حكايتنا')🌎👫

-"part26"🌎👫

-'صدمه اخرستها..رغم انها لسه عامله عمليه في عنيها والمجهود البسيط جدا بيتعبها الا انها فتحتهم علي وسعهم من هول الصدمه'...
-محمد بخوف وصوت شبه عالي:برااااء عينك..
-ليلي:صوتك ي محمد في ناس بره..
-'ومن غير ما يرد محمد علي ليلي قرب من براء اللي مسمعتش كلامه ولسه في صدمتها وحط ايده علي عينها بهدوء وهوا بيقفلهم..لكن براء فاقت ونفضت ايده بسرعه وهيا بتقوم من علي السرير وبتقول بخضه':عملت حادثه ازاي وامتي وازاي محدش يقولي!؟
-جميله:انتي كمان لسه عامله عمليه ي براء مكنتش ينفع نقولك وهيا عامله حادثه امبارح لسه...
-براء:يلا نروحلها انا مش هقعد اكتر من كدا..
-محمد بإنفعال:تروحي فين ونتي لسه طالعه من عمليه انتي اتجننتي!؟
-براء:محمد ملكش دعوه صحبتي ونا عايزه اشوفها..
-محمد:هوا اي اللي مليش دعوه انتي منتيش خارجه من هنا..
-ليلي:ي جماعه صوتكم بقي حد هيدخل..
-براء بعصبيه وتعب:محمد امشي من هنا يلا مش عايزه اشوفك..
-محمد بملاحظه لتعبها:براء انتي كويسه تعبانه!؟
-براء بتجاهل لمحمد:مستر حسين لو سمحت انا عايزه اروح عند شهد وديني بس..
-حسين:ي براء ي حبيبتي هيا كويسه والله احنا كنا لسه عندها قبل ما نجيلك وهيا كانت كويسه..
-براء بإجهاد:معلش انا عايزه اشوفها واطمن..
-جميله:طب اقولك هيا هتمشي من المستشفي بعد يومين كدا..اول اما تروح بيتها نروحلها كلنا..
-بري:اه اكيد هنبقي نروح كلنا..
-براء وجلها صداع مفاجئ وقعدت علي السرير:طيب...
-محمد وهوا بيقعد علي ركبته جنب السرير:براء انتي كويسه!؟
-'هزت براء راسها بهدوء..وكملوا كلهم ربع ساعه بس وبعد كدا مشيوا كالعاده زي اي بني ادمين عاديين ماعدا محمد اللي مشي من الشباك زي القرود')__
👫🌎
*بعد فترة اسبوع*
-'كان محمد ليه معاد ثابت كل يوم بييجي فيه من نفس الطريق لحد ما براء اتعودت وبقت بتتعامل مع الامر بتعود وعدم تفاجئ..وفي الاسبوع دا راحوا كلهم زاروا شهد فعلا ورغم تعبها جدا وذاكرتها الضعيفه جدا الا انها عرفتهم بسهوله وقضت معاهم فتره طويله..وف يوم كان محمد رايح لبراء في نفس المعاد..ولسه هيخبط علي الشباك كالعاده بس لقاه مفتوح..فعقد حواجبه بتوجس وهوا سامع كلام جاي من الاوضه..فطلع براسه اكتر لحد ما شاف رؤوس اللي واقفين بس وسمع كلامهم..وهنا واتحولت ملامح وشه لتانيه مرعبه واسودت عينه بظلام تؤام الليل واتشنجت عضلات جسمه واتصلب فكه بعصبيه وغضب وهوا سامع صوت عارفه كويس عن ظهر قلب بيقول':ونا كمان بحبك..........
🌎👫🌎👫🌎👫🌎👫🌎👫🌎👫🌎👫🌎
-عمر ي ابني فوق..عمر انت معايا ي ابني!؟
-'قالها فريد اللي كان ماشي مع الترولي اللي عليه عمر وهوا بيحاول يفوقه..وجنب الترولي بتاع عمر بالضبط كان الترولي اللي عليه شهد وعبداللطيف وعفاف جنبها وبرده كانوا بيحاولوا يفوقها..لكن شهد بالذات لا حياه لمن تنادي..اما عمر ففتح عينه بضعف وايده بدءت تتحرك بعشوائيه ولسانه تقيل وبيحرك بوءه بصعوبة وحروف بتطلع منه بتفكك وبعد محاولات كتير ونزل ايده بضعف ففلتت من علي الترولي وثبتت علي الترولي اللي جنبه..فوقعت علي ايد هوا عارفها كويس ففتح عينه تاني وهوا بيحاول يفوق نفسه..وفضل يخبط علي ايدها بإيده وهوا بيحود راسه لنحيتها بضعف ورغم وجعه اللانهائي بصلها وهوا لسه بيخبط علي ايدها وبدء يقول بتفكك':ش..ش..هد اا صصحي..ي..لا ششهد نا ااسسفف..
-'وبسرعه كان كل ترولي داخل اوضه عمليات مختلفه قدام بعض وجه دكتورين وكل دكتور دخل اوضه وقعدوا فريد وشيماء قدام اوضه عمر وهما قلقنين عليه ونفس الحال كان عند عبداللطيف وعفاف'__
👫🌎
*بعد4ساعات*
-'توتر رهيب وقلق فظيع للي برا اوضه العمليات..وبعد4ساعات من الخوف والتوتر خرج دكتور من اوضه عمر ووقف قدام فريد وشيماء وهوا بيقول':اصابات المريض مش كتير ولا خطيره للدرجه هوا عنده شرخ في العمود الفقري ودا هيروح بالعلاج الفيزيائي ورقبته كمان كان فيها شرخ بسيط بس الاكيد انه حركها حتي لو بضعف ودا ادي الي كسرها هيا كمان..لكن ان شاء الله هنبدء في العلاج من بكرة لما يتنقل لاوضه عاديه ووضعه يتحسن من العمليات#
-'شكر فريد الدكتور قبل ما يمشي وف نفس الوقت كان عمر طالع من الاوضه علي السرير المتحرك والممرضين بيحركوه فمشى معاه فريد وشيماء لحد الاوضه العاديه ورفعوه الممرضين بتساوي وحطوه علي السرير التاني برفق..وخرجوا وفضل جنبه فريد بتعب وشيماء بعياط'..
👫🌎
*قدام اوضه عمليات تانيه*
-'كانت شهد لسه ف اوضه العمليات وعدى6ساعات ولسه محدش خرج يطمن عبداللطيف وشيماء اللي اضاعفوا وبقي معاهم فرح وشريف وشاهندا..وبعد نص ساعه كمان بعد ال6ساعات..خرج الدكتور وعلي وشه علامات الاجهاد والتعب فقرب منه عبداللطيف وعفاف وهما بيقولوا بقلق':طمنا ي دكتور بنتي عامله اي!؟
-الدكتور:هيا حاليا كويسه حصلت مضاعفات كتير اثناء العمليه..دماغها اتفتحت وبسبب الحادثه الكبيره فقدت ذاكرتها اخر سنه قبل الحادثه بالضبط..فقدتها كلها ومعتقدش خالص انها هترجع بعد فتره وما الي ذلك واه حاجه تانيه يستحسن جدا محدش يحاول يفكرها بأبسط الاشياء..هيا ممكن تفتكر لواحدها لكن برده هيأثر بالسلب عليها..وهيا دلوقتي تقدر تنتقل لاوضه عاديه عادي وهتقضي يومين معانا هنا عشان نتأكد من صحتها..
-'وهز عبداللطيف راسه وهوا مصدوم وهكذا عفاف وباقي اللي واقفين وهنا طلعت شهد من اوضه العمليات علي السرير المتحرك ودخلوها الممرضين اوضه عاديه ووراها عفاف وشاهندا وشريف بعياط وعبداللطيف بقله حيله وفرح بزعل شديد علي جارتها وصاحبتها'___
👫🌎
*في اوضه عمر*
-'فاق عمر بعد ساعتين وهوا بيحاول يقوم من نومته وبيقول بصوت مهزوز':شهد..
-شيماء وهيا بتنيمه تاني:اهدي اهدي ي حبيبي انت لسه طالع من عمليه..
-عمر:فين شهد!؟
-عمار اللي جه مع فرح:هيا كمان لسه طالعه من العمليات ي عمر ارتاح انت بس وفرح هتيجي تطمنا دلوقتي..
-عمر بتصميم:قوموني انا عايز اروحلها..
-فريد:تروح فين ي ابني انت لسه عامل عمليه زيك زيها ارتاح بس ونا هخلي فرح تيجي تطمنا..
-عمر:قولت هروح يعني هروح..
-'وهنا دخلت فرح الاوضه وباين علي وشها الزعل فقال عمر بسرعه':فرح فين شهد هيا خرجت من العمليات صح عامله اي!؟
-فرح بتلعثم:اصل هيا يعني...
-عمر بخوف وزعيق:ما تنطقي في اي!؟
-عمار:عمرر صوتك!!
-'ومن غير تفكير كان عمر قايم بس رجع اترمي تاني علي السرير فضرب عمار الجرس اللي جنب السرير وجه ممرض بسرعه فقال فريد':عايز يروح الاوضه بتاعه البنت اللي جت في الحادثه معاه..
-الممرض:مينفعش انت لسه خارج من عمليه وصعبة__
-عمر بعصبيه وزعيق:هروح يعني هروح اتصرفوا..
-'وفكر الممرض وراح جاب كرسي متحرك وشال هوا وعمار عمر وقعدوه علي الكرسي وخدوا الممرض لاوضه شهد'__
🌎👫
*في اوضه شهد*
-'كانت شهد لسه نايمه بتأثير من المخدر والكل حواليها وفجأه كان الباب بيتفتح وبيدخل منه الممرض اللي بيحرك الكرسي اللي قاعد عليه عمر وجنبه عمار والباقي وراه'...
-عبداللطيف:عامل اي ي عمر ي ابني انت لسه خارج من العمليه اي اللي جابك هنا؟!
-'ومن غير كان عمر بيحرك الكرسي بنفسه لناحيه سرير شهد ووقفه جنب سريرها بالضبط وحط ايده علي ايدها بهدوء وهوا بيحاول يصحيها بعيون مدمعه وبيقول وهوا بيهز ايدها برفق':-شهد..شهد..فوقي يلا انا جيت اهه..
-'وحاول عمر كام مرة والكل واقف مصدوم ومفيش حد بيتكلم..واخيرا كانت شهد فتحت عنيها المزغلله بتعب وهيا بتسحب ايدها من ايد عمر وبتحطها علي راسها كرد فعل للصداع اللي جالها فجأه..وفاجأها اكتر الصوت اللي جه من جنبها بيقول بنبره كلها خوف وقلق':شهد انتي كويسه فوقتي!؟
-'عقدت شهد حاجبها بإستغراب وتوجس فهمه نص اللي واقفين في الاوضه وقالت':انت مين!!؟
👫🌎👫🌎👫🌎👫🌎👫🌎👫🌎👫🌎👫
-كرااامه..
-'اتتفضت كرامه برعب من صوت ماذن اللي قرب منها بسرعه وسحبها بعنف من دراعها وحطها ورا ضهره من غير ما يسيب دراعها وقرب من لؤي وبغضب وعصبيه اداله لكمه داخ لؤي بسببها فقالت كرامه بخوف علي لؤي':لؤي..
-'بصلها ماذن بصه موت وشد علي دراعها اكتر وقال من بين سنانه بهمس مرعب':اخرسي مش عايز اسمع نفسك..
-كرامه بدفاع:ماذن دا لؤي...
-'قاطعها ماذن وهوا بيقول بصوت اعلي اجتمع الشارع علي اثره':قولت اخرسي متنطقيش اسمه علي لسانك_
-'ارتعش جسم كرامه للمرة الالف من كلام وعصبيه ماذن واستغل لؤي انشغاله بكرامه وعدل وقفته قرب منه ولسه هيضربه بالكمه بس ماذن مسكه من رقابته بعنف وقسوه وكان لسه باصص علي كرامه اللي مغمضه عنيها بخوف ودموعها نازله بتوتر ورعب..بص ماذن للؤي اللي وشه بدء يشحب وقال بهمس':مش سهل انك تضحك علي رائد..
-لؤي بصعوبه:انت مين!؟انت اكيد مجنون..واي علاقتك بكرامه!؟
-ماذن وهوا بيضغط بإيده اكتر:متنطقش اسمها دا اخر تحزير اما انا مين فدي حاجه متخصكش كل اللي المفروض تعمله انك تختفي من قدامي دلوقتي بدل ما اتعصب..
-'نفض ماذن ايده عن رقبه لؤي بعنف تاركه اثر جامد فقال لؤي بعد ما هدي':انت مجنون هسيب بنت خالتي مع واحد معرفوش!!
-كرامه بتكمله وبتقرب ووقفت مابنهم:ماذن دا لؤي ابن خالتو دعاء يعني ابن خالتي..
-ماذن بنفس العصبيه:ابن خالتك ولا ابن عمتك ميهمنيش..
-'لفت كرامه للؤي وهيا بتقول بنهج':لؤي دا ماذن العريس اللي متقدملي امبارحامبارح..
-لؤي وهوا رايح يحط ايده علي كتف كرامه:كرامه اهدي وخدي نفس عميق عشان انتي بتنهجي اوي..
-'وقبل ما ايد لؤي توصل لكتف كرامه كان ماذن ماسكها جامد ونفضها وهوا بيقول بهمس مرعب':ايدك متتمدش..
-'وبسرعه تفكير من ماذن خد كرامه من ايدها وشدها وراه علي العربيه فبصت للؤي بإعتذار فهمه هوا وقابله بإبتسامه مطمئنه فمشت بيأس مع ماذن وركبها العربيه..اما كرامه فحست ان نفسها بيروح منها تدريجيا فطلعت البخاخه بسرعه وبدءت تتنفس بإنتظام لما حتطها في بوءها'__
-'ركب ماذن العربيه وف ساعتها كانت كرامه نزلت البخاخه وحتطها في الشنطه وهيا بتبص من شباك العربيه بتعب..وبتستعد لزعيق وعصبية ماذن المهلكة'_
-ماذن بهدوء ما قبل العاصمة:كنتو بتتكلموا في اي!؟
-تنهدت كرامه وهيا بتقول ببرود:ولا حاجه..
-'وبعصبيه كان ماذن ضارب علي الدريكسيون وهوا بيقول بصوت عالي':كراااامه متعصبنييش..
-كرامه ببرود اكبر:صوتك ي ماذن عشان الناس بتبص علينا..
-ماذن:ما تولع الناس انا بسأل كنتوا بتتزفتوا تقولوا اي..
-كرامه بنفخ:كان بيباريكلي..
-ماذن:بيياريكلك اه..طيب ابقي اشوفك واقفه مع حد بعد كدا ي كرامه هتشوفي..
-كرامه:مش هتبعدني عن قرايبي ي ماذن..
-ماذن ببرود:هتبعدي ي حبيبتي هتبعدي..اصل مش كرامه ماذن اللي تكلم اي حد ونا موجود او حتي ونا غايب__
-'سكتت كرامه بتأفأف وخدها ماذن علي مول عشان يجيبوا فستان الخطوبه'__
🌎👫
*في المول*
-'دخل ماذن وهوا ماسك ايد كرامه وبدءوا يلفوا في المول وياخدوا الحاجات اللي عجبتهم..ونست كرامه اللي حصل لانها في قمه انبساطها..وماذن كمان نساه او للأدق نقول انه بين انه نساه لكن الحقيقه كانت عكس كدا'__
👫🌎👫🌎👫🌎👫🌎👫🌎👫🌎👫🌎👫
-اسر:نعم في حاجه!؟
-عاصم وسع ي ولد دا الحچ عبدالچليل چاي..
-عبدالجليل:بس ي عاصم..انا عايز اشوف اثار ي استاذ وسع بجي اشوف بت اخوي..
-اسر ببرود وبيحط ايده في جيبه:مفيش حد هيشوف مراتي..معلش اصل العرق الصعيدي عامل عمايله معايا..
-عبدالجليل:وسع ي استاذ واتجي شري..
-اثار من ورا اسر:معلش ي اسر خليهم يقولوا اللي عايزينه عشان نخلص..
-اسر بضيق:من ع الباب محدش داخل..قربت اثار من اسر ووقفت جنبه وقالت:اتفضل قول اللي عندك..
-عبدالجليل:طيب مجبوله منكم..بس المهم..بصي بت فتحي چدك الله يرحمه بعد ما طرد ابوكي من البيت بعد ما حب بت البندر رج جلبه عليه وكتبله نصيبه في الميراث وطبعا ابوكي دلوج مات..ونتي بته الوحيده فكل الميراث ليكي وطبعا انا معخلكيش تاخدي ايتها حاچه بس لازمن بردچ نجولك فإحنا عندنا خيارين ملهمش تالت..
-اثار بزهق:اللي هما!؟
-عبدالجليل:ي تتنازلي عن حجك في الميراث ي تتچوزي عاصم ابني..
-اسر:تتجوز مين يا راجل انت!؟
-عبدالجليل بسماجه:عاصم ابني..
-اسر بسخريه:تصدق كنت مفكره بنتك!!
-عاصم:احترم نفسك ياض ومتچبرنيشي اني اتعامل معاك بطريجه مش ولابد..
-اثار:نهايته انا مش عايزه منك حاجه واتفضل يلا بقي..
-عبدالجليل:بس ده لسه فيه اوراج وامضاءات وحاجات كتير اومال...
-اثار:والمطلوب!؟
-عبدالجليل:بكرة هبجي اعدي عليكي وتنزلي معايا ونمضي كل حاجه ونبجي شطبنا..
-اثار:ان شاء الله سكه السلامه بقي..
-'ومشيوا عبدالجليل وعاصم وقفل اسر الشقه بضيق وهوا بيقول':تنزلي مع مين انتي كمان!؟
-اثار:طب هعمل اي ي اسر انا عايزه اخلص..
-اسر:قولتلك سبيني انا اتصرف مرضتيش..
-اثار:لا خلاص انا هروح بكرة وهخلص الموضوع..
-اسر بتصحيح:قصدك احنا هنروح بكرة ونخلص الموضوع..
-اثار:ماشي ي اسر ماشي..
👫🌎
*تاني يوم الصبح*
-'نزلوا اسر واثار الصبح وركبوا العربيه وراحوا المكان اللي قالهم عليه عبدالجليل وكان في شقه محامي'..
-عبدالجليل:ي اهلا ي اهلا اتفضلوا نورتوا..
-اسر:من غير كلام كتير خلينا نخلص ونمشي..
-'ودخلهم عبدالجليل الشقه وكان فيها عاصم ورجاله تانيه وقفل الباب وراه وهوا بيقول بتفشي':دلوجت نجدر نتحاسب بصحيح..
🌎👫🌎👫🌎👫🌎👫🌎👫🌎👫🌎👫🌎
-"وبكداpart26من روايه 'حگايتنا')🌎👫خلص"..
*توقعاتكوا عن اللي هيحصل ورايكوا في الاحداث واتمني تفاعلكوا*!
_By:'basmala yasser')💖