حكايتنا')🌎👫

-"part27"🌎👫

-'سكوت حاد..تنفس سريع..عضلات اتشنجت..فك اتصلب..ايد اتشكلت كلكمه..حواجب اتعقدت واخيرا..زعيق يهد الحيط..وترزيع وتكسر في اي حاجه'__'كلها انفعالات تجسدت علي مالك في ثواني..الجمله بتتعاد بصدي في خياله*همشي انا وهنيه وعلاء وملاك..وملاك..وملاك'__'صدي بصوت عالي خلاه مطروش عن اللي بيحاولوا يهدوه من بعيد خوفا من عصبيته..ودنه اتطرشت عن كلامهم اه..لكن ازاي قلبه يطرش عن صوتها وهوا اللي بيسمعها ويحس بيها من علي بعد بلاد وبلاد'___!
-مالك بزعيق وتكسير:انت اتجننت اكيد اتجننت ملاك مين اللي تمشي معاك!؟ملاك متخصكش هيا مش بنتك ملاك بنتي انا وتخصني انا..محدش له الحق انه ياخدها مني..ولو مشت من الزفت القصر دا يبقي مش هتمشي غير معايا انا..انت فااهم!!؟__
-فريد بصدمه ملهاش حدود:مالك في اي كل دا عشان كلمه!؟
-مالك بزعيق اكتر:محدش له دخل..وابقي اشوف حد عند عتبه اوضتها فوق صدقوني مش هرحمه#
-'وهنا سمع ماذن من وسط زعيقه وتكسيره في اللي ييجي قدامه صوتها اللي واقف قدامهم عند اخر سلمه..صوتها اللي باين عليه العياط..رفع عينه لمكانها وهوا لسه ف قمه عصبيته..ولفت انتباهه حاجات كتير..ايدها اللي محطوطه علي عينها المجروحه..شعرها اللي مش عليه حجابها..بچامتها الخاصه بالنوم واللي مانع اي نزول بيها'__'جري عليها ماذن..والكل اترعبوا علي ملاك واللي اكيد من نظرهم ليها نصيب ولو صغير من غضب وعصبيه مالك دلوقتي..الا ان المفاجأه كانت كبيره عليهم لما مالك حاوط ملاك كلها بجسمها الضئيل وقصرها الزايد بحنان وهدوء..متحول لشخص تاني تماما قدامها'___
-مالك بحنان وهدوء:هششش اهدي ي ملاكي..اي اللي صحاكي!؟
-ملاك بعياط:صوتك عالي اوي وسمعت صوت تكسير وزعيق خوفت فنزلت..
-مالك بحده خفيفه:وينفع تنزلي بالمنظر دا!؟
-ملاك بتوتر:م ملحقتش ااعمل حاجه..
-'ومن غير رد كان مالك شايل ملاك بين ايده وطالع بيها لاوضتهم..ضارب بكلام طارق عرض الحيط'__
🌎👫
*في اوضه ملاك*
-'دخل مالك ملاك اوضتها وحطها علي السرير بحرص وقعد جنبها علي طرف السرير وايده بتمسح علي شعرها بحنان وهوا بيقول':ممكن بقي ملاكي الصغير ينام!!
-ملاك:كنت بتزعق لي تحت!؟
-مالك:ولا حاجه مشاكل بس ف الشركه..
-ملاك بشبه نعاس:مالك خليك جنبي لحد ما انام_
-مالك بتأكيد:انا جنبك العمر كله ي ملاكي..
-'وهنا غمضت ملاك عينها براحه لانهائيه واحساس الامان والدفئ مسيطر عليها تماما زي كل مرة بيكون جنبها'__#
👫🌎
*تاني يوم الصبح*
-'صحي مالك بتعب من نومته اللي خده النوم وهوا قاعدها جنب ملاك..حرك راسه يمين وشمال وقام بهدوء وهوا بيبوس جبين ملاك وبيغطيها كويس..لكن اتسعت عينه بصدمه اول ما لمست شفايفه جبين ملاك..فيحط ايده بسرعه مكان شفايفه ما كانت وفعلا اتأكد..فراح يضرب ايده بخفه علي وش ملاك وهوا بيناديها بهدوء مخبي رعب وخوف حقيقي..لكن همهمت ملاك بخفوت ورجعت تاني لنومها بسرعه..وف ثواني كان مالك مطلع تليفونه ومتصل بالدكتورة وبسرعه وقايلها تيجي ف5دقايق..ورجع لملاك تاني ودخل حمام الاوضه وعمل كمادات ورجعلها تاني ويدوبك عملها كام مرة ولقي الدكتورة داخله ومعاها هنيه والباقي كلهم لسه ع الباب..فسبق مالك وراح قفل باب اوضه ملاك ف وش الكل ماعدا هنيه اللي دخلت مع الدكتورة وهوا بيقول':محدش هيدخل خليكوا هنا__#
*بدءت الدكتورة تكشف علي ملاك اللي بتتكلم بخفوت بدون وعي*..
-الدكتورة:متقلقش ي استاذ مالك هيا بس واضح انها لسه طالعه من جروح وعمليه صعبه فالحراره دي نتائج من الجروح والادويه بس مش اكتر..
-مالك:طب افضل اعملها كمادات!؟
-الدكتورة بصدمه واضحه جدا:حضرتك اللي هتعملها!؟
-مالك برفعه حاجب وسخرية:امال انتي!؟
-الدكتورة:مش قصدي يعني اسفه بس اه تفضل تعمل كمادات وتدريجيا هيا هتخف..
-'وفتحت الدكتورة الباب وخرجت من الاوضه ومن القصر..فدخلوا الباقي اوضه ملاك بسرعه بخوف وقلق عليها فبصلهم مالك وهوا بيفقد اعصابه وبيقول':استنوااا....
-'وقف الكل بإستغراب فراح مالك بسرعه غطى ملاك كويس جدا لحد دقنها وشد طرحه من درجها اللي جنب السرير ولبسهلها علي شعرها بسرعه وهوا بيبصلهم تاني وبيقول':هيا كويسه الحمدلله تقدروا تخرجوا ونا ههتم بيها..
-طارق:مش خارج دي بنتي..
-هنيه:لا انا هفضل جنبها..
-مالك:ونا هعملها كمادات ف يلا بره..
-ثريه بحده:مالك احنا سبنالك الحبل ع السايب بقي عشان تتصرف وتتكلم بالطريقه دي!!
-مالك ببرود:الصوت عشان ملاك متتفزعش__
-فريد بصدمه:انت اي ي ابني كتله من البرود والجمود وقله الذوق..ملاك تخصنا قبل ما تخصك انت مجنون!؟
-مالك بصوت عالي بدون قصد وعصبيه:ملاك متخصش حد غيري انا قولت مرة وادي التانيه التالته هقولها بطريقه تانيه__#
-محمد:ماالك احترم نفسك شويه انت راجل عنده30سنه يعني كبير مش صغير علي الحركات دي!!
-مالك ببرود اكتر:هتخرجوا وتسيبوني اعملها كمادات ولا اخدها انا واخرج واسيبلكوا الاوضه!؟
-'لحد هنا ومفيش حد اتحمل..كلو خرج من الاوضه بحنق بالغ للسما حتي هنيه خرجت لما لقت ان حراره ملاك بدءت تخف تدريجيا'______
-'وقفل مالك الباب وراهم وراح قعد جنب ملاكه'__
🌎👫
*في حديقه القصر*
-'اتجمع الكل فيها من بعد من نزلوا من اوضه ملاك ومالك واتحول حنقهم لزعل جامد علي حياتين..اولا حياه بنتهم اللي هيضيعها مالك..وثانيا حياه ابنهم اللي بالفعل ضيعها مش لسه هيضيعها..ويقول فريد سرحان':كنت مفكر انها مراهقه شاب مع اصغر بنت في العيله كلها لكن اتأكدت انها عمرها ما كانت مراهقه او نزوه_____#
🌎👫🌎👫🌎👫🌎👫🌎👫🌎👫🌎👫🌎
-'عدي كام يوم من خناقه مروان ونور وهما بيتعاملوا عادي..لا مروان حكى لنور علي حاجه ولا هيا سألت تاني وقالت انه لو عايز يحكلها هيبقي يحكلها في اي وقت مهما ان طال..مكنش فيه اي احداث زياده..غير ان حب مروان بيكبر..ونور تعلقها بيزيد'___#
🌎👫
*في الجامعة*
-'كان مروان ونور قاعدين في البنش الاول وجنب نور نوريس ونوران وجنب مروان مراد..والدكتور بيشرح عادي..وبعد فتره خلصت المحاضره وقبل ما نور تقوم من مكانها كان الدكتور بيخرج من القاعه..فتضرب نور دماغها علي سرعتها ولاحظها مروان فقال':في اي ي نور!؟
-نور:كنت عايزه اسأل الدكتور علي حاجه بس مشي بسرعه..
-مروان:طب مش فاهمه اي ونا افهمهولك!؟
-'اعتدلت نور في قعدتها وشاورت لمروان علي علي جزئيه في دفترها وبدءت تقول اللي الدكتور قاله بالضبط..ومروان مركز معاها تماما..وبعدين بدءت تشرح في اللي الدكتور قاله بعد فتره من شرحه للجزئيه الاولي..وبعد ما خلصت قالت':الكلام متناقض قصدي من كل الكلام دا ونا بقي اتلغبط انهي صح وانهي غلط ومش هتأكد الا لما اروح للدكتور اسأله_
-'مسك مروان ايد نور وخدها وراه بدفترها وهوا بيقول بإبتسامه حب':عندك قوه ملاحظه ي نور ربنا يحرصك ويحميكي..
-'وراح مروان بنور قدام مكتب الدكتور وخبط ودخلوا هما الاتنين فقال الدكتور':خير نور ومروان في حاجه!؟
-نور بتقدم:لو سمحت ي دكتور يحيي ممكن حضرتك تعيد اول جزئيه واخر جزئيه شرحتهم انهارده!!؟
-'بدء يحيي يشرح الجزئيتين بنفس الطريقه ومكنوش مختلفين عن بعض زي ما حصل في القاعه..وساعتها فتحت نور دفترها وهيا بتقول':حضرتك قولت كدا في السكشن فأنا اتلغبط..
-'وقرء يحيي كلام نور بتعجب واعجاب شديد فقال':فعلا عندك حق انا اتلغبط في السكشن وقولت كلام متناقض برافو عليكي ي نور عندك قوه ملاحظه ماشاء الله ربنا يحميكي..
-نور بإبتسامه بحلق فيها دكتور يحيي:شكرا ي دكتور..
-'وخرجت نور ومروان من اوضه دكتور يحيي فإنتبهت نور لسكوت مروان وتغير ملامحه فقالت بإستغراب':مالك ي مروان اتغيرت فجأه لي!؟
-مروان بسرعه ادهشت نور:انتي اي اللي خلاكي تبتسمي هوا قال اي يخليكي تبتسمي!؟
-نور بتوضيح:ابتسمت مجامله بس لكلامه مش اكتر_
-مروان بعقده حواجب:لا مجامله ولا بتاع تبتسميله لي انتي بصفته اي ان شاء الله....
-نور بتهديه:خلاص ي مروان حصل خير..
-مروان ولسه ع حاله:محصلش زفت خير..مش خير انك تبتسمي لحد ايا كان مين هوا..دي اخر مرة هحذرك ي نور ودا اخر كلام عندي..
-'هزت نور راسها بسرعه وهيا بتداري ضحكه كانت هتفلت منها علي منظره الغيور لكن كتمتها في سرها'__
👫🌎
-'نسيب مروان ونور شويه ونروح لناس تانيه'__
*في مكالمه علي التليفون*
-لا طبعا مفيش ركوب مع حد دي مش محتاجه سؤال_
-'قالها مراد بسرعه وحده لمرام اللي معاه ع الخط..فترد هيا وتقول بصوتها الرقيق الناعم':طب اعمل اي معاه ي مراد عيب..
-مراد بعصبيه:هوا اي اللي عيب ي بت انتي..مرام خليكي مكانك متتحركيش5دقايق بالضبط وهكون عندك__
-مرام:يوووه ي مراد..
-مراد:قسما بالله ي مرام ان جيت وملكيش عندك لتكون ليلتك سوده..
-'وقبل ما مرام تنطق كان مراد قافل واتحرك بسرعه للعربيه'__
🌎👫
*عند مرام*
-'كانت واقفه قدام سنتر الدرس بتاعها وبتعد مين هيطلع ومين هييجي الاول..المستر بتاعها اللي صاحب باباها وقالها انه هيوصلها..ولا مراد ابن عمها اللي حذر بشر باين من نيره صوته'(
-'كانت واقفه علي اعصابها وبتدعي ان مراد ييجي الاول وينقذها من كميه الحرج اللي هتتحط فيه دلوقتي..لكن يشاء القدر ان المدرس هوا اللي يطلع الاول فيقول وهوا بيقفل باب السنتر بالمفتاح':اتأخرت عليكي ي مرام!؟
-مرام بتوتر:هه لا ي مستر مفيش..مفيش حاجه..
-احمد:طب يلا بقي اوصلك في طريقي..
-مرام:طيب ي مستر بس مراد قالي انه جاي ياخدني..
-احمد بتذكر:مرااد ياااه بقالي كتير مشوفتوش الولا دا بقي في سنه كام دلوقتي!؟
-مرام ببطئ عشان تأخر الوقت:مراد في كليه هندسه دلوقتي هوا ومروان ونوريس ونورين في سنه اولي..
-احمد:لسه برده قدامه مشوار كبير..
-مرام بتوتر:اهاه..
-احمد:يلا اركبي_
-'وفتح احمد لمرام باب عربيته فبلعت مرام ريقها بتوتر وخوف من مراد وتحذيره لكن مش لاقيا اي طريقه تهرب بيها..ولسه هتخطي برجلها جوا العربيه لكن رجعتها بسرعه وهيا بتسمع صوت مراد القوي من وراها بينادي بإسمها':مراااام..
👫🌎👫🌎👫🌎👫🌎👫🌎👫🌎👫🌎👫
-بجد!!؟
-'قالها بلال بعدم تصديق وفرحه..فترد براء وتقول':اه والله بجد لكن..قصدي يعني...
-بلال بمقاطعه وتوجس:لكن اي!؟
-براء:بلال افهمني انت..انت ابن عمتي..وو