حكايتنا')🌎👫

-"part5"🌎👫

-لا كرامه محدش هيتبناهاا مستحييييل!
-ي ماذن ي حبيبي كدا كدا انت لسالك سنه بالضبط عشان تخرج من هنا اما كرامه لسلها 8سنين يعني برده انت هتسبها وهتمشي بعد سنه فنطمن عليها مع ناس تحافظ عليها بقي بدل ما ييجي حد وحش ياخدها وانت ساعتها مش هتقدر تعمل حاجه وياعالم ممكن قبل السنه دي ما تخلص وتروح الملجأ التاني ييجي حد يتبناك لو بتحب كرامه اختك فعلا خلي العيله دي تتبناها!
-اروح اشوفها وتيجي تشوفني ميخدوهاش ويسافروا!
-ماشي ي روحي انا هتكلم معاهم متقلقش:)
-"قام ماذن وراح عند كرامه اما اللي كانت بتتكلم معاه(مدام سميره:مديره الملجأ ومامتهم كلهم وبتحب ماذن وكرامه جداا)فراحت عند العيله ف اوضه مكتبها عشان تتفق معاهم")
-سميره:بص ي استاذ محمد انا كلمت اخوها اللي مكنش عايز يطلعها وهوا وافق بس طالب حاجه انه يبقي يروح يزورها وهيا تبقي تيجي تزوره ميتقطعوش عن بعض خالص يعني!
-محمد(اللي جاي يتبني كرامه مع مراته):تمام انا موافق بس هوا اخوها فعلا!؟
-سميره:لا محدش عندنا هنا اخوات عن اب وام هنا كلهم اخوات اه بس مش نفس الدم احنا بنعلمهم كدا عشان يحبوا بعض!
-محمد بإستغراب:طب اشمعنا ماذن هوا الوحيد اللي اعترض ع اني اتبني كرامه!
-سميره بتوضيح:بص ي استاذ محمد لما انك هتبقي بابا كرامه فلازم تكون عارف الحكايه من اولها؛
*من8سنين*بالضبط جتلنا عيله ومعاها بنت لسه مولوده عندها شهر او اقل كمان زي ما بنقول احنا كدا حته لحمه حمرا المهم العيله دي جت عشان تديهلنا هما ميعرفوش هيا مين لانهم لاقوها جنب بابا جامع فخدوها وجابوها ع هنا ونا ساعتها كنت قاعده مع ماذن وكان ولد كمان قده ف السن كنت بعلمهم ازاي يتعاملوا مع اللي اصغر منهم لا هنا عندنا الملجأ فيه من الاطفال الصغيرين جدا اللي عندهم شهور لحد اللي عندهم15سنه امثال ماذن وكدا دلوقتي لكن ساعتها ماذن كان عنده 8سنين ولقيت العيله دي دخلالي مع وماسكه الطفله دي اللي هيا كرامه ساعتها كل الاولاد طلعوا برا ماعدا ماذن فضل واقف قدام الطفله والراجل ماسكها وفجأه لقيناه بيمد ايده للراجل عشان ياخدها..الراجل بصلي واستغرب فأنا قولتله:متقلقش اديهاله..ادهاله الراجل وراح ماذن بيها ع الكنبه وقعد وفضل شايلها براحه خالص وباصصلها وبيضحك معاها المهم ان العيله سابتها ومشت ونا خدتها عندي وعملتلها ملف وماذن هوا اللي اختار الاسم انا كنت لسه بفكر لقيته بيقول كرامه ولما سألته اشمعنا قالي عشان تبقي كرامتي...طبعا ماذن علي قد ما عقله كبير ماشاء الله رغم صغر سنه بس حسيته مشوش مكنتش عارفه ماله كان كل اللي عليه انو ماسكها حتي مش عايز يشيلها لاي اخ او اخت ليه ف الملجأ فأنا خلاص قفلت الملف بتاعها وبقت كرامه معانا هنا ومن ساعتها ولحد وقتنا هذا اي عيله تيجي تتبني كرامه ماذن يمسك فيها وميرضاش وهيا كمان رغم انها لسه8سنين بس ماسكه فيه عايزاه ييجي معاها..وبس دي نص الحكايه ي استاذ محمد فأتمني حضرتك تلتزم بكلامك وماذن ييجي يشوفها وهيا كمان تروح تشوفهه!
-محمد:انا ملتزم بكلامي ي مدام سميره متقلقيش بس حضرتك بتقولي دي نص الحكايه وبقيتها!؟
-سميره:لسه لما يكبروا ي استاذ محمد ساعتها الحكايه هتكتمل!
-اصاله(مرات محمد):طب لي ماذن وافق بس دلوقتي!؟
-سميره:لان ماذن دلوقتي عنده14سنه ولما يتم ال15هيتنقل لملجأ تاني اولاد بس ففكلا الحالتين هيسبها فأنا اقنعته بكدا!
-اصاله بفرحه عشان اخيرا بقي عندها بنت:ان شاء الله احنا هناخد كرامه امتي!؟
-سميره:بكرة ان شاء الله تكون كل الاجراءات تمت!
-اصاله:تمام شكرا ليكي ي مدام سميره!
-سميره بروتينية:علي اي دا واجبي!
-"ومشيوا اصاله ومحمد وهما مبسوطين جدا ان بكرة هتشرف بتهم بنتهم الجديده اللي حبوها جدا من اول مرة شافوها"#
-"دا كان ف مكتب مدام سميره مخدناش بالنا من اللي طلع وراح نحيه الحديقه وقعد جنب بنت صغيره ماسكه عروستها وبتلعب بيها وبيقول":كرامتي!!
-ماذوونههه كنت فين تعالي العب معايا بقي!
-كرامه..هوا انتي ممكن تزعلي مني!
-لا طبعا ي مذونه انا بحبك ازاي هزعل منك!؟
-طب مش انتي كان نفسك تلاقي مامتك وباباكي!
-اه اوي ي ماذن لقتهم!؟
-اه لقتهم وهييجوا ياخدوكي بكرة كمان!!
-هااااااااا بجد!
-اه والله!
-طب وانت هتيجي معايا مش كدا!؟
-ازاي يعني انا هفضل هنا لحد ما الاقي بابا وماما كمان!
-كرامه وهيا بتقوم من ع الارض وبترمي العروسه وبتعيط:لا..لالالالا ي ماذن انت مقولتليش كدا انت قولتلي بابا وماما هييجوا ياخدونا احنا الاتنين مقولتليش انك هتسبني لا!
-ماذن وهوا بيقوم وبيقرب منها:انا مسبتكيش ي كرامه انا هوديكي عند باباكي ومامتك مش انتي كنتي عايزاهم!؟
-كرامه:لا انت كداب ونا مش بحبك انا بكرهك احمد طيب عنك ومش كان هيسبني زيك!#
-*احمد اخوهم ف الملجأ وفي نفس سن ماذن وبيحب كرامه جدا كأخته*_
-ماذن بعصبيه متلقش بطفل وهوا بيقول بسرعه ومش واخد باله من كلامه:كرامهههه بتكرهي مين واحمد مين انتي اتجننتي..بقولك جبتلك مامتك وباباكي عيله جت اتبنتك انا سنه وهسيبك اصلا وهروح ملجأ تاني يعني مش هكون معاكي برده!
-كرامه بصدمة:يعني دول مش بابا وماما الحقيقين!؟
-مالك بسرعه وبدون تفكير:لا!!
-بصت كرامه لماذن بصدمه وبسرعه جرت علي اوضتها مع باقي اخواتها ومش عايزه تقف حتي ترد ع التاني اللي بيجري وراها.................
-دخلت كرامه اوضتها وهيا بتعيط جدا ولما شافتها سمر اختها اتخضت وقالت هروح اناديلك ماذن(تحسبا منها ان ماذن هوا اللي هيعرف يسكتها بس هيا متعرفش انها بتعيط بسببه).
-طلعت سمر بسرعه من الاوضه قبل ما كرامه تلحق تمسكها وسابت بابا الاوضه مفتوح..راحت سمر تنادي ماذن ولقته طالع بيجري ع السلالم واول اما لقته وقفت قدامه بسرعه وهيا بتقول:ماذن ماذن الحق كرامه بتعيط جامد في الاوضه!
-ماذن بسرعه:تعالي طب بسرعه!
-وف نفس الوقت كان احمد معدي من قدام اوضه كرامه وسمر ولقي باب الاوضه مفتوح وسامع صوت عياط..وبسرعه كان احمد دخل الاوضه ولقي كرامه نايمه ع السرير وهيا بتعيط رحلها احمد بسرعه وقومها وهوا شايلها وكان رايح يغسلها وشها لانه عارف ان كرامه عندها ضيق تنفس بيزيد لما بتعيط بس قابل ماذن وسمر ف وشه..ماذن اول اما شاف احمد شايل كرامه اتجنن وخدها منه بسرعه كل دا وكرامه لسه بتعيط ومش راضيه تسكت..
-احمد:ماذن انت مجنون كرامه هتتخنق دي بتعيط!
-ماذن بعصبيه:ملكش دعوه بيها ومتلمسهاش تاني مهما حصل انت فاهم!
-احمد:نتفاهم بعدين روح دلوقتي اغسلها وشها وفوقها هتتخنق انت ناسي انها عندها ضيق تنفس!!
-وكأن ماذن اول اما شاف احمد وهوا شايل كرامه نسي كل حاجه هوا كان طالع ع السلالم بسرعه عشان يلحقها وكان فاكر بس اول اما شاف الموقف دا ميعرفش اي اللي حصله..وبسرعه ملهاش حدود كان ماذن ف الحمام بيغسل لكرامه وشها وبيهديها وبعديها خدها وراح قعدها ف الحديقه وقعدوا كلهم معاها..احمد وسمر..وبسرعه كانت سميره بتجري عليهم وبعدتهم كلهم عن كرامه بس ماذن فضل ماسكها مش عايز يسبها فضلت سميره تهدي كرامه لحد ما هديت خالص..واول اما شافت ماذن ماسك ايدها نفضت ايدها وهيا مش عايزه تبصله وبصت لسميره وقالتلها:ماما انا عايزه امشي دلوقتي!
-ماذن بصدمه:كرامه!!
-كرامه وهيا لسه بصه لسميره:عايزه امشي ي ماما كلمي بابا وماما التانيين وقوللهم بيجوا ياخدوني!
-ماذن وهوا بيقوم بسرعه:كرامه انتي اتجننتي هما هييجوا ياخدوكي بكرة مش دلوقتي!
-سميره:استني بس ي ماذن..ي كرامه ي حببتي اجراءات تبنيكي لسه مخلصتش ازاي هتمشي دلوقتي!
-كرامه بتعيط ومش بترد وبسرعه كان ماذن حضنها وهوا بيهديها وبيقول بصوت محدش يسمعه غيرها:اسف انا اسف مكنتش اقصد لو سمحتي خليكي معايا لبكرة لو سمحتي ي كرامه!
-بصتلهم سميره بحزن وقله حيله ومبقتش عارفه تعمل اي غير انها تاخد احمد وسمر وتسيب ماذن هوا اللي يتصرف معاها..ومتبقاش غير ماذن وكرامه ف الحديقه وماذن لسه حضنها وكرامه لسه بتعيط...
-"تفتكروا كرامه هتستني لتاني يوم ولا هتثبت ع موقفها وهل لما تيجي تمشي تاني يوم هتفضل زعلانه من ماذن ولا هتتغير تماما لما تحس نفسها بتبعد"!!!!
🌎👫🌎👫🌎👫🌎👫🌎👫🌎👫🌎👫🌎
-استاذه اثار هيكون مكتبها معايا ف نفس مكتبي!
-ازاي ي فندم!؟
-هوا كدا هتكون سكيرتيرتي الخاصه!
-طب ي فندم المفروض ان في مقابله مع حضرتك بعد ساعه مع استاذه اثار حضرتك تبقي تقولها!
-اسر وهوا ماشي ع اوضه المقابلات ابدوا جهزوا اللي انا قولت عليه ولما تيجي دخليهالي ع طول!
*بعد ساعه*
-الباب يخبط واسر يسمح للي ع الباب بالدخول_
-السلام عليكم!
-وعليكم السلام ورحمه الله وبركاته..اتفضلي ي انسه اثار!
-اثار وهيا بتقعد ع الكرسي اللي قدام مكتب اسر:شكرا!!
-اسر بإبتسامه:مش فكراني!
-اثار وهيا بتبصله:اسر؟؟
-اسر وهوا مبسوط انها افتكرته:كويس انك افتكرتيني!
-اثار بإبتسامه داب اسر فيها:ازيك ي اسر عامل اي؟
-اسر:انا تمام الحمدلله انتي اللي عامله اي!؟
-اثار:كويسه الحمدلله صحيح انت بتعمل اي هنا!
-اسر:ماسك الشركه عن ابويا الله يرحمه!
-اثار:الله يرحمه!
-اسر:المهم بقي ي ستي طبعا انا عارف انك شاطرة كدا وممتازه كمان فمن غير اختبارات ولا اي حاجه طبعا مقبوله وكمان من بكرة ان شاء الله مكتبك هيكون جاهز ف نفس اوضه مكتبي!
-اثار بإستغراب:لي ف نفس اوضه مكتبك المفروض اني مهندسه جديده!؟
-اسر:منا عارف بس هتكوني تخت تدريبي فهتكوني ف نفس اوضتي بقي!
-اثار:اه فهمت طب لي استاذ ممدوح لما جيت امبارح قالي مكتبك جاهز اهه هنا ناقص بس مقابله استاذ اسر!؟
-اسر بهدوء قبل ما يفلت اعصابه:استاذ ممدوح يقول اللي عايزه مكتبك معايا ف الاوضه مش هيبقي مع حد تاني!
-اثار:اسر بص لو هنتعامل دلوقتي علي حسب المواقف القديمه فأنا افضل اني امشي احسن!
-اسر:تمشي لي؟!
-اثار:عشان انا مبحبش ان حد يكلمني ويعاملني بطريقه مش هقول انها خاصه هقول انها مختلفه عن باقي الناس عموما!
-اسر:طيب بصي ي اثار بعيدا عن اي حاجه كنت عايزها تكون بينا واللي هتكون فيما بعد بإذن الله وبعيدا عن كلامك دا انا هستناكي بكرة تكوني ع مكتبك اللي هوا في اوضتي تمم!
-اثار وهيا بتقوم:معتقدش اني هاجي..يعني اعتقد مش هنعمل شغل حلو مع بعض!
-اسر وهوا بيخبط بإيده ع المكتب:بكرة معادك هنا الساعه8لو جيت ولقيتك مش موجوده هاجي انا اجيبك عادي مفيش مشاكل!
-اثار وهيا ماشيه:ان شاء الله!
-اسر وهوا باصصلها:اثار..
*اثار لفتله*
-لبسك يطول ويوسع والميكب دا هيتشال في حاجه تانيه بس دي سبيها لبعد الجواز!
-بصتله اثار وهيا رافعه حواجبها ومن غير ولا كلمه مشت ورحت ع طول وهيا مش عارفه تعمل اي!؟
-اثار رغم انها محترمه وشاطرة جدا وامورة جدا جدا لكن لبسها نوعا ما ضيق وقصير اه مش اوي لكن عند اسر اللي بيعشقها من ما كانوا في الجامعه ضيق وقصير اما الميكب فهيا اصلا مش حاطه غير كحل ومسكره وملمع شفايف بس دا عند اسر زايدها حلاوه اكتر ما هيا حلوة......
-"تفتكروا اي هيكون رد فعل اسر لو اثار جت تاني يوم بنفس مظهرها ومعملتش حاجه من اللي اسر قال عليها..وهل اصلا هتيجي ولا لا"!؟
👫🌎👫🌎👫🌎👫🌎👫🌎👫🌎👫🌎👫
-ابعد..ادهم ابعد..ادهم بقول ابعد عايزه اروح!
-وبسرعه كان ادهم بعد عن كنوز ومسك ايدها وهوا بيقول يلا هروحك وبالمرة اشوف تيتا نيرمين وحشتني اصلا!
-ادهم سبني بقي مبحبش كدا...
-فضلت كنوز تتكلم وادهم مبيردش عليها لحد ما ركبها العربيه وطلع بسرعه لدرجه ان كنوز كانت دماغها هتتخبط بس ادهم مسكها من كتفها بإيد والإيد التانيه ع الدركسيون ووقف العربيه تاني وقال بزعيق وخوف عليها:ازاي متربطيش حزام الامان انتي مجنونه..وساب كتفها ووطي عليها شويه عشان يجيب حزام الامان يربطهلها..كل دا وكنوز مش عارفه تتكلم تقول اي!؟
-طلع ادهم بالعربيه وفضل ماشي براحه لانو كان عايز الطريق يطول..وف نص الطريق بدء ادهم الطريق وهوا بيقول:كنوز!
*كنوز بصتله*
-ادهم وهوا مركز ع الطريق بس بيبصلها بطرف عنيه:حبيتي قبل كدا!؟
-كنوز بإستفهام:لي السؤال!؟
-ادهم:عادي!
-كنوز بتنهيده:لا..
-ادهم وصوته باين عليه الانبساط:خالص!
-كنوز:ركز في طريقك ي ادهم')
-ضحك ادهم بصوت واطي وفضل سايق وهوا مبسوط لحد ما وصلوا...
-وصلوا ونزلت كنوز من العربيه وبتبص لقت ادهم نزل معاها..
-شكرا..اي دا انت رايح فين!؟
-داخل اسلم ع تيتا..عيب اجي ومسلمش عليها!
-كنوز وهيا رايحه ناحيه البيت:لا حول ولا قوه الا بالله!
-ادهم بضحك:ونعم بالله ي مراتي!
*كنوز كانت بعدت ومسمعتش هوا قال اي*
-خبطت كنوز وفتحتلها نيرمين وحضنتها اول ما دخلت لانها بتحبها جدااا+انها هيا اللي مربياها بعد ما امها وابوها ماتوا..
-مفيش حضن ليا كمان!؟
-نيرمين بإنبساط:ادهم حبيبي عامل اي مجتليش تاني لي من اخر مرة!؟
-وفجأه:نيرمين سكتت وبصت لكنوز اللي بصلها بإستغراب!
-انتي عرفتيه منين ي نانا وادهم كان بيجيلك ازاي..و..لحظه كدا..هوا انت ازاي ي ادهم مسألتنيش علي العنوان ولا مرة ازاي عرفته وجيت بسرعه!؟
-نيرمين:كنوز تعالي ندخل ونا هفهمك!#
-كنوز:تفهميني اي ي نانا انا عايزه اعرف دلوقتي اي اللي بيحصل!؟
-ادهم وهوا بيشد ايد كنوز:كنوز تعالي جوا وحنا هنفهمك..وشدها ادهم لجوه ودخلت وراهم نيرمين وقفلت الباب....
-كنوز:ادينا دخلنا حد يفهمني بقي!؟
-نيرمين:ي كنوز ي حبيبتي ادهم كان بييجي كل فتره وفتره يطمن عليا بس لا اكتر ولا اقل!
-كنوز:كان بيجيلك بصفته اي ي نانا؟!
-نيرمين:بصفته صديقك من ونتي صغيره!
-ادهم:وخطيبها!
-كنوز بصدمه:خطيب مين وصديق مين اذا كنا احنا من وحنا صغيرين مكناش بنطيق بعض لما نكبر هنتجوز دا عبط اي دا!؟
-ادهم وهوا بيقوم بسرعه وبعصبيه:كنوز..انتي خطيبتي انا وكنتي صديقتي انا كان من نحيتك انتي بس عدم الحب من الطفوله دا اما انا فكان واضح اوي اني بحبك وكلو كان عارف كدا عيلتي وعيله مي وعيله عز وننتك حتي الشارع كلو معرفش بقي انتي كنتي مش شايفه ولا كنتي عامله نفسك مش شايفه!
-كنوز:نانا لو سمحتي انتي عارفه اني لسالي سنه في الجامعه ومش عايزه اتجوز دلوقتي ولو عايزه*وهيا بصه في الارض*فأسفه مش هيكون انت ي ادهم!
-نيرمين:كنوز اهدي محدش قالك فكري من دلوقتي خدي وقتك!
-ادهم وهوا بيمسك كنوز من كوعها جامد:لا هيكون انا ي كنوز محدش غيري هيقدر يقرب منك اصلا!
-كنوز:انت عامل رعب للناس فما بالك انا هتعمل فيا اي!؟
-ادهم وهوا بيبتسم بسخريه:انتي..انتي الوحيده اللي مقدرش اعمل فيها حاجه ولا اقدر منك..انتي متخيله اني لما بكون معاكي بقلب طفل صغير..
-فاهمه دي يعني اي..انا بحبك من وحنا صغيرين عارف اني كنت عصبي ومبتكلمش ولا بعمل اي حاجه من اللي الاطفال بيعملوها او عمتا من اللي كنتي انتي ومي وعز بتعملوها بمعني اصح الصحاب حتي بيعملوها بس صدقيني كنت بحبك..مكنش حد يقدر يقربلك سواء انا معاكي او لا..طب فاكرة يوم ما كنتي خلاص هتنقلي مع تيتا مش انا الوحيد اللي مكنتش موجود ونتي بتسلمي ع الكل..عارف انك افتكرتي اني مش عايز اشوفك او اني ما صدقت لكن انا مكنش عندي القدرة اني اجي اشوف موقف زي دا قدام عيني لو كنت شوفتك مكنتش هسيبك تمشي صدقيني وساعتها اقسمت اني هفضل معاكي مهما رحتي فين هجيلك وهجيبك وهتجوزك وجيت ف سنه من السنين عرفت انتي سكنتي فين من مي ومن وقتها ونا باجي ع طول لما انتي مبتكونيش موجوده صدقيني انا بحبك اوي انا مقدرش استغني عنك مش هسيبك تحبي غيري ولا غيري ياخدك مني..كنوز..تتجوزيني!! ✊
-"تفتكروا اي هيبقي رد كنوز علي ادهم بعد كل الكلام دا هل هتفضل ع رايها انه مش بيحبها ولا هتلين ليه وبيه"!؟
👫🌎👫🌎👫🌎👫🌎👫🌎👫🌎👫🌎👫
-لليان ساكته ومش عارفه ترد تقول اي..
-ادم:لليان ردي عليا تتجوزيني!
-لليان وهيا بصاله:توعدني الاول انك مش هتتعصب تاني عليا وتخليني اتعامل مع اي حد عادي!؟
-ادم:اوعدك اني مش هتعصب تاني عليكي حاضر لكن تتعاملي مع اي حد دي اللي مستحيله!!
-لليان:شوفت شوفت!!
-ادم بعصبيه:شوفت اي ي لليان ازاي يعني تتعاملي مع اي حد عادي انتي هطله!؟
-لليان:شوفت اتعصبت تاني ازاي!!
-ادم:لليان..انا هروح اقولهم اننا هنتجوز الاسبوع الجاي وخلصنا انتي مينفعش معاكي غير كدا!! #
-لليان:ايه ايه الاسبوع الجاي وجواز لا بقي خطوبه بس هه!
-ادم بخبث:يعني انتي موافقه!
-لليان بكسوف:مش اوي يعني عادي عشان متتعصبش تاني لو هاني جه تاني بس!!
-ادم وهوا بيمسك كوعها جامد:اسم راجل غيري ميجيش علي لسانك..ثم انه مكنش هيقدر ييجي تاني اصلا ولو جهه كنت انا اتصرفت معاه!
-لليان بوجع:ادم بتوجعني!
-ادم ساب بسرعه ايدها وهوا بيقول:اسف انا اسف مكنتش اقصد بس انتي اللي عصبتيني!
-لليان:ادم انت بجد غير عادي اي دا!
-ادم:برده مفيش رجوع هنتخطب الاسبوع الجاي والفرح الاسبوع اللي بعده!
-لليان:نعم نعم ي روحي ونا اتعرف عليك كويس امتي بقي!؟
-ادم:تتعرفي ع مين ي روح ماما دنا ناقص اجي ابات معاكي دا اذا مكناش بنبات ف نفس البيت كمان كذا مرة!!
-لليان:اي السفاله دي خلاص!)
-ادم:ايوة كدا اهدي بقي نروح عشان نلحق نقولهم!
-بدء ادم يسوق بس نوعا ما بسرعه بس مش اوي وف نص الطريق طلعت عربيه نقل كبيرره وادم معرفش يتفاداها وخبط فيها جامد............
-"تفتكروا اي اللي هيحصل لادم ولليان هل هيفضلوا عايشين مع بعض ولا وحشوا ربنا ولا ربنا رايد ان حد منهم يسيب التاني سواء بالموت او الحياه"!!
👫🌎👫🌎👫🌎👫🌎👫🌎👫🌎👫🌎👫
-"وبكداpart5 من روايه 'حگايتنا') 🌎👫خلص
توقعاتكوا ع اللي هيحصل واتمني تفاعلكوا ورايكوا بالاحداث"!!
_By:'basmala yasser') 💖