ليلي : ايه يبنتي انا روحت في ايه بقي
سمر : قصت عليها ماحدث
ليلي : طب انت شاكه في حد معين يعني
سمر : لا انا معرفش ولاد عشان اشك فيهم اصلا
ليلي : طب فكك و ملكيش دعوه بي خليكي في شغلك
سمر : ما انا هعمل كده
ليلي: طب انا هنام بقي عشان مش قادره
سمر : اه وانا كمان
______________________
زين يتحدث خطيبته سلمي
زين : هو انت مش واخده بالك من تصرفاتك
سلمي : مالها
زين : مالهاش
سلمي : بجد في ايه
زين : هو انت انك تكلمي شباب و تهزري و تخرجي معاهم ده عادي
سلمي : اه عادي ايه المشكله
زين : يا انا يا هما يسلمي
سلمي : اي الهبل ده
زين : هبل انت عايزاني كل يوم اشوفك في حضن واحد و عادي ليه مخطوبه لواحد قفص يعني
سلمي : انا مقولتش كده و مش هختار حد
زين : هعتبرك اختارتيهم و الخطوبه اتفركشت و هروح لاهلك بكره سلام
سلمي : براحتك سلام
______________________
ذهب زين الي منزل سليم
سليم : نعم
زين : طب هتسيبني اقف علي الباب
سليم : اتفضل
زين : انا لسه زعلان
سليم : عايز ايه مش بعتني خلاص
زين : انا مبعتكش انا خايف عليك
سليم : شكرا علي خوفك
زين : خلاص يعم هبقي معاك و مش هسيبك
سليم : اصلي يا مان
زين : مش هتقولي مبروك ولا ايه
سليم : علي ايه
زين : فركشت
سليم : بجد ولا بتهزر
زين : بجد يعم والله
سليم : طب ليه
زين : قص عليه ما حدث
سليم : دي واحده شمال بقي علي كده
زين : خلاص يعم ربنا يسهلها المهم انت شوفلي صاحبه جارتك
سليم : اما اوصل لجارتي بس الأول
زين : اشطا انا همشي بقي
سليم : خليك يعم معايا شويه
زين : منمتش من الصبح لازم انام مش قادر
سليم : طب خلاص نتقابل في الصبح في نفس معاد انهارده
زين : تمام
_______________________
مروان يتحدث صديقه عمر
مروان : تعال نسهر في الكافيه بتاعنا عايزك
عمر : طب روح انت و انا عشردقايق هبقي عندك
مروان : اشطا
ذهب مروان الي الكافيه يستقبل صديقه
مروان : ازيك يباشا عامل ايه
عمر : بخيروانت
مروان : تمام
عمر : في ايه بقي
مروان : بما انك مهندس كمبيوتر في برايفيت نمبر بيتصل باختي و انا عايز اعرف مين و الموضوع مضايقني اوي و مش عارف اعمل ايه
عمر : برايفيت رقم ده انا هوصلو ازاي
مروان : اتصرف
عمر : يحبيبي افهم طلما برايفيت رقم يبقي حد فاهم هو بيعمل ايه كويس و مش هيسيب اي اثر ورا عشان محدش يعرف
مروان : طب واناهسيبو يلاعب اختي كده وانا واقف ساكت
عمر : متخلهاش ترد و هوا يجي لحد عندكو
مروان : هو حد زي ده عمره ما هيجي
عمر : هيجي يعم هيزهق من اللف و الدوران فهيجي و ساعتها هيبقي تحت ايدك
مروان : دا انا لو شوفتو هقتله
عمر : بس كده هسيبه بقي يلف حوالين نفسه
مروان : يلا مش مهم انت اخبار الشغل بتاعك ايه
عمر : اهو ماشي الحال الحمدلله
مروان : انا بقالي يومين مرحتش و المدير قرب يطردني من الشغل والله
عمر : عنده حق والله يبني أنزل شغلك زي الناس
مروان : اعمل ايه طيب انا بحب النوم
عمر : روح شغلك ونام
مروان : هفكر لسه
عمر : انا مش عارف ليه مديرك سايبك كده
مروان : عشان انا مفيش مني اتنين
عمر : ايه يعم الثقه دي
مروان : بتكلم جد والله انا و هوا صحاب جدا يعني متحسش اني انا بشتغل عنده وكده لا خالص جدع جدا و طيب
عمر : ماشي يعم عشان كده مستحملك و انت بتتدلع براحتك
مروان : بظبط كده
عمر : طب انا عايز أروح انام ممكن انا واحد بروح شغلي بدري
مروان : طب اشطا خلاص يلا نروح
____________________
و في صباح يوم جديد تشرق اشعه الشمس لتستيقط سمر علي صوت والدتها
هدي : يلا يبنتي قومي انزلي مع ابوكي بدل ماتروحي لوحدك هو عنده مشوار في المهندسين
سمر : حاضر يا ماما قايمه اهو
سمر تفتح هاتفها لتستقبل رساله من برايفيت نمبر ( هسيبك لحد بليل تردي عليا في رساله لو مردتيش متزعليش من اللي عمله )
سمر بقلق هيعمل ايه يعني و ليه واثق من نفسه اوي طب اعمل ايه
ذهبت سمر الي غرفت مروان
مروان : في ايه تاني
سمر : انا خايفه يمروان بص الواد بيتكلم بثقه ازاي
مروان اخد سمر في حضنه
مروان : متخافيش يحبيبتي طول ما انا معاكي بس ممكن طلب
سمر : قول
مروان : ممكن تسيبيلي موبايلك انهارده
سمر : ليه
مروان : كده متخافيش مش هعمل حاجه
سمر : انا بس عشان بكلم عليه ليلي
مروان : ابعتلها دلوقتي قوللها ان الموبايل هيبقي معايا
سمر :طب قولي انت ناوي تعمل ايه
مروان : مش هعمل حاجه بس هشوف هوا هيعمل ايه
سمر: طب خود انا هقوم البس بقي عشان هنزل مع بابا
مروان : وانا كمان هقوم البس
سمر : اخيرا افتكرت انك بتشتغل
مروان : اه الذاكره رجعتلي امبارح خلصي اطلعي عايز انزل متاخر
سمر: طيب
___________________
نزلت سمر مع والدها و سليم ينظر اليها و هي لا تدري ان احد ينظر اليها و لاحظ سليم ان هاتفها مش في يديها كالعاده
سليم : دي مش ماسكه موبايلها في ايدها زي كل مره و اول مره تنزل مع عم محمود تفتكر شكت في حاجه
زين : ممكن يكون ابوها قالها شيلي موبايلك في الشنطه بس لو هما شاكين في حاجه كانو بصو علينا لكن دول ماشين عادي
سليم : مش عارف بقي طب هنعمل ايه
زين: كمل عادي ولا اكن في حاجه
سليم : تمام ربنا يستر
______________________
بقلم : امل طارق
