Part 10
مروان : ايه يا كارما عامله ايه
كارما : انا لسه فاكر تكلمني يعني
مروان : والله اليوم كله مشغول انا لسه مروح
كارما : والله مجتش من خمس دقايق تقولي انك مشغول تتطمني عليك
مروان : خلاص يستي حقك عليا انا اسف
كارما : تقبلتو خلاص
مروان : لا والله انت عايزاني اتاسفلك و متتقابليش مثلا
كارما : اه ع حسب مزاجي
مروان : اه قولتيلي
كارما : طب بالمناسبه انا عايزه اطلب منك طلب
مروان : طلما دخلتي الدخله دي يبقي عارفه اني مش هوافق
كارما : طب اسمع الأول
مروان : قولي طيب
كارما : عندي فرح اخت صاحبتي عايزه اروح
مروان : اخت صاحبتك مين و فين و امتي
كارما : اخت شمس اللي انت عارفها و فين ف المعادي و امتي يوم التلات الجاي
مروان : و طبعا اخو شمس هيبقي موجود
كارما : اكيد مش فرح اخته
مروان : وانا مش موافق
كارما: طب ليه عشان خاطر اخو شمس
مروان : اه
كارما : انا مالي هو كان بيحبني و الموضوع ده اتقفل خلاص بس مينفعش مروحش شمس هتزعل
مروان : خلاص ماشي روحي عشان شمس بس مفيش بقي ميكاب ولا حاجه ضيقه والكلام ده
كارما : حاضر
مروان : وحشتيني يست البنات والله
كارما : وانت كمان جدا والله
مروان : طب ممكن انام عشان بكره ورايا يوم طويل
كارما : ربنا معاك ابقي طمني عليك
مروان : عنيا حاضر
______________________
استيقظ الجميع لبدايه يوم جديد
هدي: يلا يبنتي قومي روحي شغلك
سمر : مش قادره يا ماما انهارده انا هعمل بليل ع ميلاد ليلي و خلاص
هدي : ليه مالك
سمر : مش عارفه جسمي واجعني شويه بس
هدي : هتلاقي داخلك برد ولا حاجه هعملك حاجه سخنه تشربيها
سمر : تسلم ايدك يحبيتي اما اصحي عشان مش قادره
هدي : طب يحبيبتي كملي نوم
______________________
ذهبت هدي الي غرفه مروان
هدي : مروان يلا قوم عشان شغلك
مروان : هي الساعه كام
هدي : الساعه 9
مروان : صحيني بقي 10
هدي : ماشي
______________________
سمر : الو يا إيمان معلش خديلي اجازه انهارده عشان مش قادره اجي
السكرتيره : حاضر تحت امرك
__________________
افتكرت سمر شيء مهم
سمر : ماما هو بابا فين
هدي : نايم
سمر : لسه تعبان
هدي : بيقول كويس بس انا حاسه غير كده
سمر : طب صحي و انا هلبس و نروح المستشفى
هدي : انت تعبانه يبنتي واخده اجازه من شغلك عشان ترتاحي خليكي وانا هروح معاه
سمر : خلاص يماماعادي انا هروح وانت خليكي هنا وانا هطمنك كل شويه ادخلي صحي عمال ماالبس
هدي : ماشي ..
هدي : محمود الساعه 9 وربع يلا قوم
محمود : مصحياني بدري ليه
هدي : سمر بتلبس عشان تروحو لدكتور
محمود : ليه انا كويس مفيش حاجه
هدي : معلش عشان نطمن عليك
محمود : طيب حاضر هقوم البس
_______________________
سمر : ترتدي جيب اسود و بلوزه بيضاء و طرحه سوداء
سمر : يلا يا بابا انا خلصت
محمود : خلاص انا جاي اهو
سمر : صحيتي مروان يا ماما
هدي :قالي صحيني 10
سمر : خلاص ماشي
محمود : يلا انا خلصت
سمر : يلا
غادر سمر و محمود من المنزل و ذهبو الي المستشفى
______________________
هدي : يلا يمروان الساعه 10
مروان : خلاص يا ماما قايم
استيقظ مروان و فتح هاتفه يرن على كارما
كارما : الو
مروان : ايه يقلبي صباح الخير
كارما : صباح النور يحبيبي
مروان : انا لسه صاحي اهو و رايح الشغل قولت اكلمك عشان زعلتي امبارح
كارما : حبيبي يلا ربنا معاك اما تخلص كلمني
مروان : عنيا حاضر
كارما : يلا باي خلي بالك من نفسك
مروان باي
ذهب مروان ليرتدي ملابسه
يرتدي بنطلون اسود و قميص نبيتي و جزمه نبيتي
مروان : ماما هو فين سمر و بابا
هدي : راحو المستشفى عشان ابوك كان تعبان امبارح شويه
مروان : طب كنتي صحيني اروح معاهم
هدي : روح شغلك وانا هبقي اطمنك
مروان : ماشي بس متنسيش
هدي : حاضر
مروان : يلا سلام يقلبي
_________________
سمر : ازيك يا دكتور عامل ايه
دكتور خالد : يااه فينك يا دكتوره سمر عامله ايه
سمر :انا تمام الحمدلله معلش بقي الشغل وكده
الدكتور خالد : اه لا ما انا عارف وانت في الشغل ماشاء الله عليكي
دكتور خالد : اهلا بحضرتك
محمود : اهلا بيك بحضرتك انا والد سمر
دكتور خالد :نورتوني والله
سمر : بنور حضرتك هو بس كان بابا تعبان شويه فا عايزين نطمن
دكتور خالد : طب حضرتك بتشتكي من ايه
محمود : عندي صداع جامد باله يومين و حاسس بدوخه شويه
دكتور خالد : ممكن حضرتك تنام علي السرير هناك
محمود : تمام
دكتور خالد :هنطلب شويه تحاليل و اشعه عشان نطمن اكتر و هكتب علاج لحد ما تجبلي التحاليل و الاشعه دي
محمود : تمام
سمر : تمام شكرا لحضرتك يا دكتور خالد
دكتور خالد : الف سلامه على باباكي
سمر : الله يسلمك
_________________
غادر محمود و سمر من المستشفي رجعو منزلهم
هدي : ها طمنوني
سمر : اطمني يا ماما خير ان شاء الله طلب تحاليل و اشعه ولسه هنعملها
هدي : طب خير يارب
سمر : وانا جاي بليل من عند ليل هجبلك العلاج
محمود : تعبتك معايا يبنتي
سمر : تعبك راح يا بابا متقولش كده
_________________
ذهبت سمر لترتدي فستان بترولي و عليه قلوب بلون الابيض و طرحه بيضاء و ميكاب خفيف و اخذت هديه ليلي
سمر : ماما انا نازله
هدي : ايه القمر ده
سمر : حبيبتي
هدي : متتاخريش
سمر : متخافيش مروان هيعدي عليا
هدي : ترجعو بسلامه
________________________
بقلم: امل طارق
