهم العبدلله..
-'كان دا كلام عمر اللي جه يسلم علي محمد وف اخر كلامه بص لشهد بمعني اني فعلا اتبهدل علي ما اتجوزها..فضحكت هيا متذكره كل اللي حصل بينهم من5سنين..وعشان تهرب من اللي هيعمله معاها عمر..مسكت ايد براء بسرعه وهيا بتقول':الشله كلها جوا تعالي يلا__
-'وكانت لسه شهد هتسحب براء وراها لكن وقفها ايد براء التانيه اللي ماسكها محمد من لما نزلوا من بيتهم'__
-شهد:سيبها في اي!؟
-محمد:لا مش هتبعد عني__
-شهد بإستفزاز:حبيبها السري مش جوا هوا..
-محمد لعمر:خد مراتك وابعد عني بدل ما انفجر في وشها__
-عمر لمحمد:لا متقدرش انا معاها..
-براء لشهد:اوباا هيمسكوا في بعض!!
-شهد:اوبسس عمر ومحمد العزومه فاكس..
-'كانوا براء وشهد بيتكلموا غافلين عن الغمزات بين عمر ومحمد فقال محمد لنبره لعوب خلاها عاليه بعض الشئ':واااه ي عمر انسه صفيه عملت اي في قضيتها!؟
-'هنا وانتبهت كل حواس شهد وهيا رافعه حاجبها بتساؤل فقال عمر من بين سنانه لمحمد':الله يحرقك ي شيخ ويحرق معرفتك..
-'كتم محمد ضحكته بإعجوبه فقال التاني بخبث':لا ي عم سيبك منها بس اختها الصغيره انسه سيلا سألت عنك__
-'وهنا اتحولت نظرات التاني من الشماته للتوتر وانتبهت كل حواس براء وبقت نسخه شهد تماما في رافعه حاجبها فقال محمد من بين سنانه خلي ضحكه عمر تطلع وميقدرش يخبيها':الله ياخدك يبنتي هتأخر خلفه عيالي اكتر واكتر ما هيا ناقصاك بروح امك_!
-'ضحك عمر جامد زاد من استفزاز براء وشهد فقالت شهد':انتوا اتطرتوا من العزومه يلا بره..
-محمد:اه يلا واهو بلاها تضيع وقت يلا ي براء_
-براء بإستفزاز:هيا قالت انتوا يعني انت وهوا مجبتش سيره براء!
-عمر برفعه حاجب:ومين قال اني همشي والجرمق دا كلو جوا طلعيلي الشباب وبراحتك بعد كدا..
-شهد:لا ي حبيبي روح لانسه صفيه وهيا تديك الشباب اللي انت عايزه اما اللي جوا دول ملهمش زنب اصلهم بيحبوا مراتتهم..
-براء:يلا ندخل تعبت من الوقفه__
-محمد بخوف وقلق:براء انتي كويسه نروح لو عايزه!!؟
-براء:لالا متقلقش ي حبيبي انا كويسه بس عايزه اقعد..
-شهد:تعالي ي حبيبتي يلا ندخل_
-'ودخلوا كلهم من قدام باب الشقه ويقوموا البنات كلهم علي براء يحضنوها بشوق وهكذا الشباب مع محمد'__
-بري:وحشتيني اوي ي حبيبتي..
-براء:انتي اكتر ي بري والله_
-جميله:هوا شهر العسل بيحلي كدا!؟ولا يكنش محمد!!؟
-براء:طول عمرك منحرفه ي صحبتي..
-ليلي:لالا دا انا احسد ابن عمي عليكي بقي!!
-براء بغيره:طب ابقي فكري تبوصيله..
-ليلي بضحك:هتبقي انتي وابن عمتك عليا لا كدا كتير..
-'وضحكوا كل البنات فهما بقالهم كتير متقابلوش واشترك معاهم الشباب وكل واحد قاعد جنب حبيبته فتقول براء':فين عيالكوا وحشوني..
-شهد:استني هجبهم من اوضه الالعاب..
-'وراحت شهد واللي راح وراها عمر طبعا لاوضه الالعاب وجابوا العيال كلهم وخرجوا بره تاني..اما التانين فراحوا علي براء بسرعه وهما بيترموا علي براء وبيحضنوها'__
-براء:ياااي وحشتوني اوي كلكم..
-ونتي وحستيني اكتي ي خايتو..
-محمد بعقده حواجب:محمد مجد مصطفي ومالك تعالوا..
-'وراحوا الاربع صبيان ناحيه محمد اللي قال':انا قولت اي اخر مره!؟
-مالك:عمو محمد احنا بنحب خالتو براء وبنحب نسلم عليها..
-محمد:طب ما تسلموا عليها مش لازم الاحضان والبوس في كل حاجه..
-مصطفي:هيا مبتقولش حاجه فملكش دعوه بقي..
-محمد:يااا ست ليلي يااا استاذ بلال لموا ابنكوا بعيد عن مراتي بقي..
-'وف ثانيه كانوا كل اللي قاعدين ماتوا من الضحك وشاركتهم براء اللي بتضحك علي غيره حبيبها الزايده اما محمد ففضل يبص للاطفال اللي مثلوا الضحك والوقوع علي الارض زي الباقيه بضيق'__
-محمد:لالالالا خلاص انا مش عايز ولاد انا عايز خلفتي كلها بنات..
-مصطفي:ااه عشان انا اتجوز بنتك..
-ضحكوا اللي قاعدين تاني فخبط محمد كف بكف وهوا بيقول:هوا انت لا عاتق مراتي ولا هتعتق بنتي!؟
-مصطفي:ماهيا هتكون مراتي انا كمان..
-محمد بضيق:ليلييييي بلالللل خدوا الولا داااا..
-'وهنا جت شهد من المطبخ ووراها عمر اللي قال':يلا ي جماعه الاكل جاهز..
-'وبسرعه قام محمد ومسك ايد براء وكإنه بيسابق العيال عشان محدش يقعد علي رجلها او جنبها كالعاده'__