Part 34
تشرق الشمس لبدايه يوم جديد و تستيقظ سمر لتبدأ يوم جديد و تذهب ترتدي فستان سوداء اللون و طرحه مشجره و حذاء بيضاء اللون و حقيبه بيضاء و تغادر غرفتها .
محمود : انت رايحه فين
سمر بحزن تشعر أن باباها فقد الثقه فيها : رايحه العياده يبابا و من أمتي و حضرتك بتسالني السؤال ده
محمود : لا انا بسال عادي
سمر : تمام ممكن اتكلم معاك بخصوص الموضوع اللي حصل
محمود : لو هتتاخري ع شغلك خليها أما ترجعي احسن
سمر : لا مش هتاخر
محمود : اتفضلي
سمر : انا منكرش اني مكنتش بطيق سليم بسبب اللي عملوا بس سليم مريض نفسي و بيتعالج عندي و هو بيحبني فعلا يبابا وانا من اهتمامه و طريقه و كلامه هو مش ف واعيه عني خلاني أحبه غصب عني انا وافقت أكلمه أما لاقيت فعلا أنه بيحبني و شاريني مش بيتسلي بيا زي كل اللي بنات اللي يعرفهم ف بنات كتير هو خسرهم عشاني كبر ف نظري اكتر أما قالي اعرف ماما كبر ف نظري اكتر الفتره الاخيره اكتشفت فعلا اني اللي بعمله غلط وان مينفعش أغضب ربنا عشان حد و مينفعش اضيع ثقه اهلي فيا ساعتها وكنت انت سمعتني و كنت رافض تسمعني و معملتك ليا اتغيرت اوي معرفش ليه اه انا غلطانه و بعتذرلك اهو انا اسفه بس متعملنيش كده و تصعبها عليا
محمود :انا بعاملك كده عشان عايزك تراجعي نفسك تراجعي غلطاتك و ترجعي للاحسن بقسي عليكي عشان مصلحتك عشان متكرريش الغلط تاني و كلنا بنغلط بس بنتعلم و مش محتاج اقولك الكلام ده لانك اكيد عارفاه بالنسبه لموضوع سليم انا موعدكيش أنه لو اتقدم هوافق بس أما يجي يحلها ربنا بس اللي يهمني انك تركزي ف شغلك وبس تفرقي بين الشغل و المشاعر مينفعش الاتنين يدخلوا ف وقت واحد عشان هتخسري حاجه من الاتنين وانا مش زعلان منك عشان مامتك فهمتني كل حاجه وربنا يوفقك يبنتي
سمر بدموع : شكرا ليك يبابا انا فعلا ارتحت نفسيا أما اتكلمت معاك ربنا يخليكي ليا يارب
مروان : اي ده اي ده مزعل البت ليه يا حج
محمود : و هو اللي يشوفك ميزعلش
سمر : شكلك وحش اوي يسطا امشي بقي
مروان : شكرا ع قصف الجبهه ده يباشا و انت انا غلطان اني بدافع عنك انا رايح شغلي بقي عشان لو قعدت تاني هروح الشغل من غير كرامتي
سمر : طب انا نازله انا كمان
محمود : ماشي ربنا معاكم سلام
مروان : سلام
ذهب كل واحد الي مكان عمله
السكرتيره : ازيك يا دكتوره سمر حمد ع سلامه مامتك
سمر : الله يسلمك يقلبي انت عامله ايه
السكرتيره : بخير الحمدلله اليومين اللي فاتوا ف ناس كتير سالت عليكي
سمر : طيب انا هدخل اظبط شويه حاجات ف المكتب و دخلي بقي الناس
السكرتيره : فهد عوض اتفضل
سمر : اتفضل اسم حضرتك
فهد: اسمي فهد عوض
سمر : كام سنه
فهد : ٢٥ سنه
سمر : طب ممكن حضرتك يطنط تتطلعي برا و تسبيني انا و فهد
والده فهد : اه طبعا تحت امرك
سمر : تعالي يفهد معايا بص نايم ع الشازلونج ده و هظبطلك النومه و النومه اللي ترتاح فيها قولي دي تمام كده
فهد : ماشي
سمر : دي حلوه
فهد : لا
سمر : ودي
فهد : اه دي تمام
سمر : تمام انا هقفل الانوار و هحط نور هادي وانت اتكلم وانا سامعاك و اول ماتحس انك هتروح ف النوم قوم ع طول تمام
فهد : تمام
فهد : انا بحب واحده من واحنا صغيرين خالص و سايبتني عشان بتحب صاحبي و هي كانت أقرب حد ليا و الوحيده اللي كنت بتكلم معاها بثقه و مش عارف انا عملت ايه عشان تسيبني انا مكنتش بتسلي بيها والله انا من بعدها مش عارف اعيش من غيرها و مش عارف اثق في حد و ف وفاة بابا ملاقتهاش جمبي معني انا ع طول معاها حتي لو بموت كده ببقي معاها رغم أن مشاكلها تافهه اساسا و متجيش حاجه ف اللي جوايا
فهد يستيقظ و الدموع ع وجهه
سمر : اهدي اهدي انت كويس مفيش حاجه كمل
فهد : مش عارف اعمل ايه
سمر : لو رجعتلك هتوافق
فهد : لا
سمر : امال مزعل نفسك ليه
فهد : عشان اتصدمت فيها
سمر : طيب انت جاوبت ع نفسك انك ف صدمه نفسيه
فهد : و الحل
سمر : الحل ف ايدك
فهد : ازاي
سمر : انك تنساها
فهد : صعب
سمر : لا مش صعب
فهد : انت هتمسح اي حاجه تفكرك بيها و اي حاجه تفكرك بيها ابعد عنها و اعزل نفسك عن السوشيال ميديا فتره عشان كل شويه هتفتح الشات بتاعها و اخرجي لوحدك و اعمل كل حاجه انت بتحبها عيش عشان نفسك
فهد : انا ف واحده صاحبتي بتحبني فكرت اكلمها و ارتبط بيها
سمر : اكبر غلط يفهد انت كده هتظلمها عشان انت لسه متعلق بالتانيه الحل انك تخرج من الصدمه دي الاول عشان تقدر تقف ع رجلك تاني و بعد كده فكر إذا كانت تنفعك ولا لا
فهد : طيب انا هعمل كده انا فعلا ارتحت أما اتكلمت
سمر : خد فترتك ف البعد عن حياتك التقليديه و تعالي بعد كده نشوف النتيجه مش هحددلك وقت معين الاستشاره مفتوحه
فهد : شكرا يا دكتوره
سمر :الشكر لله
_______________________
السكرتيره : اتفضل حضرتك ادخل
المريض : تمام
سمر : هو انت ؟.......
_________________
بقلم : امل طارق
اسفه ع التاخير كان عندي شويه مشاكل 💙
