First part
في صباح يوم من الايام تسقط اشعه الشمس في غرفتها و تستيقظ علي صوت هاتيفها
سمر:الو
ليلي: ساعه عشان تردي قومي يلا وراكي شغل
سمر: في حد يصحي حد كده طيب
ليلي:مش عجبك ولا ايه يعني لو مش عجبك متقوليش ليا اصحكي تاني
سمر: انا قولت حاجه بجد مش عارفه من غير المورنيج بتاعتك دي كنت هعمل ايه
ليلي : اتريقي يستي ماشي انا هقوم اصلي بقي و هلبس و انزل الشغل عايزه حاجه
سمر: لا يقلبي عايزه سلامتك وانا كمان هقوم بقي
ليلي: يلا سلام
------------------
تقوم سمر تتلقي بوالدتها التي كانت محضرلها الطعام
سمر: ياااسلام علي اكلك يست الكل
هدي: يلا افطري و انزلي علي شغلك
سمر: مش عايزاني اقعد معاكي يعني ولا ايه
هدي : لا يا قلبي دا انت تنوريني والله اهو بدل ماافضل قاعده لوحدي
سمر: طب ما انت بتقعدي مع جارتنا دي ام سليم
هدي: بالمناسبه يبنتي ايه رايك في سليم
سمر: سليم مين يا ماما اللي انا هبصلو ده واحد صايع
هدي: اللي انت شايفه يبنتي يلا خلصي و انزلي هروح اصحي اخوكي عشان ينزل شغله
سمر: ماشي يا ماما تسلم ايدك يحبيبتي
------------------
سليم: عايزه حاجه يا ماما انا هنزل بقي
مروه: هتنزل الصبح بدري كده يبني ليه و من غير فطار كمان
سليم : عادي يا ماما بقي هقعد مع زين تحت في المحل
مروه : طب يحبيبي ربنا معاك
سليم: ربنا يخليكي ليا يحبيبتي
----------------------
زين : ايه اللي منزلك بدري كده يعني ده انا كنت بتحايل عليك تنزل تقعد معايا
سليم : اكيد مش نازل عشانك يعني
زين: ماشي يعم نازل ليه بقي
سليم: هتشوف دلوقتي
-----------------------
ترتدي سمر فستان باللون النبيتي و عليه قلوب سوده و ترتدي عليه طرحه سوداء و حذاء اسود و تنزل اللي عيادتها ولكن لا تدري ان شخص ما ينظر اليها .
سليم: هي دي اللي انا نازل عشانها
زين : مش دي جارتك اللي مكنتش بتحبها
سليم : انا من اول مره شوفتها و انا بحبها بس كنت بكابر عشان متقولش عليا مدلوق عليها يعم
زين: اه قولتلي طب ماتكلم اهلها
سليم : جواز الصالونات ده مبحبهوش انا عايز الأول اكلمها و نرتبط عشان اعرف شخصيتها اكتر
زين: بس لو حد من اهلها عرف مش هيوافقو عليك و هتحصل مشاكل عرف حد
سليم: احنا مش صغيرين يعني
زين: بس هي شكلها محترمه يعني مش بتاعت الكلام ده
سليم : يعم عادي مفيش حد دلوقتي مش مصاحب
زين : طب و دي هتوصلها ازاي
سليم : زي اي واحده بوصلهاا مش صعبه يعني
زين : بلاش يعم دي جارتك بردو يعني مش اي واحده
سليم : لسه هفكر هوصلها ازاي الاول
زين: افتكر اني قولتلك بلاش
سليم:عادي يعم
-----------------------
سمر وصلت الي مكان عيادتها
السكرتيره إيمان : ازيك يا دكتوره عامله ايه
سمر: الحمدلله يا إيمان انت اخبارك ايه
السكرتيره : الحمد لله بصي في ناس خدت مني معاد قولتلهم يتصلو بيا بعد الساعه عشان اشوفك هتبتدي امتي شغل انهارده
سمر: علي الساعه 4 كده و اي حد يجي قوليلي
السكرتيره : تحت امرك
تتدخل سمر الي غرفتها في العياده و تستمع الي الفنانه ام كلثوم و تغلق الأغاني حتي تستمع الي الأذان و تقوم لكي تتوضأ لصلاه و تصلي العصر تسمع صوت رساله ........
•
•
بقلم : امل طارق
