حكايتنا')🌎👫

-"part11"🌎👫

-بدأت السنه الدراسيه..مش كلنا بيحب الدراسه..في اللي بيحبها عشان هوا شاطر..وفي اللي مش بيحبها لانه كسول وخايب..وفي بقي اللي بيحبها لانها بتخليه يشوف حياته..يشوف عشقه..رغم تعبها ومذاكرتها الكتير لكن بنظرة واحده في عيونها تنسيه وجع المذاكرة والدروس..عنيها بالنسباله زي البحر..بحر امواجه عاليه اوي وكتير جدا..موج يدفعه لقدام وكأنه بيقوله يلا عشان تبقي ليك..وموج يخليه حنين وطيب معاها لاقصي حد..وموج تاني خالص يخليه شرس ووحش في غيرته وتملكه ليها..وكلاهما ينسج خيطا من خيوط العشق المحيطه بهما..........#🌎👫
-مبسوطه لاقصي درجه موجوده في الكون كله من كتر انبساطها ماشيه في الشارع بتضحك من غير سبب..دا بالنسبه للناس طبعا..اما بالنسبه ليها..فهيا مبسوطه لاكتر سبب مبسط..مبسوطه لانها داخله علي الانبساط كله..وهوا في احلي من لقاء بعد فراق دام لسنه!!!!!..عارفه ان المفاجأت مكنتش بتخلص كان لازم يوم في الاسبوع علي الاقل يعملها مفاجأه عشان يشوفها ويشوفهه..مبسوطه لانها طول السنه دي محستش بأي حاجه وحشه منه..كأنه كان بيحافظ عليها اوي لحد ما تكون حلاله قدام ربنا ثم الناس..&
-كان احساسه لا يقل عن احساسها..المستر بيشرح وهوا ولا هنا..هوا خايف ليشيل العربي بسبب انه بيقعد في الحصه مش مركز وكل حواسه بتكون معاها..ومش العربي بس..دا كل المواد..ما هوا راح معاها جميع الدروس..اتفاجأت بيه في كل دروسها..مع انه مسألهاش..بس لي هيسألها وهوا عنده بنت عمه يسألها..بقدر انبساطها جدا لانها هتشوفه في الاسبوع7مرات وفي اليوم 3ساعات في كل درس وفي الساعه هيكون قدمها لمده60دقيقه..بقدر ضحكتها اللي مش مفارقه وشها الا انها حاسه ان قلبها بيتاكل..بيولع..بيتحرق..حاجه ف الرنج دا..المهم انها حاسه ان في حاجه وجعاها اوي..ايوة بتعترف انها بتغير جدا..بقدر غيرته ويمكن اكتر..وازاي مش هتغير وهيا شايفه انو بيكلم بنت عمه عادي جدا..لي هيا لما بتكلم ابن خالتها ولا ابن عمها وهوا يعرف يجن جنونه..دا شئ حرام عليها وحلال عليه......!؟
-قاعدين ف الدرس ومحدش مركز مع الكلام اللي بيتقال..يمكن لانه مش شرح يعني تعتبر حصه لتظبيط المواعيد والكلام بس..لكن بالنسبه لبعض من اللي قاعدين كانت حصه نظرات..ايوة نظرات..براء بصه ف الارض ومش عايزه ترفع راسها لانها عارفه ان محمد بيبص عليها ولو رفعتها وبص ف عنيها هيعرف بسهوله جدا انها غيرانه وهيا مش عايزاه يعرف بسهوله هتتلذذ ف انها تعاقبه بطريقتها..اما محمد فعينه مش بتتحرك من علي براء رغم انها لا بتتحرك ولا بتتكلم ولا بصه حتي..بس هوا مبسوط كدا المهم عنده انها تكون قدامه ومحدش يبصلها..وزي ما عارفين..اي مكان بيكون فيه نظرات عاشقه لازم يكون فيه نظرات حاقده..فهل هتأثر!!؟
👫🌎👫🌎👫🌎👫🌎👫🌎👫🌎👫🌎👫
-انت..انت بتعمل اي هنا!!؟
-اظاهر ان دعاكي عمل فايده كبيره جدا وخلاني الاول ع الجمهوريه..وطبعا مش هنسي السبب الاول ف كدا واجي اشكره اول واحد!!
-عبداللطيف وهوا جاي من بعيد:مين ي شهد اللي ع الباب!؟
-وكان عبداللطيف وصل للباب وشهد لسه ف صدمتها وولا بتتحرك ولا بتتكلم....
-عبداللطيف بإبتسامه:اهلا ي عمر اتفضل ي ابني!
-عمر وهوا بيضحك علي صدمه شهد اللي زادت اضعاف مضاعفه:تشكر ي حج عبداللطيف انا كنت جاي اديكم هديه نجاحي!
-عبداللطيف:يااه الف الف مبروك ي حبيبي فرحتلك والله عملت اي!؟
-عمر وهوا لسه باصص علي شهد:الحمدلله الاول ع الجمهوريه!!
-عبداللطيف:بسم الله ماشاء الله عقبال حبيبتنا.."وهوا بيبص لشهد"!!
-عمر بإبتسامه هيام:ان شاء الله..
-ادي عمر لعبداللطيف الكوكاكوله وهوا ابتسامته مش مفارقه وشه وقبل ما ينزل لما عبداللطيف دخل جوه شويه اعتقادا منه ان عمر خلاص هينزل وشهد هتقفل الباب قال:ابقي افتحي التليفزيون عشان تشوفي المفاجأه اللي هعملهالك ومتناميش بدري عشان مزعكيش!!😉
-وكأن الصدمات والمفاجأت كلها بتنزل عليها كل مرة فضلت متنحه ف مكانه رغم انه نزل ومفقتش غير لما عبداللطيف ندلها من جوه....
-عبداللطيف:الولا دا شاطر اوي ومحترم جدا ربنا يحميه لابوه وامه.....
-شهد وهيا بتفتح التليفزيون من دلوقتي:يارب..
*وفجأه طلع صوت من جواها يقول:ويخليهولي ويحميهولي*
-رجع عمر بيته بعد ما نزل من بيت شهد وهوا مبسوط جدا وحاسس ان اول احلامه بدءت تتحقق ونها هتكون ليه ف الاخر..صلي ركعتين شكر لله..وختم صلاته بركعتين طلب وحاجه..ومخلتش الصلاه ولو لثانيه من اسم شهد اللي كان بيتقال جوه ف قلبه وبره ف صلاته:)
-بدء عمر يجهز نفسه عشان يروح البرنامج المستضاف فيه وراح معاه ابوه وامه..بدء البرنامج وكل جيران واهل عمر كانوا بيتفرجوا عليه.....
-كان المذيع بيسأل عمر اسأله عاديه وعمر كان بيجاوب بثقه وساعات كان بيسأل فريد او شيماء..وجه ف الاخر سؤال اخير لعمر اللي بدء يجاوب ويقول:..
-السبب الاول ف نجاحي واللي هيكون معظمه مبهم بالنسبه ليكو بس كامل بالنسبه ليا..هوا دعا حبيبتي..تمم عارف انكم هتتصدموا لكن دا فعلا السبب الاول كل اللي انا هقولوا هنا ع الهوا واللي متأكد من انها هيا كمان بتسمعه ان هيا سببي الاول ف الحياه وهدفي الاول وحبي الاول كمان انا منساش تنكري عشان اجيلك اشوفك وف بيتك ومنساش اني طلبت منك انك تدعيلي واللي كنت متأكد منه اني مسافه منا ما مشيت كنتي انتي بتدعي علي المصليه..يمكن بالنسبه لناس كتير دلوقتي ان انا مش محترم او او او لكن لو كان عدم احترامي هوا عشقي ليها فخلاص انا اكتر واحد مش محترم ف الكون كله لو كان نجاحي هوا اني طلعت الاول علي الجمهوريه فمش عايزه لان هيا سبب نجاحي زي ما هيا سبب حياتي..انا اسف اني قلبت موضوع الحلقه بالطريقه دي لكن كلمه اخيره مني ليها..انا بحبك!!
-وانتهي البرنامج وسط صدمه فريد وشيماء من ابنهم وذهول شهد من كلمات عمر واعترافه!!#
*ف نفس اليوم الساعه12باليل*
-كان رجع عمر واهله من بره وطلب عمر منهم انو يروح يشوف صحابه وهما وافقوا ومتأكدين انو ف اقرب وقت هييجي ويحكيلهم.........!
-راحل عمر تحت بيت شهد وهوا متأكد انها لسه صاحيه..لقي عمر مامه شهد(هناء)طالعه ولانه عارفها راح وسلم عليها وهيا بركتله وطلعت..فضل عمر قاعد قدام البلكونه مستني لما نورها يتقفل عشان يعرف ان الكل نام..فجأه النور اتقفل والبلكونه اتفتحت ودخلت شهد منها براحه وكأنها خايفه حد يسمعها..وبحركه سريعه منها كانت قعدت علي الثور الجانبي وسندت راسها ع الحيطه وبدءت تكتب ف روايتها واللي اسمها*فيروز وحبايبها*وفجأه لقت حد بيزقها من ضهرها لتقع ف البلكونه وتتخض جامد وتلف..وتلاقيه..تلاقيه هو بكل جنونه..ماسك ف مسورة جنب البلكونه وباصصلها بكل غضب..بصت ف عينه وتاهت ف سحرها لفت انتباهها نسيج باين ف عنيه باينلها فيه انه خوف..ايوة خوف..بس بسرعه جه شبك فيه نسيج تاني مكنش الا الغضب والعصبيه..تاهت وهيا مش عارفه تفسر حاجه من اللي شيفاها..فاقت كليا علي صوته اللي كانت نبرته مزيج بين النسيجين دول وقال:انتي مجنونه ازاي تقعدي كدا ع الثور انتي مش خايفه تقعي..وازاي تدخلي مدا البلكونه انتي ناسيه انك محجبه!!؟
-دلوقتي بس عرفت تفسر سبب النسيجين اللي باينين ف عنيه قدامها دلوقتي واللي بانو اكتر ف نبره صوته وبسرعه كان عمر طلع ودخل البلكونه وبقي واقف قدامها اتصدمت ومبقتش عارفه تتصرف اكتر ما كانت مش عارفه ولقته بيقول:اسمعي هتدخلي دلوقتي تلبسي حجابك وابقي اشوفك طالعه كدا البلكونه تانيه وهتيجي تاني تمم!!؟
-ردت شهد بصعوبه:وايش عرفك اني هاجي تاني ما يمكن ادخل واقفل باب البلكونه عليك!!
-عمر:هوصلك برده ي عسل ليا طرق كتير!!
-شهد:انت عايز اي!؟
-عمر وهوا بيشاور علي باب البلكونه اللي شبه مقفول وبيقول:ادخلي البسي حجابك الاول!!
-دخلت شهد وهيا بتحاول تكون هاديه عشان محدش يصحي ولفت اي حجاب لقته قدامها ف الاوضه ومشت براحه علي البلكونه تاني..وف الوقت دا كان عمر شاف تليفون شهد علي الارض..وطي ومسكه وهوا بيقرء بصوت شبه عالي اللي لقاه مكتوب قدامه:انا بغير من فيروز..لي بيحبها للدرجه دي..بروفايله كله اللي ع الفيس مفيهوش حاجه غير فيروز فيروز فيروز زهقت..قررت اني هكتب روايه اسمها فيروز وحبايبها..هخليه فيها يحبني وينسي الست فيروز..لطالما الواقع مش بيحقق حاجه من احلامي..وفجأه حس عمر ان باب البلكونه بيتفتح فساب التليفون مكانه ووقف عادي ولما دخلت شهد قال:ابقي ادخلي البلكونه بشعرك تاني بقي!!
-شهد:ملكش فيه..عايز اي بقي!؟
-عمر:ليا فيه ونص وتلت تربع كمان..المهم!!
-شهد:المهم!!
-"ياتري اي المهم اللي عمر جه عشانه"!؟
👫🌎👫🌎👫🌎👫🌎👫🌎👫🌎👫🌎👫
-ماما عملت اي ي دكتور ارجوك طمني!!؟
-الحمدلله تعدت مرحله الخطر لانها كبيره ف السن كفايه ان اي حاجه تخليها ف خطر لكن دلوقتي تقدروا تطمنوا عليها بعد ما تتنقل لاوضه تانيه ولما اجي اكشف عليها لما تفوق هقولكوا تقدر تخرج امتي..
-تمم شكرا ي دكتور!
-"قالها اسر من بين اسنانه لانه لاحظ نظرات الدكتور لأثار اللي مش واخده بالها من اي حاجه غير انها عايزه تطمن ع مامتها..
-خرجت كوثر من اوضه العمليات وراحت علي اوضه عاديه واثار واسر معاها..بعد فتره قصيره فاقت كوثر وجه الدكتور وكتبلها علي خروج ف نفس اليوم باليل وقبل ما يطلع بص لأثار وقال:ممكن كلمه ي انسه اثار!
-وقبل ما كانت تعمل اي حاجه او حتي تتكلم سمعت اسر وهوا بيقف قدام الدكتور وبيقول:خير ف حاجه ي دكتور!!؟
-لا ابدا انا بس كنت عايزها ف موضوع شخصي!!
-اسر وهوا عاقد حواجبه وضامم ايده جامد قال:طب اتفضل اطلع بره!!
-الدكتور بصدمه:نعم!!
-اسر:زي ما سمحت اتفضل!!
-اثار:اسر لو سمحت اهدي الدكتور..........
-وقبل ما تكمل كان اسر بصصلها بصه خلتها تخرس:(
-خرج الدكتور وهوا بيضرب كف بكف بسبب المجنون اللي جوا........
-بص اسر في الاوضه لأثار وقال:انا هفضل قاعد هنا معاكوا ومش هتحرك غير لما تكونوا في البيت!!
-تأفأت اثار وهيا رايحه تساعد مامتها عشان تلبس ويمشوا وهيا بتقول:اتفضل بره بقي!!
-خرج اسر وهوا عارف ان المشوار لأثار بدء يقل وانه في الاخر هيوصل ليها وهتكون ليه..
-افتكر اسر اول مرة كان يقول ليها انها ليه وانو هيحميها..
*Flash back from 3years*
-كانت اثار ماشيه في طريقها لcafe الجامعه لما وقف في طريقها ولد معروف انه دنجوان الجامعه واي بنت مبيسبهاش الا لما يمشي معاها..قرب كريم من اثار بغرور وثقه وطبعا كانت اثار قويه ومتحركتش من مكانها ودا اللي خلاه يعجب بيها اكتر ويحاول انه يقرب منها اكتر ويقول:هوا العسل مش هيرضي علينا ويمشينا معاه!!؟
-رفعتله اثار حاجبها وهوا بيثير اشمئزازها وتقول:العسل في ايده انه يضربك بس موافق!!
-يقول كريم بسماجه:موافق طالما هتلمسيني!
-وبلحظه كان كريم مرمي بقوه ع الارض واسر قاعد فوقيه ومش مخليه عارف يتنفس من كتر اللكمات اللي ادهاله وهوا بيقول:اثار لا كله الا اثار انت واحد حقير واطي ملكش دعوه بيها فاهم!!
-حاولت اثار انها تشيل اسر من علي كريم اللي كان هيموت في ايد اسر لكن مقدرتش..وبسرعه كان معظم طلاب الجامعه الشباب بيشيلوا اسر عن كريم ونجحوا فعلا..ولما قام اسر لقي اثار مشيت..جري اسر وراها بسرعه ومسكها من ايدها وشدها عليه ولما بقي وشه في وشها قال:مبترديش عليا لي!!
-اثار:انا عايزه اروح سبني!!
-اسر:تعالي هروحك!
-وكان لسه اسر هيشد اثار وراه بس هيا نفضت ايده عنها وقالت:اسر شكرا انك دافعت عني بس دا مش هيديك الحق انك تعاملني كدا فهمت!!؟
-وكانت لسه اثار هتمشي بس وقفت علي صوته وهوا بيقول:جهزي نفسك انهارده باليل يمكن تلاقي عريس حلو جاي يتقدملك للمرة المليون!!
-ساعتها مشت اثار ومعملتش اي اهميه لكلامه..كانت عارفه انه عادي هينفذ كلامه زي ما حصل قبل كدا كتير..راح اسر المرة دي لوحده بس مدخلش من الباب..دخل من البلكونه لاوضتها ع طول ولما دخل لقاها ببجامه البيت عادي وبتذاكر ومحستش بيه لانها حاطه السماعات في دونها بس حست ان في خيال واقف قدامها ولما رفعت راسها براحه وهيا بتشيل السماعات اتخضت ورجعت لورا وقالت بخوف شديد:اسر انت بتعمل اي هنا..اتفضل امشي قبل ما حد يشوفك!
-اسر بحنان:متقلقيش مستحيل أأذيكي..بس كنت جاي اقولك حاجه..بصي ي اثار..انا مش هسيبك..فاهمه دي يعني اي..يعني بإختصار شديد كدا انتي ليا برضاكي او غصب عنك لان محدش غيري هيقدر يقرب اصلا فرضي اني نصيبك زي منا راضي بإنك قسمتي ومبسوط جدا بقسمتي دي......سلام ي مراتي المستقبليه..ورجع اسر من نفس طريق مجيه وسط صدمه اثار من اللي قاله واللي عمله:)
*End Flash back*
فاق اسر من ذكرياته علي صوت فتح باب الاوضه واثار وكوثر بيخرجوا منها..راح اسر بسرعه مسك ايد كوثر وهوا بيقول:حمدالله علي سلامتك ي ست الكل!
-كوثر بإبتسامه:الله يسلمك ي ابني!
-ابتسمت اثار جواها بسبب العلاقه الطيبه اللي بتجمع بين اسر وامها وقالت:انا هروح ادفع حساب المستشفي!
-قال اسر وهوا لسه ماسك كوثر وماشي:تم!
-مين اللي دفعه!
-مطار اسر شفايفه بدليل انه ميعرفش!
-بصتله اثار وهيا بتكمل مشي معاهم وبتقول:هنتحاسب بعدين!!
-اسر:في بيتي ان شاء الله قريب جدا!!
-ضحكت كوثر علي مشاكستهم لبعض..وصلوا ناحيه العربيه وركب اسر كوثر في العربيه من ورا وفتح الباب اللي جنبه لأثار..وصلهم لحد تحت البيت وقبل ما اثار تنزل هيا وكوثر قال اسر:متجيش لبقيه الاسبوع خليكي قاعده مع طنط!!
-اثار:مش جايه خالص اصلا!!
-اسر:كويس اسعدتيني مفيش شغل خالص اصلا..
-تأفأت اثار وهيا بترزع باب العربيه جامد وخدت كوثر وطلعوا البيت ومشاش اثر غير لما اتأكد انهم طلعوا وطلع بالعربيه وهوا بيقول:تعبتيني معاكي ي اثار..بس مش مشكله طالما في الاخر هتكوني ليا وتعبي هيعوضني عنه حبك:)
👫🌎👫🌎👫🌎👫🌎👫🌎👫🌎👫🌎👫
-راح ماذن مع عبدالهادي لشركه القوات الخاصه للحمايه ولان ماذن اجازه انهارده من شغله فراح معاه وهوا ع طول بيساعده لانه رائد وشغلهم مرتبط ببعض......دخل ماذن هوا وعبدالهادي الشركه اللي كل اللي فيها رجاله..وبدء ماذن وعبدالهادي في الشغل اللي هوا تأمين كبار رجال البلد برجال وقوات خاصه للحمايه........
-في مكان تاني في كليه الطب وخصوصا الطب الشرعي في معمل لتشريح الجثث..كان كل طالب وزميله او زميلته قدامهم جثه(هيكل عظمي)التشريح*كتدريب عملي*وبعد ما خلصوا شاف الدكتور كل طالب عمل اي في الهيكل اللي معاه وكان علي اساس كدا بيدي الدرجات..وجه عند كرامه وزميلها اللي مشترك معاها(اكرم)وكانوا كرامه واكرم اكتر طالبين حاصلين علي درجات بسبب تشريحهم للهيكل فوق الممتاز......
-شويه ودخل عميد الكليه..وبعد القاء التحيه وما الي ذلك قال:جتلنا اخباريه من رئيس الوزراء نفسه انهارده انه عايز اكفأ الدكاترة الشرعيين اللي عندنا في مهمه مع شركه القوات الخاصه للحمايه ونا جاي انهارده عشان دكتور حسام(المحاضر)هوا اللي هيقولي اساميهم بنفسه وتعمدت اني اجي في نص التدريب العملي عشان نرفع راسنا قدام رئيس الوزراء بالأطباء الصغيرين اللي عندنا..فلو سمحت ي حضره المحاضر حسام انا عايز مجموعه من اللي حضرتك واثق فيهم اشد الثقه ودلوقتي ونا واقف!!
-بص المحاضر حسام علي الطلاب اللي واقفين قدامه وقال بدون تردد وثقه تامه:اكرم وكرامه اقدر اديهم لحضرتك ونا مغمض عيني تماما..
-تمم بس لسه عايزين كمان مجموعه!!
-بص المحاضر حسام تاني علي الطلاب وقال:سيف وسراج..دول ما بعدهم ع طول!!
-العميد(احمد):تمم شكرا حسام واسف علي تعطيلك..وحضارتكوا اتفضلوا معايا..
-مشي العميد مع اكرم وكرامه وسيف وسراج..وكانت كرامه شويه مكسوفه لانها هيا البنت الوحيده فيهم لكن اتطمنت لانهم التلاته زمايلها..زمايلها بس..لانها لحد دلوقتي..ورغم بعدها عن ماذن..الا انها لحد دلوقتي..فاكرة كلامه..من اخر مرة كلمها فيها..اصل البعد مش بينسي..إلا اذا كان الحب مش قوي!! 👌
-دخل العميد ودخل المجموعتين معاه وقال بعد ما قعد وقعدهم:انا عارف ان دي اول سنه ليكوا..واني كان لازم اروح للي اكبر..بس طبعا بعد الاطلاعات والاراء اتضحلي ان دفعتكوا انتوا هيا احسن واشطر دفعه..كرامه..انتي شكلك مميزه ليختارك المحاضر حسام وسط 3رجاله من بين كل البنات..عموما ي شباب انهارده الدوام خلص بالنسبه ليكوا..تقدروا تروحوا بالباص اللي بره علي بيوتكوا وتقولوا لاهلكوا وطبعا مفيش مجال للرفض او التراجع لان الشغل دا بمسابه سنه اولي كلها ليكوا..وان شاء الله من بكرة الساعه8صباحا..هيكون الباص تحت بيت واحد واحد منكو عشان يوديكوا علي مقر الشركه اللي هتكونوا فيها كل يوم بدل الجامعه لحد ما عرفت من رئيس الوزراء..تقدروا تتفضلوا!
-وصل الباص كل واحد علي بيته وابتدأ بكرامة وانتهي بسيف........
-قال كل واحد لاهله وكل اهل فرحوا لابنهم او بنتهم اوي طبعا مع قلقهم عليهم..اصاله ومحمد بدوا ينبهوا كرامه في انها تنتبه لنفسها وتجتهد عشان تثبت نفسها وما الا ذلك.....
-انتهي اليوم سريعا وسط تحمس كرامه واكرم وسيف وسراج جدا لتاني يوم........
-جهه تاني يوم وكانت كرامه جاهزه ومستنيه الباص اللي ابتدأ بسيف وانتهي بكرامه..وقبل ما يرن سواق الباص عليها بعد ما خد رقمهم كلهم وهوا بيوصلهم امبارح..مسكت دفترها وكتبت فيه"الايام بتعدي بسرعه وبكبر وانت لسه مظهرتش ي ماذن..انا راحه دلوقتي اول مهمه في حياتي..اتمنالي التوفيق وحافظ علي نفسك عشاني..اتمني اني اشوفك في اقرب وقت ممكن لانك وحشتني اوي"
-"وهل القدر هيكون مع كرامه ولا حابب البعد الموجع لفتره كمان"!؟
🌎👫🌎👫🌎👫🌎👫🌎👫🌎👫🌎👫🌎
-"وبكداpart11من روايه 'حگايتنا')👫🌎خلص".....
*توقعاتكوا عن اللي هيحصل ورايكوا في الاحداث واتمني تفاعلكوا*..!
_By:'basmala yasser')💖