حكايتنا')🌎👫

-"part8"🌎👫

-*بعد سنتين*
-انا نازله ي ماما ادعيلي!
-ربنا معاكي ي بنت بطني!!
-ونزلت بطلتنا لأول يوم ليها في الكليه *كليه الهندسه المعماريه*حلم العمر....
-دخلت اول يوم وكانت مع صاحبه عمرها*ضي*..!
-عرفت جدول السكشنات بتاعتها ومكان القاعه وكانت اول محاضره بعد ساعه من وقتهم..راحوا قضوها في كافيه الجامعه واتعرفوا علي بنتين(سيلين و ساره)كمان وبقوا اصحاب..وعدت الساعه ودخلوا القاعه مع بعض هما الاربعه وقعدوا في المدرج اللي قبل الاخير..وع طول كان الدكتور دخل وعرفهم بنفسه وبدء في الشرح...................
-وعدي اليوم الاول لمنه بنفس الرتم وروحت وهيا مبسوطه جدا لانه كان يوم حلو..دخلت اوضتها ومسكت التليفون وفتحت صورة قديمه وفضلت تكلم فيها وتقول...
*وحشتني اوي كان نفسي تكون معايا ف اول يوم ليا ف الجامعه نفسي اكلمك واسمع صوتك اللي كنت بسمعه دايما ف الشارع عايزه اعرف عملت اي ف كليتك عايزه..عايزه اعرف اذا كنت لسه بتحبني ولا لا..نستني ولا لا..لسه عند وعدك ولا لا..لي مترجعش..لي متجبش تاخدني وتمشي تاني حتي..لي..لي بعدت عني لي*!!؟
-ونزلت دموعها علي شاشه التليفون وفجأه..سمعت صوت من وراها خلي الدم يتجمد ف عروقها..........
-"تفتكروا مين اللي ورا منه"!!؟
👫🌎👫🌎👫🌎👫🌎👫🌎👫🌎👫🌎👫
-ااااه..رجلي......
-تململت عشق ف السرير وهيا بتقوم براحه من الصداع اللي بيموتها والم رجليها..حس بيها تيم فقام بسرعه ووقف جنب السرير ومسك ايدها وهوا بيقول:عشق حبيبتي ارتاحي اكيد رجلك لسه وجعاكي نامي ونا هفضل جنبك!!
-عشق:لا عايزه اقوم فين ماما!؟
-تيم بهدوء:عشق مفيش قوم من ع السرير هتفضلي كدا انهارده ونا هفضل جنبك واذا كان عن خالتوا هجبهالك كمان!!
-عشق:تيم بلاش معامله الاطفال دي سيب ايدي ونا هقوم!
-تيم بزعيق جه عليه سهر وسهير:عشق قولت هترتاحي انهارده ومش هتقومي وريني بقي هتقومي ازاي!؟
-سهر وهيا بتدخل من الباب:اي اي ف اي ي تيم انت وعشق صوتكم عالي لي!!؟
-عشق:خالتو خليه يسيبني عايزه اقوم!!
-سهر وهيا بتقعد جنبها ع السرير:هتقومي ازاي بس ي روح خالتك انتي رجلك لسه جروحها مخفتش وبعدين هتقومي تعملي اي!؟
-سهير:ما تسمعي الكلام ي عشق انتي لسه تعبانه ارتاحي!
-عشق:فجأه كلكم بقيتوا ضدي!!
-تيم:يربي علي مخكك ي عشق ضدد مين ي حببتي احنا بنقول كدا عشان صحتك ومصلحتك!!
-عشق بصوت عالي:هوا في صحه ومصلحه بعد اللي قولته امبارح!!
-تيم بعصبيه:عشق صوتك ميعلاش واذا كان عن اللي انا قولته امبارح فكلامي مش هيتغير ولو اي حصل!!
-عشق:انا اللي مسئوله عن قراري ي تيم انا اللي هقرر معاك لان انا كمان اللي هتجوز مش انت!!
-تيم:وحد قالك انك مش هتقرري قرري براحتك شوفي عايزه تعملي الفرح فين وكل الترتيبات انتي اللي هتبقي مسئوله عنها ومحدش غيرك!!
-عشق بنفاذ صبر من بروده:تييييييم مبحبش البرود انت عارف انا قصدي اي واي فرح دا كمان فين الخطوبه وكتبت الكتاب انت عايز نتجوز علي طول!!
-تيم وهوا بيحاول يبقي هادي:طب كتب الكتاب هيكون قبل الفرح بيوم مفيش مشكله حضرتك عايزه بقي الخطوبه تعملي بيها اي!!؟
-عشق:امال اتعرف عليك ازاي يعني!!
-تيم بزعيق:تتعرفي ع مين ي روح امك!!؟
-سهير:ولد اي دا!!
-سهر وهيا ميته من الضحك:اهدوا بقي يخربتكم صدعتوني!!
-عشق:ابنك مستفز اوي ي خالتو!
-تيم بخبث:مش المستفز دا اللي كنتي بتنامي علي صوته!!
-عشق بكسوف:قليل الادب ووقح!
-سهير:بسسس خلاااص....
-تيم:حسابنا مع بعض بعدين..المهم انا هنزل اقولهم تحت يحضروا الفطار!
-ونزل تيم وقال لرئيسه الخدم(هنيه)بإنهم يحضروا الفطار..سهر وسهير نزلوا وراه بعد ما دخلوا عشق الحمام عشان تستحمي اما هوا فطلع عشان يستحمي ويغير بسرعه ويروح ياخد عشق من اوضتها وينزلها......
-راح تيم علي اوضه عشق بعد ما خلص ولقاها بتسرح شعرها..بصلها بصه عاشق وهيا ابتسمتله من المرايه..بص علي هدومها ومنها افتكر لبسها وهيا راجعه واستحلافه ليها ف المطار ووشه اتقلب180درجه..اتخضت عشق وقامت براحه بسبب رجليها من علي كرسي التسريحه وبصتله بإستغراب من تغير حاله المفاجئ وبسرعه كان تيم واقف قدامها بالضبط وقال وهوا بيحاول يكون هادي مع انه ظهرلها عكس كدا تماما:عشق حبيبتي لبس زي اللي كنتي لابساه ف المطار مفيش..ميكب مفيش ولو حاجه بسيطه جدا..حاجه تانيه..شعرك الاحمر الناري دا هيتغطي يعني تلبسي الحجاب وبكدا كمان كل لبسك هيتغير اتفقنا!!؟
-فكرت عشق ف اللي بيقوله وغفلت عن اللي قدامها بكامل عصبيته وغضبه وقالت:بس تيم انا كل لبسي زي اللي انت شوفته مفيش حاجه غيره وميكب مش بزود اصلا اما شعري فأنا اتعودت اني امشي بيه كدا مش حابه الحجاب!!
-تيم بشبه زعيق:مفيش حاجه اسمها اتعودت ي عشق انتي كبرتي واكيد مش هسيبك بشعرك اكتر من كدا كمان ونتي داخله الجامعه....واذا كان على اللبس فمن انهارده ننزل انا ونتي ونشتري عادي مش هنقف علي دي!!
-عشق بزهق وزعيق وهيا بترجع لورا براحه:انا زهقت ي تيم كل حاجه الجامعه الجامعه مش هسيبك تدخلي الجامعه غير ونتي مراتي مش هسيبك تدخلي الجامعه ونتي بشعرك مش هسيبك ومش هسيبك انا مكملتش يوم هنا وبدءت تحط اوامر وتتحكم ونا مبحبش كدا..متخلنيش اندم اني سمعت الكلام وجيت كان ممكن اكمل كل حاجه ف اسكندريه بس جيت بسبب زن ماما وبسببك بس بجد يارتني ما جيت يارتني!!
-تيم بزهول:بتسمي غيرتي عليكي وعشقي ليكي اوامر وتحكم..بتتمني انك ترجعي تاني اسكندريه وتسبيني وحنا كنا بنتمني زمان اننا نرجع نعيش مع بعض......
-كمل تيم بهدوء:انا عارف ان عصبيتي زايده زياده عن اللزوم وان ده اول يوم ليكي هنا وكان لازم يبقي احسن من كدا بس اعمل اي..انا كنت بموت كل يوم وكل ساعه وكل دقيقه وكل ثانيه انك بعيده عني واني مش عارف اشوفك عايزاني لما الاقيكي رجعتي اعمل اي اقولك خدي وقتك حبيبتي ونا مش مستعجل براحتك خالص واسيبك تدخلي الجامعه ونتي مش مراتي واي حد يشوفك ويجي يتقدملك هتتبسطي لو لقتيني ف السجن بسبب اني اذيت حد حاول يقربلك..انا معرفش انتي بتفكري في اي دلوقتي تقدري تقوليلي انتي عايزه اي عشان اعمله!؟
-عشق بعياط هادي وبصوت واطي:اسفه ي تيم بس انا مش مستعده للجواز دلوقتي نهائي ولا مستعده لاي حاجه قولتها من شويه اسفه علي طريقه كلامي وكلامي نفسه اللي قولته من شويه لكن دا احساسي انا مش مستعده!
-بصلها تيم من غير كلام..بس كان باينلها رد فعله من فكه اللي بيشتد وايده المتكوره وبدون اي كلام كان بابا الاوضه بيترزع جامد..وقعت عشق علي الارض وهيا بتعيط جامد ومش قادرة تاخد نفسها ومأنقذهاش غير سهر وسهير اللي دخلوا عليها بخوف....
-اما تيم فخرج من اوضتها وهوا مش قادر يتحكم ف نفسه خرج بسرعه عشان عارف انو لو استني شويه كمان كان هيعمل مالا يحمد عقبه بسبب كلامها..راح ع اوضه الرياضه بتاعته اللي ف نفس الفيلا..خرج فيها كل غضبه وعصببته وغيرته..كان بيزيد من لعبه وسرعته كل ما يفتكر حرف من كلامها..وفضل فيها بقيت اليوم كلو مش عايز يطلع عشان ميشوفهاش ويحن ومفيش حد اتجرأ وجه خبط عليه وهوا ف قمه غضبه.......
*ف اوضه عشق*
-سهير:انتي مش بتفهمي ي عشق ازاي تقولي كدا انتي ناسيه اننا ضيوف!
-سهر:اخس عليكي ي سهير دا كلام!
-سهير:متزعليش مني ي سهر مكنتش اقصد لكن تيم عنده حق برده ونا معاه ف كل كلمه قالها!!
-سهر:بس برده هوا مزودها اوي مش للدرجادي ف اي دنتوا لسه مكملتوش اليوم هنا الله!#
-كانوا بيتكلموا ومش واخدين بالهم من اللي بتعيط بصمت وقامت وهيا ماشيه بعرج بسبب رجلها وطلعت من الاوضه بهدوء..
-سهر:ي حببتي ي بنتي!
-سهير:متدلعيهاش اوي ي سهر هيا تستاهل كلامها كان جارح برده!
-سهر:ربنا يهديهم هما الاتنين يارب!
-سهير:امين يارب..
-اما عشق فلما خرجت من الاوضه مسحت دموعها اللي مش راضيه تقف وراحت سألت واحده لقتها معديه من جنب الاوضه..
-عشق بإحترام:لو سمحتي متعرفيش تيم فين!
-هنيه:البشمهندس تيم شفته وهوا كان رايح اوضه الجيم بتاعته.!
-عشق:طب ممكن توديني ليها!!
-هنيه:اه اتفضلي..
-ومشيت عشق مع هنيه وودتها هنيه الاوضه اللي كانت ف اخر الفيلا وسبتها ومشيت قدام الباب..حاولت عشق تهدي نفسها علي قد ما تقدر وخبطت بهدوء وهيا بتقول:ممكن ادخل!!
-مسمعتش اي رد منه فتنهدت وهيا بتفتح الباب بهدوء..............
-"تفتكروا عشق راحت تعمل اي عند تيم بعد كلامها ورد فعل تيم عليها هتكون عامله ازاي"!؟
🌎👫🌎👫🌎👫🌎👫🌎👫🌎👫🌎👫🌎
-قالت ملاك ببراءه طفله:يااااه انت بتحبني اوي كدا!؟
-مالك بإبتسامه:لا مش بحبك مش بحبك ابدااا كلمه بحبك دي قليله اكتر مما تتصوري علي اللي ف قلبي وكل خليه ف جسمي ليكي انا بعشقكك ويمكن كمان العشق يكون اقل عليكي!!
-ملاك وهيا بتقوم من حضنه:بس ي مالك انت صعب اووي وعصبي جدا ونا بخاف منك!!!
-مالك بحنان وحب ملوش حدود:عندك حق انا فعلا عصبي انا عارف لكن الا معاكي..او ماشي احيانا بفقد اعصابي كمان معاكي لكن ملاكي اتأكدي من حاجه واحده بس اني مهما اتعصبت ومهما غضبت ورزعت وهبدت وكل حاجه عمري ما هأذيكي لو حسيت اني ممكن ااذيكي ودا من سابع المستحيلات هتلاقيني سبت كل حاجه ومشيت بس عشان مأذيكيش..انا ااذي نفسي لكن مأذيكيش ابدااا!
-ملاك بضحكه:ونا كمان بحبك اوي ي مالك..يلا بقي ننزل عشان انا لسه جعانه!!
-مالك وهوا مبسوط جدا من انها قالتله بحبك:لا خليكي ونا هنزل اجيب اكل واطلع وناكل مع بعض..
-ملاك بغضب طفولي:لا مليش دعوه انا عايزه اقعد تحت معاهم!!
-مالك:تمم تعالي بس لو قمت ضربت حد من اللي قاعدين عشان اتكلم معاكي متزعليش!!
-ملاك:هبقي ادافع عنهم!!
-مالك:طب ابقي اتكلمي!
-ملاك:هيلموا الاكل تحت ونت هنا بتتشاكل اتكلم ولا لا!!
-مالك بضحك:خلاص يلا...
-ونزل مالك وملاك وهما ماسكين ايد بعض لتحت تاني واول اما شافهم فريد قال:وادي عشاق العيله نزلوا بعد اتصافوا..
-ملاك بتذمر:مش هتسيب ايدي بقي عايزه اكل..
-مالك ببرود:لا مش هسيبها!!
-ملاك:واكل ازاي انا بقي!؟
-مالك:بسيطه..
وبسرعه كان مالك مقوم ملاك ومقعدها علي كرسيه وهوا قعد علي كرسيها ومسك ايدها التانيه*الشمال*وبصلها بإبتسامه وشاورلها على الاكل!!
-ملاك بحنان:وانت مش هتاكل!!
-مالك:هشبع طلاما انتي هتاكلي!!
-ملاك:لا خلاص هأكلك انا')
-منال(مامه مالك):مش كفايا محن!!؟
-احمد(ابو مالك):لا ازاي مينفعش##
-كل اللي ع السفره ضحكوا لما لقوا مالك وملاك مش مدينهم اهميه اصلا ولا لكلامهم وبياكلوا مع بعض وبس##
-فريد وهوا بيحاول يوقف ضحك:دول مهما عملتوا مش هيبطلوا!!
-خلص مالك وملاك اكل وقاموا وهما برده مش بيردوا عليهم وقال مالك:تصبحوا علي خير بقي هنطلع ننام عشان ملاك عندها مدرسه بكرة!!
-علاء:انتوا لي محسسني انكم متجوزين!؟
-مالك:مفيش حد حشرك ي عم علاء!!
-علاء:ملاك اختي ي مالك متنساش دا!!
-مالك:وهيا مراتي من قبل ما تشوفها وتشوفك اصلا!!
-فريد:خلاص ي علاء خلاص ي مالك..
-طارق:مالك استناني بكرة في الشركه لازم نتكلم!!
-مالك وهوا طالع:بكرة ان شاء الله..
-وطلع مالك هوا وملاك وسايبين الكل تحت بيخبط كف بكف من تصرفات مالك!!
-مالك:تصبحي علي خير ي مراتي..
-ملاك بإبتسامه:وانت من اهل الخير ي مالك!
-باسها مالك من جبينها ودخلها الاوضه واترمي هوا علي سريره وهوا مش حاسس بجسمه من كتر العشق اللي بيدغدغ ف عظمه وبيسري ف دمه!!!!
-"تفتكروا طارق هيكلم مالك ف اي وهل هيقف ضده ولا هيبقي معاه"!؟
👫🌎👫🌎👫🌎👫🌎👫🌎👫🌎👫🌎👫
*ف الدور الاول*
-لو سمحت ف واحده هنا اسمها نور!؟
-انت جاي تدور علي بت تايهه هنا غور ي عم!!
*ويترزع الباب ف وش مروان*😹
*ف الدور التاني*
-لو سمحت ف واحده هنا اسمها نور!؟
-وانت كمان مش عارف شقتها..تؤ تؤ عيب الصراحه!!
*ويترزع الباب لتاني مرة ف وش مروان*😹
*ف الدور التالت*
-لو سمحتي ف واحده هنا اسمها نور!!؟
-طب مينفعش كرمن!؟ 😹😹💔
*المرة دي مروان هوا اللي قفل الباب ف وش نفسه*😹😹💔👌
*ف الدور الرابع*
-لو سمحت ف واحده هنا اسمها نور!؟
-حضرتك مين!؟
-انا زميلها ف الجامعه هيا موجوده!؟
-اه اتفضل يبني!!
-شكراا..ممكن تناديها!
-اه طبعا اتفضل اقعد..
*ف اوضه نور*
-نور ي نور ف حد هنا بيقول انو زميلك من الجامعه وعايز يشوفك!!
-زميلي انا!!
-اه يلا اطلعي..
-حاضر جايه اهه ي بابا..
-وتلبس نور بسرعه وتطلع وتنصدم من اللي قاعد قدمها:مروان!!؟
-مروان وهوا بيقف بسرعه:نور انتي كويسه مجتيش الجامعه لي رنيت عليكي كتير بس مرضيتش!!
-نور بإستغراب:هوا لسه بدري ثم ان انا اصلا مكنتش هاجي انهارده وبعدين انت جبت رقمي منين وعرفت الدور الكام منين!؟
-مروان:مكنتيش هتيجي لي!!
-نور:كدا...
-مروان:طب روحي البسي عشان هنروح مع بعض!!
-نور:مروان انت تيجي هنا بصفتك اي وتدخل معايا الجامعه بصفتك اي!!
-مروان:هتعرفي دلوقتي..روحي بس البسي ونادي باباكي يقعد معايا لحد ما تلبسي..
-نور وهيا ماشيه:لا حول ولا قوه الا بالله يارب!!
-عبدالرحمن بعد ما جهه:خير ي ابني ف حاجه ولا اي!!
-مروان:كل خير ان شاء الله ي عمي انا بس كنت عايز اخد معاد من حضرتك عشان نيجي انا ووالدي انهارده عشان نطلب ايد نور!!
-عبدالرحمن:طب هيا نور عارفه!؟
-مروان بسرعه:لا لسه وياريت حضرتك متقولهاش ولا انا هقولها عشان عايزها تبقي مفاجأه!!
-عبدالرحمن:تمم ي ابني تقدروا تيجوا انهارده الساعه6المغرب حلو!!
-مروان بإنبساط:تمم جدا واتفضل بقي دا رقمي!!
-نور وهيا جايه:خلصت!!
-مروان وهوا بيقوم:استأذنك ي عمي!!
-نور وهيا راحه تبوس باباه من ايده:سلام ي احلي بابا!!
-عبدالرحمن بحب:سلام ي نور ي حببتي!
-ونزلت نور مع مروان وركبوا العربيه وبسرعه كان مروان طلع بيها ووصلوا الجامعه..واليوم خلص مع طبعا المشاحنات الكتير بين مروان ونور..وف الاخر روح مروان نور رغم اعتراضها بس هوا ركبها غصب عنها..ولما وصلت نور بيتها لقت سميره مامتها بتقول:نور حبيبتي جهزي نفسك عشان ف ضيوف جايين باليل..
-نور بتساؤل:عريس يعني!؟
-سميره بفرحه:اه ي نور ماما!
-نور وهيا داخله اوضتها بسرحان:حاضر ي ماما!!
-ولما دخلت اوضتها فضلت تفكر مين العريس اللي جه فجأه دا وجهه ف بالها حد بس نفضت راسها بسرعه بس برده مطلعش منها وساعتها قالت:لو طلع هوا فعلا مستحيل اني اوافق!!
-"تفتكروا مين اللي ظهر ف بال نور واي هيكون رد فعلها لما تشوف العريس"!؟
👫🌎👫🌎👫🌎👫🌎👫🌎👫🌎👫🌎👫
-وبكداpart8 من روايه 'حگايتنا')👫🌎خلص"...
*توقعاتكوا عن اللي هيحصل ورايكوا في الاحداث واتمني تفاعلكوا*...!
_By:'basmala yasser')💖