Part 22
زين : انا بحب اختك
مروان : اه انتو بتسلموها لبعض يعنيي
زين : لا والله انا بحبها بجد سليم هو اللي كان عايز يكلمها وخلاص مكنش بيحبها
مروان : طب بص ياض منك لي و قول الكلام ده لسليم كمان انتو لو اخر رجاله ف العالم مش هجوز اختي ليكوو تمام و الموضوع خلص
زين : ليه طيب انا معملتش حاجه انا كنت هاجي اتقدم
مروان : واحنا كنا هنرفضك اتعلمو ابقو رجاله الاول و بعدين تعالو اتقدموا
زين : طب ليه الغلط يعني
مروان : هو انت كنت فاكر نفسك راجل ولا ايه
زين : آه راجل غصب عن اي حد
مروان : طب ماتوريني رجولتك دي
زين : لا انا عامل حساب لصحوبتنا و مش هعمل حاجه
مروان : لا اسف انا خاطب مبصحبش بنات سلام
غادر مروان و ذهب الي صديقه عمر
عمر : ايه يباشا عملت ايه
مروان : والله كان فاضل شويه و كنت هقوم اضربه غلطان و بيبجح
عمر: يعني طلع كلام سليم صح
مروان : اه
عمر : وانت هتعمل ايه
مروان : مش عارف بس الموضوع خلص اصلا
عمر : قصدي لو اتقدم لاختك هتوافق
مروان : لا
عمر : بصراحه سليم صعب عليا اوي
مروان : لا والله و انت مشوفتش اختي و هي خايفه و كانت بتعيط بسببه ده كله عادي صح
عمر : ماشي بس جه و صلح غلطه
مروان : وانا مش هقدر انسي اللي حصل مع اختي
عمر: خلاص حصل خير
مروان : أقفل الموضوع
عمر : بقولك عايز اتكلم معاك ف موضوع
مروان : اتكلم
عمر : بصراحه انا معجب بليلي صاحبه أختك م ساعت ماشوفتها و انا مش بنسي شكلها
مروان : ده بجد
عمر : اه والله بس مردتش اتكلم ف الموضوع عشان كنا مشغولين بحوار سليم و زين
مروان : بس اللي اعرفه انها مش مخطوبه ولا اعتقد مش مرتبطه بس هسالك سمر بس هتروح تتقدم ع طول مفيش ارتباط ولا الكلام ده مهما كان دي صاحبه اختي بردو ولازم اخاف عليها زي سمر و دي صاحبتها الانتيم
عمر : دا ع اساس انك اول مره تعرفني مثلا
مروان : لا مش حكايه كده قصدي تكون قد الخطوه دي
عمر : قدها عيب عليك
مروان : خلاص اشطا هبقي اكلم سمر
عمر : ماشي متنساش ترد عليا
مروان : حاضر انا همشي بقي عشان اروح انام
عمر : خلاص ماشي
_____________________
غادر مروان منزل عمر و ذهب الي منزله
سمر في غرفتها تتحدث صديقتها ليلي
ليلي: يعني انت بتحبي سليم ولا شهاب
سمر : انا سليم صعبان عليا و بدأت اصدقه ف كل كلامه و اللي هياكدلي ده اكتر مروان اما يجي م عند زين
ليلي : يعني اعتبر انك بداتي تحبي سليم
سمر : مش عارفه
ليلي : بس متنسيش ان اخوكي مش هيوافق عليه
سمر : دي المشكله
ليلي : سيبها ع ربنا و ان شاء الله هتتحل
ذهب مروان الي غرفه سمر
مروان : بتكلمي مين
سمر : دي ليلي
مروان : طب ممكن تقفلي معاها عايزك ف موضوع
سمر : طب هكلمك تاني يا ليلي
ليلي : خلاص ماشي سلام
سمر : سلام
سمر: موضوع ايه
مروان : أولا سليم طلع كلامه صح ثانيا بقي الموضوع اللي داخل اتكلم في ان عمر صاحبي بيحب ليلي صاحبتك و عايز يتقدملها بس عايز يعرف هي مرتبطه ولا لا
سمر : بجد الله هتبقي علاقه حلوهه اوي لا هي مش مرتبطه
مروان : طب تمام هبقي اكلمه و هخلي يروحلها
سمر : الله بجد انا فرحتلهم اوي
مروان : اه وانا جدا والله
سمر : يارب يكملهم ع خير
مروان : يارب طب انا هدخل انام بقي
سمر: طيب
غادر مروان غرفه سمر و ذهب غرفته و سمر تتحدث ليلي بما قال لها مروان
ليلي : بجد
سمر : اه والله
ليلي : متاكده صاحبه العسول ده اللي جه معاه يوم عيد ميلادي
سمر : ايوه هو
ليلي : الله ده عسل خالص
سمر : يلا يستي افرحي بقي
ليلي : طب تفتكري اهلي هيوافقو عليه
سمر : اه طبعا عمر ده راجل و جدع جدا و مهندس كمبيوتر و مفهوش حاجه يترفض عليها
ليلي : يااارب يوافقو عليه
سمر : يارب انا فرحانه اوي والله
ليلي : واناااا جدااا انا حاسه اني اتهبلت
سمر : لا ده العادي يقلبي
ليلي : حبيبتي
أغلقت سمر مع ليلي
_____________________
و من ناحيه اخري مروان يتحدث صديقه عمر علي الواتساب
عمر : ها قالتلك ايه
مروان : قص عليه ما حدث
عمر : طب هنروحلها امتي ولا هنعمل ايه
مروان : متقلقش اول حاجه هخلي سمر تكلم ليلي تاخد معاد من باباها و نروحلها يباشا
عمر : طب تمام شكرا جدا يمروان بجد
مروان : يباشا مفيش بينا شكر و خلينا نفرح بيك بقي و اشوفك بتكلمها و اقعد اتريق عليك زي ما كنت بتعمل معايا
عمر : لا يباشا مفيش منه الكلام ده
مروان: اما نشوف اقفل بقي هكلم كارما
عمر : ماشي يعم انا هنام
مروان : اشطا سلام
اتصل مروان بكارما
كارما : فينك كل دهه
مروان : والله كنت مضغوط جامد ف الشغل و مشاكل كتير وكده
كارما : طب خير ان شاء الله انت عامل ايه
مروان : تمام طمنيني عليكي انت عامله ايه
كارما :بخير الحمدلله
مروان : انا مقدم ع شقه ادعيلي بقي
كارما : يااارب يحبيبي تاخدها عشان نتجوز بقي
مروان : ان شاء الله يقلبي قريب
كارما : يارب طب هكلمك تاني عشان هروح اعمل شاي لبابا
مروان : طب ماتعملولي معاكو
كارما : لا مش هعملك
مروان : هي باقت كده يعني
كارما: اه مزاجي كده
مروان : مسيرنا نتجوز و هخليكي كل شويه تعمليلي شاي و قهوه
كارما : مش هعملك بردو
مروان : هنشوف
كارما : هنشوف يلا سلام
مروان : سلام
_________________
بقلم: امل طارق💛
