حكايتنا')🌎👫

-"part2"🌎👫

-ملاكي استني..ملاكي انا قولت استني!
-مش هستني لو مسكتني مش هتسبني.
-يووووهه..وبنطه واحده من مالك مسكها من ايدها وبصلها بعصبيه وقالها:انا مش قولت استني مبتسمعيش الكلام لي مش فاهم!
-مليش دعوه سبني والا هنادي لبابا.
-"فكره انها هتتحامي في حد تاني حتي لو كان ابوها عصبته دايقه اكتر ماكان مدايق محسش بنفسه غير وهوا بيشلها جامد ورايح بيها علي اوضته"..........
-دخل ورماها علي السرير بس رغم عصبيته رماها براحه لانه خايف عليها هيا ضعيفه كفايه اصلا واول اما حطها جاب كرسي وقعد قدامها وقال:انا مش قولت مش هتنزلي ببنطلون المدرسه برده لبستيه!؟
-مليش دعوه انا عايزه البسه ومش عايزه البس الجيب واسع عليا ومش بعرف امشي بيه اصلا..
-مش بتعرفي تمشي بيه تلبسيلي بنطلون ونتي محجبه اصلا::قالها بعصبيه جدا وملاك عشان تهديه قالت:بس دا واسع ي مالك عادي دا لبس المحجبين برده بعدين انا لسه ف1ثانوي يعني مكبرتش!
-"قام مالك من علي الكرسي ورماه من كتر عصبيته وهوا بيقول:لا كبرتي ي ملاك كبرتي مش عشان لسه ف 1ثانوي وجسمك صغير جدا يبقي لسه مكبرتيش..كفايا انك بعد سنتين بالضبط هتكوني مراتي...ملاك اتخضت جدا هوا راعبها من فكرة انها هتكون مراته بعد سنتين غصب عنها عيطت وجامد من كلامه...فكره انها تعيط وهيا معاه وبسببه كمان جننته بقي واقف مش عارف يعمل اي هدي من نفسه جدا وراح قعد علي الارض عشان يحاول انو يكون ف مستوي طولها وبرده كان اطول..فضل يمسحلها ف دموعها وهيا برده مش عارفه توقف عياط..اتجنن اكتر لانه مش عارف يسكتها فضل يقول:انا اسف اسف ملاكي عشان خاطري بطلي عياط اوعدك اني مش هزعق ومش هتعصب تاني خلاص صدقيني انا اسف..ملاك هديت شويه وبصتله وغصب عنها قالت:انا خايفه انا مش عايزه ابقي مراتك لا انا مش عايزه اتجوز انا لسه صغيره لا.
-"مبقاش مصدق انه للدرجادي خوفها من كتر عصبيته من نفسه قبلها شد علي ايده لحد ما نزفت وبحركه لا اراديه منه خدها دفنها ف حضنه..حست ان ضلوعها بتتكسر وهوا مش حاسس هوا مش عايز يسبها بس..محسش غير وهيا بتقول بصوت واطي من كتر العياط:وجعتني!
-ساعتها خفف حضنه بس مسبهاش وحط ايده اللي كانت سليمه علي ضهرها وفضل يهديها وهوا بيقول:انا اسف متزعليش مني اسف.
-حاولت انها تقوم من حضنه لكن هوا تبت اكتر ومسبهاش غير لما قالت:هتأخر علي المدرسه!
-ساعتها سبها بس برده فضل ماسك ايدها وقالها:روحي غيري عشان اوصلك!
-وكانت لسه ملاك هتعترض بصلها وقالها:يلا بدل ما اول يوم يضيع عليكي!
-ساعتها جرت من قدامه عشان تلحق تغير وتنزل معاه..هيا عارفه انو مش هيخليها تروح بباص المدرسه اللي هييجي ياخد كل ولاد وبنات عمها وهوا اللي هيوصلها وهيرجعها......غيرت ونزلته بسرعه ولقته واقف علي الباب مستنيها وقفت قدامه وقالت يلا بصلها من فوق لتحت بإنبساط لانها سمعت كلامه ومسك ايدها ولسه جاي يخرج من باب القصر بس وقفه كلام جده وهوا بيقول::"فريد"ماالك..الباص بره مستني ملاك....تفتكروا مالك هيسيب ملاكه تروح وتيجي بالباص زي بقيت بنات وولاد العيله ولا مش هيسيبها!!؟
🌎👫🌎👫🌎👫🌎👫🌎👫🌎👫🌎👫🌎
-ماما انا خايفه اروح اول يوم لوحدي!
-لا متخافيش روحي ونتي واثقه ف نفسك كدا انتي بنت عبدالرحمن وسميرة يعني تمشي ونتي رافعه راسك....."خدت شويه راحه نفسيه وثقه بالنفس وضحكت لمامتها وخرجت وهيا بتقول دعاء الخروج"
*في الجامعه اول يوم لنور..نور معندهاش صحاب مقربين اوي وكمان محدش دخل الكليه اللي هيا دخلتها "كليه الطب قسم مخ واعصاب"نور كانت دايما واثقه ف نفسها كانت بتواجهه اي حاجه واللي ساعدها علي كدا كمان انها وحيده امها وابوها فإتعودت علي الثقه بالنفس في اي شئ..نور مكنتش محجبه بس لبسها مش ضيق يعني عادي عليها خصوصا ان جسمها صغير اصلا..دخلت الجامعه وهيا بتبصلها بإنبهار من شكلها بس الخارجي كانت شئ خرافه..راحت علي قاعه المحاضرات بتاعتها لان باباها جبلها جدولها من قبل ما تروح..بعد ما دخلت القاعه مكنش فيه اي حد فيها لسه فراحت وقعدت ف اول مدرج كان لسه علي معاد المحاضره ربع ساعه..فجأه حد دخل القاعه كان ولدين وبنتين..نور استغربت شويه من وجهه الشبه الكبير جدا اللي ما بينهم وفضلت تدقق فيهم لحد ما البنتين راحوا قعدوا جنبها ولما لقوها كل شويه تبص لوش حد منهم ضحكوا وقالولها اه احنا توأم..ابتسمت نور بل ضحكت لما تخيلت شكل مامتهم وهيا بتولدهم وقالت:بسم الله ما شاء الله شكلكم حلو اوي..
-ردت عليها بنت وقالتلها:انتي اسمك اي!؟
-نور اسمي نور.
-اتكلم ولد من الولدين وقال:نور اسمك حلو ي نور.
-اتكسفت نور وبصت ف الارض ووشها احمر اوي وهيا بتقول:شكرا.
-بصت بنت من البنتين للولد اللي اتكلم وقالت:بس ي مراد كسفتها.
-اسف ي نور!
-لا مفيش حاجه.
-انا بقي اسمي نورين.
-ونا اسمي نوران.
-ونتي عرفتي اسمي مراد.
-كل دا ونور بتبص لكل واحد يقولها اسمه وبصت للولد التاني لقته بيبصلها بضيق معرفتش تفسر سببه كانت نورين لسه هتتكلم لقت القاعه علت صوتها اوي واتملت كتير ازاي محسوش بالناس دي كلها اللي دخلت كانت نور وجنبها نورين وبعديها نوران وجنبهم مراد واخوه كان جنب نور التاني فاصي ودخلت شله شباب كبيره ومكنش فيه غير اخر مدرج وبقيت المدرج الاول كل الشباب اللي دخلوا قعدوا في اخر مدرج ماعدا شاب واحد بص لجنب نور الفاضي وكان لسه جاي يقعد ونور كانت بتتاخر علي نورين بس اخو مراد جه وقعد جنب نور بص للولد بإنتصار وقاله تقدر تقعد اتفضل..بصله الولد بقرف ورجع في اخر مدرج جنب اصحابه..بصت نور لاخو مراد بإستغراب لانه لحد دلوقتي متكلمش معاها زيهم..بصلها بنص عين وبعد كدا بعد عينه ع طول وشويه والدكتور دخل وبدء المحاضره وبسرعة طلعت نور نضرتها اللي علي شكل قطه ولبستها وطلعت دفتر علي شكل قطه برده وبدءت تكتب ورا الدكتور كل شئ بالحرف كل دا واخو مراد باصصلها وهوا بيضحك في سره وبيقول شكلك وقعت ي ابن عبدالعظيم شكلك وقعت.........
-تفتكروا مين الشاب دا ولي راح قعد جنب نور اول لما لقي الشاب التاني رايح يقعد جنبها وهل هوا فعلا وقع ف حبها؟!.
👫🌎👫🌎👫🌎👫🌎👫🌎👫🌎👫🌎👫
-هوا ارتاح لما باباه قاله كدا..حس ان ربنا بيطمنه وبيقوله متخافش انا كتبهالك..عمر موهبته هيا الرسم اول لما خلص كلام مع باباه دخل اوضه الرسم بتاعته وجهز حاجات الرسم اللي بيحتاجها وقعد وبدء يرسم في شخص هوا عارفه كويس جدا ولو غمض عينه يقدر انه يفتكره بكل ملامحه ويرسمه بتفنن..كانت اغنيه فيروز شغاله..اغنيته المفضله ومغنيته المفضله وموهبته اللي بيحبها..و..و..ومعشوقته.......كل حاجه ف اوضته دي تفتح النفس علي كل حاجه ف الحياه..كمل عمر رسم اللوحه وطلعت هيا..بالضبط كأن اللحظه اللي شافها فيها بتتكرر تاني قدامه بكل تفاصيلها ضحك وهوا بيفتكر ازاي كانت بتبصله لما سمعت صوته وازاي صوته متعاكس تماما مع شكله قرر حاجه وهوا باصص للوحه..قام واتوضي وبدء بصلي ركعتين طلب من الله وف كل سجده ليه مكنش بيدعي بحاجه غير ان ربنا يكتبها من نصيبه في كل سجده كان بيسجدها وبعد ما خلص وسلم بدء يدعي تاني ان ربنا يخليها نصيبه وهوا يكون قسمتها وانها تكون بتحبه زي ما هوا بيحبها........وميعرفش ان زي ما هوا قاعد يدعي انها تكون ليه هيا كمان وف نفس الوقت بتصلي وبتدعي انه يكون ليها........وكانت فعلا القلوب عند بعضها!!
🌎👫🌎👫🌎👫🌎👫🌎👫🌎👫🌎👫🌎
-عايز يكلمها..عايز يطمن عليها..عايز يطمنها انو هيفضل معاها..هيفضل ضلها ف اي حته تروحها..عايز وعايز وعايز ومش عارف يعمل اي حاجه من اللي عايزها بيفكر انو يعمل اي حاجه يوصل بيها ليها كل لما يفكر ف فكرة تجيلو عواقبها قبل ما الفكرة تكمل..قرر انو هينزل ياخد تليفون ليلي ويكلمها من عليه ع اكنه ليلي وبتكلمها عادي..نزل وخده منها بعد ما قالها انو هيرجعهلها قبل بكرة وطلع بيته وفتح الواتس واول اما لقي كلمه براء بس قلبه دق فتح علي طول الشات ولقاها اولاين استغرب دي الساعه 1باليل كتبلها علي طول:
-براء..
-ردت ع طول وقالت:ليلي..لسه صاحيه!
-اه عامله اي؟
-الحمدلله تمم..في حاجه ولا اي؟
-لا لقيتك فاتحه قولت اكلمك لاني فاضيه!
-دنا كنت بكلم مستر حسين كدا شويه وهقفل!
-محمد كتب بدون ما يفكر ف اي حاجه:مستر حسين تااني..انا مش قولت مفيش كلام معاه وبعدين محنا لسه سيبينه مكملناش حاجه انا نف1سي اعرف بتكلميه لي مش فاهم دي..براء بإختصار..انتي ليا مهما حصل ومهما ان كانن اللي واقف ف وشي ضدنا سواء اشخاص او احداث..اما مستر حسين دا بقي فرقمه انا بنفسي اللي همسحه من عندك انا هتصرف..حاجه واحده بس اللي عايز تكون ف مخك ومفيش حاجه بعدها غير مذاكرتك..هيا انك ليا ليا انا لوحدي سواء ان كنتي عايزاني او لا..................!
-تفتكروا اي هوا رد فعل براء بعد ما اتأكدت بعد الرساله دي ان اللي بيكلمها دا محمد ياتري هترد عليه ولا هتقفل ومش هتهتم بكلامه!
🌎👫🌎👫🌎👫🌎👫🌎👫🌎👫🌎👫🌎
-وبكدا part2 من روايه 'حگايتنا') 🌎👫خلص..توقعاتكوا عن اللي جاي واتمني تفاعلكوا:)
_By:'basmala yasser')💖