سمر:الو مين
شخص مجهول: الو انا واحد معجب بيكي و انت مبترديش علي الرسايل كنت لازم اكلمك
سمر: و انت بقي جبت رقمي منين و تعرفني منين
شخص مجهول: انت عارفني بس مش هقولك مين جبت رقمك منين يستي انا لو عايز اعرف اي حاجه عنك هعرفهاا
سمر: طب الشغل ده مش عليا روح شوف واحده تلعب بيها عشان انا مش بتاعت الكلام ده تمام و لو بعت حاجه تاني او اتصلت ردي مش هيعجبك
شخص مجهول : دا آخر كلام عندك يعني
سمر: اه و عن أذنك بقي
شخص مجهول : تمام اوي سلام
___________________
تتدخل السكرتيرة غرفه سمر
سمر : انت غبيه انت ازاي تتدخلي من غير ما تخبطتي
السكرتيره: اسفه لحضرتك بس انا بقالي ساعه بخبطت و اتصلت بيكي مبترديش افتكرت في حاجه حصلت
سمر: معلش انا بس متعصبه شويه و مسمعتش حاجه والله حقك عليا
السكرتيره: لا عادي ولا يهمك طب الاتنين جم ادخلهم ولا اي
سمر: طب دخليهم عشان عايزه اروح
السكرتيره :اتفضلي حضرتك ادخلي هنا
سمر : اهلا بحضرتك اسمك ايه
ساره
سمر: عندك كام سنه ياساره
ساره: 30
سمر : ايه مشكلتك
ساره : انا عندي 30 سنه و لسه متجوزتش و اهلي عمالين يزنو عليا بسبب الموضوع ده و اتقدملي كتير و رفضت وتعبت من زنهم و كلامهم
سمر : طب ممكن اعرف بسبب الرفض
ساره : مبحبش الرجاله مبحبش التحكمات مش بثق حد اي حد يتقدملي بسالو نفس السؤال هتوافق اني اشتغل كلهم لا و واحد قالي انا موافق بس احنا هنعيش في بلده يعني فيها مشوار كبير جدا علي مكان الشغل يعني بيعجزني اني مروحش
سمر : طب وانت بتشتغلي ايه
ساره : انا بشغتل في استوديو تصوير وانا بحب التصوير جدااا و الحمد لله ربنا دخلني الكليه اللي كان نفسي فيها اضيعها ليه عشان واحد افضل قاعده بروق ف البيت و اعمل اكل و اذاكر للعيال و حوار طويل يعني وانا مليش خلق ده انا عايزه اعيش حياتي طبيعيه
سمر : طب انت فكرتي في إيجابيات الجواز مش السلبيات
ساره : لا بس انا مقتنعة بالسلبيات
سمر : طب فكري فيها الأول و موضوع الشغل ده هيتحل في رجاله كتير بيوافقو علي الشغل عادي
ساره : انت متجوزه
سمر : لا
ساره : ليه
سمر : عشان لسه مجاش الشخص المناسب بس
ساره : يعني لو قالك مفيش شغل مش هتشتغلي
سمر : لو الشخص ده يستاهل اني اضحي بحاجه بحبها هعمل كده ميستاهلش لا
ساره : وانا هعرف منين الشخص المناسب
سمر : شوفي الشخص اللي يفهمك و يحبك زي ما انت و يكون صاريح معاكي و يستحملك و ميسبكيش فاهمه
ساره : انا والله مش فارق معايا اتجوز بس انا تعبت من كلام اهلي
سمر : طب بصي افهمي البنت ليها سن معين بتخلف في بعدها مبتخلفش فهما نفسهم يفرحو بيكي يمكن كلامهم قاسي شويه بس ده خوف عليكي و خايفين الناس تتكلم عليكي كلام وحش حطي انت بس الموضوع ف دماغك و فكري في الإيجابيات قبل السلبيات
ساره : اصلا في عريس جاي كمان يومين و عارفه اني مش هوافق
سمر : لعله خير متسبقيش الأحداث صلي و ادعي انو يكون خير ليكي و يكون الشخص المناسب
ساره : انا ارتحت بجد معاكي شكرا جدا
سمر : ربنا يكرمك و يسعدك في حياتك و انا موجوده هنا و ابقي كلميني طمنيني عليكي عملتي ايه مع العريس
ساره : حاضر عن أذنك
_____________________
السكرتيره : حصل مشاكل عند الراجل اللي كان برا و مشي حجز بكره
سمر : طب كويس انا همشي بقي مش قادره عن أذنك
_________________
ذهبت سمر الي منزلها
سمر: ماما هو مروان جه ولا لسه
هدي: طب قولي سلام عليكم حتي
سمر: معلش يا ماما سلام عليكم
هدي : و عليكم من السلام اه يبنتي جوا منزلش اصلا
سمر : ليه
هدي : قالي مش قادر
سمر :طب انا هدخله
مروان يا مروان قوم يبني انت عايزك
مروان : في ايه يبنتي في حد يصحي حد كده
سمر : اه انا مش عاجبك ولا ايه
مروان : عايزه ايه
سمر : اكيد مش هفضل واقفه يعني
مروان : اقعدي خلصي عايزه ايه
سمر : بص هحكيلك حاجه بس سر بينا تمام
مروان : تمام قولي قلقتيني
سمر : في ولد بيتصل بيا و بيبعتلي رسايل و بيقول ان احنا عارفين بعض بس مقاليش هو مين
مروان : ده مين ده بقى ان شاء الله و انت تعرفي منين
سمر : ما انا لو اعرف هقولك ليه
مروان : لا والله يعني كنت هتكلمي من غير ماتقوليلي مثلا يعني
سمر : اه
مروان : طب اتعدلي
سمر : ههههههههههههه بهزر يعم ده انت الكل في الكل
مروان : طب كملي
سمر : انا مش عارفه انا عايزه اعرف
مروان : طب بصي يحبيبتي متشغليش بالك ده واحد عيل اصلا مش راجل و لو كلمك تاني اديني موبايلك
سمر : بيكلمني وانا في الشغل
مروان : مترديش خليكي في شغلك
سمر : طب بس انا عايزه اعرف مين بجد و ليه بيتصل برايفيت نمبر
مروان : طنشي و هو هيجيلك لحد عندك بس متكلمهوش ها عشان مبوظلكيش وشك القمر ده
سمر : بتغير يكوكو علي اختك
مروان : لا هغير عليكي ليه انا أعرفك اصلا يبنتي
سمر : طب انا هروح اكلم بقي الواد اللي بيكلمني
مروان : لا لا خلاص بهزر اكيد يبنتي بغير عليكي ده انت اقرب حد ليا و اهم حد في حياتي ده انا مبحكيش لخطبتي زيك ده انت اختي الوحيده و صحبتي و كل حاجه ليا
سمر : ايوه كده جيب ورا
مروان : يلا يبت اطلعي برا عايز انام
سمر : مروحتش الشغل ليه يا فاشل
مروان : مش قادر عايز انام
سمر : انا كمان هاكل و انام قوم كل معايا يلا
مروان : لا
سمر : احسن انام
_______________________
ليلي: انا خلصت شغل وانت
سمر: اه خلصت و باكل
ليلي: انا لسه في الطريق
سمر : ترجعي بسلامه يقلبي
ليلي : الله يسلمك
سمر: روحي و كلمني عايزاكي
ليلي: اشطا
______________________
زين : مالك يبني في ايه
سليم: انا مش عايز اخود معاها اسلوب عنف
زين : قولتلك يا تتدخل البيت من بابه يا بلاش
سليم :وانا هعمل اللي في دماغي و هتكلمني يعني هتكلمني بمزاجها بقي او غصب عنها
زين : بلاش يبني انت عارف اخوها عصبي و هي عمرها ماتكلمك بس انت بتعاند و خلاص
سليم : علي نفسه مش عليا
زين : براحتك انا برا الحوار
سليم : هي باقت كده يعني
زين : اه عشان انا قولتلك بلاش وانت مصمم بردو و قولتلك انها محترمه و باين عليها
سليم : طب تمام خلاص انا ماشي خلص و اقفل المحل سلام
زين : ماشي يعم سلام
