Part 21
في صباح يوم جديد تشرق الشمس و يستيقظ الجميع
سمر : صباح الخير يا ماما
هدي : صباح النور يحبيبتي
سمر ذهبت الي غرفه مروان
سمر : بقولك ايه
مروان : استني بس الناس بتقول صباح الخير مش بقولك ايه كده ع طول
سمر : كنت هقولك بس ف الاخر
مروان : ع ما اعتقد اني هي كانت بتتقال ف البدايه بس تمام
سمر : خد الصور اعملها لي ليلي
مروان : طب ابعتهملي واتس
سمر : طيب صباح الخير
مروان : صباح النور
سمر : انا هروح البس بقي
مروان : ماشي وانا عايز البس
__________________________
ذهبت سمر الي غرفتها و ترتدي جيب اسود و شيمز ابيض و طرحه بترولي و غادرت غرفتها
و مروان يرتدي بنطلون كحلي و تيشرت ابيض
و محمود : يرتدي بنطلون اسود و قميص نبيتي
غادر كل منهما المنزل و ذهب الي مكان عمله
______________________
ذهبت سمر الي غرفتها ف العياده
السكرتيره: في واحد برا مستنكي
سمر : دخلي
السكرتيره : اتفضل
سليم: انا مش جاي اتكلم بس انا عايز اراضي مروان اعمل ايه
سمر : مروان دماغه اما بتقفل صعب تعرف تراضي بسهوله
سليم : طب ساعديني ممكن اعمل ايه
سمر : استني بس لما مروان يكلم زين و ساعتها نبقي نشوف
سليم : طب تمام خلاص
سمر : سليم
سليم : نعم
سمر : ممكن اسالك سؤال
سليم : انت اتغيرت فعلا ولا بتعمل كده عشان بس توصلني و تبينلي انك وصلت ليا
سليم : لا والله انا اتغيرت انا لو فعلا كده زي ما انت بتقولي مكنتش هروح لاهلك لحد عندهم
سمر : ممكن
سليم : والله دي الحقيقه و اتمني تصدقي
سمر : صدقتك خلاص عملت ايه ف موضوع البنات اللي كنت بتكلمهم
سليم : غيرت الاكونتات بس ف واحده بقي ع طول بتجيلي و مش عايز اجرحها و مش عارف اعمل ايه
سمر بغيره :و دي مين بقي قصدي يعني هي بتحبك
سليم : اه
سمر : وانت هتعمل ايه
سليم : مش عارف انت ايه رايك
سمر : قولها انك هتخطب او مرتبط و هي اكيد هتقدر ده
سليم : ما كده ممكن اجرحها
سمر : مش عارفه بصراحه بس ممكن تسببها كده و هي اكيد هتزهق
سليم : بالعكس كده هتتعلق بيا اكتر
سمر : هتعمل ايه برده
سليم : مش عارف والله
سمر : انت بتحبها
سليم : لا انا محبتش غيرك
سمر : تمام يبقي توجها بالحقيقة
سليم : خايف يحصلها حاجه
سمر : سيبها ع الله
سليم : ونعمه بالله عن اذنك
سمر: اتفضل
غادر سليم العياده
و سمر تفكر في سليم
__________________
مروان يتحدث زين
زين : الو
مروان : عايزك انهارده بليل ف نفس المكان اللي اتقابلنا ف
زين : ليه
مروان : لا عادي
زين : طب تمام ماشي
اغلق مروان مع زين و ذهب الي العمال
ماجد : خلصنا القاعه الاولي اتفضل حضرتك شوفها
مروان : طب تمام
ماجد : ايه رايك
مروان : لا تمام نفس الشغل اللي قولتلك عليه ابداو ف التانيه بقي
ماجد : حاضر
مروان يتحدث سليمان
سليمان: الو
مروان : القاعه الاولي خلصت ممكن حضرتك تيجي تشوفها قبل مانبدا ف التانيه
سليمان : حاضر
____________________
هدي ذهبت الي مروه والده سليم
مروه : وحشتيني جدا والله عامله ايه
هدي : وحشتك تعالي اسالي عليا
مروه: معلش والله كنت تعبانه شويه
هدي : ليه مالك
مروه: ضهري واجعني شويه
هدي: روحي اكشفي طيب
مروه: لا انا كويسه الحمد لله
هدي : اكشفي عشان نطمن هكلملك سمر اكيد هي عارفاه دكاتره كويسين
مروه : خلاص ماشي ابقي كلميها
هدي : سليم طلع بيحب بنتي بجد
مروه : سليم نفسيته تعبانه تعالي اوريكي اوضته
هدي و مروه ذهبو الي غرفه سليم
هدي: طب ليه كده
مروه : اتحايلت عليه كتير يغيرها مش راضي لولا سمر اقنعتو يغيرها
هدي : سمر اقنعتو ازاي
مروه: ما هو بيتعالج عندها
هدي: اه بس صعب عليا يعني ده شاب المفروض يشوف مستقبله حياته ليه يقضيها اكتئاب
مروه: مش عارفه حاولت اتكلم معاه كتير مش رادي انا حاسه اني مكتفه و مش عارفه اساعده شايفه ابني بيضيع وانا واقفه بتفرج (عينيها مليئه بدموع )
هدي: اهدي طيب ان شاء الله خير اطمني هيبقي كويس و هيرجع احسن م الأول متخافيش سمر معاه و اكيد مش هتسيبه
مروه: بجد انا نفسي اجي اشكر سمر
هدي : يحبيبتي متقوليش كده هما اخوات المهم روحي اكشفي بكره و هاجي معاكي
مروه : حاضر
هدي : طب انا هروح بقي عشان أعمل الاكل قبل ما محمود يجي
مروه : وانا برده
هدي: طب يلا عن اذنك
____________________
سليمان : تسلم ايدكو بجد القاعه حلوه اوي
مروان : مبروك عليك
سليمان : لا شغلك حلو فعلا
مروان : تسلم ربنا يخليك
__________________
ذهب مروان لمقابله زين
مروان : ازيك يا زين عامل ايه
زين: الحمدلله وانت
مروان : تمام مبتسالش ليه و ليه مبقتش تقولي سليم بيعمل حاجه
زين : عشان مبقاش يعمل حاجه لاختك و معرفش عايز يعمل ايه
مروان : اه طب وانت ايه رايك اعمل ايه مع سليم
زين : مش عارف
مروان : انت شايفه انه بيحب اختي بجد
زين : لا طبعا ده بيتسلي سليم ده حياته كلها تسليه بالبنات
مروان : يعني انت شايف كده
زين : اه
مروان : اصل ف واحد صاحبي بيحبها و عايز يتقدم فمش عارف اوافق ع مين
زين : صاحبك مين ده انا م راي بلاش تجوزها حد و صاحبك عشان لو محصلش نصيب متخسروش بعض
مروان : ع اساس انك عارف صحابي
زين بتوتر: لا
مروان : اومال بتسال ليه
زين : قولت ممكن يبقي صاحبك اللي معاك ع طول ده
مروان : اه لا مش هو
زين : و هتعمل ايه
مروان : مش عارف
زين : انا......
___________________
بقلم : امل طارق
