Part 9
مروان وصل مكان ما زين قاله
زين : اسف علي التاخير
مروان : لا عادي ولا يهمك انا لسه جاي اصلا
زين : طب تمام تشرب ايه
مروان : اي حاجه عادي
زين : نشرب شاي
مروان : تمام ماشي
مروان : عايز تقابلني ليه
زين : بص انا هتكلم معاك زي اخويا بظبط
مروان : تمام قول في ايه بقي قلقتني
زين : بص الكلام اللي هقوله كله اوعدني يبقي سر بينا
مروان : وعد يعم قول بقي
زين : اللي هكر اكونتات اختك سمر سليم و اللي بيبعت الرسايل سليم سليم بيحب سمر جدا و انا اول مره بجد أشوفه ف الحاله دي اول مره يحب واحده بجد و مستعد يعمل اي حاجه عشان يوصلهاا بس هو خايف يترفض منكو عشان شغله وكده
مروان : ايه سليم طب ليه يعم كده ف اختي ده احنا كان بينا عيش و ملح يروح يعمل كده طب مايدخل البيت من بابه و كنا هنشيل علي راسنا بس ليه يعمل كل ده ليه يدخل في خصوصيات اختي انا اختي مش زي البنات الشمال اللي هو بيكلمهم
زين : انا والله قولتله الكلام ده كله بس هوا دماغه ناشفه متقولهوش اي حاجه و اعمل اكنك متعرفش حاجه و ياريت ميعرفش بالمقابله دي
مروان : متخافش مش هقولو حاجه بس ياريت يخرج اختي من الحوار خالص بيحبها يجي يكلمني اختي بقي توافق بي متوافقش دي حاجه ترجعلهاا انا عمري ماهغصب عليها بحاجه
زين : هو عايز يرتبط بيها الأول
مروان : وانا مش موافق و هقولو يبعد عن اختي احسن لي عشان هيزعل مني اوى
زين : انا قولتلو كل ده والله قولتلو سمر محترمه مش هتقبل بيك و مروان اخوها عصبي و بيغير عليها من اي حاجه ابعد عنها هو مش رادي
مروان : تمام اوي بص بقي يا زين اعتبر سمر دي زي اختك ترضها لاختك اللي بيحصل
زين : اكيد لا عشان كده جيت قولتلك
مروان : طب انا هطلب منك طلب
زين : اتفضل
مروان : اي حاجه سليم ناوي يعملها قولي ع طول
زين : حاضر ماشي
مروان : و بجد شكرا ليك
زين : علي ايه عادي انت اخويا
مروان : بس انا مش متوقع سليم يعمل كده
زين : والله مابكدب عليك
مروان : عارف انا مصدوم في
زين : هو دلوقتي مهدي الموضوع عشان عمر صاحبك ده اما شك في
مروان : اه يعني فعلا عمر كان علي حق
زين : اه
مروان : طب تمام علي اتفقنا بقي
زين : تمام انا همشي بقي عشان سليم ميعرفش اني مشيت من المحل
مروان : تمام ماشي
______________________
مروان ذهب إلى عمر
عمر : ها خير طمني
مروان : طلع كلامك كله صح
عمر : ان سليم هو اللي عمل كده
مروان : أه
عمر : وانت هتعمل ايه
مروان : مش عارف انا لو طولت اقتله هقتله انا متعصب منه جدا
عمر : اهدا عشان نعرف نفكر هنعمل ايه
مروان : انا قولت لزين يقولي كل حاجه سليم ناوي يعملها
عمر : طب تمام
مروان : مش عارف اعمل ايه
عمر : هو اكيد هيخاف يعمل حاجه دلوقتي
مروان : زين قالي انه مهدي الموضوع دلوقتي عشان لما انت شكيت في
عمر : قولتلك سليم ده مش سهل برده داواحد هكر يعني فاهم بيعمل ايه كويس
مروان : وانا هستني لما ياخد صور و ارقام اختي مثلا يعني
عمر : استحاله يعمل كده
مروان : واحد زي ده يخلي يعمل اي حاجه
عمر : مش عارف بس متوقعش خلاص خود احتياطاتك و انقل الصور بتاعت اختك كلها ع الاب توب
مروان : تمام اما اروح هعمل كده
عمر : ان شاء الله خير متخافش مش هيحصل حاجه
مروان : يارب
مروان : انا همشي بقي عايز حاجه
عمر : لا يحبيبي ابقي طمني بس
مروان : حاضر ماشي
_____________________
سمر تتحدث مروان في الهاتف
مروان : الو
سمر : بقولك انا لسه مخلصه شغل هروح اجيب هديه ليلي تعال معايا ايه رايك
مروان : ماشي انت فين طيب
سمر : انا قريبه من مكان الشغل بتاعي هبعتلك اللوكشن
مروان : خلاص ماشي انا جايلك
ذهب مروان عند سمر
مروان : هتعملي ايه بقي الأول
سمر : مش عارفه
مروان : طب هاتي الصور اللي هتطبعيها وانا هعملهالك عند واحد صاحبي نجيب بس الشوكلاتات و البوكس و هروحك و هروح اعملهالك
سمر : خلاص ماشي
اشترت سمر البوكس و الشوكلاتات
مروان : لا تعالي هوصلك
سمر : طب ما اجي معاك وانت بتعمل الصور ونروح مع بعض عادي
مروان : خلاص ماشي براحتك
ذهب كل من سمر و مروان الي استوديو
مروان : ايه يباشا عامل ايه ايه
شهاب : مروان حبيبي عامل ايه فينك يعم مختفي ليه
مروان : معلش بقي الشغل وكده
شهاب : ربنا معاك
مروان : هديك شويه صور تتطبعهم وكده بس عايزهم دلوقتي وكده
شهاب : من عنيا يباشا دقيقه و هتلاقي الصور عندك
اعطا مروان الصور الي شهاب
بعد خمس دقائق
شهاب : اتفضلو الصور اهي
مروان : حبيبى الحساب كام بقي
شهاب : من غير الفلوس عشان خاطر اختك اول مره تيجي بقي هنا
مروان : لا معلش ده حقك
شهاب : والله ما هاخد فلوس نورتوني والله
مروان : حبيبي بنورك والله ابقي كلمني بقي نتقابل في يوم انا و انت و عمر
شهاب : اشطا ماشي هبقي اكلمك
مروان : خلاص ماشي
________________________
ذهب مروان و سمر الي منزلهم
سمر : بس علي فكره انا حبيبت شهاب جدا
مروان : معلش
سمر : بتكلم جد ده عسل جدا و جدع
مروان : اكيد مش هتعرفيني علي صاحبي مثلا
سمر : هههههههه خلاص متقفش
سمر : صحيح عملت ايه مع زين
مروان : قص عليها ماحدث
سمر : ايه سليم يعمل كده طب ليه
مروان : مش عارف انا متعصب جدا من ساعت ما عرفت
سمر : طب و هنعمل ايه
مروان : مش عارف انا و عمر بنفكر لسه و اكيد هنوصل لحل المهم اي حاجه تحصل تقوليلي ع طول و متشغليش بالك خالص بحاجه اطمني انا جنبك ومحدش يقدر يعملك اي حاجه و انا معاكي بس هطلب منك طلب
سمر : قلبي والله اطلب
مروان : انقلي صورك علي الاب توب هنا و امسحيهم من علي الموبايل
سمر : حاضر
مروان : هو عيد ميلاد ليلي امتي
سمر : بليل بعد ما نخلص شغل
مروان : طب خلصي و كلميني هعدي اخدك
سمر : بعرف اروح
مروان : قصدي قضي معاها اليوم كله براحتك هتخلصي هيبقي الوقت متأخر هعدي اخدك
سمر : خلاص ماشي شكرا يقلبي
مروان : انا عندي كام سمر
سمر : حبيبي
مروان : طب عن اذنك عشان هروح اتخانق انا و كارما
سمر : ليه طيب
مروان : عشان مكلمتهاش انهارده عشان كنت مشغول اليوم كله واتصلت بيا و انا مع زين معرفتش ارد وكده
سمر : لا حقها
مروان : بدل ماتقفي جنب اخوكي
سمر : معلش بقي بس انت الغلطان
مروان : ماشي يستي
_____________________
بقلم: امل طارق
رايكو💙
