مروان فتح هاتفه
رساله من رقم مجهول (انا زين صاحب سليم ممكن نتقابل عايزك في موضوع مهم و متقولش لسليم حاجه )
مروان : بعت رساله لزين ( خلاص ماشي ابعتلي لوكشن المكان اللي هنتقابل في و الساعه كام )
_____________________
هدي : ابوكي مش رايح المهندسين روحي انت ع شغلك
سمر : خلاص ماشي
محمود : معلش يسمر انا مش قادر اروح انهارده الشغل اصلا
سمر : ليه يا بابا مالك
محمود : مش عارف حاسس بصداع كده و مش قادر اقف
سمر : خلاص هرجع من الشغل انهارده و نروح نكشف نتطمن
محمود : مش مهم عادي شويه و هيروح
سمر : لا لازم تروح تكشف
محمود : حاضر
مروان : ايه يجماعه في ايه
محمود : طب قول صباح الخير اي حاجه يعم
مروان : ايوه انت صح فعلا صباح الخير يجماعه
محمود : صباح النور
هدي :صباح النور
مروان : ايه انت باشا يعني متقولي صباح النور
سمر : مش عايزه اقولك انا حره
مروان : ماشي ماشي شوفي مين بقي ال
سمر : خلاص خلاص صباح العسل يا عسل
ضحكو جميعهم و ذهب كل منهما علي غرفته
____________________
سمر ترتدي فستان اسود و عليه طرحه بترولي و ذهب مروان الي غرفتها
مروان : ادخل
سمر : لا
مروان : طب انا داخل بقي
سمر : مش قولتلك لا يبني
مروان : انا بمزاجي المهم حصل حاجه جديده ولا ايه
سمر : حتي الان لا
مروان : انا بقي حصل حاجه
سمر : في ايه
مروان : زين صاحب سليم عايز يقابلني انهارده و دي اول مره تحصل من ساعت ما عرفنا بعض
سمر : ممكن يكون في مشكله عنده ولا حاجه اطمن مفيش حاجه روح و شوف هو عايز ايه و ابقي طمني
مروان :مش عارف بقي انا هقابلو بعد الشغل بس مش مرتاح مش عارف ليه حاسس اني في حاجه كده
سمر : ان شاء الله خير مفيش حاجه
مروان : ان شاء الله انت خلصتي
سمر : اه ليه
مروان : عادي كنت هقولك تعالي ننزل مع بعض و نرغي شويه
سمر : اشطا جدا يلا
مروان : لا خلاص غيرت راي
سمر : ليه
مروان : كده مش هتمشي معايا و انت حاطه ميكاب مبحبهوش انا وانت عارفه كده
سمر : انا مش حاطه غير روج و مسكره
مروان : معلشي شيليهم مش بحبهم
سمر : طيب خلاص ماشي بس استناني متمشيش
مروان : ماشي انا هستناكي برا
____________________
غادر مروان و سمر منزلهم
سمر : فكر معايا اجيب ايه لي ليلي عيد ميلادها بكره ومش عارفه اجيب ايه
مروان : هي بتحب ايه
سمر : انا جبتلها تقريبا كل حاجه
مروان : جيبلها بوكس في شوكلاتات و اطبعي صوركو مع بعض و حطيهم و هتبقي حلوه جدا لما عملتها لكارما خطيبتي كانت فرحانه بيها اوي
سمر : اتصدق فكره حبيبتها جدا خلاص هعملها
مروان : لو احتاجتي فلوس ابقي قوليلي
سمر : حبيبي تسلملي ربنا يخليك ليا
مروان : و يخليكي ليااا
______________________
ذهب مروان الي شغله و يتحدث مع عمر في الهاتف
عمر : ايه يباشا عامل ايه
مروان : تمام وانت
عمر : تمام في حاجه جديده حصلت
مروان : شوفت زين صاحب سليم
عمر : اه ماله
مروان : بعتلي رساله الصبح و عايزنا نتقابل انا و هو معرفش ليه
عمر : خلاص روح شوف في ايه تحب اجي معاك
مروان : بلاش عشان ميتحججش
عمر : خلاص تمام ابقي طمني
مروان : اشطا
وصلت رساله لمروان فيها معاد المقابله و المكان
____________________
سمر وصلت الي مكان عملها
سمر : ازيك يا إيمان عامله ايه
السكرتيره : بخير الحمدلله
سمر : في ناس حجزت ولا لسه
السكرتيره : اه و زمانهم جاين
سمر : اللي يجي دخلي
السكرتيره : تمام
__________________
السكرتيره : في واحده و ابنها برا ادخلهم
سمر : أه دخليهم
سمر: اهلا بحضرتك اسمك ايه
انا والده عمار و انا جبتو لما ناس كتير قالتلي عليكي و روحت لدكاتره دي محدش عمل حاجه
سمر : طب ممكن أفهم في ايه
والده عمار : عمار عنده 10 سنين طول الوقت لوحده و معندهوش صحاب ولا بيحب يخرج ولايرسم ولا بيحب يعمل اي حاجه
سمر : ممكن حضرتك تستني برا
والده عمار : ماشي
سمر : ازيك عامل ايه
عمار : انت مين و عايزه ايه مني
سمر : انا اسمي سمر ممكن اتعرف عليك و نبقي صحاب
عمار : بس انا معنديش أصحاب
سمر : طب ليه معندكش صحاب في سنك
عمار: صحابي اللي في المدرسه بيرخمو عليا وانا مبحبهوش و زهقت منهم
سمر : طب انت بتعملهم حاجه
عمار : لا بس هما شايفين اني ضعيف
سمر : طب ما انت لازم تثبتلهم عكس ده
عمار : مش عارف
سمر : اقبل الأول نبقي انا وانت صحاب وانا هقولك تعمل ايه
عمار : ماشي انا موافق
سمر : انا ايه اكتر حاجه بتحب تعملهم
عمار : بحب العب كوره بس بلعب بلايستيشن عشان معنديش حد العب معاه
سمر : طب ايه رايك تروح تلعب في نادي
عمار : هيقعدو يرخمو عليا بردو عشان كده بحب ابقي لوحدي
سمر : أنت لسه صغير عيش حياتك و اخرج و اتفسح و هتلاقي ناس تحبك كتير بس أنت لازم تثبتلهم انك قوي و متخافش من حد غير من ربنا و بس وطبعا اهلك لازم تحترمهم
عمار: مش بعرف اتعودت على كده سمر : انا هساعدك مش انا وانت صحاب خلاص
عمار : ماشي بس ازاي
سمر : اول حاجه تشترك في نادي تلعب في و تفوق في الكوره و صحابك في نادي هيحبكو عشان انت شاطر
عمار : ماشي بس ماما مش هتوافق
سمر : انا هكلمهالك اتفقنا
عمار : اتفقنا انا حبيبتك اوي
سمر : يرووحي وانا كمان حبيبتك اوي
عمار: هعمل ايه مع العيال اللي ف المدرسه دول
سمر : اي حد يعملك حاجه روح للمدرس بتاعك قوله معملش حاجه روح للمدير و متخافش من حد
عمار : ماشي
سمر : يلا روح هات مامتك عشان اقولها ع النادي
والده عمار : ها حصل ايه
سمر : متقلقيش مفيش حاجه انا فهمته هيعمل ايه بس مطلوب منك انك تشتركيلو ف نادي عشان لازم يبدا يتعامل مع الناس و هكتبلو ع علاج و متخاوفهوش منك اعمليلو اللي هو عايزه
والده عمار : حاضر شكرا ليكي
سمر : تمام
هاتف سمر يرن
سمر الو مين
الو انا ساره
سمر : ساره مين
ساره : انا اللي جيت لحضرتك قبل كده في مشكله الجواز و قولتلك جايلي عريس الاسبوع الجاي
سمر : اه خلاص افتكرتك ها عملتي ايه
ساره: فكرت فعلا زي ماقولتي و خطوبتي الشهرالجاي واتكلمت معاه على الشغل ووافق الحمد لله انا اتصلت عشان اعزمك و اشكرك
سمر : طب الحمدلله مبرووك يحبييتي ربنا يتتمملك ع خير
ساره : لازم تيجي بقي
سمر : حاضر ان شاء الله ابقي فكريني قبلها
ساره : ماشي
اغلقت سمر الهاتف بعد انتهاء المكالمه
_____________________
مروان : الو يا عمر
عمر : ها روحت تقابلو ولا لسه
مروان : لسه انا خارج من الشغل و المفروض هروح دلوقتي
عمر : طيب روح و كلمني طمني عملت ايه
مروان : ماشي
____________________
بقلم: امل طارق
