Part 35
السكرتيره : اتفضل حضرتك ادخل
المريض : تمام
سمر : هو انت ؟
زين : اه انا
سمر : دا مكان شغلي لو جاي ف شغل اتفضل غير كده ملاقكش عندي غير ابلغ الامن
زين : لا انا جاي اقولك كلمتين و هتسمعيهم غصب عنك
سمر تقطع كلامه : لا ثواني بس حاسب ع كلامك يشاطر اسمعك دي حاجه بمزاجي مش غصب عني و قدامك أقل من ٥ دقايق عشان مش فاضيلك
زين بيحاول ميبينش الغضب : تمام انا عايز اقولك بس أن انت لو مكنتش ليا و وافقتي ع سليم ف حياة حبيب القلب هيبقي ف خطر و دا لو شوفتي تاني اصلا عشان هتبقي بتقراي ع حياته الفاتحه إن شاء الله قدامك حل واحد و هو الرفض
سمر : انت جاي لحد عندي و بتهددني انت عبيط يالا اولا اوفق عليه أو موافقش دي حاجه ترجعلي انا و هو ميخصش حد تاني ثانيا طب اوفق عليك ازاي و الناس تقول واحده متجوزه واحده و يتقال علينا لا مؤاخذه و ثالثا ودا الأهم وقتك خلص معايا اتفضل
زين بعصبيه : انا هوريكي انا هعمل ايه
سمر : صوتك عالي و انت ف عياده صوتك يوطي يبابا و اتفضل برا و اعمل اللي عايز تعمله مبخافش م حد
زين : تمام و خلي بس فاكره انك بتاعتي
سمر : معلش
غادر زين من غرفه سمر
سمر : اتصلت علي ليلي
سمر : الو يا ليلي
ليلي : في ايه يبنتي انا ف الشغل
سمر : قصت عليها ما حدث
ليلي : بتهزري دا اي الجنان ده
سمر : مش عارفه واللي مستغرباه اكتر أن سليم مجاش العياده لحد دلوقتي و كل مره بييجي الصبح و محاولش حتي يكلمني ولا فتح المحل ولا بشوفه حتي م ساعت اخر مره كلمته فيها
ليلي : مش عارفه والله انت ممكن تخلي مامتك تكلم مامته عادي و تسألها عليه
سمر: اتصدقي فكره أما اروح هقول لماما
ليلي : طب صحيح هتقولي لمروان ع زين ده
سمر : اه هقوله اكيد و بفكر أقوله ع حوار سليم كده كده بابا عرف خلاص و ماما عارفه و انت عارفه و عمر عارف ف هيزعل مني جامد لو عرف من برا
ليلي: طب تمام ابقي عرفيني عملتي ايه
سمر : خلاص ماشي هكمل شغل بقي
ليلي : اوكي في رعايه لله
سمر : حفظك لله
___________________
عمر : مروان ايه يعم انت فين
مروان : لسه مخلص شغل يسطا
عمر : طب ف خروجه مع شله زمان تيجي
مروان : لو شيكو جاي انا مش رايح انت عارف المشاكل اللي بيني و بينه
عمر : هو بصراحه جاي
مروان : لا يسطا هخلع انا
عمر : يعم تعالي و خلاص بقالنا كتير ماتجمعناش
مروان : يسطا هتحصل خناقات خليني بعيد
عمر : خلاص اللي يريحك
مروان : عامل ايه مع ليلي
عمر بدون قصد : اهو الحمدلله ماشي الحال كنا هنتخانق من كام يوم بسبب اختك بس خلاص
مروان : ليه عملت ايه سمر
عمر بتردد : ايه معملتش حاجه انا بهزر
مروان : في ايه يعمر انجز
عمر : مفيش يعم انت عامل ايه مع خطيبتك مش ناوي تتجوزوا بقي
مروان : متغيريش الموضوع انا بسال اختي عملت ايه
عمر : يسطا حوار بيني و بينها مش هينفع اقول
مروان : وربنا هغلط فيك هو اي اللي حوار بيني و بينها و م امتي ف حوار بينكم سر يعني
عمر : يسطا طب نتقابل و نتكلم
مروان : لا انا عايز اعرف دلوقتي في أي عشان منكدش عليك و عليها
عمر : يسطا من الاخر سليم كان بيروح العياده عند اختك بيتعالج عندها و هي حبيبته و حصل كلام بينهم و بعد كده انا عرفت و فهمتها غلطها و هي مبقتش تكلمه خلاص
مروان بصدمه : انت بتقول ايه
عمر : والله زي ما بقولك و خلاص الموضوع خلص مش لازم تعمل حوار معاها و خلاص
مروان بعصبيه : يعم دا انا طلعت مغفل بقي
عمر : لا مش مغفل اختك معملتش جريمه هي حبيبت زي ما اي حد فينا بيحب
مروان بعصبيه : اقفل يعمر سلام
عمر : يسطا اهدي
________________________
ذهب مروان الي المنزل
مروان بعصبيه : هي فين سمر
هدي : جايه ف الطريق
مروان : طب أما تيجي خليها تجيلي الاوضه عندي
هدي : في حاجه حصلت
مروان : لا مفيش حاجه عادي
هدي : تمام أما تيجي هقولها
________________
ليلي : الو يسمر الحق مروان عرف كل حاجه
سمر بصدمه : ايه عرف ازاي
ليلي : عمر كان بيكلمه ف كان بيساله عليا ف قاله من غير ما يقصد والله انه كان هيتخانق معايا بسببك و مروان فضل يقول بسبب اختي ايه و فضل يزن عليه لحد ما عمر قاله لسه قافله مع عمر
سمر : يا الله طب انا هعمل ايه دلوقتي ولا هقوله ايه مروان مش هيعدي الموضوع
ليلي : عمر بيقولك متزعليش منه بس كده كده مروان كان لازم يعرف
سمر : مش زعلانه منه انا كنت هقوله اصلا بس مكنتش عايزه يعرف من حد
ليلي : لعله خير يحبيبتي انت حاولي تهديه الاول و بعد كده اتكلموا
سمر : ربنا يسهل إن شاء الله
ليلي : يارب يقلبي
________________
بقلم : امل طارق (لوليتا )
كل عام و انتم بخير و عيد سعيد عليكم 🤍
