حكايتنا')🌎👫

-"part19"🌎👫

-'استأذن ادهم من نرمين انه هياخد كنوز يكملوا السهره بره..وطبعا نرمين وافقت برحابه صدر..وخرجوا ادهم وكنوز مع بعض وخدها ادهم علي النيل ولفوا كتير اوووي وهما ماسكين ايد بعض جامد وراحوا بعديها علي مطعم عشان ياكلوا..وطلب ادهم الجرسون وملاله الطلبات ومشي..وكان لسه هيكمل ادهم كلامه مع كنوز لكن لقي حد بينادي علي كنوز بفرحه باينه ف صوته'..
-كنوزي..
-'بص ادهم قبل كنوز لمصدر الصوت ولقي طفل باين انو ف سن ال10سنين او ال9سنين استغرب..لكن مكملش استغرابه بسبب الولد اللي جري علي كنوز بسرعه وفتحتله كنوز ايدها وهيا بتضحك ومبسوطه جدا وحضنوا بعض جامد تحت نظرات ادهم الغيرانه من طفل والمتسائله'..
-كنوز:عامل اي ي سيفو وحشتني اوييي..
-سيف:انتي اكتر بكتير ي كنوزي عامله اي!؟
-كنوز:كويسه بعد ما شوفتك صحيح فين سفن!؟
-سيف:نايم هناك علي التربيظه استني..
-'وبدون سابق انذار نادي سيف علي اخوه بصوت عالي ف نص المطعم واللي خلي كل الناس تبص ناحيته بإستغراب لكن رجعت تاني نظرها لما لقته طفل بس ادهم بصله وهوا بيقول':صوتك ي اخ..
-سيف:ملكش فيه..
-'واول ما نادي سيف علي اخوه صحي بسرعه وهوا عارف ان دي ندهه اخوه فبصله وبص للي جنبه بتدقيق ومكملش حاجه وكان ف حضن كنوز بيحضنها جامد اوي وهوا بيقول':طبعا هوا خد الحضن الاول..
-سيف:عشان انت خم نوم..
-سفيان:ملكش فيه..وبص لكنوز وهوا بيقول:وحشتيني اوي ي كنز الاجازه وحشه اوي ف البيت..
-كنوز:معلش ي حبايبي الدراسه هتبدء تاني وهنرجع نتقابل زي زمان..
-سيف لأدهم:مين دا ي كنوز وازاي قاعده مع راجل لواحدكوا من غيرنا!!؟
-كنوز بضحك:دا خطيبي ي سيف ادهم..
-سفيان:ومين قدمك لي مش كنت قايل انا اللي هقدمك لعريسك..
-سيف:دا يوم الفرح ي اهطل لكن دلوقتي هما مخطوبين بس..
-ادهم بغيره:ممكن تبعدوا عن خطيبتي بقي عشان انا زهقت..
-سفيان:لا
-سيف:قوم امشي لو زهقت سبها معانا..
-كنوز:سيف كدا عيب..
-سيف:خلاص اسف..
-'استغرب ادهم جدا من طريقه تعاملهم وكان هيموت ويعرف اي بيربطهم ببعض لحد ما قرب منهم راجل كبير ف السن وهوا بيقول':سيف سفيان اي خلاكوا تقوموا وتيجوا هنا..
-'كان بيتكلم ومش واخد باله هما قاعدين مع مين لحد ما دقق وقال':كنوز!!
-'قامت كنوز بإحترام وهيا بتقول':ازي حضرتك ي دكتور!!؟
-صديق:ازيك ي بنتي عامله اي بتعملي اي هنا!!
-كنوز وهيا بتشاور علي ادهم:مع خطيبي..
-'قام ادهم وسلم علي صديق رغم ضيقه من كلة دا لانه مش فاهم فقال صديق':يا زين ما اخترت!!
-ادهم بإبتسامه مجامله:شكرا#
-بص صديق لكنوز وهوا بيقول:السنه الدراسيه هتبدء اهيه وهيزهقوكي..
-كنوز:لا ابدا ي دكتور انا بحب سيف وسفيان جدا ومستحيل يزهقوني!!
-سيف:شوفتك ي بابا..
-سفيان:كنز بتحبنا اصلا..
-صديق:ماشي ي عم سفيان انت وسيف مش يلا بقي عشان تسيبوا كنوز مع خطيبها!!؟
-سيف:متعرفناش عليه ازاي هنسبها مع راجل غريب..
-'بصله ادهم بسخط وشتمه ف سره'..
-صديق:دا مش راجل غريب ي ابني دا خطيبها..
-سفيان:كنز ابقي كلميني واحكيلي ماشي..
-سيف:لا رني عليا انا هوا اكيد هيكون نايم..
-كنوز:خلاص خلاص بلاش شكل هرن علي تليفون البيت واكلمكم انتوا الاتنين اتفقنا..
-سيف:اتفقنا..
-سفيان بضحك:اتفتفنا..
-'ضحكوا كلهم حتي ادهم اللي كان غيران جدا..استأذن صديق من ادهم وكنوز..وف نفس الوقت شد سيف وسفيان كنوز لعندهم شويه وواحد باسها من خدها اليمين والتاني من الشمال وحضنوها ومشيوا..اما كنوز بقعدت وهيا لسه مبتسمه بفرحه رهيبه لحد ما ادهم قال':مين دول بقي ي ست كنوز!؟
-'ضحكت كنوز جامد علي شكله اول ما بصتله..كان ادهم شكله مضحك جدا وهوا متعصب والغيره باينه عليه من اطفال فقال':متعصبنيش اكتر ما انا متعصب وقوليلي من العيلين السمجين دول!؟
-كنوز وهيا بتكتم ضحكها: طب طب انا هحكيلك من الاول..
-ادهم:انجزي!
-'وبدءت كنوز تحكي لادهم اي علاقتها بالولدين دول':بص ي سيدي دكتور صديق دا بابا سيف وسفيان..دا المعيد بتاعي لاكتر ماده انا شاطرة فيها وبحبها جدا..المهم مراته ماتت بعد ما ولدت سيف وسفيان علي طول وهوا كان بيحبها جدا جدا فإتجوز اختها بعد عذاب منه عشان توافق وتربي سيف وسفيان لان مدام نور كانت عارفه ان اختها مدام دره واستاذ صديق كانوا بيحبوا بعض جدا لكن عشان سيف وسفيان اللي حبتهم اووي وافقت علي شرط ان مفيش اي علاقه تجمعهم بعد الجواز وطبعا وافق دكتور صديق لان هدفه مكنش كدا هوا بس عايز حد واثق فيه عشان يربي سيف وسفيان مش اكتر..
-ادهم بفضول:وبعدين!؟
-كنوز:واتجوز دكتور صديق مدام نور وهيا اللي ربت سيف وسفيان لحد السن دا لكن السنه اللي فاتت وللاسف توفت بمرض ف القلب ومن ساعتها ودكتور صديق هوا اللي بيربي سيف وسفيان واللي عارفين من دلوقتي ان نور هيا خالتهم اما مامتهم فإتوفت وهيا بتولدهم..وف نفس السنه اللي اتوفت فيها مدام نور بدء دكتور صديق يجيب سيف وسفيان معاه الجامعه ويقعدهم في مكتبه اوقات المحاضرات وف يوم كنت انا راحه استأذنه انو يحطني ف المشروع مع بنت مش ولد ولما دخلت لقيت سيف وسفيان فضلت اضحك معاهم كتير اوي والعب لان دكتور صديق كان ف محاضره تانيه ولما دخل وشافهم بيضحكوا انبسط جدا لانهم كانوا شبه مش بيضحكوا بعد ما ماتت مدام نور وبدء يحكيلي القصه من اولها ومن ساعتها وهوا بيجبهم كل يوم معاه ويقعدهم جنبي ف القاعه ف كل المحاضرات لاخر اليوم بيكونوا معايا ولان انا اصلا مكنش عندي صحاب ف الجامعه فكان كل يومي مع سيف وسفيان وف مره كمان كان دكتور صديق مسافر لشغل وعايز ياخدهم معاه لكن هما مرضوش واصروا يقعدوا معايا الكام يوم بتوع السفر ودكتور صديق وافق مع تصميمهم ولما جم يقعدوا معايا اتعرفوا علي تيتا نرمين كمان وحبوها وحبتهم اوي ولما بتيجي الاجازه احيانا كانوا بييجوا يقعدوا معايا او نفضل نتكلم علي التليفون..واصلا سيف وسفيان تؤام وعندهم9سنين..وهيا دي كل الحكايه!!
-ادهم:بس باين انهم بيحبوكي اوي!!
-كنوز:سيف بيناديلي بكنوزي اما سفيان بكنز ونا بجد بحبهم جدا جدا..
-ادهم:طب خلاص عشان مقلبش عليكي!!
-كنوز:طب يلا بقي انا جوعت..
-'وبدءوا ادهم وكنوز ياكلوا ويكملوا كلامهم..لحد ما خلصوا وطلعوا من المطعم ووصل ادهم كنوز لتحت البيت وقالها انو مش ماشي غير لما تطلع وترن عليه'..
-'وفعلا طلعت كنوز وهيا بتنادي علي نرمين ودخلت اوضتها عشان تتأكد اذا كانت نايمه ولا لا بس لقت نرمين نايمه علي سجاده الصلاة..قربت كنوز من نرمين بإستغراب وهيا بتناديها لكن لا رد..قربت منها كنوز بخضه تدريجيا بتزيد وهزتها براحه وهيا لسه بتنادي عليها لكن برده لا رد..هزتها كنوز بعنف وهيا بتقول':تيتا تيتا ردي عليا لو سمحتي..رفعت كنوز ايد نرمين وبسرعه كانت نزلت علي الارض تاني وبإنهيار كانت كنوز بتصوط وبتعيط##
*في عربيه ادهم*
-'كان قاعد ومستغرب لي مرنتش كل دا وفجأه سمع صويط وقع قلبه وبثواني كان قدام باب بيتها بيخبط وهوا بينادي عليها لكن مش بتفتح..مكنش قدامه خل تاني غير انه يكسر الباب..رجع مسافه لورا وبكتفه جري علي الباب فإتكسر ودخل ادهم وهوا بيبحث بعينه ف ارجاء الشقه وبسرعه كان داخل اوضه نرمين اللي الصويط كان منها قرب وهوا بيمسك كنوز من كتفها ومش واخد باله من اللي نايمه علي سجاده الصلاه وبيقول':كنوز حبيبتي ف اي!؟
-كنوز بإنهيار:تيتا ي ادهم تيتا سبتني سبتني لوحدي ي ادهم..وتكمل عياط وصويط..خدها ادهم ف حضنه جامد وهوا بيبص لنرمين بعيون مدمره فهيا كانت بمسابه ننته هوا كمان قام بكنوز وقعدها علي طرف السرير وشال نرمين من علي الارض ونيمها علي السرير وغطاها بغطي السرير وبدون مقدمات كانت كنوز اغمي عليها من كتر العياط..فشلها ادهم بخضه عليها ودخلها اوضتها واتأكد ان تنفسها منتظم فعرف انها اغمي عليها من العياط والصدمة فغطاها وطلع وقفل الباب بالمفتاح واتصل بباه وبعم كنوز..ورغم بعد المسافه بين البيوت لكن بسرعه كانوا واصلين عند بيت كنوز..وخلص احمد ابو ادهم اجراءات الدفن..وراح صابر ذاع الخبر ف الجوامع..وبعد فتره ال7ساعات كانت نرمين اتدفنت ولسه كنوز نايمه بسبب ادهم اللي منه اي حد يدخلها عشان متصحاش وتعيط تاني..واتصلي علي نرمين ف صلاه الفجر..ورجع ادهم وخليل وصابر واحمد البيت واطمن ادهم ان كنوز لسه نايمه وطلع بره بعد ما قفل الباب عليها تاني وسمع خليل وهوا بيقول:كنوز ان شاء الله بعد ما تفوق هتيجي تعيش معايا لحد ما يشاء ربنا وتتجوز_____
👫🌎👫🌎👫🌎👫🌎👫🌎👫🌎👫🌎👫
-'هوا شبه منمش من تحمسه وفرحته كان عارف ان حبهم كبير ومتين انو يستحمل كل المشاكل والعقوبات طالما هما الاتنين مع بعض..كان كل ساعه يخش يطمنا عليها ويعدل نومتها ويغطيها كويس ويفضل باصصلها كتير بعد كدا يطلع ويرجع يدخل تاني لحد ما صبح الصبح عليه وهوا قاعد علي ارضيه اوضتها وراسه مايله علي السرير وايده علي رجلها..قام وهوا مش مصدق ان اخيرا الصبح جه وهينزل معاها..وكإن من كتر ما بنكون حابين حاجه بيبقي الوقت بيعدي ببطء رهيب علينا..قام ادم بهدوء من علي الارض ونزل لتحت وكان الكل صحي قالهم يحضروا الفطار وطلع تاني عشان يصحي لليان..وبدء يصحيها بهدوء لحد ما فاقت وهيا بصاله بإستغراب وتساؤل لحد ما ابتسم وقال':انا ادم..
-لليان بشبه تذكر:اه ادم اه..
-ادم:انا مش عايزك تعرفي غير اني ادم اللي بيعشقك بجنون بس مش لازم اي حاجه تانيه..
-لليان:هوا انا هفتكر امتي!؟
-ادم وهوا بيمسك ايدها وبيبوس كفها بحنان:لما ربنا يشاء ي روحي ولحد الوقت دا مش عايزك تتعبي نفسك لو سمحتي ولا تضغطي علي نفسك عشان تفتكري حاجه يكفيني انك مرتاحه معايا ودا كل همي!!
-لليان:احنا كنا بنحب بعض صح!؟
-ادم:احنا بنعشق بعض مش بنحب بعض بس..ويلا بقي قومي عشان نفطر سوا وننزل مع بعض..
-لليان وهيا بتشاور علي ايدها ورجلها:بدول!؟
-ادم بإبتسامه:متخافيش عامل حسابي!!
-'وابتسمت لليان كمان لادم وبدون مقدمات كان شايلها ومنادي علي هند ومرام عشان يساعدوها تلبس ودخل هوا اوضته لبس ورجع دخلها تاني ولقاها جهزت وكانت لليان لابسه'..