Part 11
ذهبت سمر الي ليلي
سمر : كل سنه وانت طيبه يقلبي
ليلي : يرووحي و انت طيبه
سمر : خدي هديتك تعبت من التفكير ف هديه و دي فكره مروان
ليلي : خلاص هعتبر ان مروان هو اللي جايبها مش انتي
سمر : نعم يعني وانا اللي تعبت ف اللف عليها هو مجرد جاب الفكره بس وداني عند صاحبه بتاع الاستوديو اسمه شهاب بس عسل خالص
ليلي : افهم من كده انك معجبه بي
سمر : يعني حاجه زي كده
ليلي : اممم طب ماتقولي لمروان يظبطك معاه
سمر : عشان يقتلني فيها دي دا انت بهزر معاه عادي امبارح كان هيتعصب
ليلي : بصراحه اخوكي بيغير جدا عليكي
سمر : اه طب يلا نقوم نرقص و نغني مش انهارده القمر بتاعي كبر سنه
ليلي : مبحبش أحتفل بعيد ميلادي غير معاكي انت و ماما و بابا بس
سمر : طب يلا اشغلك ايه
ليلي : مش عارفه شغلي مهرجانات يبنتي عايزين نرقص اعياد ميلاد ايه بس
سمر : خلاص الاغاني بتاعت الأعياد الميلاد نختم بيها بقي
ليلي : اشطا يلا
ليلي و سمر يرقصون و فرحانين جدا
_______________________
مروان يتحدث مع والدته في الهاتف
مروان : الو يا ماما
هدي : ايه يحبيبي
مروان : طمنيني بابا عمل ايه
هدي : كتبله علي علاج وطلب تحاليل و اشعه
مروان : طب و هيعملها امتي
هدي : بكره
مروان : تمام خير ان شاء الله
هدي : انت فين
مروان : عند عمر و شويه و هعدي علي سمر
هدي : طب متتاخروش
مروان : حاضر
اغلق مروان مع والدته
عمر : ها ناوي تعمل ايه
مروان : مش عارف والله انا خليتها تنقل الصور و الفيديوهات وكده
عمر : تمام بس انت هتستني اما يعمل حاجه تاني في اختك
مروان : وانت عايزني اعمل ايه
عمر : تروح تتكلم معاه
مروان : هي ايه الدليل انه هو اروح اتكلم معاه من غير دليل صح
عمر : زين الدليل
مروان : مش هينفع ادخل زين في الموضوع يعني هو قدرني و جه قالي
عمر : وانت ايه عرفك ان دي متكونش لعبه منهم هما الاتنين
مروان : لا معتقدش اصل ليه هيعملو كده
عمر : بس انا من بعد اللي شوفته من ساعت الاكونتات وانا اصدق إي حاجه عادي
مروان : بس افرض مطلعش ان هما متفقين ابقي وقعت بينهم صح
عمر : مش عارف ما هو مفيش حل تاني
مروان : نستني
عمر : ماشي اما نشوف
مروان : المهم بقي اسكت عشان هكلم خطيبتي
عمر : ماشي والعاناا معاك انا هقوم اعملنا قهوه عمال ماتخلص
مروان : الو يا كارما
كارما: عامل ايه خلصت شغلك
مروان : طب قوليلي وحشتني اي حاجه حلوه طب
كارما : كنت هقولك علي فكره بس انت اللي مستعجل
مروان : طب يلا قولي
كارما : رد على سؤالي الأول
مروان : أه بس عند عمر و بعد كده هعدي اخد سمر من عند صاحبتها و هروح
كارما : ماشي متتاخرش
مروان : حاضر
كارما : وحشتني و عايزه اشوفك بكره جدا ازاي معرفش بس محتاجه اشوفك عايزه اتكلم معاك
مروان : اي ده مالك في ايه وانت كمان جدا وحشتيني والله
كارما : المهم عايزه اشوفك وخلاص أتصرف
مروان : خلاص حاضر هكلم عمو ابوكي هطلب منه نروح بكره الكافيه
كارما : ياريت يعني
مروان : حاضر يستي عايزه حاجه تاني
كارما : لا كفايه انك معايا مش عايزه حاجه تاني
مروان : بحبك طب
عمر : احم انا جيت
مروان : هكلمك اما اروح عشان عمر سي يتبسط
كارما : ههههههههههههه سلملي عليه
مروان : نعم بتقولي حاجه
كارما : لا بهزر
مروان : اه بحسب
كارما : لا متحسبش كلمني اما تروح
مروان : عنيا سلاام
مروان : شكرا لفصلانك الجميل جدا مسيرك ترتبط و هعمل فيك كده
عمر : متقدرش يعم
مروان : هنشوف
وصلت رساله تفصل حديثهم
مروان فتح هاتفه
تسجيل صوتي من زين( سليم مشي ورا سمر بليل و بعد كده رجع تاني الشغل سالته كنت فين قالي كنت ماشي ورا سمر و رجع خد موبايله تقريبا هيبعتلها رساله و مشي الحق اختك بقي )
مروان : انا لازم اروح لسمر حالا
عمر : استني هاجي معاك طيب
مروان: بسرعه
________________________
ذهب مروان و عمر الي منزل ليلي
مروان: ازيك يا ليلي عامله ايه
ليلي : تمام
سمر: مين يا ليلي
ليلي: ده اخوكي يسمر
سمر : انت متصلتش ليه
مروان : هفهمك تحت يلا مش كفايه كده ولا ايه
سمر : طب هلم حاجتي وجايه
مروان : كل سنه وانت طيبه يا ليلي
ليلي : وانت طيب
مروان : الهديه دي فكرتي ها
ليلي : اه سمر قالتلي و عاجبتني جدا
مروان : مبروك عليكي
ليلي : الله يبارك فيك
مروان : خشي شوفي سمر كل ده بتعمل ايه قوللها تخلص
ليلي : حاضر
ليلي: يا سمر انت بتعملي ايه كل ده
سمر : كنت بعدل الطرحه و بلم حاجتي
ليلي : طب يلا عشان اخوكي مستعجل
سمر : خلصت
ليلي : هو مين المز اللي مع اخوكي ده
سمر : ده عمر صاحبه الانتيم سنجل ها
ليلي : طب اشطا ظبطيني معاه
سمر : حاضر عنيا
مروان بعصبيه : سمر
سمر : انا جيت اهو
مروان : يلا
سمر : مقولتليش انك جاي قبلها ليه
مروان : واقف تحت بيت ليلي و بيبص حوالين البيت
سمر : انت وقفت ليه
مروان : بتعرفي تسكتي شويه اما نروح هفهمك ع كل حاجه
سمر : حاضر
عمر لمح شعر سليم
عمر : مروان امسك اعصابك سليم هناك ورا العربيه السوده متبصش مره واحده عشان مياخدش باله
مروان : طب هنعمل ايه يلا نروح
عمر : تمام يلا
سمر : طب علي فكره ما انا عارفه انه كان ماشي ورايا وانا رايحه
مروان : نعم يا روح امك يعني ايه كنتي عارفه و مكلمتنيش ليه
سمر : عشان مش فارق معايا عادي
مروان : تمام حسابنا في البيت اتفضلي
عمر : انا هروح عن اذنكو
مروان : شكرا يا عمر تعبتك معايا معلش
عمر : ايه يعم ده واحنا من امتي بينا شكر احنا عشره 19 سنه يعني سمر زي اختي بظبط
سمر : شكرا جدا بجد يا عمر مروان كان بيحكيلي عنك ووقفتك معاه عشاني
عمر : لا عادي ده المفروض يحصل المهم خلي بالك من نفسك عن اذنكو
مروان : سلام
سمر : وانت هتفضل ساكت كده يعني
مروان : متتكلميش معايا هاتي الورقه اللي فيها العلاج
سمر : خود أهي
مروان ذهب اللي الصيدليه
____________________
بقلم : امل طارق
