Part 20
ذهب مروان الي منزله ينتظر سليم و سمر مليئه بالخوف و القلق و محمود و هدي لا احد منهما يعرف شيء
وصل سليم و يرن الجرس
مروان : اتفضل
سليم ذهب و بيديه ورد و ذهب الي عائله سمر
سليم : قبل اي شيء حابب اعتذر ليكو واحد واحد و اتمني تسمعوني و تقدروني
مروان : اتفضل اتكلم
سليم : أولا اسف ثانيا انا هحكي بدايه الموضوع كله انا بحب سمر جدا وكان نفسي اكلمها و اعرف هي بتحبني ولا لا عشان مكنتش حابب اجي و تكون هي مبتحبنيش و اترفض و ساعتها مكنتش هعرف اتعامل معاها تاني ولا اشوفها و مكنتش حابب ده يحصل يمكن مروان شاف اني استخدمت العنف شويه معاها بس والله انا عمري ما كنت هاذيها عشان بجد انا كنت بخاف عليها و بعتبرها اختي و الفتره اللي ده حصل فيها كنت انا في فتره صعبه و تعبان يمكن مروان بردو لاحظ ده و زين جه كلمك عشان هو بيحب سمر و عايز يكبر ف نظرك لما شاف اللي حصل مني بس والله انا ما كنت هعمل حاجه انا كنت بحبها و كنت محتاج المساعده منها و انا جيت اعتذر تاني ليكو اسف يعمو محمود و اسف يطنط هدي و اسف يسمر و اسف يمروان معني عارف انك مش هتقبل اسفي انا خلصت كلامي
مروان : طب لما انت عارف جيت ليه
سليم : عشان ابقي عملت اللي عليا و قولت اللي كان لازم يتقال
مروان : وأنك تقول ع زين صاحبك كده عشان اخرج نفسك من الموضوع ده صح
سمر : لا سليم مبيكدبش يمروان انا فعلا كنت باخد بالي اني زين بيبصلي نظرات كده مش طبيعيه
مروان : لا والله و جايه تقولي دلوقتي يعني و ليه مقولتيش ساعت الموضوع
سمر بتوتر : لا عشان ده لاحظتو و مردتش اظن في ظن وحش بس طلما صاحبه قال كده يبقي انا احساسي كان صح
مروان : بص يا سليم نهايه الموضوع انا مش هنسي اللي عملتو اينعم ماشي رجعت تكبر ف نظري انك جيت و اتاسفت و مش هنسي انك كنت بتنيم اختي معيطه و تنام و تصحي ع خوف منك انا مش هقدر انسي ده انت لو اخر واحد ف الدنيا انا مش هجوزك اختي و انا خلصت كلامي
محمود : انا لسه سامع الموضوع دلوقتي كله من اوله و مستنيكم تخلصو عشان اتكلم
سليم : اتفضل يعمو طبعا
محمود : اولا سليم انت غلطان عشان مكنش ينفع اللي عملتو ده من الأول بس انا مقدر انك كنت بتحب بنتي و عندك حق ف اللي قولتلو كله بس الموضوع ده بدايته غلط فنهايتو اكيد مش هتبقي بسهوله و مروان عندك حق ف انك تتدافع عن اختك و تجيب حقها بس بالعقل مش بالعصبيه قدر انه جايلك بيتك و بيعتذرلك انت متعرفش ظروفه كانت ايه
سليم : انا اسف تاني ليكو و لمروان
مروان : ماشي انا معاك اني مقدر ده بس مش هعرف اثق في تاني
هدي : افتحو صفحه جديده مع بعض متنسوش انكو متربين سوا و كلتو عيش و ملح مع بعض و بينكم عشره انا قبلت اسفك بس عشان انت جيت لحد عندنا لكن لو مكنتش جيت كان هيبقي فيها كلام تاني
سليم : انا موافق والله ووعد انا مش هعمل حاجه تاني
سمر : وانا موافقه
مروان : وانا موافق بس الصفح القديم مش هتتقفل
سليم : اعمل اللي يريحك يمروان عن اذنكو
غادر سليم منزلهم
مروان : انا داخل انام سلام
محمود : انت ليه يسمر مقولتلناش ع الموضوع ده
سمر: عشان مكنتش عايزه اشغلكو و كان معايا مروان
محمود : انت بتحبي سليم ؟
سمر بتوتر : ايه اكيد لا يعني
محمود : طيب يبنتي انا داخل انام
هدي : انا كمان داخله انام
ذهبت سمر لغرفه مروان
مروان : نعم
سمر : مالك
مروان : بدافعي عنه ليه
سمر : انا مدفعتش عنه انا اتكلمت ف نقطه معينه و اللي هي كانت موضوع زين و لو انت مش مصدق ممكن تسال و تعرف
مروان : طيب بس لو مطلعش كلامه صح هروح اتخانق معاه
سمر : تمام بس اتأكد الأول
مروان : تمام
غادرت سمر غرفه مروان و ذهبت إلي غرفتها
________________________
مروان يتحدث صديقه عمر في الهاتف
عمر : ايه اللي حصل
مروان : قص عليه ما حدث
عمر : طب ما ممكن يكون عنده حق فعلا
مروان : بس زين ليه هيعمل كده و ليه ميكونش بيعمل كده عشان يخرج نفسه م الموضوع
عمر : مش عارف بصراحه بس انت ناوي تتاكد ازاي
مروان : مش عارف والله بكره ربنا يحلها
عمر : تمام نبقي نتقابل بكره نفكر سوا
مروان : خلاص ماشي هبقي اكلمك
عمر : تمام ماشي
مروان : يلا سلام
عمر : سلام
______________________
و من ناحيه اخري سمر تتحدث صديقتها ليلي
سمر : سليم لسه ماشي من شويه
ليلي : وحصل ايه
سمر :قصت عليها ما حدث
ليلي : انا حاسه فعلا اني سليم مظلوم
سمر : مش حكايه كده الفكره انه صعبان عليا جدا و باجي قدامه بكون مش عارفه اساعده مش عارفه في ايه بجد بس انا نفسي اساعده
ليلي : طب و شهاب
سمر : ههههههههه لا ده ف القلب
ليلي : صحيح معملتيش الصور ليا
سمر : ياااربي نسيت ادهالو بكره هدهالو و هو صاحبه بيطلعها علي طول
ليلي : طب تمام ناميو متفكريش في حاجه وربنا هيحلها ان شاء الله
سمر : يارب ان شاء الله
ليلي : يلا ادخلي نامي وانا كمان هدخل انام
سمر : طيب تصبحي ع خير
ليلي : وانتي من اهله
أغلقت سمر مع ليلي
____________
بقلم : امل طارق 💙
