Part 33
الدكتور : هي دلوقتي تقدر تروح بس ف ورق لازم يخلص الاول
محمود : طيب انا هاجي اخلصه
الدكتور : مش هينفع لازم ابن حضرتك عشان هو اللي دفع الفلوس و هو اللي مظبط كل حاجه
محمود : طيب هو ربع ساعه و جاي
الدكتور : تمام مفيش مشكله عن اذنكم
كارما : انا هتصل بمروان
محمود : تمام و خليه يجي بسرعه بقي
كارما تغادر غرفه هدي لكي ترن علي مروان
مروان : الو
كارما : انت فين
مروان : انا ف الطريق جاي
كارما : طب يلا عشان الدكتور قال ف ورق لازم يخلص الاول قبل ما طنط تخرج
مروان : ثواني انت لسه مروحتيش
كارما : لا كنت قاعده مع سمر بنتكلم و بنتمشي شويه
مروان : كمان
كارما : خلاص يمروان متزعلش نفسك انا هروح دلوقتي
مروان : لا خليكي مكانك و انا هبقي اوصلك و حسابي معاكي مش دلوقتي
كارما : طيب يمروان سلام
مروان : سلام
سمر ذهبت الي كارما
سمر : سمر مالك يا كارما ف اي
كارما : اخوكي بيتخانق معايا عشان مروحتش و عشان اتمشينا شويه
سمر : قعدت اقولك روحي عشان مروان بصي انا أما نروح هتكلم معاه
كارما : لا سيبيه هو قالي هيوصلني و احنا ف الطريق هكلمه
سمر : تمام ربنا يهديلكم الحال فكي بقي
_____________________
مروه : سليم انت كويس
سليم ظاهر عليه التعب و الحزن سليم :اه يماما بخير
مروه : طب عايزه أسألك ع كام حاجه كده
سليم :اتفضلي
مروه : هو زين مبقاش موجود ليه معاك ولا بتكلمه ولا بتتقابلوا ف اي مش طبيعتكم دي
سليم : زين مين انا معرفش حد اسمه زين
مروه : نعم زين صاحبك اللي ملكش غيره يا سليم
سليم : لا معلش مش واخد بالي زين صاحبي مين انا معنديش صحاب اصلا
مروه : طب انتوا اتخانقتوا
سليم : اه يماما و اقفلي ع الموضوع ده
مروه : تمام هقغله
مروه : طب و سمر
سليم بحزن : مالها
مروه : لسه بتحبها
سليم : و هفضل احبها
مروه : طب بتكلمها
سليم : انت عايزه توصلي ل اي يماما عشان ابقي فاهم
مروه : بطمن ع ابني يعني ايه المشكله
سليم : لا انا فاهم هتفضلي تقوليلي بنت خالتك بتحبك بنت خالتك مش عارف اي و انت عارفه أن مش شايف حد غير سمر وانت بتعلقيها بيا يماما وانا مش هتجوزها ملك دي اختي مش بنت خالتي
مروه : خلاص يا سليم اعمل اللي يريحك انا غلطانه
سليم : اسف يماما اني اتعصبت عليكي بس فعلا الموضوع ده بيضايقني اوي
مروه : لا عادي ولا يهمك انا يهمني راحتك
سليم : ربنا يخليكي ليا يا ست الكل
_________________________
ذهب مروان الي المستشفي
مروان : اهلا بحضرتك اي الورق المطلوب أنه يخلص
المحاسب : حضرتك انت دفعت نص المبلغ ناقص الباقي و الامضاء بتاعت حضرتك بالخروج
مروان : اه تمام اتفضل
المحاسب : اتفضل حضرتك الورق تقدروا تخرجوا دلوقتي
مروان : تمام شكرا لحضرتك
ذهب مروان الي غرفه هدي
مروان : انا خلصت الورق اللي ناقص و يلا عشان نخرج
محمود : طب روح انت وصل خطيبتك و انا هروح مع اختك و امك
مروان : لا هنركب كلنا و هوصلكم الاول و بعد كده هوصلها
محمود : اللي يريحك
غادروا الجميع المستشفى و ذاهبوا الي سياره مروان الجديده
هدي : اول ركوب ليا ف عربيتك ابقي جايه من المستشفي
مروان : ليه الكلام ده يماما إن شاء الله هنخرج بيها ع طول كفايه انك منوره العربيه
هدي : لا انا عايزه أروح بيها فرحك انت و كارما بقي إن شاء الله
كارما بكسوف : ربنا يخليكي لينا يا ماما
هدي : والله انا كنت مبسوطه بوجودك انهارده معانا
كارما : انا اسعد يا ماما و ان شاء الله نتجمع دايما ف الافراح وربنا مايجيب مكروه لحد و يحفظك لينا
هدي : حبيبتي سامع يمروان الكلام الحلو
مروان : طب انا هبدا اغير ع ماما منك ها
كارما : ملكش دعوه
مروان : ماشي ماشي
سمر : طب اي يجماعه انا شفافه هنا يعني
مروان : اللي ع رأسه باطحه بيحسس عليها
سمر : قصدك ايه يعني
مروان : لا ولا حاجه يقلبي بقولك عامله ايه
سمر : كويسه يخفه
مروان : ماشي يستي اتفضلي انزلي بقي
سمر : نازلين ي اخويا
و تذهب سمر الي مروان و تقوله ف أذنه : ابقي صالح كارما
مروان : إن شاء الله
ذهبوا كلً م محمود و هدي و سمر الي منزلهم
و ذهب مروان ليوصل كارما
كارما : انت هتفضل ساكت
مروان بعصبيه : عايزني اقولك ايه يعني روحتي اتمشيتي من غير ما تعرفيني و كمان قولتلك روحي عشان متتاخريش لحد بالليل كده فضلتي قاعده و بتكلميني بكل برود تقوليلي تعالي عشان تخلص الورق المفروض تلاقي رد فعل عامل ازاي مش فاهم
كارما : طب انت مسمعتنيش
مروان : اتفضلي سمعيني
كارما : اولا سمر كانت مخنوقه و مضايقه قولتلها تعالي نقعد ف الكافيه اللي جمب المستشفي قعدت تكلم معايا شويه و كانت بردو مخنوقه اتمشينا شويه و فضلنا نتكلم الوقت خدنا و لاقيت الساعه ٥ روحنا المستشفي عشان ميقلقوش علينا و قولت طلما طنط هتخرج انهارده يبقي اقعد معاها لحد ما تمشي مفيش مشكله عادي
مروان : يحبيبتي انا معنديش ف مشكله ف حاجه اسمها موبايل تتصل تعرفيني مبقاش انا ف الشغل و عارف انك ف المستشفي و حضرتك بتتمشي اصلا انت لو اتصلتي و قولتيلي مش هقولك لا و انك قعدتي مع ماما دي حاجه تفرحني انك قاعده معاها مش تزعلني بس يهمني سلامتك انك تروحي بدري عشان مبقاش قاعد قلقان يعني لو مكنتش جبت العربيه كنت هعمل انا اي بقي اوصلك ولا اوصلهم
كارما : طب خلاص حقك عليا متزعلش المهم اني اطمنت ع طنط و الحمدلله رجعتلكوا بالسلامه
مروان : الفكره اني بحبك يجزمه
كارما : وانا مبحبكش
مروان : كدابه اوي
كارما : واثق اوي ف نفسك
مروان : طبعا مش معايا خطيبتي لازم ابقي واثق ف نفسي
كارما : ربنا يخليك ليا يا احلي حاجه ف حياتي
مروان : طب خلي بالك م نفسك بقي
كارما : حاضر مش عايز حاجه
مروان : لا عايز سلامتك
كارما : معلش تعبتك
مروان : اطلعي يبت
كارما : حاضر
_________________________
بقلم : امل طارق
