Part 31
تشرق الشمس لبدايه يوم جديد
سمر تستيقظ و تحدث مروان ف الهاتف
مروان : كل ده نوم
سمر : هتبصلي ف نومي كمان
مروان : لا يستي بس قومي خلصي يلا عشان ورايا شغل
سمر : خلاص قايمه اهو
مروان : قولتي لبابا
سمر : اه كان عايز يروحلكم بالليل هو ممكن يجي معايا اصلا
مروان : طب كويس خلاص انهارده اخر يوم ربنا يطمنا عليها
سمر :يارب يحبيبي هقوم البس بسرعه بقي و اجيلك
ذهبت سمر الي غرفة والدها
سمر : بابا قوم الساعه ٩ يلا
محمود : طب انا هقوم البس عشان اروح لهدي و اروح الشغل
سمر : طب يلا انا هروح البس انا كمان
محمود : خلاص ماشي
ذهبت سمر الي غرفتها و ترتدي فستان باللون الاسود و طرحه صفراء اللون و حذاء ابيض في اصفر و حقيبه سوداء
سمر : انا خلصت يبابا
محمود : وانا كمان تعالي الاول نفطر حاجه تحت بسرعه و ناخد اكل لمروان و نطلع ع المستشفي
سمر : فكره حلوه طب يلا
_________________________
كارما : الو يمروان انا ساعه و هبقي عندك
مروان : هو انت معندكيش وسط يحبيبي يا الصبح بدري يا بالليل متأخر وقت العصر ده مزعلك ف حاجه
كارما : مش كفايه اني وافقت مجيش بالليل
مروان : لا طبعا تشكري طب انت فين عشان ساعتين بالكتير ورايح الشغل و سمر هتيجي تقعد
كارما : ف الطريق خلاص انا هقعد مع سمر
مروان : لا عشان بتروح ع الساعه ٩ و بخلي عمر يوصلها
كارما : اي المشكله عمر يوصلني انا كمان
مروان : انا هعتبر نفسي مسمعتكيش
كارما : بتحبني اوي ماشاء الله
مروان : لا مبحبكيش مين انت عشان مش واخد بالي
كارما : نعم يحبيبي بتقول حاجه
مروان : لا يقلبي بشكر فيكي
كارما : بحسب
مروان : طب انا هقفل بقي عشان بابا و مروان جم
كارما : خلاص تمام أما اوصل هكلمك
مروان :توصلي بالسلامه سلام
كارما : الله يسلمك يقلبي سلام
___________________
محمود : خد الفطار ده و روح خد دش كده و غير هدومك و روح الشغل وانا قاعد معاها انا و سمر
سمر : اي ده انت مش قولت هتروح الشغل
محمود : لا خدت اجازه انا كنت بقولك كده عشان استعجلك
مروان : مش هينفع يبابا عشان كارما جايه ف الطريق هقابلها و اروح اغير و اطلع ع الشغل
سمر : كارما قولتلي
مروان : اه كارما عندك مانع و بقولك لو قالتلك هقعد معاكي وكده قوللها لا
سمر : اكيد مش هقولها لا
مروان : اتصرفي المهم تقعد شويه و تروح
سمر : حاضر
مروان : انا هروح لدكتور اشوفه هيقول ايه وانت ادخلي اقعدي معاهم
سمر : طيب و طمنا
مروان : حاضر
__________________
مروان : انا مروان طبع حاله المدام هدي هي حالتها اي دلوقتي يا دكتور
الدكتور :لا الحمدلله ف تحسن كتير ممكن تروح ع انهارده بالليل كمان بس نخلص شويه حاجات كده و تروح بالسلامه معاكوا و هكتبلها ع علاج تاخده بانتظام بردو
مروان : طب الحمدلله شكرا يادكتور
ذهب مروان الي غرفه هدي
مروان : انا عندي ليكوا خبر وحش
سمر: ف اي
محمود : خير
هدي : استر يارب
مروان : الدكتور قال ماما هتقعد اسبوع ف المستشفي
هدي : ايه لا انا هروح مليش دعوه انا مبحبش المستشفيات وانتو عارفين
سمر : انت متخلف بتقول قدامها قالك ايه الدكتور
محمود : اهدي بس نفهم ف ايه
مروان :يجماعه بهزر الدكتور قال ماما هتخرج انهارده بالليل إن شاء الله
هدي : بجد طب الحمدلله
محمود : الحمدلله
سمر : اخيرا الحمدلله
___________________________
يوجد فوق ال١٠٠ مكالمه من سليم لسمر
سمر تغادر غرفه والدتها
سمر : الو
سليم : مبترديش ليه
سمر : عشان مبقاش ينفع يا سليم
سليم : هو اي اللي مبقاش ينفع
سمر : أننا نتكلم
سليم : ليه هو عمر قالك ايه
سمر : مقاليش حاجه
سليم : هو ده اللي احنا هنكمل مع بعض و مش هنسيب بعض و نستحمل للاخر سوا بعتيني من اول مطب كده
سمر :انا مبعتكش بس مفيش حاجه بينا رسمي عشان اكلمك عشانها
سليم : انا اسف ليكي سلام يا سمر بس افتكري اني بحبك
ومستعد اعمل اي حاجه عشانك
سمر : أما تتقدم يحلها ربنا
كان ف شخص آخر يسمع المكالمه ....
________________________
بقلم : امل طارق
